‑Dhɛkpaɔ 17:3 - NAƆ ‑SË 'SËËDHƐ

³ ꞊Dhɛ 'ö‑ pö n ‑dhɛ "dhʋ̈, 'yö Atanna ‑bha 'Nii‑ ‑yö pa n 'ka, 'yö‑ ‑bha "kië bha 'ö n sü 'yö dho n 'ka "tʋngtadhɛ do 'bha bha‑ 'gü. A dho ‑dhɛ ‑ga kö dhebhɔ 'bha bha ‑yö ‑ya ‑sü 'ka wü ‑zaɔndhö 'bha 'ö‑ ‑bha ‑dhɛ ꞊gban 'dhö ‑bɛn zë ‑sü 'ka, "kɛɛ 'ö ‑bɛn 'ö‑ ‑bha bha‑ ꞊gban 'dhö "si ‑bho Atanna ‑gɔ ‑wʋ ꞊në‑ 'ka bha‑ ‑ta. Wü bha‑ ‑gɔ ‑gun "saɔplɛ, 'yö‑ ‑sö ‑yö gun ‑kaɔng do.

‑Dhɛkpaɔ 17:3 ပူးပေါင်းရင်းမြစ်များ

Matiö 27:28

'Yö 'wo‑ ‑bha sɔ bho‑ ‑bha, 'yö 'wo ‑tɔyang ‑zaɔndhö do ‑da ‑bha,

Këwɔn ‑nu 8:39

꞊Dhɛ 'ö ꞊wa 'go "yi ꞊bhaa, 'yö kwa Dëmɛ ‑bha 'Nii‑ ‑yö Fidhipö sü 'zodhö 'yö dho‑ 'ka. 'Yö Etiopi mi bha‑ "yan ‑yö ꞊fië‑ 'ka, "kɛɛ 'yö yö ‑zë 'ö dho ö ‑bha "ta 'ka ö "dhiʋ̈ ꞊niidadhe 'ka.

2 Tesadhonikö 2:4

Mɛ 'ö bha ‑yö ‑dho ö ‑dɩ fië‑ bho pë "pɛpɛ 'kö 'wo‑ ‑dhɛ ‑zlan "kpʋng ya‑ ꞊taa, 'ö 'wo‑ ‑dhɔ ‑zë ‑kë ‑a ꞊gban "pɛpɛ ‑bha. ‑Yö ‑dho 'dho‑ "dhiʋ̈ 'ka "dhʋ̈ 'ö dho 'ö ‑ya Atanna ‑dhɔkëgükɔ ‑nu ꞊gban ‑zian 'gü 'ö‑ pö yö ꞊në 'ö Atanna 'ka.

‑Dhɛkpaɔ 1:10

꞊Dhɛ 'ö ‑dhɛkpaɔyi do 'ka Patömɔsö ‑sɛ ya‑ 'gü, kwa Dëmɛ ‑dhɔkë ‑yi bha‑ 'ka, 'yö Atanna ‑bha 'Nii‑ ‑yö ‑da n 'gü, 'yö 'a mɛ 'bha ‑wʋ ma n ꞊taama ‑zian 'ka, "kɛɛ ‑a ‑wʋ bha ‑yö ‑kë "gbɩɩ‑ 'ka ꞊dhɛ 'pë "truu ꞊në 'wo‑ ‑piö ‑a 'dhö.

‑Dhɛkpaɔ 12:14

"Kɛɛ 'yö dhebhɔ bha 'wo‑ gba "gblëë‑ 'kpii‑ do gban ꞊plɛ 'ka kö ‑ya dɔ ö ‑bha, kö ‑yö ‑wlö 'ka ‑yö 'dho ö ‑yɛa 'wo‑ ꞊baa "tʋng ‑ta bha‑ 'gü kö ‑yö ‑ya mü kö ‑wa "dhiʋ̈ gba ‑kwɛ ‑yaaga waa‑ 'gbu 'ka, kö ꞊mlɛɛ bha 'ya 'dho ö ‑kɔ zun‑ ‑bha.

‑Dhɛkpaɔ 12:3

'Yö "dhabhli bha‑ ‑dee 'bha ‑yö ‑da 'zü dhang‑ 'gü ‑a 'dhɛ bha‑ zian 'gü. 'Yö 'a "yina ‑ziisü do yö, "yinagɔn bha ‑yö ‑gun ‑zaɔndhö, 'yö‑ ‑gɔ gun "saɔplɛ, 'yö‑ ‑söga gun ‑kaɔng do, 'yö ‑gbloo 'faan‑ ‑yö gun‑ ‑gɔ "saɔplɛ bha‑ ꞊gban ‑bha. 'Yö‑ weng ‑yö gun.

‑Dhɛkpaɔ 12:6

'Yö dhebhɔ bha 'ö ꞊dua 'yö dho "tʋng ‑ta, ‑dhɛ 'ö Atanna ‑ya ‑yɛa ꞊baa‑ ‑bha bha‑ 'gü, kö ‑wa "dhiʋ̈ gba mü ‑dhɛkpaɔyi "gblü do ‑ta ꞊plɛ waa‑ ‑dhɛkpaɔyi ‑kaɔng "saɔdo 'ka.

‑Dhɛkpaɔ 17:18

'Yö go mü 'ö‑ pö: «꞊Ya 'go yö ‑zë 'gü, dhebhɔ 'i‑ yö bha ꞊në 'pö 'kpii‑ 'ka, yö ꞊në ‑gblüdëdhɛpö "pɛpɛ 'wo "kpʋng ꞊taa ‑a ꞊gban ‑gɔ 'ka.»

‑Dhɛkpaɔ 17:4

Sɔ ‑nu 'wo gun dhebhɔ bha‑ ‑bha bha‑ 'bha ‑nu ‑gun ‑zaɔndhö ꞊dede 'ka ‑gbangbandhö, 'yö‑ 'bha ‑nu ‑bha ‑zaɔndhö ‑dhɛ "dhiʋ̈ 'yii pa ‑së 'ka, kö ‑zutapë ‑nu 'wo‑ ‑gɔ ‑a ꞊gban "pɛpɛ ‑yö "sënng ꞊në‑ 'ka, waa‑ ‑gwë ꞊bhlëësü ‑nu waa‑ ‑zlɔɔga ꞊bhlëësü ‑nu 'dhö. Kö "sënng gbɔnë do 'bha 'ö pa ‑sü 'ka ‑a kë ‑sɔng yaya ‑nu 'ö ‑gban ‑bha ‑zua zë ‑sü ‑bha bha‑ 'ka bha‑ 'ka.

‑Dhɛkpaɔ 18:12

"sënng ‑nu oo, 'wëë‑ "puu ‑nu oo, ‑gwë ꞊bhlëësü ‑nu oo, ‑zlɔɔ ‑sɛsɛngbɔ ‑nu oo, sɔga "kpɛakpɛa ‑nu waa‑ "gblan "bhɛɛ ‑nu oo, ‑a sɔ 'trëngtrëng 'dhɛ 'wo‑ "gla ‑kë bha waa‑ 'gɔ‑ "yi sɔ ‑nu oo, "ɛɛn "dhü suu "pɛpɛ 'ö‑ ‑wɔn 'dhö "gbɩɩ‑ ‑nu wo 'ö‑ ꞊fii 'dhö ‑së bha waa‑ biö "sɔn ‑nu oo, "dhü ꞊bhlëësü ‑nu waa‑ pë 'dhɛ 'wo‑ ‑pë ‑kë zën ‑nu waa‑ ‑piö ‑nu waa‑ gënng' ‑gwë ‑nu 'ka bha oo,

‑Dhɛkpaɔ 18:16

'wo‑ pö: «"Eke, n dhee" ‑nu! "Eke! Babidhɔnö ‑pö 'kpiki ‑kpiki 'ö sɔ ga ‑yö gun‑ ‑bha, 'ö 'gɔ‑ "yi sɔ ‑yö gun‑ ‑bha, 'ö dho ö "gblan "bhɛɛ ‑da ‑ta, 'ö gun ö ‑bha 'dhu ‑sü 'ka "sënng waa‑ ‑gwë ‑wɔn "gbɩɩ‑ ‑nu waa‑ ‑zlɔɔga ‑së ꞊gban suu 'do 'do 'ka bha ꞊në‑ 'gü ꞊ya see‑ ꞊dhɛ mɛ‑ mɛ "yan zë bha ‑wa!

‑Dhɛkpaɔ 21:10

꞊Dhɛ 'ö‑ pö n ‑dhɛ "dhʋ̈, 'yö 'a to n "yan 'gü ‑da ‑sü bha‑ 'gü mü 'yö n sü 'ö dho n 'ka ‑tɔn ꞊gblɛɛn do 'bha ꞊gbin‑, 'yö 'pödhɛ "slʋ̈ʋ̈slʋ̈ 'ö‑ Zedhizadhɛmö ‑dhɛ 'dhö ‑mü, 'ö gun 'go sië Atanna "piʋ̈ dhang‑ 'gü 'ö ꞊lɔɔ bha‑ ‑zɔn n ‑dhɛ.

‑Dhɛkpaɔ 4:2

'Ö ö bo‑ ‑pö n ‑dhɛ "dhʋ̈ ‑sü 'ka bhoo, 'yö 'Nii‑ "slʋ̈ʋ̈slʋ̈ ‑yö n sü ꞊dhɛ 'gbʋ‑ ‑yö mɛ sü, 'yö dho n 'ka dhang‑ 'gü. ‑Dhɛ 'ö dho n 'ka‑ 'gü bha 'a dho ‑dhɛ ‑ga mü kö ‑blüdëdhɛ ‑gbloo do ‑yö ‑ya sü 'ka mü, kö mɛ do 'bha ‑yö ‑ya ‑sü 'ka‑ ‑ta.