‑Dhɛkpaɔ 18:1 - NAƆ ‑SË 'SËËDHƐ

¹ ꞊Dhɛ 'ö ꞊ya kë "dhʋ̈, 'yö 'a Atanna ‑bha "kië "wɛɛ do yö kö ‑yö 'go sië dhang‑ 'gü 'ö ꞊lɔɔ, "kɛɛ kö Atanna ꞊yaa‑ gba 'gügbɩɩdhɛ ꞊dede 'ka, 'yö‑ 'bhü ‑yö ꞊mɔɔ "kpʋngtaadhɛ ꞊gban 'gü.

‑Dhɛkpaɔ 18:1 ပူးပေါင်းရင်းမြစ်များ

Dhukö 17:24

‑a ‑gɛn ‑mü ꞊dhɛ mang Mɛgbömɛ n nu ‑sü bha ‑yö ‑dho kë ꞊dhɛ ‑kɔ 'ö dha ‑yö "yaan‑ kun‑ 'ka, 'ö ‑kë ꞊dhɛ mɛ‑ mɛ "yan zë, "kɛɛ 'ö "sɛ zun‑ 'ka 'ko "dhiʋ̈ bha ꞊në‑ 'dhö.

2 Tesadhonikö 2:8

Yö ‑zë ꞊ya 'go‑ ‑gɔ zian‑ yi 'ö‑ 'ka kö 'wɔn yaa ‑gɔdɔakpluu bha‑ nu "tʋ̈ng ꞊ya ꞊loo. "Kɛɛ ꞊ya kë ꞊dhɛ kwa Dëmɛ Yesu ꞊ya nu, "tɛɛ 'ö go‑ "dhi ‑yö ‑dho mɛ bha‑ zë, 'yö‑ ‑bha mɛdhɛ 'bhü 'ö dho nu‑ 'ka bha‑ ‑kë "gbɩɩ‑ ‑sü bha 'ö ‑kë 'wɔn yaa ‑gɔdɔakpluu bha‑ ‑bha ‑bho "dhiʋ̈ ‑sü 'ka.

‑Dhɛkpaɔ 10:1

꞊Dhɛ 'ö ꞊ya kë "dhʋ̈, 'yö Atanna ‑bha "kië 'gü "gbɩɩ‑ do ‑yö go dhang‑ 'gü 'ö ꞊lɔɔ, kö "dhuu ‑yö ꞊klëën ‑sü 'ka‑ ‑zü, kö ꞊kpöng ‑yö ꞊klëën ‑sü 'ka‑ ‑gɔ ‑zü 'pö, kö‑ wɔ 'gü ‑yö 'bhü sië ꞊dhɛ 'yënng‑ 'dhö, kö‑ ‑gɛn 'ö‑ ꞊wlöö ‑a ꞊gban‑ kë sië ꞊dhɛ pɛng gɔn 'nɛɛ‑ 'ö këng ꞊sië 'dhö.

‑Dhɛkpaɔ 17:1

꞊Dhɛ 'ö ꞊ya kë "dhʋ̈, 'yö Atanna ‑bha "kië "saɔplɛ 'ö gbɔnë "saɔplɛ bha 'ö gun‑ ‑nu ꞊kwɛɛ bha‑ mɛ do ‑yö ꞊yɔɔn n "sɔɔ 'yö‑ pö n ‑dhɛ 'ö‑ pö: «‑Bhö nu kö ‑kɔ 'ö Atanna dho 'wɔn bho‑ 'ka ‑zuadhe 'kpii‑ 'ö ‑ya ‑sü 'ka "yi "gblʋ̈gblʋ̈ ‑nu ‑gɔ "dhiʋ̈ bha‑ 'gü bha 'a‑ ‑zɔn i ‑dhɛ.

‑Dhɛkpaɔ 17:7

'Yö Atanna ‑bha "kië bha 'ö‑ pö n ‑dhɛ: «‑A 'wɔn ‑yö i ‑kɔn ‑më ‑wɔn 'gü? Dhebhɔ bha waa‑ wü 'ö ‑ya ‑ta 'ö‑ ‑gɔ 'dhö "saɔplɛ "kɛɛ 'ö‑ ‑sö 'dhö ‑kaɔng do bha a ‑dho ‑a 'klɔɔ‑ pö i ‑dhɛ.»

‑Dhɛkpaɔ 21:23

'Pö‑ bha‑ ‑mawɔn 'yaa gun ‑dhɛpuudhɛ ‑bha, ‑a ‑wɔn 'gü 'yënng‑ 'yaa gun ‑wo sië mü, kö yöö 'to "su ꞊në‑ ‑bha. ‑A 'klɔɔ‑ ‑mü ꞊dhɛ "bhlaanë bha ꞊në gun‑ ‑bha ‑dhangbha 'ka, 'yö Atanna ‑bha mɛdhɛ 'bhü ‑yö gun ꞊dhɛ ‑a ‑bha 'yënng‑ 'dhö.