‑Dhɛkpaɔ 15:4 - NAƆ ‑SË 'SËËDHƐ

⁴ 'Dee 'yii 'dho "suʋ̈ i ‑gɔ, yi Dëmɛ? 'Dee 'yii 'dho "wɩ‑ ‑bha kö ‑yö i 'tɔ bhɔ? ‑A pö 'yi‑ wo "dhʋ̈ bha‑ 'klɔɔ‑ ‑mü ꞊dhɛ bhii dosengseng ꞊në pö 'aa i ‑bha tongtongdhö, ‑a ‑wɔn 'gü "sɛ ꞊gban "pɛpɛ suu‑ ‑dho nu 'wo zun wo kpiö 'gü bhi ꞊në i ‑dhɛ 'yö 'wo i ‑dhɔkë, ‑a ‑gɛn ‑mü ꞊dhɛ i këwɔn ‑nu 'ö pö 'aa‑ 'bha ‑bha bha‑ 'bha 'yaa ‑bin ‑sü 'ka mɛ 'bha ‑gɔ 'zü.»

‑Dhɛkpaɔ 15:4 ပူးပေါင်းရင်းမြစ်များ

Wlɔmö 15:9

Nu 'ö‑ wo bha ‑ya ‑wo 'pö "dhʋ̈ kö 'mɛ 'waa Zuifö 'ka ‑wo bɔ ‑a ‑bha "klʋsëdhɛ ‑ta kö ‑wo Atanna 'tɔ bhɔ ꞊dhɛ ‑kɔ 'ö ‑bɛn zë ‑sü 'ka ‑a 'ka ‑a ‑bha 'tɔng‑ 'sëëdhɛ 'gü ‑a 'dhö ꞊dhɛ: «'Wɔn 'ö‑ ‑wɔn 'gü 'yö 'a dho i 'tɔ bhɔ "sɛ "wɛɛ ‑kpɛa 'gü, 'ö 'a "tan bho i 'tɔ ‑zü» bha 'yö bha.

1 Piɛdhö 1:16

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Atanna ‑wʋ ‑ya pö: «‑Ka kë "slʋ̈ʋ̈slʋ̈ ꞊dhɛ n 'dhö, ‑a ‑gɛn ‑mü ꞊dhɛ a "slʋ̈ʋ̈slʋ̈.»

‑Dhɛkpaɔ 11:15

'Yö Atanna ‑bha "kië ‑nu bha‑ "saɔplɛ ‑naa ‑yö ö ‑bha "truu ‑piö. 'A dho n "tʋ 'to kö ‑wʋ 'gbɛ ‑yö "wɩ sië dhang‑ 'gü ‑yuudhö 'ö‑ pö: «‑Gblüdëdhɛ ‑kë "kpʋng ꞊taa "sɩ ꞊ya 'to 'mɛ 'ö‑ ‑dhɛ, dɔ ‑kɔ ya‑ 'gü yö ‑mü kwa Dëmɛ Atanna waa‑ ‑bha ‑Yamɛ bha ꞊në‑ ‑nu 'ka, yö ‑zë ‑a ‑bha mɛ ‑dhɛ bha‑ "dhiʋ̈todhɛ 'yii 'dho kë tongtongdhö, ‑yö ‑dho ‑a kë ‑todhʋ̈ 'ka!»

‑Dhɛkpaɔ 14:7

kö ‑ya pö sië "gbɩɩ‑ 'ka 'ö‑ pö: «‑Ka "suʋ̈ Atanna ‑gɔ kö 'ka‑ 'tɔ bhɔ! ‑A ‑gɛn ‑mü ꞊dhɛ ‑a ‑bha za ‑dɔ mɛ "bhɩɩ‑ ‑bha "tʋ̈ng ꞊ya ꞊loo. ‑Ka 'mɛ ö "sɛ ‑kë 'ö dhang‑ ‑kë, 'ö ꞊weeyi ‑kë waa‑ "yigɔ ‑nu 'dhö bha ꞊në‑ ‑dhɔkë!»

‑Dhɛkpaɔ 16:5

'Yö n "tʋ ‑yö ‑da Atanna ‑bha "kië 'dhɛ 'ö‑ ‑kɔ ‑yö ‑ziö "yi ‑nu ‑gɔ "dhʋ̈ bha‑ ‑wʋ 'gü kö ‑ya pö sië: «Bhii Atanna 'i gun yi 'bha 'ka, 'i ‑tun ꞊dɛɛ, 'ö 'i "slʋ̈ʋ̈slʋ̈, 'ö 'wɔn yaa 'yaa zun i ‑bha tongtongdhö bha i ‑bha 'wɔn ‑bho mɛ "bhɩɩ‑ 'gü ‑sü 'ö ꞊dhɛ ‑kɔ bha‑ 'dhö bha‑ ‑dhɛ ‑mü.

‑Dhɛkpaɔ 16:7

'Yö 'a ‑wʋ do 'bha ma 'zü kö ‑yö 'go sië Atanna ‑dhɔkëtagwë "klʋ bha‑ 'gü 'ö‑ pö: «‑Yö "dhʋ̈ tɛan‑ 'ka, n Dëmɛ ma Atanna, 'ö i ‑bha 'gügbɩɩdhɛ ‑dhiang 'yaa zë, i ‑bha 'wɔn ‑bho mɛ "bhɩɩ‑ ‑nu 'gü ‑sü 'ö ꞊dhɛ ‑kɔ bha‑ 'dhö bha‑ ‑dhɛ ‑mü, pö 'yaa i ‑bha!»

‑Dhɛkpaɔ 19:2

‑A dɔ ‑za bha pö 'aa‑ ‑bha, ‑a ‑gɛn ‑mü ꞊dhɛ 'yaa za dɔ mɛ 'bha ‑bha ꞊flü ‑ta. Yö ꞊në‑ ‑wɔn 'gü 'yö 'wɔn bho ‑zuadhe 'kpii‑ 'ö "kpʋngtaadhɛ see‑ ‑sü 'ka ö ‑bha ‑zua zë ‑sü 'ka bha‑ 'gü. ‑A 'wɔn ‑bho 'gü ‑gɛn ‑mü ꞊dhɛ yö ꞊në kë Atanna ‑bha yëkëmɛ ‑nu ‑zë.»

‑Dhɛkpaɔ 19:8

꞊Ya sɔ "puu "pepe 'bhü ‑yö dɔ mɛ "yan 'gü, 'ö ‑dhii ‑tangga ‑zian 'yaa‑ ‑bha bha‑ ‑da ö ‑bha.» 'Sa 'wɔn ‑së ‑nu 'ö Atanna ‑bha mɛ ‑nu 'wo‑ ‑kë bha ꞊në sɔ "puu bha‑ 'ka.

‑Dhɛkpaɔ 3:7

'Yö 'mɛ bha 'ö‑ pö 'zü n ‑dhɛ 'ö‑ pö: «Zan, ‑bhö 'sëëdhɛ bha‑ do 'bha ‑bɛn zë kö 'i‑ bɔ 'mɛ 'ö Atanna ‑bha yëkëmɛ 'ka ‑a ‑bha 'kɔdhigümɛ ‑nu 'wo Fidhadɛfi ‑pö 'gü bha‑ ‑dhɛ kö 'i‑ pö: 'Mɛ 'ö "slʋ̈ʋ̈slʋ̈, 'ö ꞊sɔng 'yaa‑ ‑bha, 'ö ꞊waa‑ pö tɛanwɔn, kö ‑wo ‑wɩ yö ꞊në‑ 'ka, 'ö Davi ‑bha ‑gblüdëdhɛ ‑dhaklɩ 'dhö yö ꞊në‑ ‑gɔ, 'ö ꞊yaa‑ "pʋ 'ö mɛ "wɛɛ 'bha 'yaa ꞊mɔɔ‑ ‑bha kö ‑ya ta, "ɛɛn 'ö ꞊yaa‑ ta, 'ö mɛ "wɛɛ 'bha 'yaa ꞊mɔɔ‑ ‑bha kö ‑ya "pʋ bha ‑ya pö:

‑Dhɛkpaɔ 4:8

Pë "yaandhe ‑yiisiö 'wo "dhʋ̈ bha‑ do gban‑ ‑gun "saɔdo, 'yö‑ ‑nu "yan 'dhö gun ꞊mɔɔ ‑sü 'ka‑ ‑nu kwi 'gü ‑dhɛ ꞊gban "pɛpɛ 'gü. ‑Yö ‑gun ‑nu kwi 'gü 'kɔɔdhö 'ö gun‑ ‑nu ‑bha "kpɛnngdhɛ ‑nu ꞊gban 'gü. ‑A ‑nu ‑bha yë 'ö 'dhö, 'ö 'wo ꞊gloo‑ ‑bha 'wo ‑wɔ 'gü "yaan yö ‑mü 'tɔ ‑loo 'mɛ 'ö ‑ya ‑sü 'ka ‑gbloo 'kpiisü bha‑ ‑ta bha ꞊në‑ ‑bha ‑sü 'ka 'wo‑ pö: «'Mɛ 'ö "slʋ̈ʋ̈slʋ̈, 'ö "slʋ̈ʋ̈slʋ̈, 'ö "slʋ̈ʋ̈slʋ̈, yö ‑mü kwa Dëmɛ, kwa ‑bha Atanna 'gü "gbɩɩsü 'ö gun, 'ö 'dhö ‑kpɛawo, 'ö dho 'to ‑todhʋ̈ 'ka bha ꞊në‑ 'ka.»

‑Dhɛkpaɔ 6:10

Kö ‑wo "gbla sië "gbɩɩ‑ 'ka 'wo‑ pö: «Yi Dëmɛ 'i "slʋ̈ʋ̈slʋ̈ 'ö 'bhaa ꞊sua kë, ‑më yi ꞊në 'i dɔ sië‑ ‑gɔ ꞊tɔn kö 'i 'wɔn wɔ "kpʋngtaamɛ ‑nu ‑ta, kö 'i bhlɔɔ bho yi 'gü yi zë 'wo‑ wo bha‑ ‑wɔn 'gü?»