‑Dhɛkpaɔ 21:3 - NAƆ ‑SË 'SËËDHƐ

³ 'Yö 'a ‑wʋ do 'bha ma kö ‑yö 'go sië ‑gbloo bha‑ ‑dhɛ 'gü 'ö ‑wɩ "gbɩɩ‑ 'ka 'ö‑ pö: «‑Ka ‑dhɛ ‑ga, Atanna yöö ꞊dede ꞊ya nu 'pö‑ dɔ mɛ "bhɩɩ‑ ‑nu 'ka ꞊tɔn! Wɛng‑ ‑nu woo ‑tosɛa kë wo 'ko "piʋ̈ kö ‑wo kë‑ ‑bha "sɛgümɛ ‑nu 'ka, kö ‑yö 'to‑ ‑nu "piʋ̈ ‑kpɛawo, kö yö ꞊në ‑yö kë‑ ‑nu ‑bha Atanna 'ka.

‑Dhɛkpaɔ 21:3 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 1:14

Yö 'ö ‑kë Atanna ‑wʋ 'ka "dhʋ̈ bha, 'yö dho 'ö ‑kë mɛ "bhɩɩ‑ 'ka, 'yö nu 'ö ‑tosɛa ‑kë kwa kpö 'gü, Atanna ‑bha "klʋsëdhɛ ꞊gban "pɛpɛ waa‑ tɛanwɔn 'ö ‑gban ‑bha bha‑ 'ka, 'yö kwa "yan 'dhö ‑da ‑a ‑bha 'tɔbhɔdhe kë 'kpiisü 'gü. ‑Yö ‑gun 'në ga do 'ka ö Dë ‑gɔ, 'yö gun‑ ‑bha 'tɔbhɔdhe ‑zɔn sië.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:23

'Yö Yesu ꞊ya ‑yɔ bɔ‑ ‑gɔ 'ö‑ pö: «‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'mɛ 'ö n ‑dhɔ ‑ya ‑kë ‑a ‑mɛ ‑zë ‑yö ‑dho ö "tʋ 'to n ‑wʋ ‑bha 'ö‑ 'gü ‑wɔn ‑kë, 'mɛ 'ö "dhʋ̈ bha 'pö 'yö‑ ‑dhɔ dho n Dë kë, 'yö yaa n Dë 'yi dho nu yi ‑dhɛng bhɔ‑ ‑mɛ ‑ta 'yö 'yi ‑ya mü.

2 Kodhɛngtö 6:16

Atanna ‑dhɔkëgükɔ waa‑ ꞊gebhɔ ‑a ‑nu ‑duɛ 'yaa do. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kwa ꞊në 'kwa ꞊dhɛ Atanna "yaandhe bha‑ ‑dhɔkëgükɔ 'dhö ꞊dhɛ ‑kɔ 'ö yöö ꞊dede 'ö‑ pö‑ 'ka ‑a 'dhö ꞊dhɛ: «A ‑dho 'dho 'a n ꞊yië bho n dhɔɔbhaamɛ ‑nu kpö 'gü, 'ö 'a ‑tosɛa ‑kë mü, 'ö 'wo ‑kë n ‑ma ‑gɔ 'gü ‑mɛ ‑nu 'ka, 'ö 'a ‑kë ‑a ‑nu ‑bha Atanna 'ka 'pö.»

2 Kodhɛngtö 6:18

a ‑dho kë ka Dë 'ka, 'ö 'ka ‑kë 'pö n gbö ‑nu waa‑ n 'dhu ‑nu 'ka bha 'yö bha.» 'Yö go mü 'ö‑ pö: «Mang Atanna ‑mɛ 'ö n ‑kɔ ‑fië ‑bha ‑wɔn 'yaa 'dhö bha ma ꞊në 'a ‑wɩ bha.»

1 Tesadhonikö 3:11

Yi ‑bhɛa ‑dhɛ kö yöö ꞊dede 'ö kwa Dë 'ka bha waa‑ kwa Dëmɛ Yesu ‑wo zian bho yi ‑gɔ kö 'yi ‑wo ka ‑dhɛ 'gü.

Eblö 11:16

"Kɛɛ ‑a 'dhɛ 'ö dhang‑ 'gü 'ö ꞊bhlëësü 'ka 'ö ‑ziö ‑a ‑blɛɛsü bha‑ ‑ta bha ꞊në‑ ‑wɔn 'dhö gun‑ ‑nu ‑zʋ "piʋ̈. 'Wɔn 'ö‑ ‑wɔn 'gü, 'yö‑ ‑nu ‑bha Atanna ‑dhɛ ‑sü 'ö woo‑ Atanna bha‑ 'yiʋ̈‑ 'yaa Atanna kë bha 'yö bha. ‑A ‑gɛn ‑mü ꞊dhɛ yöö ‑zian ꞊në‑ ‑nu ‑bha 'pö‑ dɔ ‑sü 'ka.

Eblö 8:10

"Kɛɛ a ‑dho ‑mlɛɛ ‑dee 'bha ‑da yaa Izraɛdhö ‑mɛ ‑nu yi ꞊zinng 'gü. ꞊Ya kë ꞊dhɛ "tʋ̈ng 'dhɛ 'a "wɩ sië‑ 'ka bha ꞊ya ꞊loo, a ‑dho ma 'tɔng‑ ‑nu bha‑ ‑nu ‑da ‑a ‑nu 'nii‑ 'gü, 'ö 'a‑ ‑bɛn zë‑ ‑nu zuë" ‑bha. A ‑dho kë‑ ‑nu ‑bha Atanna 'ka, 'ö 'wo ‑kë 'pö n ‑bha 'ka.

Eblö 8:2

Yö ꞊në "saabhomɛ 'kpii‑ këwɔn ‑nu bha‑ kë sië Dëmɛ ‑yɛa ꞊dede 'ö‑ ‑dhɔkëgükɔ 'gü dhang‑ 'gü 'ö yöö ꞊dede ꞊në‑ ‑pë ‑kë, 'ö mɛ "bhɩɩ‑ ‑kɔ 'yii ‑da ‑a ‑yë 'gü ꞊dhɛ Dhevi bhang ‑nu ‑bha bha‑ 'dhö bha‑ 'gü.

‑Dhɛkpaɔ 10:4

꞊Dhɛ 'ö dha ‑yö bo "wɩ ‑sü 'ka, 'yö 'a‑ pö 'a 'wɔn 'ö ‑kë bha‑ ‑bɛn zë, "kɛɛ 'yö ‑wʋ do 'bha ‑yö bɔ dhang‑ 'gü 'ö‑ pö n ‑dhɛ: «"Wɩ 'ö dha ‑ya wo ‑gɛn ‑yan 'ka "saɔplɛ bha ‑wʋ 'ö‑ pö bha‑ 'to i ‑dɩ ‑gɔ, 'bha 'dho‑ ‑bɛn zë.»

‑Dhɛkpaɔ 10:8

꞊Dhɛ 'ö ꞊ya kë "dhʋ̈, 'yö ‑wʋ do 'ö go dhang‑ 'gü 'a‑ ma ‑blɛɛsü bha 'ö‑ pö 'zü n ‑dhɛ 'ö‑ pö: «‑Bhö 'dho kö 'sëëdhɛ ‑be 'në 'ö "pʋ ‑sü 'ka 'ö Atanna ‑bha "kië 'ö dɔ ꞊weeyi waa‑ "sɛ ‑a ‑nu ‑ta bha‑ ꞊kwɛɛ‑ bha 'i‑ 'sü.»

‑Dhɛkpaɔ 12:10

'Yö 'a ‑wʋ "gbɩɩ‑ do 'bha ma dhang‑ 'gü kö ‑ya pö sië: «Atanna ‑bha mɛ dha ‑sü bha‑ ‑gɔ ꞊ya ‑da 'plöö ꞊tɔn ꞊dɛɛ! ‑A ‑bha ‑gblüdëdhɛ waa‑ ‑bha 'gügbɩɩdhɛ 'bha 'yaa ‑bin 'gü 'zü! ‑A ‑bha Klisi 'ö‑ ‑ya bha ꞊ya 'ö ‑bha mɛdhɛ ‑faan bha‑ ‑zɔn! ‑A ‑gɛn ‑mü ꞊dhɛ 'mɛ 'ö gun dɔ sië Atanna wëëdhö 'ö ‑za dɔ kwa dheebhang ‑nu ‑bha 'yënng‑ 'gü waa‑ gbeng ‑nu ꞊gban 'gü bha ꞊yaa‑ ‑zuö "kpʋng ꞊taa ꞊dɛɛ.

‑Dhɛkpaɔ 21:7

'Mɛ 'ö yaa‑ 'ko bha‑ ‑zë kö ‑ya ga 'sü, a ‑dho pë ‑nu bha‑ ꞊gbaɔ‑ ‑mɛ ‑gɔ "wɛɛwɛɛ, 'ö 'a ‑kë ‑mɛ ‑bha Atanna 'ka, 'ö ‑kë n bhang 'ka 'pö.

‑Dhɛkpaɔ 22:3

Pë "pɛpɛ kö Atanna ꞊ya "dhang ‑da ‑bha, ‑a do ‑zian 'yii 'dho kë 'pö‑ bha‑ 'gü. Atanna waa‑ "bhlaanë bha‑ ‑nu ‑bha ‑gblüdëdhɛ ‑kë ‑ta ‑gbloo ‑dho kë 'pö‑ bha ꞊në‑ 'gü, 'yö‑ ‑bha gwëëzë ‑nu 'wo‑ ‑dhɔkë mü.

‑Dhɛkpaɔ 7:15

'Wɔn 'ö‑ ‑wɔn 'gü 'yö 'wo dɔ sië Atanna wëëdhö yi ꞊gban 'ka ‑a ‑bha ‑blüdëdhɛ ‑gbloo wëëdhö, 'yö 'wo‑ ‑dhɔkë sië‑ ‑dhɔkëgükɔ 'gü bha 'yö bha. 'Mɛ 'ö ‑ya ‑sü 'ka ö ‑bha ‑blüdëdhɛ ‑gbloo ‑ta bha ꞊në dho‑ ‑nu ‑maa kë.