‑Dhɛkpaɔ 22:5 - NAƆ ‑SË 'SËËDHƐ

⁵ "Bin 'yii 'dho 'ma 'zü, "ɛɛn ‑a ‑nu ‑bha ‑wɔn 'yii 'dho kë ‑dhangbha ‑bha, "ɛɛn 'yënng‑ ‑zian ‑bha, ‑a ‑gɛn ‑mü ꞊dhɛ ‑a ‑nu Dë Atanna ꞊në dho ‑dhɛ "pʋ‑ ‑nu ‑ta, 'yö 'wo mɛdhɛ ‑kë ‑todhʋ̈ 'ka.

‑Dhɛkpaɔ 22:5 ပူးပေါင်းရင်းမြစ်များ

Matiö 19:28

'Yö Yesu ‑ya pö‑ ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ mang Mɛgbömɛ 'a dho ‑ya ma ‑gblüdëdhɛ ‑gbloo ꞊bhlëësü bha‑ 'gü "kpʋngtaadhɛ ‑dee bha‑ 'gü ‑dhɛkpaɔyi 'ö‑ 'ka, mɛ ‑kaɔng do ga ꞊plɛ 'ka ‑ziö n ꞊keng‑ bha, kaa ‑dɩ 'pö ka ‑dho ‑ya ‑gblüdëdhɛ ‑gbloo ‑nu ‑ta kö 'ka za dɔ Izraɛdhö "sɛgɔ ‑kaɔng do ga ꞊plɛ bha‑ 'gü ‑mɛ ‑nu ‑bha yi 'ö bha ꞊në‑ 'ka.

Matiö 25:34

'Ma bo ‑a ‑nu ‑kan 'koo ‑sü 'ka ꞊dhɛ ‑kɔ bha‑ 'dhö, 'yö 'a‑ pö 'mɛ 'wo dho kë n ‑kɔ ‑së 'gü bha‑ ‑nu ‑dhɛ 'mɛ 'ö n Dë Atanna bha 'dhuë‑ 'dhö ka 'kun ‑sü 'ka bha, ‑ka nu ‑yɛa 'ö n Dë ‑ya ‑pë ‑kë ö ‑bha ‑gblüdëdhɛkëdhɛ 'ka yi 'bha 'ka bha kö 'ka ‑ya 'gü.

Matiö 25:46

꞊Dhɛ 'ö‑ pö‑ ‑nu ‑dhɛ "dhʋ̈ 'yö‑ ‑ta yɔ 'ö‑ pö: «'Mɛ 'wo "dhʋ̈ bha ‑dhɛ 'ö Atanna dho 'wɔn wɔ mɛ ‑ta ‑a 'gü, 'ö‑ "dhiʋ̈ 'to ‑dhɛ 'yii 'dho kë tongtongdhö bha ‑wo ‑dho 'dho yö ꞊në‑ 'gü, 'yö 'mɛ 'ö pö 'aa‑ ‑nu ‑bha bha 'wo dho ꞊sii 'ö 'yaa yën 'ö Atanna "piʋ̈ bha‑ kë ‑dhɛ 'gü.

Wlɔmö 5:17

Mɛ do ꞊në 'wɔn yaa ‑kë 'yö ga ‑kɔ ‑yö ꞊mɔɔ mɛ ꞊gban "pɛpɛ ‑bha, yöö do ‑a ‑bha 'wɔn yaa 'ö‑ ‑kë bha‑ ‑wɔn 'gü "dhʋ̈ tɛan‑ 'ka, "kɛɛ 'wɔn 'dhɛ 'kö ‑kë kwa ‑dhɛ 'pö Yesu Klisi 'saa‑ 'gü bha ‑yö ‑ziö ‑a 'dhɛ 'kö bha‑ ‑ta pongpongdhö. ‑A ‑gɛn ‑mü ꞊dhɛ mɛ "ʋʋ mɛ 'ö ꞊ya 'dhang bho yöö Yesu Klisi bha ꞊në‑ "dhiʋ̈, 'yö Atanna ‑ya ‑mɛ sü ꞊dhɛ 'mɛ 'ö 'bɔn 'bha 'yaa‑ ‑bha 'zü ‑a 'dhö. 'Yö‑ ‑mɛ ‑yö ‑ya ‑a ‑bha ‑gasitɛ bha‑ "yi ꞊bhaa Klisi bha‑ 'saa‑ 'gü, 'yö mɛdhɛ ‑kë ‑a "piʋ̈.

2 Timote 2:12

꞊Ya kë ꞊dhɛ kwa zuë" ꞊ya kë ‑sɛa kö ('kwa saan" Yesu ‑wɔn 'gü) kwɛng‑ ‑nu kwa ‑dho ‑gblüdëdhɛ kë. "Kɛɛ ꞊ya kë ꞊dhɛ 'kwa‑ pö ‑zë wo ꞊dhɛ 'kwaa‑ dɔ, yöö ‑dɩ 'pö ‑yö ‑dho ‑a pö 'yaa kwa dɔ.

‑Dhɛkpaɔ 11:15

'Yö Atanna ‑bha "kië ‑nu bha‑ "saɔplɛ ‑naa ‑yö ö ‑bha "truu ‑piö. 'A dho n "tʋ 'to kö ‑wʋ 'gbɛ ‑yö "wɩ sië dhang‑ 'gü ‑yuudhö 'ö‑ pö: «‑Gblüdëdhɛ ‑kë "kpʋng ꞊taa "sɩ ꞊ya 'to 'mɛ 'ö‑ ‑dhɛ, dɔ ‑kɔ ya‑ 'gü yö ‑mü kwa Dëmɛ Atanna waa‑ ‑bha ‑Yamɛ bha ꞊në‑ ‑nu 'ka, yö ‑zë ‑a ‑bha mɛ ‑dhɛ bha‑ "dhiʋ̈todhɛ 'yii 'dho kë tongtongdhö, ‑yö ‑dho ‑a kë ‑todhʋ̈ 'ka!»

‑Dhɛkpaɔ 18:23

‑Dhangbha 'bhü 'yii 'dho dɔ mü 'zü, "ɛɛn mɛ 'bha 'yii 'dho dhe 'sü ‑wɔn, "ɛɛn gwaan‑ 'kpɔ ‑wɔn ‑dhiang ‑zian zë i 'gü 'zü. ‑A ‑gɛn ‑mü ꞊dhɛ 'tɔmɛ "gblʋ̈gblʋ̈ ꞊në 'wo gun "dhɔɔ dɔ sië i 'gü, 'yö 'i ‑da "kpʋngtaamɛ ꞊gban "pɛpɛ ‑gɔ 'gü i ‑bha "zʋʋdhɛ kë ‑sü 'ka.»

‑Dhɛkpaɔ 20:4

꞊Dhɛ 'ö ꞊ya kë "dhʋ̈, 'yö 'a n "yan ‑kpan ‑blüdëdhɛ ‑gbloo 'gbɛ ꞊dede ‑bha kö mɛ ‑ya ‑ta. 'Mɛ 'wo gun ‑ya ‑sü 'ka‑ ‑ta "dhʋ̈ bha 'yö 'wo za dɔ ‑sü dɔ‑ ‑nu ‑kɔ 'ka. 'Yö go mü 'zü 'yö 'a mɛ "pɛpɛ 'wo‑ ‑nu zë tɛanwɔn 'wo‑ ma Yesu "dhi ‑a pö 'wo‑ wo, 'ö 'wo Atanna ‑wɔn ‑dhiang zë mɛ ‑nu ‑dhɛ ‑a ‑wɔn 'gü bha‑ ‑nu 'nii‑ ‑nu yö. 'Mɛ 'wo "dhʋ̈ bha ꞊në 'wii zun wü bha‑ ‑dhɛ kpiö 'gü kö ‑wa ‑dhɔkë, "ɛɛn kö ‑wa "blɛɛn‑ ‑dhɔkë. 'Yö 'wii‑ ‑nu daɔ dɔ wü bha‑ ‑bha dɔ 'gü ‑a ‑nu ‑kpong "dhiʋ̈ ‑dhɛ ‑nu waa‑ ‑nu ‑kɔ ‑bha ‑dhɛ ‑nu 'gü. 'Mɛ 'wo bha 'yö 'wo go ga 'gü 'wo ‑bö, 'yö waa‑ Klisi ‑nu 'wo ‑gblüdëdhɛ ‑kë ‑kwɛ "gblü do 'ka.

‑Dhɛkpaɔ 20:6

'Mɛ 'wo dho ‑bö ‑kɔ ‑blɛɛsü bha‑ kë bha kö‑ ‑nu ‑bha ‑së ꞊dedewo, ‑a ‑gɛn ‑mü ꞊dhɛ kö wo ꞊në 'wo Atanna dhɔɔbhaamɛ ꞊dede 'ka. 'Mɛ 'wo "dhʋ̈ bha ga ꞊plɛ ‑naa ‑kɔ 'yii 'dho ꞊mɔɔ‑ ‑nu ‑bha. Wo ꞊në 'wo dho kë Atanna waa‑ Klisi ‑a ‑nu ‑bha "saabhomɛ ‑nu 'ka 'ö wɛng‑ ‑nu 'wo ‑gblüdëdhɛ ‑kë ‑kwɛ "gblü do bha‑ 'ka.

‑Dhɛkpaɔ 21:11

Kö Atanna ‑bha mɛ ‑dhɛ 'bhü ‑yö dɔ sië‑ ‑bha ‑plöng ‑plöng ‑plöngdhö ꞊dhɛ ‑gwë ‑wɔn ‑dɔ yaa 'ka ‑sü ‑nu 'wo‑ 'zasipö ‑kë, 'ö mɛ "yan ‑yö ‑ziö 'gü 'ö ‑dhɛ yö‑ ꞊taama ꞊dhɛ "dënggbɔ 'dhö bha‑ 'dhö.

‑Dhɛkpaɔ 3:21

‑Gɔn bha 'mɛ 'ö yaa‑ ‑gɔn kö ‑ya ga 'sü, a ‑dho ‑a ‑mɛ ‑ya n "sɔɔ ma ‑blüdëdhɛ ‑gbloo ‑ta, ꞊dhɛ ‑kɔ 'ö mang ‑dɩ 'pö 'a‑ ga sü‑ 'ka, 'ö 'a dho 'a ‑ya n Dë "sɔɔ, ‑a ‑bha ‑blüdëdhɛ ‑gbloo ‑ta bha‑ 'dhö.