‑Dhɛkpaɔ 2:13 - NAƆ ‑SË 'SËËDHƐ

¹³ «A ka ‑yɛa ꞊bhaa ‑dhɛ ‑dɔ, a‑ 'wɔn ‑dɔ 'kpakpadhö ꞊dhɛ Sɔtraan ‑bha ‑blüdëdhɛ ‑gbloo ‑yö mü ꞊naa, "kɛɛ yö ‑zë ꞊gban 'gü ka ‑kplü ‑sü 'ka n ‑bha kpɛnngkpɛnngdhö, 'kii ka bo ‑zʋ ‑yö n ‑dhɛ ‑sü 'ka, aa" ꞊ni "tʋ̈ng ‑zian 'wo Angtipa 'ö ‑kë n "sɛɛ‑ 'ö to ö ‑wʋ ‑ta ‑a 'ka bha‑ zë‑ 'ka bha‑ 'gü.

‑Dhɛkpaɔ 2:13 ပူးပေါင်းရင်းမြစ်များ

Matiö 10:23

꞊Ya kë ꞊dhɛ ꞊wa 'wɔn wɔ ka ‑ta 'pö‑ 'kpii‑ do 'gü, ‑ka ꞊dua 'ka 'dho ‑a 'bha 'gü kö 'ka 'dho‑ 'ka "dhiʋ̈ ‑kpɛawo! A‑ ‑pö ka ‑dhɛ tɛan‑ 'ka ꞊dhɛ 'kii 'dho ka bo ‑ziö Izraɛdhö ‑pö ꞊gban 'gü ‑sü 'ka kö mang Mɛgbömɛ 'mii nu ꞊kö.

Matiö 24:9

꞊Ya 'go yö ‑zë 'gü, ka ‑san ‑dho mɛ "bhɩɩ‑ ‑nu kë 'ö 'wo ka "dhiʋ̈ dɔ ‑gɔmɛ ‑nu ‑dhɛ, 'ö 'wo ka ‑wëë ‑kë wo 'ö 'wo ka zë ‑nu wo n ‑wɔn 'gü.

Matiö 4:10

'Yö Yesu ‑ya pö‑ ‑dhɛ: «Sɔtraan, ‑bhö ziö 'i 'go bha, ‑a ‑gɛn ‑mü ꞊dhɛ ‑yö ‑bɛn zë ‑sü 'ka Atanna ‑bha 'sëëdhɛ 'gü ꞊dhɛ: ‹I ‑dho i Dëmɛ, i ‑bha Atanna yöö do ꞊në‑ ‑dhɔkë, 'bhii 'dho pë "wɛɛ 'bha ‑dhɔkë yö ‑zë zian 'gü›.

Dhukö 21:17

Ka ‑san ‑dho mɛ ꞊gban "pɛpɛ kë n ‑wɔn 'gü,

Këwɔn ‑nu 22:20

꞊Ya 'go mü 'zü Etiɛnö 'ö ‑kë i "sɛɛ‑ 'ka bha 'wo gun‑ zë sië kö a mü, 'ö 'a 'mɛ 'wo gun‑ zë sië bha‑ ‑nu faan dɔ, 'a‑ pö 'wɔn ‑së ꞊në 'wo‑ ‑kë bha, 'ö ma ꞊në 'a ‑kë ‑a ‑nu ‑bha sɔ ‑kwɛɛ ‑wɛɛ bho ‑mɛ 'ka ‑zianwo.

Këwɔn ‑nu 9:14

‑A ‑nu yö ‑sü bha 'zü ‑yö ‑nu faan 'ö "saabhomɛ ‑nu ‑gɔmɛ "gblʋ̈gblʋ̈ ‑nu ‑wa nu‑ ‑dhɛ bha ꞊në‑ 'ka kö ‑yö 'mɛ 'wo ꞊bhɛa i 'tɔ 'gü ‑a ‑nu 'kun kö ‑ya ‑nu ‑da ‑kaso 'gü ꞊zɔɔ ‑wa! (I‑ ‑pö 'a 'dho mü ‑ee?)

1 Tesadhonikö 5:21

"Kɛɛ ‑ka 'wɔn "pɛpɛ bha‑ ꞊gban ‑ga 'kpakpadhö ‑së 'ka, kö‑ 'dhɛ 'ö ‑së, 'ka‑ 'sü ka ‑bha 'ka.

1 Timote 5:8

Mɛ "ʋʋ mɛ 'ö 'yaa ö "tʋ̈ng kë ö ‑bha mɛ ‑nu ‑wɔn 'gü, "kɛɛ 'ö‑ "tʋ 'yaa ö ‑gɔ 'kɔɔmɛ ‑nu ‑wɔn ‑bha, kö‑ ‑mɛ ꞊ya ö bo 'dhang ‑bho Yesu "dhiʋ̈ ‑sü 'ka ꞊naa bha, kö mɛ ‑zian 'ö 'yaa Atanna dɔ ‑a fië‑ ‑dhö ‑a ‑mɛ 'ka.

2 Timote 1:13

(Timote,) ‑bhö 'dhang bho Yesu ‑wɔn "dhiʋ̈! Tɛanwɔn ‑nu 'i‑ ma n ‑ta bha ‑bhö mɛ ‑nu ꞊klang kë‑ 'ka, kö ‑zʋ ‑yö Atanna ‑dhɛ ‑sü waa‑ ‑dhɔ 'ö kwa ‑gɔ, 'ö 'kwa‑ ꞊slɔɔ ‑kplü Yesu Klisi ‑bha ‑sü "gblʋʋ "piʋ̈ bha ‑yö kë i ‑gɔ 'pö.

2 Timote 2:12

꞊Ya kë ꞊dhɛ kwa zuë" ꞊ya kë ‑sɛa kö ('kwa saan" Yesu ‑wɔn 'gü) kwɛng‑ ‑nu kwa ‑dho ‑gblüdëdhɛ kë. "Kɛɛ ꞊ya kë ꞊dhɛ 'kwa‑ pö ‑zë wo ꞊dhɛ 'kwaa‑ dɔ, yöö ‑dɩ 'pö ‑yö ‑dho ‑a pö 'yaa kwa dɔ.

Eblö 10:23

'Wɔn 'ö Atanna ‑ya "plüün bho kwa ‑dhɛ 'ö kwa ‑zʋ 'dhö‑ 'gü bha, ‑ka ‑kwaa 'kun "gbɩɩ‑. ‑A ‑gɛn ‑mü ꞊dhɛ kwa 'dhang bho ‑sü ‑ya "dhiʋ̈ 'kpakpadhö ꞊dhɛ ‑yö ‑dho 'to ö ‑wʋ ‑ta.

Eblö 3:6

"Kɛɛ Klisi ‑bha 'to 'ö‑ wo ö ‑wʋ ‑ta bha ‑ya ‑wo "dhʋ̈ ‑a ‑bha ‑kë Atanna Gbö 'ka ‑sü, kö ‑ya 'sü ‑ya ‑ya ö ‑bha 'kɔ ‑gɔ "dhiʋ̈ bha ꞊në‑ 'gü. 'Sa ‑a ‑bha 'kɔ 'ö "dhʋ̈ bha yö ‑mü kwa ꞊në kwa 'ka "ni kö 'kwa 'to ‑kplü ‑sü ‑zë 'ka 'wɔn 'ö kwa ‑zʋ 'dhö‑ 'gü 'ö kwa ꞊nii ‑da sië bha‑ ‑bha, kö kwa ‑bha 'dhang ‑bho ‑a "dhiʋ̈ ‑sü bha ꞊ya 'to kwa ꞊kwɛng.

Zakö 2:7

"Ɛɛn woo do bha 'zü 'aa mü 'wo 'tɔ ‑së 'ö ‑kë kwa Dëmɛ Yesu Klisi 'tɔ 'ka 'ö Atanna ‑ya ‑ya ka ‑bha bha‑ ‑bha fang bho ‑kpɛawo 'zü bha ‑ee? "Ɛɛn 'yaa "dhʋ̈ ‑ee?

‑Dhɛkpaɔ 11:3

'Yö 'a n ‑wʋdhiʋ̈loomɛ ‑nu ꞊plɛ bɔ kö ꞊wa bhɔɔ sɔ ‑da wo ‑bha, kö ‑wa ‑zɔn "kpʋngtaamɛ ‑nu ‑dhɛ ꞊dhɛ ‑a ‑dhɛa ‑bha ꞊dhɛ ‑wo ‑wëëwʋ 'kpɔ wo ‑dɩ ‑bha ‑a ‑nu këwɔn yaa ‑nu ‑wɔn 'gü kö ‑wo wo wɔ slëë‑ Atanna "piʋ̈, 'yö 'wo Atanna ‑wʋ "dhiʋ̈ ꞊loo‑ 'ka 'mɛ 'wo bha‑ ‑nu ‑bha ‑dhɛkpaɔyi "gblü do ö ‑ta ꞊plɛ waa‑ ‑dhɛkpaɔyi ‑kaɔng "saɔdo 'wo dho ‑ya 'ka 'pö‑ bha‑ ‑gɔ "dhiʋ̈ bha‑ 'ka.»

‑Dhɛkpaɔ 12:11

Kwa dheebhang ‑nu ‑kɔ ꞊ya ziö ‑gɔ "bhlaanë ꞊yɔɔn 'ö ꞊wɛnng ‑nu ‑wɔn 'gü bha waa‑ Yesu ‑wɔn ‑dhiang 'wo gun‑ zë sië mɛ ‑nu ‑dhɛ bha‑ 'saa‑ 'gü. ‑A ‑gɛn ‑mü ꞊dhɛ kwa dheebhang ‑nu bha ‑wo kë ‑we ‑bha 'wo woo‑ tosɛa nu, 'ö 'wo ‑we ‑bha 'wo ga Yesu ‑wɔn 'gü.

‑Dhɛkpaɔ 13:2

Wü 'a‑ yö bha ‑yö ‑gun ꞊dhɛ gwee 'dhö, 'yö‑ ‑gɛn ‑nu 'wo gun ꞊dhɛ "sluku ‑bha 'dhö, 'yö‑ "dhi ‑yö gun ꞊dhɛ laabhölaa ‑bha 'dhö. 'Yö "yina bha 'ö ö ‑bha mɛdhɛ oo, ‑a ‑bha ‑blüdëdhɛ ‑gbloo waa‑ ‑bha 'gügbɩɩdhɛ ꞊gban nu wü bha‑ ‑dhɛ.

‑Dhɛkpaɔ 14:12

'Wɔn 'ö‑ ‑wɔn 'gü 'yö Atanna ‑bha mɛ ‑nu 'ö pö 'aa‑ ‑nu ‑bha, 'ö 'wo‑ ‑bha 'tɔng‑ kun "ɛɛn 'wo ‑zʋ yö Yesu ‑dhɛ bha 'wo dho‑ 'kun "gbɩɩ‑ bha 'yö bha.

‑Dhɛkpaɔ 17:14

'Yö 'wo 'ko zë Atanna ‑bha "bhlaanë 'ka, "kɛɛ ‑a ‑nu ‑kɔ 'yii 'dho ꞊mɔɔ‑ ‑bha, "bhlaanë bha‑ ‑kɔ ‑dho ziö‑ ‑nu ‑gɔ, ‑a ‑gɛn ‑mü ꞊dhɛ yö ꞊në mɛ ‑gɔdhiʋ̈mɛ ꞊gban ‑bha ‑gɔdhiʋ̈mɛ 'ka, 'yö ‑gblüdë ꞊gban ‑bha ‑gblüdë 'ka. "Bhlaanë bha 'ö ö ‑bha mɛ ‑nu 'ö‑ ‑nu ‑dhɛ, 'ö‑ ‑nu ‑ya, 'ö 'wii 'go wo ‑wʋ ‑ta tongtongdhö, "ɛɛn 'ö 'wii "kan‑ ‑bha bha ꞊në wɛng‑ ‑nu ‑a ‑nu ‑kɔ dho ziö ‑gblüdë ‑nu bha‑ ‑nu ‑gɔ "dhʋ̈ bha.»

‑Dhɛkpaɔ 17:6

'A dho ‑dhɛ ‑ga kö Atanna dhɔɔbhaamɛ ‑nu waa‑ Yesu "sɛɛ‑ ‑nu 'ö‑ ‑nu ꞊yɔɔn ꞊wɛnng bha‑ bian yaa‑ 'kun, 'a‑ yö, ‑a 'wɔn ꞊dede kë n ‑kɔn.

‑Dhɛkpaɔ 2:2

«'Wɔn ‑së ‑nu 'ka‑ ‑kë oo, sëë ‑nu 'ka‑ bho, "ɛɛn 'wɔn ‑nu 'ka‑ kun ka ‑bha n ‑wɔn 'gü bha‑ ꞊gban ‑yö n "yaan. ‑A 'bha 'yaa n tii' 'ka. A‑ 'wɔn ‑dɔ 'zü ꞊dhɛ kaa 'wɔnyaakëmɛ ‑nu 'kaa 'kun bho 'koo, ꞊dhɛ 'mɛ 'wo‑ pö wo ‑dɩ ‑dhɛ ꞊dhɛ Yesu ‑bha bɔmɛ ‑mü wo 'ka, "kɛɛ kö 'waa‑ 'ka bha ka‑ ‑nu 'gü dan ‑sü 'ka 'ö 'ka‑ dɔ ꞊dhɛ ꞊sua ꞊në 'wo‑ ‑kë, 'waa‑ 'ka.

‑Dhɛkpaɔ 3:11

N nu "tʋ̈ng 'yaa ꞊gblɛɛn 'zü. ‑A 'kun ꞊në ‑kaa wo "gbɩɩ‑ kö mɛ 'bha pia" 'ya 'dho dhi ka ‑bha ‑bhɔ 'gü 'faan‑ bha‑ 'ka.

‑Dhɛkpaɔ 3:3

‑A ‑kë "dhʋ̈ ‑sü bha‑ 'gü, ka ‑zʋ ‑yö ‑bö 'wɔn ‑nu 'wo ka ꞊klang ‑kë 'ka bha‑ 'ka kö ka ‑zʋ ‑yö ‑bö 'pö ‑kɔ 'ka‑ ma‑ 'ka bha‑ 'ka, kö 'ka‑ ‑ya ꞊bhlëë 'gü, kö 'ka ka ꞊taa zun 'wɔn yaa kë ‑sü ‑gɔ. "Kɛɛ 'kii ‑bö ‑zë wo kö 'ka ‑ya ka "yaan, a ‑dho nu 'a ‑kan ka 'gü ꞊dhɛ ꞊kwaanmɛ 'dhö, 'ö 'kaa n ‑nu "tʋ̈ng dɔ.