‑Dhɛkpaɔ 2:3 - NAƆ ‑SË 'SËËDHƐ

³ A‑ 'wɔn ‑dɔ 'kpakpadhö 'zü ꞊dhɛ ka zuë" ‑yö ‑sɛa, ꞊dhɛ ka saan" ꞊gban suu 'do 'do wo ‑sü 'ka n ‑wɔn 'gü, 'ö ka 'gü 'yii ga ‑tosɛa ‑kë n ‑bha 'ka ‑sü 'ka,

‑Dhɛkpaɔ 2:3 ပူးပေါင်းရင်းမြစ်များ

Makö 15:21

꞊Dhɛ 'ö ꞊wa ‑da zian ‑ta 'wo 'dho sië, 'yö 'wo ‑kpan Simɔ 'wo‑ gbö do ‑dhɛ Dhɛzandrö, 'wo‑ mɛ do 'bha ‑dhɛ Dhufusö 'ö go Sidhɛnö bha‑ ‑bha kö ‑yö 'go sië ö ‑gɔ gbɛɛ 'gü ‑yö ziö sië. 'Yö 'wo zun‑ "dhiʋ̈ 'wo‑ pö‑ ‑dhɛ ‑yö Yesu ‑dɔ ‑bha "dhü bha‑ 'sü kö 'wo 'dho‑ 'ka.

Dhukö 14:27

"Ɛɛn 'zü 'mɛ 'yii "wɩ‑ ‑bha kö ‑yö saan" n ‑wɔn 'gü, kö 'yaa ꞊mɔɔ‑ ‑bha kö ‑yö kë ma ꞊klangdhiʋ̈ 'ka.»

Dhukö 18:1

꞊Dhɛ 'ö ꞊ya ö bo‑ ‑pö "dhʋ̈ ‑sü 'ka, 'yö "gwënng do ‑da ö ‑bha ꞊klang ‑nu bha‑ ‑nu ‑dhɛ, kë "dhʋ̈ kö 'ö‑ ‑zɔn ‑nu ‑dhɛ ꞊dhɛ ‑a ‑dhɛa ‑bha ꞊dhɛ ‑wo bhɛa" Atanna ‑dhɛ yi ꞊gban "pɛpɛ 'ka kö‑ ‑nu 'gü 'ya 'dho ga 'yö‑ pö:

Dhukö 21:19

꞊Ya kë ꞊dhɛ yö ꞊në ꞊ya 'kun bho ka 'gü, kö 'kii bo n 'ka, 'yö 'ka dho ‑da ꞊sii 'ö yaa yën ‑a kë ‑dhɛ 'gü ‑dhɛkpaɔ dhia" 'gü.»

Dhukö 5:5

'Yö Simɔ ‑ya pö‑ ‑dhɛ: «N Dëmɛ, 'ya wɔ "yaan "nuu ‑zuö ‑sü ‑bha 'yii pë 'bha 'sü, "kɛɛ ꞊dhɛ 'ö ‑kë ꞊dhɛ 'bha‑ pö "dhʋ̈, a ‑dho ‑a ‑së do ‑zuö mü kö 'a‑ ‑bha ‑ga.»

Dhukö 8:15

‑A 'dhɛ 'ö ꞊wɛnng "sɛ ‑së 'gü bha ꞊në ꞊dhɛ 'pö ꞊dhɛ 'mɛ 'wo Atanna ‑wʋ ma, 'ö 'wo ‑wɩ ‑bha zuë" ‑së 'ka 'ö 'wo ‑kplü ‑bha wo faan ꞊gban 'ka, 'ö 'wo ꞊trɔɔn ‑kë ‑dhɛ zuësɛadhɛ 'gü ‑a ‑nu 'dhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:21

"Kɛɛ ‑wo ‑dho 'wɔn ‑nu bha‑ ꞊gban "pɛpɛ kë ka 'ka "dhʋ̈ ma ꞊në n ‑wɔn 'gü, ‑a ‑gɛn ‑mü ꞊dhɛ 'mɛ 'ö n bɔ bha 'waa‑ ‑dɔ.

Wlɔmö 12:12

‑Dhɛkpaɔ dhia" 'ö 'ka ka "yan 'to sië‑ ‑gɔ Yesu Klisi "piʋ̈ bha ka ꞊nii ‑yö ‑da ‑a ‑wɔn 'gü ‑kpɛawo. 'Kö ka ‑wëëdhɛ ꞊ya bho ‑kɔ "ʋʋ ‑kɔ 'ö‑ 'gü, 'ka ka zuë" kë ‑sɛa kö 'ka‑ 'kun ka ‑bha. Ka 'gü 'ya 'dho ga ‑bhɛa Atanna ‑dhɛ ‑sü 'ka.

Wlɔmö 16:12

'Ma Tidhifɛnö waa‑ Tidhifɔzö 'ö‑ ‑nu ‑wëëdhɛ ꞊ya bho kwa Dëmɛ ‑bha yë ‑wɔn 'gü bha‑ ‑nu ꞊tua bho. 'Ma dhebhɔnë 'wo‑ Pɛsidö ‑kë bha‑ ꞊tua bho 'gbɛ, ‑a ‑wɔn ‑yö n ‑gɔ "gbɩɩ‑, ‑a 'klɔɔ‑ ‑mü ꞊dhɛ ‑a ‑wëëdhɛ ‑yö bho ‑sü 'ka kwa Dëmɛ ‑bha yë ‑bha ꞊dedewo.

Wlɔmö 2:7

‑Yö ‑dho ꞊sii 'ö 'yaa yën‑ nu 'mɛ 'wo to wo ‑wʋ ‑ta, 'dhang ‑bho ö "dhiʋ̈ ‑sü 'gü, 'ö 'wo 'wɔn ‑së ‑kë, 'ö 'wo to ꞊bhlëë waa‑ 'tɔbhɔdhe waa‑ ꞊sii ‑së 'ö‑ "piʋ̈ ‑a mɔɔ‑ ‑zian ‑ta bha‑ ‑nu ‑dhɛ 'yi bha‑ ꞊në‑ 'ka.

1 Kodhɛngtö 13:7

‑Dhɔ bha ꞊në 'wɔn ꞊gban ‑wɔn ꞊gban ‑mawɔn to, 'ö mɛ 'dhang bho 'wɔn ꞊gban‑ "dhiʋ̈, 'ö mɛ ‑zʋ ‑së gɔn 'wɔn ꞊gban 'ka, ‑dhɔ bha ꞊në 'wɔn ꞊gban 'kun bho mɛ 'gü 'yö mɛ ‑ya kun mɛ ‑bha.

1 Kodhɛngtö 16:16

kö 'ka dɔ "gbɩɩ‑ 'ka ka "tʋ 'to 'mɛ 'wo bha waa‑ mɛ ‑nu 'ö‑ ‑nu ‑kɔ 'dhö 'wɔn do ‑bha bha ꞊në‑ ‑nu ‑wʋ ‑bha kö ‑wo kë "dhiʋ̈ ‑sü ka 'ka ‑mɛ ‑nu 'ka.

2 Kodhɛngtö 10:15

‑A ‑kë "dhʋ̈ ‑sü bha‑ 'gü, kö ‑a 'dhɛ 'ö Atanna ‑ya kë ‑faan ‑da yi 'gü ꞊në 'yi yi ‑dɩ ꞊gɔɔn‑ 'gü, ‑a 'dhɛ 'ö mɛ "wɛɛ ‑ya ‑kë 'yii yö ‑zë pö. 'Sa yi 'dhang bho ‑sü ‑ya "dhiʋ̈ 'kpakpadhö ꞊dhɛ ka ‑bha ‑zʋ ‑yö ‑a ‑dhɛ ‑sü 'bha‑ ‑dho ‑da 'gü 'ö ‑kë yi ‑bha 'ö‑ ‑ya yi ‑kuu "dhiʋ̈ bha‑ ‑da "dhiʋ̈ ‑kɔ 'ka, 'yö‑ ꞊bhlë ‑yö ‑kë 'kpii‑.

2 Kodhɛngtö 11:23

Klisi ‑bha gwëëzë ‑mü ‑a ‑nu 'ka ‑ee? A‑ 'ka 'pö, ‑a 'dhɛ 'kö maa‑ pö bha yö ‑zë ‑yö ‑dho kë ka 'gü ‑zianwo ꞊dhɛ 'pë 'ö ‑gɔ ga ‑zian ꞊në 'yaa n "piʋ̈ 'zü tongtongdhö ‑a 'dhö, "kɛɛ mang ‑zian ‑zë ‑a Klisi ‑bha gwëëmi 'ka 'a ‑ziö ‑a ‑nu ‑ta. ‑A ‑gɛn ‑mü ꞊dhɛ yë 'a‑ ‑kë ‑yö ‑ziö ‑a ‑nu ‑bha ‑ta. N ‑ma 'wo‑ wo ‑a ‑dhiang 'yaa zë, ‑kaso suu 'a‑ ‑kë 'wii‑ suu kë, dha 'a‑ wo ga ‑gɔ, 'wii‑ suu wo.

2 Kodhɛngtö 4:1

Yë 'ö Atanna ‑ya dɔ yi ‑kɔ 'ka 'ö 'yi‑ kë sië ya ‑ya kë "dhʋ̈ 'ö ‑bha "klʋsëdhɛ ꞊në‑ ‑wɔn 'gü. 'Wɔn 'ö‑ ‑wɔn 'gü 'yö yi 'gü 'yaa ga ‑a kë ‑sü 'ka 'pö bha 'yö bha.

2 Kodhɛngtö 4:16

'Wɔn 'ö‑ ‑wɔn 'gü 'yö yi 'gü 'yaa ga bha 'yö bha. ‑A ‑gɛn ‑mü ꞊dhɛ 'kö 'zü yi ‑dhü ‑zë 'bha 'dhö "kan sië‑ "dhiʋ̈ ‑slëëslëëdhö 'ö dho‑ 'ka, "kɛɛ yi 'nii‑ kö yi 'gü bha faan ‑sɛa ꞊në Atanna ‑ya ‑da 'gü ‑kpɛakpɛawo 'pö 'ö dho‑ 'ka.

2 Kodhɛngtö 5:9

'Wɔn 'ö‑ ‑wɔn 'gü 'yö 'yi faan wɔ sië yi ‑dɩ ‑ta 'pö bha 'yö bha, kë "dhʋ̈ kö 'kö 'zü 'yi to kwi ya‑ 'gü oo, 'yi go‑ 'gü oo, "kɛɛ kö yi "dhia ‑zë ‑yö kë‑ 'gü ‑kpɛawo.

2 Kodhɛngtö 6:5

'Yö 'wo yi ‑ma ‑nu wo, 'yö 'wo yi ‑da ‑kaso 'gü, 'yö 'wo "dhinaa ‑nu ꞊mɔɔ yi "dhiʋ̈, 'yö 'yi yë "gbɩɩ‑ "gbɩɩ‑ ‑nu ‑kë, 'yö 'yi ‑wɔ ‑nu wo "yaan, 'yö 'yi ꞊gloo ‑nu wo diin‑ 'ka.

Gadhatö 6:2

꞊Ya 'go yö ‑zë 'gü, 'wɔn "pɛpɛ 'ö yaa‑ ‑da ka ‑ta, ‑ka ka 'ko ‑nu ‑ta 'kun‑ 'gü. 'Ka‑ kë sië "dhʋ̈ kö ka Klisi ‑bha 'tɔng‑ bha ꞊në‑ ꞊bhlëë ‑ya sië bha.

Gadhatö 6:9

Kwa 'gü 'ya 'dho ga 'wɔn ‑së kë ‑sü 'ka. ‑A 'klɔɔ‑ ‑mü ꞊dhɛ kwa 'gü 'yii ga 'wɔn ‑së kë ‑sü 'ka, kwa ‑dho ‑a ꞊trɔɔn ꞊slɔɔ Atanna ‑bha zadɔyi 'ka.

Fidhipö 2:16

Kö 'ka ‑dhɛ "pʋ‑ ‑nu ‑ta Atanna ‑wʋ 'ö mɛ dha bha‑ 'ka. Yö ꞊në ꞊ya kë "dhʋ̈, 'yö 'a dho ꞊mɔɔ‑ ‑bha 'a ‑ba n ‑dɩ 'gü Klisi nu ‑yi 'ka, 'yö 'a‑ 'wɔn dɔ ꞊dhɛ yë 'a‑ ‑kë bha‑ ꞊trɔɔn‑ ‑dhö, ꞊dhɛ saan" 'a‑ wo bha 'mii‑ wo "wɛɛwɛɛ.

Fidhipö 4:3

N "tɛado 'ö bhii ‑dɩ 'pö 'i n ‑takunmɛ ꞊dede 'ka bha, ‑bhö dɔ "gbɩɩ‑ kö 'i dhong ‑nu bha‑ ‑nu ‑ta 'kun, ‑a ‑gɛn ‑mü ꞊dhɛ woo ‑dɩ 'pö ‑wo kë n ‑ta ‑kun Atanna ‑bha ‑gblü 'ö ‑gban ‑a ‑bha naɔ ‑së dɔ ‑sü ‑bha bha‑ ‑a dɔ ‑sü ‑bha, ꞊dhɛ Klema waa‑ n yëkëyɔɔ ‑nu ‑kpɛa 'wo to, 'ö kwɛng‑ ‑nu ꞊gban kwa 'tɔ 'dhö Atanna ‑bha dhasü 'sëëdhɛ 'gü bha‑ ‑nu 'dhö.

Kodhɔsö 1:11

Yi ‑bhɛa Atanna ‑dhɛ 'pö kö ‑yö ka faan dɔ ‑kɔ ꞊gban "pɛpɛ 'gü ‑a ‑bha 'gügbɩɩdhɛ 'ö‑ "dhiʋ̈todhɛ 'yaa 'dhö bha‑ 'ka, kö 'wɔn "gbɩɩ‑ ‑zian ꞊në ꞊ya kë ka 'ka ‑a ‑wʋ ‑wɔn 'gü, kö ka zuë" ‑yö kë‑ 'gü ‑sɛa.

1 Tesadhonikö 1:3

'Dhang ‑bho "dhiʋ̈ ‑sü 'ö ka ‑gɔ 'ö 'ka‑ 'gü ‑yë kë sië‑ ‑dhɛ ‑kpɛawo bha yi ‑zʋ 'yaa bhɔ‑ 'ka. Yi‑ 'wɔn ‑dɔ ꞊dhɛ Atanna ‑dhɔ ‑yö ka ‑kë ‑kɔ ꞊gban ‑kɔ ꞊gban 'gü, yö ꞊në‑ ‑wɔn 'gü, 'yö 'ka sëë bho sië‑ ‑dhɛ "dhʋ̈ bha, yi‑ 'wɔn ‑dɔ kwa Dë Atanna wëëdhö ꞊dhɛ kwa Dëmɛ Yesu Klisi ‑dhɔ ‑yö ka ‑kë "pɛɛpɛdhö 'pö, ꞊dhɛ ka "yan ‑ya nu ‑sü ‑gɔ 'kpakpadhö. Yö ꞊në‑ ‑wɔn 'gü, 'yö yi ‑zʋ 'yaa bhɔ ka ‑wɔn 'ka, 'yö 'yi Atanna nuɛ" bho ka ‑wɔn 'gü ‑kpɛawo.

1 Tesadhonikö 2:9

N dheebhang ‑nu, kaa ꞊dede ka‑ 'wɔn ‑dɔ ꞊dhɛ gun 'yi‑ wo ka "piʋ̈ mü bha yi yii‑ ‑kɔdhiʋ̈ ‑yë ‑nu ‑kë 'ö 'yi yi ‑mawɔn ‑kë 'gü, 'ö 'yi sëë bho "binma ‑dhɛkpaɔ, kë "dhʋ̈ kö 'ya 'dho kë ꞊kwɛɛ‑ 'gbiin‑ 'ka mɛ 'bha ka ‑ta. Atanna ‑wʋ ꞊në 'yi‑ pö ka ‑dhɛ doseng.

1 Tesadhonikö 5:12

Yi ‑bhɛa ka ‑dhɛ, n dheebhang ‑nu, kö 'mɛ 'wo Atanna ‑bha yë kë sië ka kpö 'gü, 'ö 'wo‑ ‑gleng ‑da sië ka ‑bha, 'ö 'wo ka "dhiʋ̈ ‑ziö wo sië bha 'ka‑ ‑nu ‑ya ꞊bhlëë 'gü,

2 Tesadhonikö 3:13

"Kɛɛ ka ‑zë ka 'gü 'ya 'dho ga 'wɔn ‑së kë ‑sü 'ka, n dheebhang ‑nu.

2 Tesadhonikö 3:5

Kwa Dëmɛ bha ‑yö Atanna ‑dhɔ ‑da 'ka ‑zʋ ‑bha, kö zuësɛadhɛ 'ö gun‑ ‑gɔ bha ‑ya nu ka ‑dhɛ.

2 Tesadhonikö 3:8

'Yii ‑da mɛ 'bha 'gü köngga 'ka kö yi‑ ‑bha pë ‑bhö ‑gɔ "wɛɛwɛɛ, sëë ꞊në 'yi‑ bho, yë ꞊në 'yi‑ ‑kë yi ‑kɔ 'ka "binma ‑dhɛkpaɔ, saan" ꞊në 'yi‑ sü 'yö 'yi yi ‑gɔ ‑wɔn ‑nu ‑kë, kë "dhʋ̈ kö yi ‑kwɛɛ 'ya 'dho 'ma mɛ 'bha 'ka.

1 Timote 4:10

'Wɔn 'ö‑ ‑wɔn 'gü 'yi sëë bho sië, 'wɔn 'yi‑ ‑ta ‑ko zë sië ‑kpɛakpɛawo bha 'yö bha. ‑A ‑gɛn ‑mü ꞊dhɛ Atanna 'yi 'dhang bho‑ "dhiʋ̈, 'ö 'yi yi ‑zʋ yö‑ ‑dhɛ bha ꞊në "bhɩɩdhe 'ka, yö ꞊në mɛ ꞊gban "pɛpɛ Dhamɛ 'ka, "kɛɛ mɛ "pɛpɛ 'wo 'dhang bho Yesu "dhiʋ̈, yö ꞊në‑ ‑nu Dhamɛ 'ka.

1 Timote 5:17

‑A ‑dhɛa ‑bha kö 'mɛ 'wo "dhiʋ̈ 'sü sië Atanna ‑bha mɛ ‑nu 'ka ‑së 'ka bha ‑wa ‑nu ꞊saa bho, "kɛɛ kö 'mɛ 'wo ‑kë Atanna ‑wʋ pö ‑mɛ ‑nu 'ka waa‑ 'mɛ 'wo mɛ ‑nu ꞊klang ‑nu ‑kë bha‑ ‑nu ‑bha "dhiʋ̈ ‑yö ziö.

Eblö 10:36

‑A ‑dhɛa ‑bha ꞊dhɛ ka 'gü ꞊në ꞊ya 'dho ga, kë "dhʋ̈ kö 'ka ka bo Atanna ‑dhidhɛ ‑wɔn bha‑ kë ‑sü 'ka, kö 'pë 'ö‑ "plüün bho ka ‑dhɛ bha 'ka‑ ꞊slɔɔ. ‑A ‑gɛn ‑mü ꞊dhɛ ‑yö ‑bɛn zë ‑sü 'ka‑ ‑wʋ 'sëëdhɛ 'gü ꞊dhɛ:

Eblö 12:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ kwaa ‑dɩ 'pö Atanna "sɛɛ‑ kpö 'kpii‑ 'wo "dhʋ̈ bha ‑wo ꞊klëën ‑sü 'ka kwa ‑zü, 'ö‑ ‑nu "yan 'dhö kwa ‑bha bha, ‑ka ‑kwa kwa kwaa‑ pë "pɛpɛ 'ö ꞊dhɛ ꞊kwɛɛ 'dhö 'ö ꞊mɔɔ‑ ‑bha 'ö "kang ‑da kwa ‑gɛn 'gü, 'ö 'kwaa "ta ‑sü Atanna ‑bha zian bha‑ ‑ta ‑dhɛ yö bha‑ ꞊gban ‑zuö, kö 'wɔn yaa 'ö kwa ‑da 'gü ‑dhɛ 'dhö ‑së ꞊dhɛ 'pë 'bha 'dhö bha 'kwa "kan‑ ‑bha, kö ‑bɛang 'ö Atanna ‑ya yi kpɔ kwa ‑gɔ bha 'kwa yö ꞊në‑ 'sü kwa ‑sɔbhɛɛ 'ka.

Eblö 13:13

꞊Dhɛ 'ö "dhʋ̈, n dheebhang ‑nu, ‑ka ‑kwa 'go ‑yɛa zii bha‑ 'gü kö 'kwa 'dho Yesu ꞊keng‑, kö ‑kɔ do 'wo 'yiʋ̈‑ dɔ‑ 'ka‑ ‑bha 'ö‑ kun ö ‑bha bha 'kwa kwa ‑bha 'kun 'ka kwa ‑bha 'pö.

Eblö 6:10

Atanna bha pö 'aa‑ ‑bha. ‑A ‑wɔn 'gü, ‑a ‑zʋ 'yii 'dho bhɔ 'wɔn ‑së ‑nu 'ka‑ ‑kë ‑a ‑dhɔ ‑bha, ‑a ‑bha mɛ ‑nu ‑dhɛ, 'ö 'ka‑ zü bho "dhʋ̈ 'yi bha‑ 'ka 'ka ‑tun 'ka "dhʋ̈ ꞊dɛɛ bha‑ 'bha 'ka.

Eblö 6:12

'Yaa n "piʋ̈ ꞊në‑ wo ꞊dhɛ "fia ‑yö ‑da ka ga 'gü Atanna ‑bha zian bha‑ ‑ta, "kɛɛ kö 'ka 'mɛ 'ö‑ ‑nu 'gü 'yaa ga ‑zʋ ‑yö ‑a ‑dhɛ ‑sü bha‑ 'ka, 'ö to‑ 'ka "dhʋ̈ 'ö zun‑ 'ka 'wɔn 'ö‑ "plüün bho‑ ‑nu ‑dhɛ bha‑ 'gü ‑wɔn kë ‑yi ‑bha bha ꞊në‑ ‑nu ‑ga.

Eblö 6:15

꞊Dhɛ 'ö ꞊ya "plüün bha‑ bho "dhʋ̈ Ablaamö ‑dhɛ, ‑yö kë ö zuë" ‑kë ‑sɛa 'ö ö "yan to‑ 'gü ‑wɔn kë ‑sü ‑gɔ, 'ö to‑ 'ka "dhʋ̈ ö zun‑ 'ka yi 'ö Atanna ‑ya 'gü ‑wɔn ‑kë 'ka bha‑ ‑bha.

2 Piɛdhö 1:6

꞊Ya 'go yö ‑zë 'gü, kö 'ka ka 'gü dɔ "gbɩɩ‑ kö ‑kɔ ‑mɔɔ ‑dɩ ‑bha ‑sü ‑yö kë ka ‑gɔ 'wɔndɔdhe bha‑ ‑ta, kö zuësɛadhɛ ‑yö kë‑ "piʋ̈, kö 'ka 'to ‑kplü ‑sü 'ka Atanna ‑bha.

‑Dhɛkpaɔ 1:9

Mang Zan ‑mɛ 'a ka dheebhang 'ka, 'ö kwɛng‑ ‑nu 'kwa ‑kplü ‑sü 'ka Yesu ‑bha ꞊dhɛ 'ko 'dhö, 'ö 'a saan" sië 'pö ꞊dhɛ ka 'dhö ‑a ‑wɔn 'gü, 'ö kwɛng‑ ‑nu 'kwa‑ ‑bha ‑gblüdëdhɛ 'gü ‑mɛ 'ka ꞊dhɛ 'ko 'dhö, 'ö 'kwa ‑ya sië‑ nu ‑sü ‑gɔ zuë" ‑sɛadhɛ 'gü ꞊dhɛ 'ko 'dhö bha ma ꞊në 'a 'sëëdhɛ ya‑ ‑bɛn zë. ‑Ya 'a‑ wo Patömɔsö ‑sɛ 'ö ꞊weeyi ꞊zinng 'gü ya‑ 'gü ꞊dɛɛ ya 'mii ‑ya mü "wɛɛwɛɛ. Atanna ‑wʋ 'ö yö ꞊në tɛanwɔn 'ka 'ö Yesu ‑yö "dhɛ bho‑ ‑ta kwa ‑dhɛ bha ꞊në 'a‑ ‑dhiang zë 'yö 'wo n kun 'wo nu n 'ka ‑dhɛ ya‑ 'gü.

‑Dhɛkpaɔ 3:10

꞊Dhɛ 'ö ‑kë ꞊dhɛ ‑a pö 'a‑ wo ka ‑dhɛ 'ka ka zuë" ꞊në‑ kë ‑sɛa kö 'wɔn ꞊gban ‑wɔn ꞊gban ‑yö 'kun bho ka 'gü bha, ka kë‑ ‑kë ꞊dhɛ ‑kɔ 'a‑ pö‑ 'ka ka ‑dhɛ ‑a 'dhö bha, mang ‑dɩ 'pö a ‑dho ka ‑maa kë "tʋ̈ng "gbɩɩ‑ 'ö nu sië, 'ö 'a dho 'wɔn wɔ‑ 'ka "kpʋngtaadhɛ ‑todhʋ̈sü ‑ta bha‑ 'ka 'ö 'a ka ‑zë ka dha‑ ‑gɔ.