‑Dhɛkpaɔ 19:4 - NAƆ ‑SË 'SËËDHƐ

⁴ ꞊Dhɛ 'ö ꞊waa‑ pö "dhʋ̈, 'yö mɛ zizi ‑nu ‑kaɔng ꞊plɛ ga ‑yiisiö bha 'wo zun wo kpiö 'gü waa‑ pë "yaandhe ‑yiisiö bha‑ ‑nu 'dhö 'yö 'wo Atanna ‑dhɔkë kö ‑wa pö sië: «Kö ‑yö kë "dhʋ̈ bha 'aa ‑yö kë! Atanna nuɛ"!»

‑Dhɛkpaɔ 19:4 ပူးပေါင်းရင်းမြစ်များ

Matiö 28:20

Kö 'ka‑ ‑nu ꞊klang kë ‑zʋ ‑kë pë "pɛpɛ 'a‑ ‑bɛn zë 'a‑ to ka ‑gɔ bha‑ "piʋ̈ ‑sü 'ka. ‑Yö kë ka "yaan ꞊dhɛ a ka "piʋ̈ yi ꞊gban 'ka 'ö to‑ 'ka "dhʋ̈ 'ö zun‑ 'ka "sɛ "dhiʋ̈toyi ‑bha.»

Matiö 6:13

'Bha 'dho kwaa‑ yi ‑zü 'ö 'yi dho 'wɔn yaa kë ‑zian ‑ta, "kɛɛ ‑bhö yi dha Sɔtraan ‑gɔ; ‑a ‑gɛn ‑mü ꞊dhɛ ‑gblüdëdhɛ, 'gügbɩɩdhɛ waa‑ 'tɔbhɔdhe ‑wo bhi ꞊në i ‑gɔ 'ö‑ zübhoyi 'yaa 'dhö, 'ö‑ "dhiʋ̈todhɛ 'yaa 'dhö. Kö ‑yö kë "dhʋ̈ bha 'aa ‑yö kë!

1 Kodhɛngtö 14:16

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'bha Atanna nuɛ" bho i 'nii‑ 'gü kö 'mɛ 'ö ‑dhɛng 'ka ‑a ‑dhɔkë ‑sü 'gü ‑yö ka kpö 'gü, ‑a ‑mɛ ‑dho ‑a pö (꞊iin, 'wɔn bha ‑yö kë "dhʋ̈) ‑kɔ ‑kë ꞊dhɛ kö 'i 'pë‑ pö 'yaa‑ 'gü ma?

‑Dhɛkpaɔ 15:7

'Yö pë "yaandhe ‑yiisiö 'wo Atanna ‑kuu "dhiʋ̈ bha‑ mɛ do ‑yö "sënnggbɔnë "saɔplɛ, 'ö pa ‑sü 'ka Atanna 'ö 'dhö ‑todhʋ̈ 'ka bha‑ ‑bha ‑mawɔnsiödhe 'ka bha‑ nu ‑a ‑bha "kië "saɔplɛ bha‑ ‑nu ‑dhɛ.

‑Dhɛkpaɔ 19:1

꞊Dhɛ 'ö ꞊ya kë "dhʋ̈, 'yö n "tʋ 'dhö ‑da ꞊gbang dɔ ‑wʋ 'bha 'gü dhang‑ 'gü ꞊dhɛ mɛ kpö ‑ziisü 'wo "wɩ sië‑ 'dhö kö ‑wo "kwi "kan sië 'wo ‑ya mü 'wo‑ pö: «‑Ka Atanna 'tɔ bhɔ, yöö do ꞊në kwa Dhamɛ 'ka, 'tɔbhɔdhe waa‑ 'gügbɩɩdhɛ ‑wo kwa ‑bha Atanna bha ꞊në‑ ‑bha 'ka.

‑Dhɛkpaɔ 19:3

'Yö 'wo "kwi bha‑ ꞊plɛ ‑naa ‑kan 'zü ‑deewo 'wo‑ pö: «‑Ka Atanna nuɛ" bho! ‑A ‑gɛn ‑mü ꞊dhɛ pɛng 'ö‑ ‑da 'pö 'kpii‑ bha‑ 'ka 'ö‑ "gbiën 'dhö bhɔ sië bha ‑yö ‑dho 'to "dhʋ̈ "sɛ 'tuʋ̈‑ 'ka!»

‑Dhɛkpaɔ 19:6

'Yö 'a mɛ kpö ‑ziisü 'bha bha‑ ‑wʋ ma kö ‑wo "wɩ sië ‑yuudhö ꞊dhɛ "yi 'kpii‑ ‑zuö ‑wʋ 'dhö, ꞊dhɛ dha "gbɩɩ‑ 'ö "wɩ sië‑ 'dhö 'wo‑ pö: «‑Ka ‑kwa kwa ‑bha Atanna 'tɔ bhɔ! ‑A ‑gɛn ‑mü ꞊dhɛ yö 'ö kwa Dëmɛ 'ka 'ö‑ ‑bha 'gügbɩɩdhɛ "dhiʋ̈todhɛ 'yaa 'dhö bha ꞊ya zun ö ‑bha mɛdhɛ kë ‑sü ‑bha ꞊tɔn!»

‑Dhɛkpaɔ 5:14

꞊Waa‑ "tan bha‑ bho "dhʋ̈, 'yö pë "yaandhe ‑yiisiö bha 'wo‑ ‑yɔ bɔ 'wo‑ pö: «Kö ‑yö kë "dhʋ̈ bha 'aa ‑yö kë.» 'Yö mɛ zizi ‑nu bha 'wo zun wo kpiö 'gü, 'yö 'wo‑ ‑dhɔkë.