‑Dhɛkpaɔ 2:10 - NAƆ ‑SË 'SËËDHƐ

¹⁰ ‑Dhɛ ‑ga, 'wɔn "gbɩɩ‑ 'ö kaa ziö‑ 'gü bha 'ka 'dho "suʋ̈‑ ‑gɔ. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Sɔtraan ‑dho ka 'gü dan 'ö 'mɛ 'ka bha mɛ 'gbɛ ‑da ‑kaso 'gü, 'ö 'ka saan" sü ‑dhɛkpaɔyi ‑kaɔng do 'ka, "kɛɛ 'kö 'zü 'ö ‑kë ka ‑gɔtogüwɔn 'ka, ‑ka 'to ka ‑wʋ ‑ta. ꞊Ya kë ꞊dhɛ 'ka‑ kë "dhʋ̈, ‑gbloo 'faan‑ 'wo ‑tosɛa 'ö 'yaa yën ‑a ‑kë ‑bha bha a ‑dho ‑a nu ka ‑dhɛ.

‑Dhɛkpaɔ 2:10 ပူးပေါင်းရင်းမြစ်များ

Matiö 10:22

Ka ‑san ‑dho mɛ ꞊gban "pɛpɛ kë n ‑wɔn 'gü, "kɛɛ 'mɛ 'ö dho‑ 'kun "gbɩɩ‑ 'ö dho 'ö zun‑ 'ka ‑a "dhiʋ̈todhɛ ‑bha, ‑yö ‑dho dha.

Matiö 10:28

'Ka 'dho "suʋ̈ 'mɛ 'wo ꞊mɔɔ‑ ‑bha 'wo ka zë, "kɛɛ 'ö 'waa ꞊mɔɔ‑ ‑bha kö ‑wo ka 'nii‑ ‑zë zë bha‑ ‑nu ‑gɔ! "Kɛɛ ‑ka "suʋ̈ Atanna 'kö‑ ‑kɔ ‑yö ꞊mɔɔ‑ ‑bha kö ‑yö ka zë kö ‑yö 'dho ‑yö ka 'nii‑ ‑nu ꞊gban zë kö ‑ya ‑zuö ꞊geebɔɔ pɛng 'gü bha ꞊në‑ ‑gɔ!

Matiö 24:13

"Kɛɛ 'mɛ 'ö dho ö 'gü dɔ "gbɩɩ‑ 'ö 'dho 'ö zun‑ "dhiʋ̈todhɛ ‑bha ‑yö ‑dho dha.

Makö 13:13

Ka ‑san ‑dho mɛ ꞊gban "pɛpɛ kë ka ‑bha ‑kë n ‑bha 'ka ‑sü ‑wɔn 'gü, "kɛɛ 'mɛ 'ö 'yii ö bo n 'ka, 'mɛ 'ö yaa ‑to ‑kplü ‑sü 'ka n ‑wɔn ‑bha "dhʋ̈ kö‑ 'to‑ 'ka "dhʋ̈ ‑yö ꞊loo‑ 'ka ‑a "dhiʋ̈yadhɛ 'gü, ‑a ‑mɛ ‑dho dha.»

Makö 8:35

‑A ‑gɛn ‑mü ꞊dhɛ 'mɛ 'ö yaa‑ ‑pö 'ö ö ‑dɩ dha, ‑a ‑mɛ ‑gɔ ‑dho 'to‑ 'gü, "kɛɛ mɛ 'ö bo ö ‑dɩ 'ka n ‑wɔn waa‑ 'wɔn ‑taɔng ‑së ‑wɔn 'gü, ‑yö ‑dho dha.

Dhukö 21:12

"Kɛɛ "sanni 'wɔn ‑nu bha‑ ꞊gban "pɛpɛ ‑yö kë, ‑wo ‑dho ka 'kun ꞊kö ‑blɛɛsü 'wo ka ‑wëë ‑kë ꞊gban "pɛpɛ suu wo, 'ö wo ka "dhiʋ̈ dɔ pë ‑gɔ, 'ö 'wo 'wɔn bho ka 'gü Zuifö ‑nu ‑bha ‑yakwëëkëgükɔ ‑nu 'gü, 'ö 'wo ka ‑da ‑nu wo ‑kaso 'gü, 'ö 'wo dho ka 'ka ‑gblüdë ‑nu waa‑ "sɛgɔdhiʋ̈mɛ ‑nu ‑kuu "dhiʋ̈ n 'tɔ ‑wɔn 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:25

‑A ‑kë "dhʋ̈ ‑sü bha‑ 'gü, 'mɛ 'ö ‑ya ö ‑dɩ ‑bha ‑tosɛa ‑wɔn zuën ‑ta "dhiʋ̈ ziö 'ka, ‑a ‑mɛ ‑dho ‑a 'ma ‑zukplü ‑bha. "Kɛɛ 'mɛ‑ ‑bha ‑tosɛa ‑wɔn 'yaa‑ ‑gɔ "gbɩɩ‑ "kpʋng ꞊taa yö ꞊në‑ ‑mɛ ‑bha dho 'to‑ ‑gɔ ‑dhɛkpaɔ dhia" 'gü, 'yö dho ‑da 'ka ꞊sii 'ö 'yaa yën 'ö Atanna "piʋ̈ bha‑ kë ‑dhɛ 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:2

'Ö gun "dhʋ̈ kö waa‑ ‑bha ꞊klang ‑nu ‑wo pë ‑bhö sië, kö Sɔtraan ꞊yaa‑ "dhiʋ̈ dɔ zuëga ‑da 'nu Zuda 'ö ‑kë Simɔ Isikadhiɔtö gbö 'ka bha‑ "gblʋ̈ʋ̈‑.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:27

꞊Dhɛ 'ö Zuda ‑yö 'bluu‑ "kplü bha‑ 'sü bhoo, 'yö Sɔtraan ‑yö 'wɔn yaa kë zuëga ‑da ‑a "gblʋ̈ʋ̈‑. Yesu ‑yö ‑to mü 'pö 'ö‑ pö‑ ‑dhɛ: «Zuda, 'wɔn 'ö bhii‑ kë ‑bhö ‑a kë "vaandhö!»

Këwɔn ‑nu 20:24

"Kɛɛ ꞊ya 'to mang ꞊dede ‑zë n ‑bha ‑bha, n "tʋ 'yaa ma ‑tosɛa ‑wɔn ‑bha, 'maa‑ yö ‑zianwo ꞊dhɛ 'pë 'ö‑ ‑wɔn 'dhö "gbɩɩ‑ ‑a 'dhö, 'wɔn doseng 'ö ma 'yaanu 'a n ‑zʋ gɔn‑ 'ka, ‑yö ‑mü ‑kɔ 'a dho‑ kë‑ 'ka kö yë 'ö n Dëmɛ Yesu ‑ya "kplëng bho n ‑bha, 'ö ‑kë ‑a ‑bha 'wɔn ‑taɔng ‑së 'ö ‑gban Atanna ‑bha ‑gasitɛ 'ö‑ ‑kë kwa ‑dhɛ ‑a ‑bha ‑a pö ‑sü 'ka bha 'a‑ "dhiʋ̈ ‑ya ‑së 'ka, kö 'ö ꞊dhɛ ‑bɛang 'dhö 'a‑ ‑ga 'sü bha ꞊në‑ 'ka.

Këwɔn ‑nu 21:13

"kɛɛ 'yö‑ ‑yɔ bɔ yi ‑gɔ 'ö‑ pö: «‑Më ꞊në ‑kë 'yö 'ka "gbʋ bɔ kö n zuë" "dhiʋ̈ ‑yö "tɛɛ? ꞊Ya 'to ma ‑zë n ‑bha ‑bha n ‑lö ‑sü 'yaa n 'gü 'wɔn 'bha 'ka, 'kö 'ma ga ‑zian ꞊në‑ wo Zedhizadhɛmö n Dëmɛ Yesu ‑wɔn 'gü ‑yö n 'gü ‑së.»

1 Kodhɛngtö 9:25

Mɛ "pɛpɛ 'wo ‑bɛang bha‑ sü "dhʋ̈ bha ‑wo wo "kian ‑kpɔ pë 'gbɛ ꞊dede ꞊në‑ 'ka kë "dhʋ̈ kö ‑bɛang ‑yö dhi wo ‑gɔ kö 'wo 'tɔ 'sü, 'sa kö 'tɔ 'ö "dhʋ̈ bha‑ ‑dhɛkpaɔ dhia" 'yaa 'dhö. "Kɛɛ kwa ‑zë 'kwa kwa "kian bha‑ 'kpɔ "dhʋ̈, 'kwa‑ kpɔ 'wɔn 'ö‑ 'gü bha‑ ‑dhɛkpaɔ dhia" ‑dhö. ‑A ‑gɛn ‑mü ꞊dhɛ 'tɔ 'ö kwaa‑ 'sü bha‑ ‑sü kwa ‑gɔ ‑mɛ 'yaa 'dhö tongtongdhö.

Efɛzö 2:2

Ka ‑gun ‑tosɛa kë sië‑ "tʋ̈ng bha‑ 'gü ꞊dhɛ ‑kɔ 'ö 'mɛ 'waa Atanna dɔ 'wo "kpʋng ya‑ ꞊taa 'wo ‑tosɛa ‑kë 'ka bha ꞊në‑ 'dhö, 'yö 'ka "yina ‑nu ‑bha ‑gblüdë 'ö ‑ya ‑sü 'ka 'tëng‑ ‑ta "sɛ waa‑ dhang‑ ‑a ‑nu ꞊zinng 'gü bha ꞊në‑ ‑dhidhɛwɔn ‑kë. "Kɛɛ 'sa ‑a "yina 'ö "dhʋ̈ bha ꞊në ‑da 'mɛ 'wo gɔɔgbɩɩdhɛ kë sië Atanna ‑gɔ "tʋ̈ng ya‑ 'gü bha‑ ‑nu ‑gɔ 'gü 'yö 'wo‑ kë sië "dhʋ̈ bha.

Efɛzö 6:12

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kwa ‑gblügɔɔn "yɔɔ ‑nu bha mɛ "bhɩɩ‑ ‑nu 'waa ‑mü. "Kɛɛ "yina ‑gblüdë ‑nu waa‑ ‑ziö mɛ ‑gɔ ‑pë ‑nu waa‑ ‑suʋ̈gɔpë ‑nu 'ö mɛ 'yaa yö 'ö 'wo "kpʋngtaadhɛ 'ö 'wɔn yaa ‑kɔ ꞊ya ziö‑ ‑gɔ ya‑ ‑gɔ "dhiʋ̈ bha waa‑ "yina "klʋ yaya ‑nu 'wo 'tëng‑ ‑ta bha ꞊në 'kwa 'ko zë sië‑ ‑nu 'ka.

Zakö 1:12

"Kɛɛ 'mɛ 'ö 'wɔn "gbɩɩ‑ ꞊gban "pɛpɛ suu 'do 'do ‑yö ‑wɔ ‑ta 'ö 'kun bho‑ 'gü (ka kpö 'gü), kö‑ ‑mɛ ‑bha ‑së, ‑a ‑gɛn ‑mü ꞊dhɛ ꞊ya bo ziö ‑sü 'ka‑ ꞊gban 'gü, ‑yö ‑dho ‑a ‑gloo 'faan‑ 'ö ꞊sii 'ö 'yaa yën‑ 'ka, 'ö kwa Dëmɛ ‑ya ‑ya 'mɛ 'ö‑ ‑dhɔ ‑ya ‑nu ‑kë ‑a ‑nu ‑gɔ bha‑ ꞊slɔɔ.

1 Piɛdhö 5:4

꞊Ya kë ꞊dhɛ 'ka‑ kë "dhʋ̈, kwa Dëmɛ 'ö 'mɛ 'ka ꞊dhɛ ‑tuʋ̈ ‑maakëmɛ 'dhö bha ka ‑gɔmɛ ꞊dede 'ka bha ꞊ya nu yi 'ö‑ 'ka, ‑yö ‑dho ‑gblüdëdhɛ 'faan‑ 'ö‑ ꞊bhlëë 'yii 'dho ‑pö tongtongdhö bha‑ ‑ya ka ‑gɔ ‑bha.

1 Piɛdhö 5:8

‑Ka ka zuë" 'kun ka ‑bha. ‑Ka ka ‑dɩ 'kun! ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Sɔtraan 'ö ka 'yaɔ‑ 'ka bha ‑yö ꞊nië sië ka ‑züzü ‑vëvëdhö ꞊dhɛ laa 'ö ꞊gblan sië, 'ö ‑bhöpë mɔɔ‑ sië kö ‑ya ‑bhö ‑a 'dhö.

‑Dhɛkpaɔ 13:14

‑Yö ‑gun "kpʋngtaamɛ ꞊gban "pɛpɛ gɔɔ bho sië 'wɔn 'ö Atanna ‑ya kë ‑sü "sɩ ‑kë ‑dhɛ 'ö gun‑ kë sië wü ‑blɛɛsü bha‑ ‑bha kë 'gü bha ꞊në‑ 'ka, 'yö‑ pö "kpʋngtaamɛ ‑nu ‑dhɛ ꞊dhɛ ‑wo wü ‑blɛɛsü 'wo‑ ‑gi ‑siang 'ka "kɛɛ 'ö dha‑ ‑gɔ bha‑ "blɛɛn‑ do ‑pë ‑kë.

‑Dhɛkpaɔ 13:2

Wü 'a‑ yö bha ‑yö ‑gun ꞊dhɛ gwee 'dhö, 'yö‑ ‑gɛn ‑nu 'wo gun ꞊dhɛ "sluku ‑bha 'dhö, 'yö‑ "dhi ‑yö gun ꞊dhɛ laabhölaa ‑bha 'dhö. 'Yö "yina bha 'ö ö ‑bha mɛdhɛ oo, ‑a ‑bha ‑blüdëdhɛ ‑gbloo waa‑ ‑bha 'gügbɩɩdhɛ ꞊gban nu wü bha‑ ‑dhɛ.

‑Dhɛkpaɔ 13:7

'Yö‑ ‑ga 'ka mü 'yö ‑ya 'ko zë ‑sü ‑bha ‑a ‑bha mɛ ‑nu 'ka, 'yö‑ ‑kɔ ‑yö ꞊mɔɔ‑ ‑nu ‑bha, 'yö‑ ‑kɔ ‑yö ‑ziö "siya ꞊gban "pɛpɛ suu ‑gɔ, 'yö ‑ya "sɛ ꞊gban "pɛpɛ waa‑ ‑wʋ suu "pɛpɛ 'ö‑ ‑ta ‑a pö ‑mɛ ‑nu ꞊gban ‑gɔ "dhiʋ̈.

‑Dhɛkpaɔ 17:14

'Yö 'wo 'ko zë Atanna ‑bha "bhlaanë 'ka, "kɛɛ ‑a ‑nu ‑kɔ 'yii 'dho ꞊mɔɔ‑ ‑bha, "bhlaanë bha‑ ‑kɔ ‑dho ziö‑ ‑nu ‑gɔ, ‑a ‑gɛn ‑mü ꞊dhɛ yö ꞊në mɛ ‑gɔdhiʋ̈mɛ ꞊gban ‑bha ‑gɔdhiʋ̈mɛ 'ka, 'yö ‑gblüdë ꞊gban ‑bha ‑gblüdë 'ka. "Bhlaanë bha 'ö ö ‑bha mɛ ‑nu 'ö‑ ‑nu ‑dhɛ, 'ö‑ ‑nu ‑ya, 'ö 'wii 'go wo ‑wʋ ‑ta tongtongdhö, "ɛɛn 'ö 'wii "kan‑ ‑bha bha ꞊në wɛng‑ ‑nu ‑a ‑nu ‑kɔ dho ziö ‑gblüdë ‑nu bha‑ ‑nu ‑gɔ "dhʋ̈ bha.»

‑Dhɛkpaɔ 2:13

«A ka ‑yɛa ꞊bhaa ‑dhɛ ‑dɔ, a‑ 'wɔn ‑dɔ 'kpakpadhö ꞊dhɛ Sɔtraan ‑bha ‑blüdëdhɛ ‑gbloo ‑yö mü ꞊naa, "kɛɛ yö ‑zë ꞊gban 'gü ka ‑kplü ‑sü 'ka n ‑bha kpɛnngkpɛnngdhö, 'kii ka bo ‑zʋ ‑yö n ‑dhɛ ‑sü 'ka, aa" ꞊ni "tʋ̈ng ‑zian 'wo Angtipa 'ö ‑kë n "sɛɛ‑ 'ö to ö ‑wʋ ‑ta ‑a 'ka bha‑ zë‑ 'ka bha‑ 'gü.

‑Dhɛkpaɔ 2:9

Saan" 'ka‑ wo sië n ‑wɔn 'gü bha a‑ ‑dɔ, ka ‑bha "flɛɛdhɛ bha a‑ ‑dɔ, 'sa 'kaa "flɛɛmɛ 'ka tɛan‑ ꞊dede ‑zë 'ka! Ka ‑dhiang yaa 'ö Sɔtraan ‑bha mɛ ‑nu 'wo‑ pö wo ‑dɩ ‑dhɛ ꞊dhɛ wo ‑bɔ Atanna 'ka "kɛɛ kö 'waa bɔ‑ 'ka bha 'wo‑ zë bha‑ ꞊gban ‑yö n "yaan!