‑Dhɛkpaɔ 17:16 - NAƆ ‑SË 'SËËDHƐ

¹⁶ ‑A wü bha waa‑ ‑sö ‑kaɔng do 'i‑ yö bha ‑wo ‑dho wo zü kë do 'wo ‑da ‑zuadhe bha‑ ‑dhɛ pë "piʋ̈, 'wo‑ ꞊slɔɔpë ꞊gban "pɛpɛ sü‑ ‑gɔ 'wo sɔ ꞊gban bho‑ ‑bha 'ö to ö 'kpee‑ 'ka, 'ö ‑ya mü 'wo‑ ‑wü 'bha ‑bhö, 'wo‑ ‑kpɛa dɔ pɛng "dhiʋ̈.

‑Dhɛkpaɔ 17:16 ပူးပေါင်းရင်းမြစ်များ

‑Dhɛkpaɔ 12:3

'Yö "dhabhli bha‑ ‑dee 'bha ‑yö ‑da 'zü dhang‑ 'gü ‑a 'dhɛ bha‑ zian 'gü. 'Yö 'a "yina ‑ziisü do yö, "yinagɔn bha ‑yö ‑gun ‑zaɔndhö, 'yö‑ ‑gɔ gun "saɔplɛ, 'yö‑ ‑söga gun ‑kaɔng do, 'yö ‑gbloo 'faan‑ ‑yö gun‑ ‑gɔ "saɔplɛ bha‑ ꞊gban ‑bha. 'Yö‑ weng ‑yö gun.

‑Dhɛkpaɔ 16:12

'Yö Atanna ‑bha "kië ‑nu bha‑ mɛ "saɔdo ‑naa ‑yö ö ‑bha gbɔnë bha‑ 'gü ‑pë ꞊wɛnng ꞊gwaanga 'kpii‑ 'wo‑ ‑dhɛ Öflatö bha‑ ‑ta. 'Yö "yi bha 'ö ꞊bhʋ̈ʋ̈ 'yö to "yɛɛn 'ö‑ ꞊bhaa bha ꞊në‑ ‑bha, kë "dhʋ̈ kö ‑yö zian bho ‑gblüdë ‑nu 'ö‑ ‑nu ‑go 'yënng‑ ‑wo ‑zian 'ka ‑wɔn ‑yö gun bha‑ ‑nu ‑gɔ.

‑Dhɛkpaɔ 17:10

‑A ‑gblüdë "saɔplɛ bha‑ mɛ "sɔɔdhu ‑zë ‑a ‑nu ‑bha ꞊ya bo 'nu, 'yö‑ mɛ do 'ö ö ‑bha kë sië "tʋ̈ng ya‑ 'gü, 'yö‑ mɛ do 'bha 'dhö nu sië. ‑A mɛ 'dhɛ 'ö nu sië bha yö ‑zë ‑yö ‑dho nu kö "tʋ̈ng 'yaa 'gbɛ 'zü.

‑Dhɛkpaɔ 18:19

'Ö 'wo ‑wëë ‑ya wo, kö ‑wo ‑bobi ‑nu dɔ sië wo ꞊gbin‑ ‑wëë 'ö ‑da sië‑ ‑nu ‑ta bha‑ ‑wɔn 'gü, 'wo "gbʋ bɔ 'wo‑ pö: «"Eke! ‑Wëëwɔn ‑wa! N dhee" ‑nu! 'Pö‑ 'kpii‑ 'ö yö ꞊në gun 'mɛ 'wo ꞊naɔmɛ 'ka 'ö "yitagɔ ‑nu 'wo‑ ‑nu ‑gɔ "yi ‑ta ‑a ‑nu kë sië ꞊naɔmɛ 'ka ya ꞊në ꞊ya 'wü 'yënng‑ "tɛɛ doseng ‑ta ya ‑wa! ‑Wëëwɔn ‑mɛɛ ꞊në ya?»

‑Dhɛkpaɔ 18:8

'Wɔn 'ö‑ ‑wɔn 'gü 'yö 'wɔn "gbɩɩ‑ "pɛpɛ 'ö dho kë‑ 'ka 'yö‑ ꞊gban dho kë ‑dhɛkpaɔyi do ꞊në‑ 'ka bha 'yö bha. Din‑ ‑dho ‑a kë, 'ö ga ‑yö bhɔ‑ ‑bha, 'ö ‑ya ꞊gɛan sɛɛ" ‑ta, 'ö pɛng ‑ya ‑bhö, "kɛɛ ‑a ꞊gban‑ ‑dho kë "dhʋ̈ ‑dhɛkpaɔyi do ꞊në‑ 'ka, ‑a ‑gɛn ‑mü ꞊dhɛ Atanna 'ö 'wɔn bho sië‑ 'gü "dhʋ̈ bha kwa Dëmɛ, kwa ‑bha Atanna 'ö‑ ‑bha 'gügbɩɩdhɛ ‑dhiang 'yaa zë bha‑ yö ‑mü.»

‑Dhɛkpaɔ 19:18

'Yö‑ pö: «‑Ka nu kö 'ka ‑gblüdë ‑nu ‑wü ‑bhö, waa‑ "sɔdha ‑gɔmɛ ‑nu waa‑ ‑nu ‑bha "sɔdha ‑nu 'dhö, kö 'ka ꞊soo ‑nu ‑wü ‑bhö waa‑ ‑nu ‑ta ‑mɛ ‑nu 'dhö, kö 'ka mɛ suu ꞊gban "pɛpɛ, ‑a ꞊dhuëng ‑zë ‑nu oo, ‑a 'wlɔɔ‑ ‑nu oo, ‑a mɛ "gblʋ̈gblʋ̈ ‑nu oo, ‑a 'nësɛɛnnë ‑nu oo, kö 'ka‑ ‑nu ‑wü ‑bhö!»