‑Dhɛkpaɔ 14:3 - NAƆ ‑SË 'SËËDHƐ

³ Kö mɛ "gblü drun bha ‑wo dɔ sië 'mɛ 'ö ‑gbloo 'kpiisü ‑ta bha waa‑ pë "yaandhe ‑yiisiö bha waa‑ mɛ zizi ‑nu bha‑ ‑nu wëëdhö kö ‑wo "tan ‑dee do bho sië. "Tan 'wo gun‑ bho sië "dhʋ̈ bha mɛ "wɛɛwɛɛ 'bha 'yaa ꞊mɔɔ‑ ‑bha kö ‑ya bho kö 'yii kë mɛ "gblü këng do ‑kɔ ‑yiisiö waa‑ mɛ "gblü ‑yiisiö 'ö "bhlaanë bha 'ö‑ ‑nu ‑gɔta dhɔ yi 'bha 'ka kö ‑wo ‑tun "kpʋng ꞊taa bha wo ‑zë ‑a ‑nu 'ka.

‑Dhɛkpaɔ 14:3 ပူးပေါင်းရင်းမြစ်များ

1 Kodhɛngtö 1:18

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi ‑bha ‑ga "dhü ‑bha ‑sü ‑dhiang 'yi‑ zë sië bha, ‑yö slaadhɛ ‑wɔn ꞊në‑ 'ka 'mɛ wo 'gü see‑ ‑zian ‑ta bha‑ ‑nu 'gü. "Kɛɛ 'mɛ 'kö kwa ‑zë 'kwa dha ‑zian ‑ta bha ‑yö Atanna ‑bha 'gügbɩɩdhɛ ꞊në‑ 'ka kwa 'gü.

1 Kodhɛngtö 2:14

Mɛ "ʋʋ mɛ 'ö Atanna ‑bha 'Nii‑ "slʋ̈ʋ̈slʋ̈ bha 'yaa‑ 'gü, ‑a ‑mɛ 'yaa ꞊mɔɔ‑ ‑bha kö ‑yö ö ‑kɔ ‑ya tɛanwɔn 'ö go 'Nii‑ bha‑ "piʋ̈ bha‑ ‑bha. ‑A ꞊gban‑ ‑kë ‑mɛ 'gü ꞊dhɛ slaadhɛ ‑wɔn 'dhö. ‑A 'gü ma "sɩ 'yaa kë‑ ‑mɛ ‑dhɛ. ‑A 'klɔɔ‑ ‑mü ꞊dhɛ ‑a ‑bha 'Nii‑ bha ꞊në mɛ ‑ta kun 'wɔn ‑nu bha‑ ‑nu 'gü ma ‑sü ‑bha 'yö mɛ ‑ya 'gü ma.

‑Dhɛkpaɔ 14:1

'A dho ‑dhɛ ‑ga kö "bhlaanë bha ‑yö dɔ sië ‑tɔn 'ö Zedhizadhɛmö bha‑ ꞊gbin‑ waa‑ mɛ "gblü këng do ‑kɔ ‑yiisiö waa‑ mɛ "gblü ‑yiisiö 'ö waa‑ Dë ‑a ‑nu 'tɔ ‑yö gun ‑ya ‑sü 'ka‑ ‑nu ‑kpong "dhiʋ̈ bha‑ ‑nu 'dhö.

‑Dhɛkpaɔ 15:3

Kö ‑wa 'tɔ bhɔ ‑tan 'ö Moizö 'ö ‑kë ‑a ‑bha yëkëmɛ 'ka bha 'ö‑ bho yi 'bha 'ka bha waa‑ "bhlaanë bha‑ ‑bha bho sië 'wo‑ pö: «'Gü "gbɩɩ‑ Atanna, i këwɔn ‑nu ‑wo "mlümlüsü 'ö 'wo ꞊bhlëësü ꞊dedewo. Bhi ꞊në 'i ‑gblüdë "pɛpɛ 'wo "sɛ ‑gɔ "dhiʋ̈, ‑a ‑nu ꞊gban ‑bha ‑gblüdë 'ka, i këwɔn 'bha 'yaa ꞊sua 'ka, 'yö pö 'aa‑ 'bha ‑bha tongtongdhö.

‑Dhɛkpaɔ 2:17

'Wɔn 'gü ma ‑tʋ 'dhö 'mɛ 'ö‑ ‑gɔ ‑bha, dhiang 'ö Atanna ‑bha 'nii‑ 'dhö‑ zë sië ‑a ‑bha 'kɔdhigümɛ ‑nu ‑dhɛ bha‑ ‑mɛ ‑ya 'gü ma! 'Mɛ 'ö yaa‑ ‑to ‑gblü bha‑ "kplëë 'ka, 'bluu‑ 'ö Atanna ‑ya lɔɔ yi 'bha 'ka Izraɛdhö ‑mɛ ‑nu ‑dhɛ kö ‑wo "tʋng ‑ta bha a ‑dho ‑a 'dhɛ 'ö ‑bin ‑sü 'ka bha‑ nu‑ ‑mɛ ‑dhɛ, 'ö 'a ‑ya mü 'a ‑gwë "puu do 'ö 'tɔ ‑dee 'ö mɛ 'bha ‑mɛ 'bha 'yaa‑ dɔ, kö 'yii kë mɛ 'kö 'a‑ nu‑ ‑dhɛ bha‑ 'ka bha‑ nu‑ ‑mɛ ‑dhɛ.»

‑Dhɛkpaɔ 5:9

'Yö 'wo "tan ‑dee do bho 'wo‑ pö: «I ‑bha 'sëëdhɛ bha‑ 'sü ‑sü kö 'i‑ "dhiʋ̈tadhɛ ꞊gban "pʋ kö 'i ‑dhɛ ‑ga 'gü ‑dhɛ ‑mü tɛan‑ ꞊dede 'ka. ‑A ‑gɛn ‑mü ꞊dhɛ ‑wo kë bhi ꞊në i zë, 'yö 'i mɛ 'gbɛ ꞊dede ‑gɔ ‑ta dhɔ Atanna ‑dhɛ ga 'i‑ wo bha‑ 'saa‑ 'gü, 'yö 'i "siya ꞊gban suu 'do 'do sü waa‑ mɛ suu ꞊gban "pɛpɛ 'do 'do 'dhö "sɛ suu 'do 'do ꞊gban 'gü kë "dhʋ̈ kö ‑wo kë Atanna ‑bha 'ka.

‑Dhɛkpaɔ 7:4

꞊Dhɛ 'ö ꞊ya kë "dhʋ̈, 'yö 'mɛ 'wo 'klëë‑ kpɔ‑ ‑nu ‑bha "dhʋ̈ bha 'wo‑ ‑nu "dhi pö n ‑dhɛ. 'Yö 'wo ‑kë mɛ "gblü këng do ‑kɔ ‑yiisiö waa‑ mɛ "gblü ‑yiisiö. 'Mɛ 'wo go Izraɛdhö ‑sɛ ‑todhʋ̈sü 'gü ꞊në 'wo gun bha.