‑Dhɛkpaɔ 2:23 - NAƆ ‑SË 'SËËDHƐ

²³ ꞊Ya 'go mü 'zü, mɛ "pɛpɛ 'wo ‑ziö ꞊keng‑ bha a ‑dho ‑a ꞊gban zë "pɛɛpɛdhö, kë "dhʋ̈ kö mɛ "pɛpɛ 'wo Atanna ‑bha 'kɔdhigümɛ ‑nu 'ka bha ‑wa 'wɔn dɔ ꞊dhɛ ma ꞊në 'a mɛ "bhɩɩ‑ ‑nu ‑zʋgɔnkawɔn ‑nu waa‑ ‑a ‑nu zuëbhɔbhawɔn ꞊gban dɔ. 'Mɛ 'dhɛ "dhʋ̈ a ‑dho ‑a ꞊saa bho ‑a kë ‑sɔng ‑nu ꞊në‑ ‑bha.

‑Dhɛkpaɔ 2:23 ပူးပေါင်းရင်းမြစ်များ

Matiö 16:27

‑Ka ‑dhɛ ‑ga, mang Mɛgbömɛ ‑a ‑dho nu n Dë ‑bha 'tɔbhɔdhe bha‑ 'gü yaa‑ ma "kië ‑nu ‑dhö, 'yö 'a 'mɛ 'dhɛ "dhʋ̈ ‑a ꞊saa bho ‑a ‑tosɛa kë ‑kɔ ‑bha.

Dhukö 16:15

‑Ya ‑pö ‑nu ‑dhɛ yö ꞊në‑ ‑wɔn 'gü 'ö‑ pö: «Fadhiziɛn ‑nu, ka ‑zë ‑kɔ 'ka dho‑ kë‑ 'ka kö 'ka bhɔ mɛ ‑nu 'gü Atanna dhɔɔbhaawɔn kë ‑mɛ ‑bha ꞊në 'ka‑ ‑dhɛ ꞊mɔɔ, "kɛɛ 'sa kö yö ‑zë ‑yö ‑dhɛ yö ka zuë" "piʋ̈. 'Pë 'ö mɛ "bhɩɩ‑ ‑nu ‑zë ‑a ‑nu 'gü pë ‑së 'ka bha ꞊në yö ‑zë 'gü pë ‑yënngsü 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 21:17

'Yö 'go mü 'ö‑ dhɛɛ" ‑yaaga ‑naa kpɔ 'zü 'ö‑ pö: «Simɔ, Zan gbö, i‑ ‑pö n ‑dhɔ ‑yö i ‑kë ꞊dedewo "wɛ ‑ee?» 'Yö Piɛdhö ‑yö ö wëë 'gü ‑siö ‑a dhɛɛ" ‑yaaga ‑naa 'ö Yesu ‑ya kpɔ bha‑ ‑wɔn 'gü. 'Yö‑ ‑yɔ bɔ‑ ‑gɔ 'ö‑ pö: «'Aa, n Dëmɛ, bhi 'ö bhi ‑zë 'i 'wɔn ꞊gban ‑wɔn ꞊gban dɔ ya, 'bhaa‑ 'wɔn dɔ ꞊në wo ꞊dhɛ i ‑dhɔ ‑yö n ‑kë ‑ee?» Yesu ‑ya ‑pö ‑dhɛ yö ꞊në‑ ‑wɔn 'gü: «꞊Dhɛ 'ö "dhʋ̈ kö ‑bhö ma ‑tuʋ̈ ‑nu "dhiʋ̈ gba!»

Naɔ ‑së 'ö ‑gban Yesu Klisi ‑bha 'ö Zan ‑ya pö 4:16

"Kɛɛ 'yö Yesu ‑ya ‑yɔ bɔ‑ ‑gɔ 'ö‑ pö: «‑Bhö 'dho kö 'i i ꞊gɔn ‑dhɛ kö kɛng 'ka nu!»

Këwɔn ‑nu 1:24

'Yö 'wo ꞊bhɛa kwa Dëmɛ ‑dhɛ 'wo‑ pö: «Yi Dëmɛ, bhi 'ö 'i mɛ ꞊gban "pɛpɛ zuëga dɔ, mɛ ꞊plɛ 'wo ya‑ mɛ 'dhɛ 'i i ‑kɔ ‑yɛ ‑bha ‑a ‑zɔn yi ‑dhɛ

Wlɔmö 14:12

‑A ‑kë "dhʋ̈ ‑sü bha‑ 'gü, 'mɛ 'dhɛ "dhʋ̈ ꞊në dho ziö ö ‑bha ‑gɛn 'gü Atanna ‑dhɛ.

Wlɔmö 8:27

꞊Ya kë "dhʋ̈, 'yö Atanna 'ö ‑dhɛ yö mɛ zuë" 'gü bha 'ö ö ‑bha 'Nii‑ "slʋ̈ʋ̈slʋ̈ bha‑ ‑wʋ 'gü ma, ‑a 'klɔɔ‑ ‑mü ꞊dhɛ 'Nii‑ bha ‑yö ‑bhɛa ‑dhɛ ‑a ‑bha mɛ ‑nu ꞊në‑ ‑nu ‑wɔn 'gü ꞊dhɛ ‑kɔ 'ö‑ "piʋ̈ ꞊dhɛ ‑wa kë‑ 'ka ‑a 'dhö.

2 Kodhɛngtö 5:10

‑A ‑gɛn ‑mü ꞊dhɛ mɛ ꞊gban "pɛpɛ kwa ‑wo Klisi ‑bha za ꞊gblü "dhiʋ̈ ‑wɔn ‑yö ‑dhö kö 'mɛ 'ö "dhʋ̈ 'ö ‑wɔn ‑së 'ö‑ ‑kë, "ɛɛn 'wɔn yaa 'ö‑ ‑kë, kwi 'dhɛ 'ö kwa ‑bha ya‑ 'gü bha ‑ya ꞊trɔɔn ꞊slɔɔ.

Gadhatö 6:5

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'ö "dhʋ̈ ‑yö ‑dho dɔ Atanna ‑kuu "dhiʋ̈ ö ꞊sɔng ꞊në‑ 'ka.

Eblö 4:13

Pë "pɛpɛ 'kö Atanna ‑ya ‑da, ‑a 'bha 'kö yöö kë ‑bin 'gü ‑a wëëdhö 'yaa 'dhö. Yö 'ö kwa "kplëng bho ‑dhɛ ‑mɛ 'ka bha pë 'bha ‑pë 'bha 'yaa ‑bin ‑a ‑gɔ, ‑a ꞊gban "pɛpɛ ‑yö zang ‑ta klangklangdhö.

1 Piɛdhö 1:17

'Ka bhɛa" sië Atanna bha‑ ‑dhɛ, ka‑ ‑dhɛ ka Dë, "Kɛɛ kö yö 'ö "dhʋ̈ bha ‑yö za ‑dɔ mɛ ꞊gban ‑bha ‑a ‑nu këwɔn ꞊në‑ ‑bha. ꞊Dhɛ 'ö "dhʋ̈, "tʋ̈ng 'dhɛ 'ö‑ këwɔn ꞊ya 'to ka ‑gɔ "kpʋng ꞊taa yö bha, ‑kaa wo "suʋ̈ 'ka ka "ta ‑kɔ ꞊gban 'gü, kë "dhʋ̈ kö 'ka‑ ꞊bhlëë ‑ya.

‑Dhɛkpaɔ 2:11

'Wɔn 'gü ma ‑tʋ 'dhö 'mɛ 'ö‑ ‑gɔ ‑bha, 'wɔn 'ö Atanna ‑bha 'Nii‑ 'dhö‑ pö sië‑ ‑bha 'kɔdhigümɛ ‑nu ‑dhɛ bha‑ ‑mɛ ‑ya 'gü ma! 'Mɛ 'ö yaa‑ ‑to ‑a "gbɩɩ‑ 'ka, 'yii 'dho ga ꞊plɛ ‑naa 'ö Atanna "piʋ̈ bha‑ bho.»

‑Dhɛkpaɔ 2:7

«'Wɔn 'ö Atanna ‑bha 'Nii‑ 'dhö‑ pö sië ‑a ‑bha 'kɔdhigümɛ ‑nu ‑dhɛ bha, 'mɛ 'wɔn 'gü ma ‑tʋ 'dhö‑ ‑gɔ ‑bha ‑mɛ ‑ya ma. 'Mɛ waa‑ ‑to "kplëë 'ka Atanna ‑bha 'ko bha‑ zë ‑sü 'gü, a ‑dho ‑nu kë ‑tosɛa ‑kë ‑bha ‑dhü 'ö‑ ‑gɔ ‑gblüdëdhɛpö 'gü bha‑ ‑bhö ‑mɛ 'ka.»

‑Dhɛkpaɔ 20:12

꞊Dhɛ 'ö ꞊ya kë "dhʋ̈, 'yö 'a mɛ "pɛpɛ 'wo ga 'ö 'wo gun ꞊geebɔɔ bha‑ ‑nu ꞊gban yö kö ‑wo dɔ sië mɛ 'ö gun ‑ya ‑sü 'ka ‑gbloo 'kpii‑ bha‑ ‑ta bha‑ ‑kuu "dhiʋ̈. 'Mɛ 'wo "dhʋ̈ bha 'në sɛɛnnë ‑gun mü, 'yö mɛ "gblʋ̈gblʋ̈ ‑nu ‑wo gun mü. ꞊Dhɛ 'ö ꞊ya kë "dhʋ̈, 'yö 'wo 'sëëdhɛ 'gbɛ "dhiʋ̈ ‑pʋ. 'Yö 'wo dho 'wo‑ do 'bha 'ö mü, 'ö mɛ 'wo dho ‑tosɛa kë Atanna "piʋ̈‑ ‑nu 'tɔ 'dhö‑ 'gü bha‑ "dhiʋ̈ ‑pʋ. 'Yö 'mɛ 'wo gun ꞊geebɔɔ, ‑a ‑nu kë sɔng ‑nu 'wo gun 'sëëdhɛ 'ö‑ 'gü bha 'wo‑ ‑ga, 'yö 'wo‑ ‑nu ‑bha za ‑gɔ "yɛ ‑kɔ sü‑ ‑bha 'dɔɔndhö.

‑Dhɛkpaɔ 20:13

'Yö 'mɛ 'wo ga ꞊weeyi ꞊bhaa, 'yö nu 'yö ‑pe ‑nu 'ka, 'yö ꞊geebɔɔdhɛ yöö ‑dɩ 'pö 'ö nu 'ö ‑pe ö ‑bha 'ka. 'Yö 'wo 'mɛ 'ö "dhʋ̈‑ ‑bha za ‑gɔ ‑yɛ ‑kɔ 'ö 'mɛ 'ö "dhʋ̈ 'ö ‑tosɛa ‑kë 'ka "kpʋng ꞊taa ‑a ‑bha 'do 'do 'ka.

‑Dhɛkpaɔ 22:12

'Yö Yesu yöö ‑dɩ 'pö 'ö‑ pö n ‑dhɛ: «‑Bhö ‑dhɛ ‑ga, a nu sië, ‑a "tʋ̈ng 'yaa ꞊gblɛɛn 'zü, n nu ‑sü 'ka 'mɛ 'ö "dhʋ̈‑ ꞊saa 'ö ꞊mɔɔ yë 'ö‑ ‑kë ‑a ‑bha ‑yö ‑dho kë n ‑gɔ 'a nu‑ 'ka, 'ö 'a 'mɛ 'ö "dhʋ̈‑ ꞊saa bho‑ kë ‑yë ‑bha.

‑Dhɛkpaɔ 6:8

'A dho ‑dhɛ ‑ga kö ꞊soo do 'ö‑ kwi‑ ‑kë ꞊dhɛ gamɛ kwi 'dhö bha ‑yö nu sië, 'mɛ 'ö ‑ya ‑sü 'ka‑ ‑ta bha ‑wa ‑dhɛ ‑ga, kö ꞊geebɔɔdhɛ ‑ya ꞊keng‑. 'Yö 'wo "sɛ ‑pɛ 'gü ‑yiisiö, 'yö 'wo‑ "pɛn do nu‑ ‑dhɛ, kö ‑wa 'gü ‑mɛ ‑nu ꞊gban ‑gɔ ‑ya ‑siang ‑ta, kö ‑wa mɛ 'bha ‑nu zë din‑ 'ka, kö ‑wo "yua ‑da mɛ 'bha ‑nu 'gü kö ‑ya ‑nu zë, kö ‑wa mɛ 'bha ‑nu "dhiʋ̈ dɔ "bü ‑wü ‑nu ‑gɔ kö ‑wa ‑nu zë 'pö.