‑Dhɛkpaɔ 14:7 - NAƆ ‑SË 'SËËDHƐ

⁷ kö ‑ya pö sië "gbɩɩ‑ 'ka 'ö‑ pö: «‑Ka "suʋ̈ Atanna ‑gɔ kö 'ka‑ 'tɔ bhɔ! ‑A ‑gɛn ‑mü ꞊dhɛ ‑a ‑bha za ‑dɔ mɛ "bhɩɩ‑ ‑bha "tʋ̈ng ꞊ya ꞊loo. ‑Ka 'mɛ ö "sɛ ‑kë 'ö dhang‑ ‑kë, 'ö ꞊weeyi ‑kë waa‑ "yigɔ ‑nu 'dhö bha ꞊në‑ ‑dhɔkë!»

‑Dhɛkpaɔ 14:7 ပူးပေါင်းရင်းမြစ်များ

Matiö 25:13

꞊Dhɛ 'ö Yesu ‑yö "gwënng bha‑ ‑da ‑nu ‑dhɛ ꞊dhɛ ‑kɔ bha‑ 'dhö, ‑a "dhiʋ̈todhɛ bha 'yö‑ pö‑ ‑nu ‑dhɛ 'ö‑ pö: «‑Ka ‑ya ka "yaan! ‑A ‑gɛn ‑mü ꞊dhɛ yi 'a dho nu‑ 'ka "ɛɛn "tʋ̈ng 'a dho nu‑ 'ka 'kaa‑ dɔ!»

Dhukö 17:18

‑Më ‑wɔn ꞊në ‑kë 'yö‑ mɛ ‑kpɛa ‑zë ‑a ‑nu 'bha ‑zʋ 'yii ‑da Atanna nuɛ" bho ‑wɔn ‑ta kö ‑wo wo yee kë ‑wo nu kö 'yii kë "sɛ "wɛɛ 'gü mi 'kö ya‑ 'ka?»

Këwɔn ‑nu 14:15

«'Mɛ 'ka ya, ‑më 'pö ka ‑bha 'yö 'ka "slë suu bha‑ ‑kë ꞊dhɛ 'pë bha‑ 'dhö? Mɛ "bhɩɩ‑ ‑mü yi 'ka 'pö ꞊dhɛ ka 'dhö, Atanna 'yaa ‑mü yi 'ka, "kɛɛ naɔ ‑së 'yi nu‑ pö ka ‑dhɛ yö ‑mü ꞊dhɛ kö 'ka ka kwaa‑ ‑dhɔkëpë "wlaasü ‑nu bha‑ ‑nu ‑zü kö 'ka ka wë slëë‑ Atanna "yaandhe 'ö dhang‑ 'dhö, "sɛ 'dhö, ꞊weeyi 'dhö ‑a ‑nu ‑kë waa‑ ‑nu 'gü ‑pë ‑nu 'dhö bha ꞊në‑ "piʋ̈ kö 'ka‑ ‑dhɔkë!

1 Piɛdhö 4:7

'Wɔn ꞊gban "pɛpɛ "dhiʋ̈ 'to "tʋ̈ng ꞊ya ꞊loo ꞊gban bho. ‑Ka ‑tosɛa kë "yaaki ‑bha kö 'ka ka zuë" 'kun ka ‑bha 'wɔn ꞊gban 'gü, kë "dhʋ̈ kö ka ‑kɔ ꞊mɔɔ ‑bhɛa Atanna ‑dhɛ ‑sü ‑bha "tʋ̈ng ꞊gban 'gü.

‑Dhɛkpaɔ 11:13

'Yö "sɛ ‑yö zun ꞊zii ‑sü ‑bha "tʋ̈ng do bha‑ 'gü, 'yö 'pö‑ 'kpii‑ bha 'ö ‑pɛ 'gü ‑kaɔng do, 'yö‑ "pɛan do ‑yö ꞊wɛnng, 'yö mɛ ‑dhü "gblü "saɔplɛ ‑wo ga "sɛ ꞊zii ‑kɔ do bha‑ 'gü, 'yö mɛ ‑kpɛa 'wo to bha "suʋ̈ 'dhö ‑da ‑nu 'gü, 'yö 'wo ‑ya Atanna 'ö dhang‑ 'gü bha‑ 'tɔ bhɔ ‑sü ‑bha.

‑Dhɛkpaɔ 11:18

"sɛ ꞊gban "pɛpɛ 'gü ‑mɛ ‑nu zuë" ‑gun "wlü ‑sü 'ka, "kɛɛ i ‑bha bhlɔɔ bho i 'gü "tʋ̈ng ꞊ya ꞊loo ꞊tɔn, i ‑bha za ‑dɔ 'mɛ ꞊wa ga ‑a ‑nu ‑bha "tʋ̈ng ꞊ya ꞊loo, kö 'mɛ 'wo i ‑wʋdhiʋ̈loomɛ ‑nu 'ka 'i‑ ‑nu ꞊saa bho waa‑ mɛ "gblʋ̈gblʋ̈ ‑nu "ɛɛn 'nësɛɛnnë ‑nu 'wo ‑suʋ̈ i ‑gɔ, 'wo i ꞊bhlëë ‑ya bha‑ ‑nu 'dhö. I ‑bha 'wɔn ‑bho "sɛ seemɛ ‑nu 'gü "tʋ̈ng ꞊ya ꞊loo!»

‑Dhɛkpaɔ 15:4

'Dee 'yii 'dho "suʋ̈ i ‑gɔ, yi Dëmɛ? 'Dee 'yii 'dho "wɩ‑ ‑bha kö ‑yö i 'tɔ bhɔ? ‑A pö 'yi‑ wo "dhʋ̈ bha‑ 'klɔɔ‑ ‑mü ꞊dhɛ bhii dosengseng ꞊në pö 'aa i ‑bha tongtongdhö, ‑a ‑wɔn 'gü "sɛ ꞊gban "pɛpɛ suu‑ ‑dho nu 'wo zun wo kpiö 'gü bhi ꞊në i ‑dhɛ 'yö 'wo i ‑dhɔkë, ‑a ‑gɛn ‑mü ꞊dhɛ i këwɔn ‑nu 'ö pö 'aa‑ 'bha ‑bha bha‑ 'bha 'yaa ‑bin ‑sü 'ka mɛ 'bha ‑gɔ 'zü.»

‑Dhɛkpaɔ 16:9

'Yö 'yënng‑ bha 'ö ma mɛ "bhɩɩ‑ ‑nu 'ka ꞊dedewo 'yö‑ ‑yënngdhɛ kpɔ‑ ‑bha, "kɛɛ yö ‑zë ꞊gban 'gü, 'wii wo ‑kɔ "kan wo kë ‑sɔng yaa ‑nu "dhiʋ̈. "Si ‑zian ꞊në 'wo‑ bho Atanna 'ö yöö do ꞊në ꞊mɔɔ‑ ‑bha 'ö nëng suu bha‑ ‑ya mɛ "dhiʋ̈ "ɛɛn 'ö‑ bho mɛ ‑ta bha‑ ‑gɔ.

‑Dhɛkpaɔ 18:10

‑Wo ‑dho dɔ‑ 'ka ꞊gblɛɛn, kö "suʋ̈ ꞊ya ‑da ‑nu 'gü 'wɔn 'ö wɔ sië 'pö‑ bha‑ ‑ta bha‑ ‑wɔn 'gü 'ö 'wo "kaabho 'wo‑ pö: «"Eke, n dhee" ‑nu, ‑më ‑pë ‑wëëwɔn ꞊në ꞊ni? Babidhɔnö ‑pö, bhi 'ö 'i gun 'pö‑ ‑ziisü 'ka i ‑bha ‑kë 'kpiisü waa‑ i ‑bha 'gügbɩɩdhɛ ‑nu 'gü ya bhi ꞊në 'wɔn ‑yö ‑wɔ i ‑ta 'yënng‑ "tɛɛ doseng ‑ta ꞊ni ‑ee?»

‑Dhɛkpaɔ 18:17

'Ö 'mɛ 'wo ‑kë "yitagɔ "dhiʋ̈ "ta ‑sü ‑mɛ ‑nu 'ka waa‑ ‑nu ‑bha gɔ 'gü ‑mɛ ‑nu waa‑ mɛ 'dhɛ 'wo yë ‑kë "yitagɔ bha‑ 'gü, waa‑ mɛ "pɛpɛ 'kö 'wo wo ‑bhöpë ꞊slɔɔ "yi ‑zë ‑ta, 'wo dɔ‑ 'ka ꞊gblɛɛn

‑Dhɛkpaɔ 18:19

'Ö 'wo ‑wëë ‑ya wo, kö ‑wo ‑bobi ‑nu dɔ sië wo ꞊gbin‑ ‑wëë 'ö ‑da sië‑ ‑nu ‑ta bha‑ ‑wɔn 'gü, 'wo "gbʋ bɔ 'wo‑ pö: «"Eke! ‑Wëëwɔn ‑wa! N dhee" ‑nu! 'Pö‑ 'kpii‑ 'ö yö ꞊në gun 'mɛ 'wo ꞊naɔmɛ 'ka 'ö "yitagɔ ‑nu 'wo‑ ‑nu ‑gɔ "yi ‑ta ‑a ‑nu kë sië ꞊naɔmɛ 'ka ya ꞊në ꞊ya 'wü 'yënng‑ "tɛɛ doseng ‑ta ya ‑wa! ‑Wëëwɔn ‑mɛɛ ꞊në ya?»

‑Dhɛkpaɔ 19:5

꞊Dhɛ 'ö ꞊ya kë "dhʋ̈, 'yö 'a ‑wʋ do 'bha ma kö ‑yö 'go sië ‑gbloo 'kpiisü bha‑ ‑yɛa bha‑ 'gü 'ö‑ pö: «Mɛ "pɛpɛ 'ka kwa ‑bha Atanna bha‑ ‑bha gwëëzë ‑nu 'ka ‑kaa nuɛ" bho! Mɛ "pɛpɛ 'ka ‑suʋ̈ ‑gɔ, 'mɛ 'ka mɛ ‑tiandhö 'ka oo, mɛ 'kaa‑ 'ka oo, mɛ ꞊gban ‑kaa nuɛ" bho!»

‑Dhɛkpaɔ 4:11

«'Aa! Yi Dëmɛ, yi ‑bha Atanna, ‑a ‑dhɛ ‑mü ꞊dedewo. ‑A ‑dhɛ ‑mü kö bhi ꞊në i 'tɔ ‑yö bhɔ, kö ꞊bhlëë ‑yö ‑ya i ‑bha, kö 'gügbɩɩdhɛ ‑yö kë i ‑gɔ. ‑A ‑gɛn ‑mü ꞊dhɛ bhi ꞊në 'i pë suu ꞊gban "pɛpɛ ‑da. ‑A ‑nu ‑bha kë ‑sü 'ö 'wo ‑tosɛa ‑kë bha ‑yö ‑ga bhi ꞊në i 'gü.»

‑Dhɛkpaɔ 4:9

'Mɛ 'ö ‑ya ‑sü 'ka ‑gbloo 'kpiisü bha‑ 'gü 'ö‑ bhɔ ‑yi 'yaa 'dhö kö yöö ‑nu 'to ga ‑yi ꞊në‑ ‑bha bha, pë "yaandhe ‑yiisiö bha ꞊wa "wɩ‑ "piʋ̈, ꞊wa 'tɔ ꞊loo‑ ‑bha kö ‑wa nuɛ" bho ‑kɔ 'ö‑ 'gü 'do 'do,

‑Dhɛkpaɔ 8:10

'Yö Atanna ‑bha "kië ‑nu bha‑ mɛ ‑yaaga ‑naa ‑yö ö ‑bha ‑piö, 'yö "susëngga 'kpii‑ do 'bha 'ö gun 'pu sië ꞊dhɛ "sɔng 'dhö bha 'ö go dhang‑ ‑bha 'ö ‑pö. 'Yö ‑pö ꞊gwaan "pɛpɛ 'wo "kpʋng ꞊taa ‑a ‑nu ‑pɛ 'gü ‑yaaga ‑sü ‑yaaga ‑naa ‑ta waa‑ "yi 'në sɛɛnnë ‑nu 'dhö.