‑Dhɛkpaɔ 17:8 - NAƆ ‑SË 'SËËDHƐ

⁸ 'Yö‑ pö n ‑dhɛ: «Wü 'i‑ ‑ga bha ‑yö ‑gun "yaan yi 'bha 'ka "kɛɛ 'yaa 'dhö 'zü. ‑Yö ‑dho 'go ‑klɔng züziösü bha ꞊në‑ 'gü "kɛɛ kö‑ 'gü ꞊në ‑yö see‑. Mɛ "pɛpɛ 'wo "kpʋng ꞊taa 'ö‑ ‑nu 'tɔ ‑bɛn 'yaa zë ‑sü 'ka Atanna ‑bha dha ‑sü 'sëëdhɛ 'gü "sɛ waa‑ dhang‑ ‑nu kë "tʋ̈ng 'gü bha ꞊wa wü bha‑ yö, ‑a 'wɔn ‑dho ‑nu 'kɔn. ‑A 'klɔɔ‑ ‑mü ꞊dhɛ ‑yö ‑gun, "kɛɛ 'yaa 'dhö 'zü, "kɛɛ ‑yö ‑dho ‑ya mü 'zü 'ö bhɔ ‑deewo.

‑Dhɛkpaɔ 17:8 ပူးပေါင်းရင်းမြစ်များ

Matiö 25:34

'Ma bo ‑a ‑nu ‑kan 'koo ‑sü 'ka ꞊dhɛ ‑kɔ bha‑ 'dhö, 'yö 'a‑ pö 'mɛ 'wo dho kë n ‑kɔ ‑së 'gü bha‑ ‑nu ‑dhɛ 'mɛ 'ö n Dë Atanna bha 'dhuë‑ 'dhö ka 'kun ‑sü 'ka bha, ‑ka nu ‑yɛa 'ö n Dë ‑ya ‑pë ‑kë ö ‑bha ‑gblüdëdhɛkëdhɛ 'ka yi 'bha 'ka bha kö 'ka ‑ya 'gü.

Dhukö 10:20

"Kɛɛ 'kö 'zü yöö kë "dhʋ̈, 'wɔn 'ö yöö kë ka ꞊nii ‑da 'gü ‑wɔn 'ka 'yaa "yina yaa ‑nu ‑bha ‑gɔ ‑dho ka ‑dhɛ "sia‑ ‑wɔn ‑zë 'ka. 'Wɔn 'ö dho ka ꞊nii ‑da yö ‑mü ꞊dhɛ mɛ 'ka bha ka 'tɔ ‑bɛn ‑yö zë ‑sü 'ka dhang‑ 'gü.

Dhukö 8:31

"Kɛɛ kö ‑wo bhɛa" sië Yesu ‑dhɛ ꞊dedewo kö 'ya 'dho wo kë 'mɛ bha‑ 'gü 'ö‑ ‑nu bɔ ‑klɔng züziösü 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:24

꞊Dhɛ 'ö "dhʋ̈, n Dë, bhi ꞊në 'i‑ ‑nu nu n ‑dhɛ. 'Wɔn 'ö n 'gü ‑wɔn 'ka ‑yö ‑mü ꞊dhɛ kö ‑dhɛ 'a dho kë‑ 'gü bha ‑wo kë mü 'pö, kö 'tɔbhɔdhe 'i‑ nu n ‑dhɛ n ‑dhɔ 'ö i ‑kë kö 'bhii "kpʋngtaadhɛ ‑da ꞊kö ‑a ‑wɔn 'gü bha ‑wa ‑dhɛ yö.

Këwɔn ‑nu 15:18

'Wɔn ‑nu 'ö kwa Dëmɛ ‑ya pö 'ö‑ yi ꞊ya ꞊gwëë bha ꞊në 'wo bha.»

Efɛzö 1:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Atanna ‑yö kwa ‑sü 'ö kwa ‑ya ö ‑bha ‑ya 'gü Klisi 'saa‑ 'gü "dhʋ̈ kö 'yii "kpʋngtaadhɛ ‑zian ‑da ꞊kö. Kë "dhʋ̈ kö 'kwa kë 'mɛ 'ö "slʋ̈ʋ̈slʋ̈, 'ö pö ‑tangga ‑zian 'yaa‑ ‑bha ‑a 'ka ö wëëdhö.

1 Piɛdhö 1:20

'Sa yö 'ö bha Atanna ꞊në ö ‑kɔ ‑yɛ ‑bha kö 'yii "kpʋngtaadhɛ ‑zian ‑da ꞊kö, 'yö gun ‑na nu "kpʋng ꞊taa kaa 'wɔn ‑së 'gü "sɛ yën "tʋ̈ng ya‑ 'gü ya.

‑Dhɛkpaɔ 11:7

"Kɛɛ yi 'ö mɛ ꞊plɛ bha 'wo dho wo bo‑ 'ka ‑wʋ 'ö Atanna ‑ya kpɔ‑ ‑nu ‑bha bha‑ pö ‑sü 'ka ‑a 'ka bha, wü "dhabhli ‑sü 'bha 'ö go ‑klɔng züziösü bha‑ 'gü bha ‑yö ‑dho ‑gblü ‑da ‑a ‑nu ‑ta 'ö‑ ‑kɔ ‑yö ‑ziö ‑nu ‑gɔ 'ö‑ ‑nu zë,

‑Dhɛkpaɔ 17:11

'Yö wü 'ö gun yi 'bha 'ka, "kɛɛ 'ö 'yaa 'dhö 'zü bha 'ö ‑gblüdë ‑nu bha‑ ‑nu "saaga ‑naa 'ka, 'sa ‑yö ‑gun mɛ "saɔplɛ ‑blɛɛsü bha‑ ‑nu kpö 'gü, 'yö‑ 'gü see‑ "tʋ̈ng 'dhö ꞊loo sië bha.

‑Dhɛkpaɔ 17:2

‑A ‑gɛn ‑mü ꞊dhɛ ‑gblüdë "pɛpɛ 'wo "kpʋng ꞊taa ‑wo wo ‑dɩ ‑da ‑sü 'ka yö ꞊në‑ "piʋ̈ 'yö 'wo ‑da ‑sü 'ka ‑zua zë ‑sü 'gü, 'yö‑ ‑nu ‑bha "yënng dɔ ꞊ya kë ꞊dhɛ we 'dhö 'yö‑ ‑nu zë sië bha.»

‑Dhɛkpaɔ 20:10

'Yö 'wo Sɔtraan 'ö gun ‑da sië‑ ‑nu ‑gɔ 'gü bha‑ kun, 'yö 'wo‑ ‑zuö pɛng "yi ꞊gblü 'ö blɔɔn" 'dhö 'pu sië‑ 'gü 'ö 'wo kë wü bha waa‑ Atanna ‑wʋ ‑pö ꞊sua 'ka ‑mɛ ‑zuö 'gü bha‑ 'gü. ‑Dhɛ bha ꞊në‑ ‑nu ‑wëëdhɛ dho 'to bho ‑sü ‑bha mü "dhʋ̈ "dhʋ̈ 'yënng‑ 'gü waa‑ gbeng ‑nu ꞊gban 'gü 'ö‑ "dhiʋ̈todhɛ 'yaa kë.

‑Dhɛkpaɔ 20:12

꞊Dhɛ 'ö ꞊ya kë "dhʋ̈, 'yö 'a mɛ "pɛpɛ 'wo ga 'ö 'wo gun ꞊geebɔɔ bha‑ ‑nu ꞊gban yö kö ‑wo dɔ sië mɛ 'ö gun ‑ya ‑sü 'ka ‑gbloo 'kpii‑ bha‑ ‑ta bha‑ ‑kuu "dhiʋ̈. 'Mɛ 'wo "dhʋ̈ bha 'në sɛɛnnë ‑gun mü, 'yö mɛ "gblʋ̈gblʋ̈ ‑nu ‑wo gun mü. ꞊Dhɛ 'ö ꞊ya kë "dhʋ̈, 'yö 'wo 'sëëdhɛ 'gbɛ "dhiʋ̈ ‑pʋ. 'Yö 'wo dho 'wo‑ do 'bha 'ö mü, 'ö mɛ 'wo dho ‑tosɛa kë Atanna "piʋ̈‑ ‑nu 'tɔ 'dhö‑ 'gü bha‑ "dhiʋ̈ ‑pʋ. 'Yö 'mɛ 'wo gun ꞊geebɔɔ, ‑a ‑nu kë sɔng ‑nu 'wo gun 'sëëdhɛ 'ö‑ 'gü bha 'wo‑ ‑ga, 'yö 'wo‑ ‑nu ‑bha za ‑gɔ "yɛ ‑kɔ sü‑ ‑bha 'dɔɔndhö.

‑Dhɛkpaɔ 20:15

'Yö 'wo mɛ "pɛpɛ 'dhɛ 'kö‑ ‑nu 'tɔ 'yii ꞊slɔɔ 'sëëdhɛ 'ö ‑tosɛa ‑kë ‑bha 'sëëdhɛ 'ka bha‑ 'gü bha‑ ‑nu ꞊gban "pɛpɛ ‑zuö pɛng "yigblü bha‑ ꞊bhaa 'pö.

‑Dhɛkpaɔ 3:10

꞊Dhɛ 'ö ‑kë ꞊dhɛ ‑a pö 'a‑ wo ka ‑dhɛ 'ka ka zuë" ꞊në‑ kë ‑sɛa kö 'wɔn ꞊gban ‑wɔn ꞊gban ‑yö 'kun bho ka 'gü bha, ka kë‑ ‑kë ꞊dhɛ ‑kɔ 'a‑ pö‑ 'ka ka ‑dhɛ ‑a 'dhö bha, mang ‑dɩ 'pö a ‑dho ka ‑maa kë "tʋ̈ng "gbɩɩ‑ 'ö nu sië, 'ö 'a dho 'wɔn wɔ‑ 'ka "kpʋngtaadhɛ ‑todhʋ̈sü ‑ta bha‑ 'ka 'ö 'a ka ‑zë ka dha‑ ‑gɔ.

‑Dhɛkpaɔ 3:5

Mɛ 'ö dho ‑bɛang bha‑ ga 'sü, ‑yö ‑dho sɔ "puu ꞊në‑ ‑da 'pö ꞊dhɛ ‑kɔ bha‑ 'dhö, 'mii 'dho‑ 'tɔ bho Atanna ‑bha 'sëëdhɛ 'ö 'mɛ 'wo dho ‑tosɛa kë‑ "piʋ̈ ‑a ‑nu 'tɔ 'dhö‑ 'gü bha‑ 'gü. 'Ö ‑ya mü 'zü 'a dɔ n Dë Atanna waa‑ ‑bha "kië ‑nu ‑a ‑nu wëëdhö 'a‑ pö ꞊dhɛ ma mɛ ‑mü.