‑Dhɛkpaɔ 16:7 - NAƆ ‑SË 'SËËDHƐ

⁷ 'Yö 'a ‑wʋ do 'bha ma 'zü kö ‑yö 'go sië Atanna ‑dhɔkëtagwë "klʋ bha‑ 'gü 'ö‑ pö: «‑Yö "dhʋ̈ tɛan‑ 'ka, n Dëmɛ ma Atanna, 'ö i ‑bha 'gügbɩɩdhɛ ‑dhiang 'yaa zë, i ‑bha 'wɔn ‑bho mɛ "bhɩɩ‑ ‑nu 'gü ‑sü 'ö ꞊dhɛ ‑kɔ bha‑ 'dhö bha‑ ‑dhɛ ‑mü, pö 'yaa i ‑bha!»

‑Dhɛkpaɔ 16:7 ပူးပေါင်းရင်းမြစ်များ

‑Dhɛkpaɔ 1:8

Kwa Dëmɛ Atanna 'ö‑ ‑bha 'gügbɩɩdhɛ ‑mɔɔ 'ka 'yaa 'dhö, 'ö gun, 'ö 'dhö ꞊dɛɛ, 'ö yö ꞊në dho 'to bha ꞊në dhiang zë 'ö‑ pö: «Ma ꞊në 'a 'wɔn ꞊gban zübhodhɛ waa‑ "dhiʋ̈todhɛ 'ka.»

‑Dhɛkpaɔ 13:10

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ "pɛpɛ 'kö 'wo bɔ Yesu 'ka 'wo Atanna ‑bha mɛ 'ka, ‑a mɛ 'dhɛ 'ö ‑dho ‑kaso 'gü 'dhö‑ ‑bha, ‑yö ‑dho 'dho ‑kaso 'gü, 'ö‑ mɛ 'dhɛ 'ö ‑gɔkanmɛ 'ka 'wo‑ ‑gɔ ‑kan. 'Wɔn 'ö‑ ‑wɔn 'gü, 'yö Atanna ‑wʋ ‑ya pö ꞊dhɛ 'mɛ 'wo‑ ‑bha mɛ 'ka ‑a ‑dhɛa ‑bha ꞊dhɛ ‑wo wo zuë" kë ‑sɛa kö ‑wo wo ‑zʋ yö‑ ‑dhɛ bha 'yö bha.

‑Dhɛkpaɔ 14:10

‑a ‑mɛ ‑dho Atanna ‑bha ‑mawɔnsiödhe 'ö "yi 'yaa‑ "piʋ̈ bha‑ mü ꞊dhɛ ‑kɔ 'wo we "dhiʋ̈‑ mü‑ 'ka bha‑ 'dhö. Mɛ "pɛpɛ 'ö waa‑ ‑kë "dhʋ̈, ‑a ‑mɛ ‑nu ‑dho ‑wëëdhɛ yö pɛng 'ö 'yaa "dhuu bha waa‑ blɔɔn" pɛng ꞊në‑ 'gü Atanna ‑bha "kië "slʋ̈ʋ̈slʋ̈ ‑nu bha waa‑ "bhlaanë ‑a ‑nu ‑kuu "dhiʋ̈.

‑Dhɛkpaɔ 14:18

'Yö Atanna ‑bha "kië "wɛɛ do 'bha 'ö ‑kɔ ‑ziö pɛng ‑gɔ ‑sü "sɩ 'dhö‑ ‑dhɛ bha 'ö go‑ ‑dhɔkëtagwë "klʋ bha‑ 'gü, 'yö‑ pö mɛ 'dhɛ ‑dhaa "gang gun‑ ꞊kwɛɛ‑ bha‑ ‑dhɛ "gbɩɩ‑ 'ka 'ö‑ pö: «‑Bhö i ‑bha ‑dhaa "gang bha‑ 'sü kö 'i ‑drɔɔ ‑dhü ‑nu 'wo "kpʋng ꞊taa bha‑ ‑nu ‑kpaa "kan‑ 'ka, ‑a ‑gɛn ‑mü ꞊dhɛ 'ö ꞊dhɛ ‑drɔɔ ‑dhü 'dhö kö‑ ga ꞊gbaan ‑pë kë.

‑Dhɛkpaɔ 19:2

‑A dɔ ‑za bha pö 'aa‑ ‑bha, ‑a ‑gɛn ‑mü ꞊dhɛ 'yaa za dɔ mɛ 'bha ‑bha ꞊flü ‑ta. Yö ꞊në‑ ‑wɔn 'gü 'yö 'wɔn bho ‑zuadhe 'kpii‑ 'ö "kpʋngtaadhɛ see‑ ‑sü 'ka ö ‑bha ‑zua zë ‑sü 'ka bha‑ 'gü. ‑A 'wɔn ‑bho 'gü ‑gɛn ‑mü ꞊dhɛ yö ꞊në kë Atanna ‑bha yëkëmɛ ‑nu ‑zë.»

‑Dhɛkpaɔ 6:9

'Yö "bhlaanë bha 'ö 'pë bha‑ "sɔɔdhu ‑naa ‑pʋ. 'A dho ‑dhɛ ‑ga kö 'mɛ 'wii 'go wo ‑wʋ ‑ta, 'ö 'wo‑ ‑nu zë ‑a ‑nu ‑bha ‑kë Atanna "sɛɛ‑ 'ka ‑sü ‑wɔn ꞊në‑ 'gü bha‑ ‑nu 'nii‑ ‑yö ꞊loo sië "saa‑ ‑bho ‑ta ‑gwë "klʋ 'wo‑ ‑kan mü bha‑ ꞊wlöö.