‑Dhɛkpaɔ 3:14 - NAƆ ‑SË 'SËËDHƐ

¹⁴ 'Yö‑ pö: «‑Bhö 'sëëdhɛ bha‑ 'bha kë kö 'i‑ bɔ 'mɛ 'ö zun sië Atanna ‑bha 'kɔdhigümɛ ‑nu 'wo Dhaodise ‑a ‑nu ‑dhɛ "dhiʋ̈ bha‑ ‑dhɛ. ‑A pö‑ ‑dhɛ 'mɛ 'ö Atanna "sɛɛ‑ 'ka, 'ö tɛanwɔn ꞊në‑ pö, "kɛɛ 'ö 'yaa ‑wʋ ꞊plɛ pö, 'ö yö ꞊në pë "pɛpɛ 'ö Atanna ‑ya ‑da ‑a ꞊gban kpu ‑sü ‑bha ‑kpu 'ka, 'ö 'wo yö ꞊në ‑dhɛ ‑yö kë "dhʋ̈ bha ‑ya ‑pö:

‑Dhɛkpaɔ 3:14 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 1:3

Pë ‑nu 'ö Atanna ‑ya ‑kë, ‑ya ‑nu ‑kë yö ꞊në‑ ‑kɔ 'ka. Pë "pɛpɛ 'ö‑ ‑kë, ‑a 'bha 'yii kë "wɛɛwɛɛ kö ‑a Gbö 'kö bha 'yaa ‑mü.

Naɔ ‑së 'ö ‑gban Yesu Klisi ‑bha 'ö Zan ‑ya pö 8:14

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «'Kö 'zü 'ö ‑kë ꞊dhɛ a "sɛɛdhɛ ‑kë n ‑dɩ ‑bha oo, 'mii‑ kë n ‑dɩ ‑bha oo, a‑ 'wɔn ‑dɔ ꞊dhɛ tɛanwɔn ꞊në 'a‑ pö, ‑a ‑gɛn ‑mü ꞊dhɛ ka ꞊në 'kaa n 'godhɛ waa‑ n 'dhodhɛ dɔ, "kɛɛ ma ‑zë a‑ ‑dɔ.

2 Kodhɛngtö 1:20

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ "plüün "pɛpɛ 'ö Atanna ‑ya bho kwa ‑dhɛ bha yö ꞊në‑ ꞊iin 'ka. ‑A ‑kë kö 'yaa ‑wʋ ꞊plɛ pö ‑sü bha 'yö yii ‑dɩ 'pö 'yi‑ "sɛɛdhɛ ‑kë mɛ ꞊gban "pɛpɛ ‑dhɛ kë "dhʋ̈ kö‑ 'tɔ ‑yö bhɔ.

Kodhɔsö 1:15

Atanna ‑zë mɛ 'bha "yan 'yaa ‑kpan ‑bha. 'Kwa‑ dɔ 'mɛ 'ö‑ "piʋ̈ yö ‑mü ‑a Gbö 'ö‑ ‑bhɔ ‑bha 'ka bha ꞊në‑ 'ka. ‑A Gbö bha ꞊në pë "pɛpɛ 'ö Atanna ‑ya ‑da ‑a ꞊gban ‑gɔmɛ 'ka.

Kodhɔsö 1:18

Atanna ‑bha 'kɔdhigümɛ ‑nu ꞊gban "pɛpɛ ‑lookota ‑sü ‑kë ꞊dhɛ mɛ ‑dhü do ꞊në‑ 'dhö, Yesu bha ꞊në‑ ‑nu ‑gɔ 'ka, yö 'ö bha ꞊në ‑tosɛa ‑dee 'ö 'yaa yën bha‑ zübhodhɛ 'ka, yöö do bha ꞊në mɛ "pɛpɛ 'wo ‑bhɔ ga ‑sü 'ka 'yi bha‑ 'ka 'ö nu 'ö zun‑ 'ka ꞊dɛɛ ‑bha bha‑ mɛ ‑blɛɛsü 'ö ꞊ya ‑bö ‑a 'ka, kë "dhʋ̈ kö yö ꞊në ‑yö kë pë ꞊gban "pɛpɛ ‑gɔ 'ka.

Kodhɔsö 2:1

'Pë 'ö‑ ‑wɔn 'gü 'yö 'a‑ pö "dhʋ̈ bha‑ yö ‑mü ꞊dhɛ ‑yö n "piʋ̈ ꞊dhɛ 'mɛ 'wii "yan ‑kpan n wëëdhɛ ‑bha do ꞊dhɛ Kodhɔsö ‑mɛ ‑nu ka 'dhö, "ɛɛn ꞊dhɛ Dhaodise ‑mɛ ‑nu 'dhö bha, 'ka‑ 'wɔn dɔ ꞊dhɛ yë 'a‑ kë sië ka ‑wɔn 'gü bha ‑yö ꞊dhɛ ‑gblü ꞊në 'dhö n ‑bha.

Kodhɔsö 4:16

꞊Ya kë ꞊dhɛ 'sëëdhɛ ya 'ka‑ ꞊slɔɔ, 'ka ka bo‑ ‑wʋ pö ‑sü 'ka, ‑kaa bɔ Atanna ‑bha 'kɔdhigümɛ ‑nu 'wo Dhaodise ‑nu ‑dhɛ 'pö kö ‑wa ‑wʋ pö, kö‑ 'dhɛ 'a‑ bɔ‑ ‑nu ‑dhɛ 'pö 'ö dho 'go mü 'ö nu ka ‑dhɛ bha 'ka‑ ‑wʋ pö 'pö.

‑Dhɛkpaɔ 1:11

Kö ‑wʋ bha ‑ya pö sië n ‑dhɛ ꞊dhɛ: «'Pë i "yan yöö ‑da ‑dhɛ 'gü bha‑ ‑bɛn zë 'sëëdhɛ do 'gü kö 'i‑ bɔ Atanna ‑bha 'kɔdhigümɛ ‑nu 'wo bɔ‑ 'ka 'wo Efɛzö oo, Simiidhö oo, Pɛɛgamö oo, Tiatii oo, Saadö ‑dhɛ waa‑ 'mɛ 'dhɛ 'wo Fidhadɛfi ‑dhɛ waa‑ Dhaodise ‑dhɛ ‑nu 'gü bha‑ ‑nu ‑dhɛ.»

‑Dhɛkpaɔ 19:11

꞊Dhɛ 'ö ꞊ya kë "dhʋ̈, 'yö 'a dhang‑ yö kö‑ "dhi ꞊ya "pʋ. 'Yö 'a dho 'a ꞊soo "puu do yö kö mɛ ‑ya ‑ta. 'Mɛ 'ö gun ꞊soo bha‑ ‑ta bha ‑wa ‑dhɛ ‑towʋtamɛ, 'ö 'wo‑ ‑dhɛ 'zü tɛanwɔn pömɛ. ꞊Yaa‑ pö 'ö za dɔ mɛ ‑bha ‑ya ‑dɔ tɛanwɔn ‑ta, ꞊yaa‑ pö 'ö 'ko zë, ‑ya ‑zë tɛanwɔn 'gü.

‑Dhɛkpaɔ 2:1

꞊Dhɛ 'ö 'mɛ bha ꞊ya 'wɔn ‑nu bha‑ ‑nu 'klɔɔ‑ pö n ‑dhɛ "dhʋ̈, 'yö‑ pö: «‑Bhö 'sëëdhɛ ‑bɛn zë kö 'i‑ bɔ Atanna ‑bha yëkëmɛ 'ö‑ ‑bha 'kɔdhigümɛ ‑nu 'wo Efɛzö ‑a ‑nu "dhiʋ̈ ‑ziö wo sië bha‑ ‑dhɛ kö 'i‑ pö: 'Mɛ 'ö "susëngga "saɔplɛ 'wo‑ ‑kɔ ‑së 'gü, 'ö "ta sü ‑dhangbha ‑dɔtapë "saɔplɛ 'ö 'pu sië 'wo "sënng 'ka bha ꞊në‑ ꞊zinng 'gü bha ‑ya ‑pö:

‑Dhɛkpaɔ 21:6

'Yö ‑ya mü 'zü 'ö‑ pö: «꞊Ya bo! Ma ꞊në 'wo n ‑dhɛ 'wɔn ꞊gban zübhodhɛ, 'yö 'wo n ‑dhɛ 'wɔn ꞊gban "dhiʋ̈yadhɛ. 'Mɛ 'ö "yi mü ‑dhɔ ꞊yaa‑ 'kun, a ‑dho ‑a ‑mɛ gba ‑tosɛa ‑kë ‑bha "yi 'ö ꞊waa‑ mü 'waa ga 'zü bha‑ 'ka "wɛɛwɛɛ.

‑Dhɛkpaɔ 22:13

Ma ꞊në 'a 'wɔn ꞊gban zübhodhɛ 'ka, 'a 'wɔn ꞊gban "dhiʋ̈yadhɛ 'ka, 'a mɛ ‑blɛɛsü 'ka, 'a mɛ ‑totaamasü 'ka 'zü.

‑Dhɛkpaɔ 22:6

'Yö Atanna ‑bha "kië bha 'ö‑ pö 'zü n ‑dhɛ: «‑Wʋ ‑nu 'i‑ ma bha‑ ꞊gban ‑yö 'dhang ‑bho "dhiʋ̈ ‑pë ꞊në‑ 'ka, ‑a ‑gɛn ‑mü ꞊dhɛ ‑a 'bha 'yaa ꞊sua 'ka. 'Wɔn 'ö‑ ‑wɔn 'gü 'yö kwa Dëmɛ, kwa ‑bha Atanna ‑yö ö ‑bha 'Nii‑ "slʋ̈ʋ̈slʋ̈ ‑ya ö ‑wʋdhiʋ̈loomɛ ‑nu 'gü 'yö 'wo‑ ‑wʋ "dhiʋ̈ ꞊loo‑ 'ka, 'yö ö ‑bha "kië bɔ kö 'wɔn 'ö dho kë ‑dhɛ 'bha ꞊kpaɔ ‑yi 'ka ‑ya ‑ta "pʋ 'ö ‑bha gwëëzë ‑nu ‑dhɛ bha 'yö bha.»

‑Dhɛkpaɔ 3:7

'Yö 'mɛ bha 'ö‑ pö 'zü n ‑dhɛ 'ö‑ pö: «Zan, ‑bhö 'sëëdhɛ bha‑ do 'bha ‑bɛn zë kö 'i‑ bɔ 'mɛ 'ö Atanna ‑bha yëkëmɛ 'ka ‑a ‑bha 'kɔdhigümɛ ‑nu 'wo Fidhadɛfi ‑pö 'gü bha‑ ‑dhɛ kö 'i‑ pö: 'Mɛ 'ö "slʋ̈ʋ̈slʋ̈, 'ö ꞊sɔng 'yaa‑ ‑bha, 'ö ꞊waa‑ pö tɛanwɔn, kö ‑wo ‑wɩ yö ꞊në‑ 'ka, 'ö Davi ‑bha ‑gblüdëdhɛ ‑dhaklɩ 'dhö yö ꞊në‑ ‑gɔ, 'ö ꞊yaa‑ "pʋ 'ö mɛ "wɛɛ 'bha 'yaa ꞊mɔɔ‑ ‑bha kö ‑ya ta, "ɛɛn 'ö ꞊yaa‑ ta, 'ö mɛ "wɛɛ 'bha 'yaa ꞊mɔɔ‑ ‑bha kö ‑ya "pʋ bha ‑ya pö: