‑Dhɛkpaɔ 13:2 - NAƆ ‑SË 'SËËDHƐ

² Wü 'a‑ yö bha ‑yö ‑gun ꞊dhɛ gwee 'dhö, 'yö‑ ‑gɛn ‑nu 'wo gun ꞊dhɛ "sluku ‑bha 'dhö, 'yö‑ "dhi ‑yö gun ꞊dhɛ laabhölaa ‑bha 'dhö. 'Yö "yina bha 'ö ö ‑bha mɛdhɛ oo, ‑a ‑bha ‑blüdëdhɛ ‑gbloo waa‑ ‑bha 'gügbɩɩdhɛ ꞊gban nu wü bha‑ ‑dhɛ.

‑Dhɛkpaɔ 13:2 ပူးပေါင်းရင်းမြစ်များ

2 Timote 4:17

‑A ‑gɛn ‑mü ꞊dhɛ a‑ 'wɔn ‑dɔ ꞊dhɛ 'kö 'zü 'ö ‑kë ꞊dhɛ mɛ "bhɩɩ‑ ‑nu ‑zë ‑wo ‑kan n ‑zü 'kwëë‑ ꞊dhɛ ‑kɔ bha‑ 'dhö, "kɛɛ kwa Dëmɛ ‑zë ‑yö ‑to n "piʋ̈, 'ö n faan dɔ 'ö 'a Atanna ‑wʋ pö 'kpakpadhö 'ö 'mɛ 'waa Zuifö 'ka‑ ꞊gban "pɛpɛ 'wo‑ ma. 'Yö n ꞊kɔɔ 'wɔn "gbɩɩ‑ ‑gɔ ꞊dhɛ ‑kɔ 'wo mɛ sü‑ 'ka laabhölaa "dhi "dhiʋ̈ bha‑ 'dhö.

1 Piɛdhö 5:8

‑Ka ka zuë" 'kun ka ‑bha. ‑Ka ka ‑dɩ 'kun! ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Sɔtraan 'ö ka 'yaɔ‑ 'ka bha ‑yö ꞊nië sië ka ‑züzü ‑vëvëdhö ꞊dhɛ laa 'ö ꞊gblan sië, 'ö ‑bhöpë mɔɔ‑ sië kö ‑ya ‑bhö ‑a 'dhö.

‑Dhɛkpaɔ 12:13

꞊Dhɛ 'ö "yinagɔn ‑ziisü bha 'ö‑ 'wɔn dɔ ꞊dhɛ ꞊wa ö ‑zuö "kpʋng ꞊taa, 'yö zun dhebhɔ 'ö 'nëgɔɔn bha‑ kpɔ bha‑ "piʋ̈ kë ‑sü ‑bha.

‑Dhɛkpaɔ 12:15

'Yö ꞊mlɛɛ bha 'ö "yi bho ö "dhi 'yö‑ ꞊wɛnng dhebhɔ bha‑ ꞊keng‑, 'yö ‑kë ꞊gwaan 'ka, kë "dhʋ̈ kö‑ "tɛɛ ‑ya 'sü,

‑Dhɛkpaɔ 12:9

'Yö ‑zuzugwɛ 'wo yö ꞊në‑ ‑dhɛ ꞊mlɛɛ 'ö gun yi 'bha 'ka, 'wo‑ ‑dhɛ 'zü "yina yaa, "ɛɛn Sɔtraan, 'ö "kpënng‑ ‑kë "kpʋngtaadhɛ ‑todhʋ̈sü ‑gɔ bha 'wo waa‑ ‑bha ‑mɛ ‑nu ‑a ‑nu ‑zuö "kpʋng ꞊taa.

‑Dhɛkpaɔ 13:12

'Wɔn suu "ʋʋ suu 'ö wü ‑blɛɛsü bha 'ö gun‑ kë sië, ‑a 'dhɛ bha‑ ‑kɔ ‑gun ꞊mɔɔ sië‑ ‑bha 'pö 'ö‑ ‑kë wü ‑blɛɛsü bha‑ ‑bha kë 'gü, 'ö ö faan ‑wɔ "kpʋngtaamɛ ‑nu ꞊gban "pɛpɛ ‑ta kö ‑wo wü ‑blɛɛsü 'ö bhië ‑ziisü ‑yö gun‑ ‑bha 'ö ga bha‑ ‑dhɔkë.

‑Dhɛkpaɔ 13:4

'Yö 'wo ‑ya "yina bha‑ ‑dhɔkë ‑sü ‑bha ö ‑bha mɛdhɛ nu 'ö‑ wo wü bha‑ ‑dhɛ bha‑ ‑wɔn 'gü. 'Yö 'wo ‑ya 'pö wü bha‑ ‑dhɔkë ‑sü ‑bha kö ‑wa pö sië: «'Dee ꞊dhɛ ‑zuzugwɛ ya‑ 'dhö? 'Dee dho ꞊mɔɔ‑ ‑bha 'ö 'ko zë‑ 'ka?»

‑Dhɛkpaɔ 16:10

'Yö Atanna ‑bha "kië ‑nu bha‑ mɛ "sɔɔdhu ‑naa ‑yö ö ‑bha gbɔnë 'gü ‑pë bha‑ ꞊wɛnng wü "dhabhli ‑sü bha‑ ‑bha ‑gblüdëdhɛ ‑ta. 'Yö ‑dhɛ 'gü ‑yö ꞊tröö tii 'ka ‑blünblündhö ‑bha "sɛ "pɛpɛ 'ö gun‑ ‑gɔdhiʋ̈ bha‑ ‑ta. Pë ‑ma ‑a ‑nu 'ka ‑kɔ yaa 'gü yaa bha‑ ‑wɔn 'gü, 'yö‑ ‑nu "sɔn ‑yö ‑ya ‑a ‑nu 'nɛɛ‑ zë ‑sü bha‑ ‑nu ꞊zii ‑kɔ yaa 'ö‑ "dhiʋ̈ bha‑ ‑wɔn 'gü.

‑Dhɛkpaɔ 17:12

‑A ‑sö ‑kaɔng do 'i‑ yö bha ‑wo ‑gblüdë ‑kaɔng do ꞊në‑ 'ka 'pö, "kɛɛ wo ‑zë 'wii wo ‑bha ‑gblüdëdhɛ zü bho ꞊kö, "kɛɛ ‑wo ‑dho "sɛ nu‑ ‑nu ‑dhɛ 'ö wo ‑gblüdëdhɛ ‑kë "tʋ̈ng 'në 'bha 'ka waa‑ wü bha‑ ‑nu 'dhö.

‑Dhɛkpaɔ 19:20

"Kɛɛ 'yö 'wo wü bha‑ kun, waa‑ ‑wʋdhiʋ̈loomɛ 'ö gun Atanna ‑wʋ pö sië ꞊sua 'ka 'ö "dhabhliwɔn "gblʋ̈gblʋ̈ ‑nu kë bha‑ 'dhö. ‑Yö "kpënng‑ ‑kë ‑a ‑bha "dhabhliwɔn ‑nu 'ö gun‑ kë sië bha ꞊në 'ka mɛ "pɛpɛ 'ö‑ ‑nu daɔ dɔ wü bha‑ ‑bha dɔ 'gü, 'ö 'wo gun‑ "blɛɛn‑ ‑dhɔkë sië bha‑ ‑nu ‑gɔ. 'Yö 'wo wü bha waa‑ ‑kɔdhiʋ̈mɛ 'ö gun Atanna ‑wʋ pö sië ꞊sua 'ka bha‑ ‑nu to "yaan 'yö 'wo‑ ‑nu ‑zuö pɛng "yi ꞊gblü 'ö 'gbʋ‑ 'dhö ‑da sië‑ 'gü "kɛɛ 'ö blɔɔn" ‑nu ꞊gban 'wo pu‑ 'gü "kɛɛ 'ö 'yaa "dhuu bha‑ bha‑ 'gü.

‑Dhɛkpaɔ 2:13

«A ka ‑yɛa ꞊bhaa ‑dhɛ ‑dɔ, a‑ 'wɔn ‑dɔ 'kpakpadhö ꞊dhɛ Sɔtraan ‑bha ‑blüdëdhɛ ‑gbloo ‑yö mü ꞊naa, "kɛɛ yö ‑zë ꞊gban 'gü ka ‑kplü ‑sü 'ka n ‑bha kpɛnngkpɛnngdhö, 'kii ka bo ‑zʋ ‑yö n ‑dhɛ ‑sü 'ka, aa" ꞊ni "tʋ̈ng ‑zian 'wo Angtipa 'ö ‑kë n "sɛɛ‑ 'ö to ö ‑wʋ ‑ta ‑a 'ka bha‑ zë‑ 'ka bha‑ 'gü.

‑Dhɛkpaɔ 20:2

'Yö "yina ‑gblüdë, ꞊mlɛɛ zii 'ö yi 'bha 'ka 'wo‑ Sɔtraan ‑kë bha‑ kun, 'yö‑ ‑kplü lɔɔ" bha‑ 'ka kö ‑yö ‑kwɛ "gblü do kë mü.