‑Dhɛkpaɔ 2:18 - NAƆ ‑SË 'SËËDHƐ

¹⁸ ꞊Dhɛ 'ö ꞊ya kë "dhʋ̈, 'yö 'mɛ bha 'ö‑ pö 'zü n ‑dhɛ: «‑Bhö 'sëëdhɛ bha‑ do "wɛɛ 'bha kë kö 'i‑ bɔ Atanna ‑bha yëkëmɛ 'dhɛ 'ö‑ ‑bha 'kɔdhigümɛ ‑nu 'wo Tiatii ‑pö 'gü ‑a ‑nu kpö 'gü bha‑ ‑dhɛ. ‑A pö‑ ‑dhɛ mɛ 'ö yö ꞊në Atanna Gbö 'ka, 'ö‑ "yan 'gü‑ bhü ꞊dhɛ pɛng 'dhö, 'ö‑ ‑gɛn 'ö‑ ꞊wlöö ‑a 'bhü‑ bhɔ ꞊dhɛ zën 'ö ꞊waa‑ ‑bha 'yɔ ‑a 'dhö bha ‑ya ‑pö:

‑Dhɛkpaɔ 2:18 ပူးပေါင်းရင်းမြစ်များ

Matiö 17:5

Piɛdhö ‑yö ‑to dhiang bha‑ zë ‑dhɛ 'gü, 'yö "dhuu kpö "yan bhɔ ‑sü 'bha ‑yö nu 'yö sɔ‑ ‑nu ‑ta, 'yö ‑wʋ do ‑yö bɔ "dhuu kpö bha‑ 'gü 'ö‑ pö: «N Gbö (do 'ö n ‑gɔ) 'yö ya ‑a ‑dhɔ ‑yö n ‑kë ꞊dedewo, 'a n ‑gɔ ‑wɔn "pɛpɛ ꞊gban ꞊loo ‑sü 'ka yö ꞊në‑ ꞊kwɛɛ‑. ꞊Ya 'pë 'ö‑ pö ka ‑dhɛ ‑kaa kë.»

Matiö 27:54

꞊Dhɛ 'ö "sɔdha ‑gɔmɛ 'ö waa‑ ö ‑bha "sɔdha ‑nu 'wo gun ‑ya ‑sü 'ka Yesu ‑maa ‑gɔ bha ꞊wa "sɛ 'ö ꞊zii bha waa‑ "dhabhliwɔn ‑nu 'ö ‑kë bha‑ ‑dhɛ yö, 'yö "suʋ̈ 'dhö ‑da ‑nu 'gü ꞊dedewo 'yö 'wo‑ pö: «'Mɛ 'ö ya Atanna Gbö ꞊në gun‑ 'ka ꞊dedewo, ‑a zaɔ ‑dhɛ 'bhaa 'dhö 'zü.»

Matiö 3:17

'yö‑ "tʋ 'dhö ‑da 'zü ‑wʋ do 'bha 'gü kö ‑yö "wɩ sië dhang‑ 'gü 'ö‑ pö: «N Gbö doseng 'ö n ‑gɔ 'yö dɔ bha‑ ‑dhɔ 'ö n kë ‑a "sinma 'yaa 'dhö.»

Dhukö 1:35

'Yö Atanna ‑bha "kië bha 'ö‑ ‑yɔ bɔ‑ ‑gɔ 'ö‑ pö: «‑Dhɛ ‑ga, Madhi, Atanna ‑bha 'Nii‑ "slʋ̈ʋ̈slʋ̈ ‑dho lɔɔ i ‑ta, Atanna ‑bha 'gügbɩɩdhɛ ꞊në dho 'wɔn bha‑ kë. Yö ꞊në‑ ‑wɔn 'gü, 'yö 'në "slʋ̈ʋ̈slʋ̈ 'i dho‑ kpɔ bha, 'wo dho‑ ‑dhɛ Atanna Gbö.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:14

Yö 'ö ‑kë Atanna ‑wʋ 'ka "dhʋ̈ bha, 'yö dho 'ö ‑kë mɛ "bhɩɩ‑ 'ka, 'yö nu 'ö ‑tosɛa ‑kë kwa kpö 'gü, Atanna ‑bha "klʋsëdhɛ ꞊gban "pɛpɛ waa‑ tɛanwɔn 'ö ‑gban ‑bha bha‑ 'ka, 'yö kwa "yan 'dhö ‑da ‑a ‑bha 'tɔbhɔdhe kë 'kpiisü 'gü. ‑Yö ‑gun 'në ga do 'ka ö Dë ‑gɔ, 'yö gun‑ ‑bha 'tɔbhɔdhe ‑zɔn sië.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:49

꞊Dhɛ ꞊yaa‑ pö "dhʋ̈, 'yö Natanaɛɛ ‑ya pö‑ ‑dhɛ: «N Dëmɛ, Atanna Gbö ‑mü i 'ka ꞊dedewo tɛan‑ 'ka, 'ma‑ ‑dhɛ yö, Izraɛdhö ‑mɛ ‑nu ‑bha ‑gblüdë ‑mü i 'ka!»

Naɔ ‑së 'ö ‑gban Yesu Klisi ‑bha 'ö Zan ‑ya pö 10:36

'yö ma 'kö n ‑ya, 'ö n sü 'ö n bɔ "kpʋng ꞊taa ꞊wɛ? Ka ‑mɔɔ ‑bha 'ka‑ pö n ‑bha ꞊dhɛ ꞊dhɛ 'ö ‑kë ꞊dhɛ 'ma‑ pö n Dë ‑mü Atanna 'ka bha ꞊ya kë "dhʋ̈ kö 'ma ‑da "dhiʋ̈ ‑ee?

Naɔ ‑së 'ö ‑gban Yesu Klisi ‑bha 'ö Zan ‑ya pö 3:16

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ "bhɩɩ‑ ‑nu ‑dhɔ 'ö Atanna ‑kë ‑a "sinma 'yaa 'dhö. Yö ꞊në‑ ‑wɔn 'gü 'yö 'në ga do 'ö‑ ‑gɔ ‑a bɔ‑ ‑nu ‑dhɛ, kö mɛ "ʋʋ mɛ 'ö dho 'dhang bho‑ "dhiʋ̈, kö ‑tosɛa 'ö 'yaa yën 'ö‑ "piʋ̈ bha ‑yö kë‑ ‑mɛ ‑dhɛ, kö‑ ‑mɛ 'gü 'ya 'dho see‑.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:18

"Kɛɛ 'mɛ 'kö 'yii 'dhang bho‑ Gbö bha‑ "dhiʋ̈, kö za ‑ya ‑bha. ‑A ‑gɛn ‑mü ꞊dhɛ kö 'yii 'dhang bho Atanna ‑bha 'në ga do bha‑ "dhiʋ̈. 'Mɛ 'kö ꞊ya 'dhang bho 'pö‑ Gbö bha‑ "dhiʋ̈ kö za ꞊ya 'go‑ ‑mɛ ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 5:25

A‑ pö ka ‑dhɛ tɛan‑ ꞊dede 'ka ꞊dhɛ ‑a "tʋ̈ng ‑dho ꞊loo, 'ö ꞊ya ‑wo ‑zianwo, 'ö 'mɛ ꞊wa ga bha 'wo mang Atanna gbö ‑mɛ n ‑wʋ ma, 'ö 'mɛ 'wo dho‑ ma "dhʋ̈ bha 'wo ‑tosɛa ‑kë.

Këwɔn ‑nu 16:14

Dhebhɔ do 'wo‑ ‑dhɛ Dhidi 'ö go Tiatii ‑pö 'gü ‑yö ‑gun dhong ‑nu bha‑ ‑nu kpö 'gü. Dhidi bha ‑yö ‑kë yɩɩga sɔ ‑zaɔndhö ꞊bhlëësü 'ö ‑ma 'yaa wo‑ sɔng ‑bha bha‑ "dhɔɔdɔdhe 'ka, "kɛɛ ‑yö Atanna ꞊bhlëë ‑ya. 'Yö kwa Dëmɛ ‑ya zuë" "dhiʋ̈ ‑pʋ kö ‑yö 'dhang bho Pɔdhö ‑wʋ bha‑ "dhiʋ̈.

Këwɔn ‑nu 8:36

꞊Dhɛ 'wo 'dho sië wo "dhiʋ̈, 'yö 'wo dho 'wo ꞊loo "yi 'bha bha‑ ꞊bhaa, 'yö Etiopi mi bha 'ö‑ pö: «"Yi ꞊nɛ, ‑më ꞊në‑ ‑wɔn ꞊ya 'to kö 'a ‑bɔ Yesu 'ka ‑zu bho?»

Wlɔmö 1:4

'yö ꞊ya ‑da Atanna ‑wɔn "gblʋʋ "piʋ̈, 'yö‑ ‑bha 'Nii‑ "slʋ̈ʋ̈slʋ̈ ‑ya bho 'ö‑ wo ga 'gü 'ö‑ ‑bö ö ‑bha 'gügbɩɩdhɛ 'ka bha ‑ya ‑zɔn ꞊dhɛ ‑a Gbö ‑mü. Yöö Yesu Klisi ‑mɛ bha ꞊në kwaa‑ ‑gblüdë 'ka.

Wlɔmö 8:32

‑Më ꞊në Atanna dho‑ fië‑ bho kwa ‑bha ꞊taamasü ya‑ 'gü, "kɛɛ kö 'yii ꞊döng ö de Gbö ‑ta kwa ‑dhɛ tongtongdhö, kö ꞊ya ö ‑kɔ bho‑ 'gü kö ‑yö ga mɛ ꞊gban "pɛpɛ kwa ‑wɔn 'gü. ꞊Dhɛ 'kö ꞊ya ö ‑kɔ bho ö Gbö ‑zë 'gü kwa ‑wɔn 'gü ꞊dhɛ ‑kɔ bha‑ 'dhö bha, kö ‑yö ‑dho pë ꞊gban "pɛpɛ nu kwa ‑dhɛ ‑a Gbö 'ö‑ nu bha‑ taa 'ka.

‑Dhɛkpaɔ 1:11

Kö ‑wʋ bha ‑ya pö sië n ‑dhɛ ꞊dhɛ: «'Pë i "yan yöö ‑da ‑dhɛ 'gü bha‑ ‑bɛn zë 'sëëdhɛ do 'gü kö 'i‑ bɔ Atanna ‑bha 'kɔdhigümɛ ‑nu 'wo bɔ‑ 'ka 'wo Efɛzö oo, Simiidhö oo, Pɛɛgamö oo, Tiatii oo, Saadö ‑dhɛ waa‑ 'mɛ 'dhɛ 'wo Fidhadɛfi ‑dhɛ waa‑ Dhaodise ‑dhɛ ‑nu 'gü bha‑ ‑nu ‑dhɛ.»

‑Dhɛkpaɔ 2:1

꞊Dhɛ 'ö 'mɛ bha ꞊ya 'wɔn ‑nu bha‑ ‑nu 'klɔɔ‑ pö n ‑dhɛ "dhʋ̈, 'yö‑ pö: «‑Bhö 'sëëdhɛ ‑bɛn zë kö 'i‑ bɔ Atanna ‑bha yëkëmɛ 'ö‑ ‑bha 'kɔdhigümɛ ‑nu 'wo Efɛzö ‑a ‑nu "dhiʋ̈ ‑ziö wo sië bha‑ ‑dhɛ kö 'i‑ pö: 'Mɛ 'ö "susëngga "saɔplɛ 'wo‑ ‑kɔ ‑së 'gü, 'ö "ta sü ‑dhangbha ‑dɔtapë "saɔplɛ 'ö 'pu sië 'wo "sënng 'ka bha ꞊në‑ ꞊zinng 'gü bha ‑ya ‑pö:

‑Dhɛkpaɔ 2:24

Mɛ ‑kpɛa 'ka to 'ö ka ‑zë 'kii ka ‑kɔ ‑da ‑tosɛa suu 'ö "dhʋ̈‑ kë ‑sü 'gü, 'ö ka ‑zë 'kii 'pë 'ö 'mɛ bha 'wo‑ ‑dhɛ Sɔtraan ‑bha ‑gleng 'kɔnë 'gü ‑dhɛ bha‑ dɔ bha a‑ ‑pö ka ‑dhɛ ꞊dhɛ 'mii 'dho ꞊kwɛɛ 'gbiin‑ 'bha ‑ya ka ꞊gbin‑.