‑Dhɛkpaɔ 13:10 - NAƆ ‑SË 'SËËDHƐ

¹⁰ ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ "pɛpɛ 'kö 'wo bɔ Yesu 'ka 'wo Atanna ‑bha mɛ 'ka, ‑a mɛ 'dhɛ 'ö ‑dho ‑kaso 'gü 'dhö‑ ‑bha, ‑yö ‑dho 'dho ‑kaso 'gü, 'ö‑ mɛ 'dhɛ 'ö ‑gɔkanmɛ 'ka 'wo‑ ‑gɔ ‑kan. 'Wɔn 'ö‑ ‑wɔn 'gü, 'yö Atanna ‑wʋ ‑ya pö ꞊dhɛ 'mɛ 'wo‑ ‑bha mɛ 'ka ‑a ‑dhɛa ‑bha ꞊dhɛ ‑wo wo zuë" kë ‑sɛa kö ‑wo wo ‑zʋ yö‑ ‑dhɛ bha 'yö bha.

‑Dhɛkpaɔ 13:10 ပူးပေါင်းရင်းမြစ်များ

Matiö 26:52

'Yö Yesu ‑ya pö‑ ‑dhɛ 'ö‑ pö: «N "taɔngdë, ‑bhö i ‑bha ‑dhaa bha‑ ‑da ‑kpee 'gü, ‑a ‑gɛn ‑mü ꞊dhɛ mɛ "ʋʋ mɛ 'ö dho ‑piö 'si mɛ "piʋ̈, ‑a ‑mɛ ‑dho 'to ‑piö ꞊në‑ ‑gɔ.

Matiö 7:2

‑A ‑gɛn ‑mü ꞊dhɛ ‑yö ‑dho za dɔ ka ‑bha ꞊dhɛ ‑kɔ 'ö kaa ‑dɩ 'pö 'ka‑ dɔ‑ 'ka mɛ ‑nu ‑bha bha ꞊në‑ 'dhö; 'ka mɛ ‑nu ‑bha dɔ ‑mawɔn yaa ‑dhɛ ‑bha, ‑yö ‑dho ka ‑bha dɔ ‑mawɔn yaa ‑dhɛ ‑bha 'pö.

Dhukö 21:19

꞊Ya kë ꞊dhɛ yö ꞊në ꞊ya 'kun bho ka 'gü, kö 'kii bo n 'ka, 'yö 'ka dho ‑da ꞊sii 'ö yaa yën ‑a kë ‑dhɛ 'gü ‑dhɛkpaɔ dhia" 'gü.»

Kodhɔsö 1:11

Yi ‑bhɛa Atanna ‑dhɛ 'pö kö ‑yö ka faan dɔ ‑kɔ ꞊gban "pɛpɛ 'gü ‑a ‑bha 'gügbɩɩdhɛ 'ö‑ "dhiʋ̈todhɛ 'yaa 'dhö bha‑ 'ka, kö 'wɔn "gbɩɩ‑ ‑zian ꞊në ꞊ya kë ka 'ka ‑a ‑wʋ ‑wɔn 'gü, kö ka zuë" ‑yö kë‑ 'gü ‑sɛa.

Eblö 6:12

'Yaa n "piʋ̈ ꞊në‑ wo ꞊dhɛ "fia ‑yö ‑da ka ga 'gü Atanna ‑bha zian bha‑ ‑ta, "kɛɛ kö 'ka 'mɛ 'ö‑ ‑nu 'gü 'yaa ga ‑zʋ ‑yö ‑a ‑dhɛ ‑sü bha‑ 'ka, 'ö to‑ 'ka "dhʋ̈ 'ö zun‑ 'ka 'wɔn 'ö‑ "plüün bho‑ ‑nu ‑dhɛ bha‑ 'gü ‑wɔn kë ‑yi ‑bha bha ꞊në‑ ‑nu ‑ga.

‑Dhɛkpaɔ 1:9

Mang Zan ‑mɛ 'a ka dheebhang 'ka, 'ö kwɛng‑ ‑nu 'kwa ‑kplü ‑sü 'ka Yesu ‑bha ꞊dhɛ 'ko 'dhö, 'ö 'a saan" sië 'pö ꞊dhɛ ka 'dhö ‑a ‑wɔn 'gü, 'ö kwɛng‑ ‑nu 'kwa‑ ‑bha ‑gblüdëdhɛ 'gü ‑mɛ 'ka ꞊dhɛ 'ko 'dhö, 'ö 'kwa ‑ya sië‑ nu ‑sü ‑gɔ zuë" ‑sɛadhɛ 'gü ꞊dhɛ 'ko 'dhö bha ma ꞊në 'a 'sëëdhɛ ya‑ ‑bɛn zë. ‑Ya 'a‑ wo Patömɔsö ‑sɛ 'ö ꞊weeyi ꞊zinng 'gü ya‑ 'gü ꞊dɛɛ ya 'mii ‑ya mü "wɛɛwɛɛ. Atanna ‑wʋ 'ö yö ꞊në tɛanwɔn 'ka 'ö Yesu ‑yö "dhɛ bho‑ ‑ta kwa ‑dhɛ bha ꞊në 'a‑ ‑dhiang zë 'yö 'wo n kun 'wo nu n 'ka ‑dhɛ ya‑ 'gü.

‑Dhɛkpaɔ 11:18

"sɛ ꞊gban "pɛpɛ 'gü ‑mɛ ‑nu zuë" ‑gun "wlü ‑sü 'ka, "kɛɛ i ‑bha bhlɔɔ bho i 'gü "tʋ̈ng ꞊ya ꞊loo ꞊tɔn, i ‑bha za ‑dɔ 'mɛ ꞊wa ga ‑a ‑nu ‑bha "tʋ̈ng ꞊ya ꞊loo, kö 'mɛ 'wo i ‑wʋdhiʋ̈loomɛ ‑nu 'ka 'i‑ ‑nu ꞊saa bho waa‑ mɛ "gblʋ̈gblʋ̈ ‑nu "ɛɛn 'nësɛɛnnë ‑nu 'wo ‑suʋ̈ i ‑gɔ, 'wo i ꞊bhlëë ‑ya bha‑ ‑nu 'dhö. I ‑bha 'wɔn ‑bho "sɛ seemɛ ‑nu 'gü "tʋ̈ng ꞊ya ꞊loo!»

‑Dhɛkpaɔ 14:12

'Wɔn 'ö‑ ‑wɔn 'gü 'yö Atanna ‑bha mɛ ‑nu 'ö pö 'aa‑ ‑nu ‑bha, 'ö 'wo‑ ‑bha 'tɔng‑ kun "ɛɛn 'wo ‑zʋ yö Yesu ‑dhɛ bha 'wo dho‑ 'kun "gbɩɩ‑ bha 'yö bha.

‑Dhɛkpaɔ 16:6

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'wo bha ꞊në 'wo i ‑bha yëkëmɛ ‑nu zë waa‑ i ‑wʋdhiʋ̈loomɛ ‑nu 'dhö, 'wɔn 'ö‑ ‑wɔn 'gü 'yö 'i ꞊yɔɔn 'kpɔ sië‑ ‑nu ‑gɔ bha 'yö bha, 'sa ‑a ‑dhɛ ꞊dede ꞊në 'wo‑ ꞊mɔɔ.»

‑Dhɛkpaɔ 17:11

'Yö wü 'ö gun yi 'bha 'ka, "kɛɛ 'ö 'yaa 'dhö 'zü bha 'ö ‑gblüdë ‑nu bha‑ ‑nu "saaga ‑naa 'ka, 'sa ‑yö ‑gun mɛ "saɔplɛ ‑blɛɛsü bha‑ ‑nu kpö 'gü, 'yö‑ 'gü see‑ "tʋ̈ng 'dhö ꞊loo sië bha.

‑Dhɛkpaɔ 17:8

'Yö‑ pö n ‑dhɛ: «Wü 'i‑ ‑ga bha ‑yö ‑gun "yaan yi 'bha 'ka "kɛɛ 'yaa 'dhö 'zü. ‑Yö ‑dho 'go ‑klɔng züziösü bha ꞊në‑ 'gü "kɛɛ kö‑ 'gü ꞊në ‑yö see‑. Mɛ "pɛpɛ 'wo "kpʋng ꞊taa 'ö‑ ‑nu 'tɔ ‑bɛn 'yaa zë ‑sü 'ka Atanna ‑bha dha ‑sü 'sëëdhɛ 'gü "sɛ waa‑ dhang‑ ‑nu kë "tʋ̈ng 'gü bha ꞊wa wü bha‑ yö, ‑a 'wɔn ‑dho ‑nu 'kɔn. ‑A 'klɔɔ‑ ‑mü ꞊dhɛ ‑yö ‑gun, "kɛɛ 'yaa 'dhö 'zü, "kɛɛ ‑yö ‑dho ‑ya mü 'zü 'ö bhɔ ‑deewo.

‑Dhɛkpaɔ 2:19

Ka këwɔn "pɛpɛ ꞊gban ‑yö n "yaan, a‑ 'wɔn dɔ 'kpakpadhö ꞊dhɛ ‑dhɔ ‑yö ka 'gü, ꞊dhɛ ka ‑to ka ‑wʋ ‑ta, ꞊dhɛ ka Atanna ‑bha yë ‑kun ka 'nii‑ 'ka, ꞊dhɛ ka zuë" ‑yö ‑sɛa. A‑ 'wɔn ‑dɔ ꞊dhɛ yë 'dhɛ 'ka‑ kë sië ꞊taamasü ya‑ 'gü Atanna ‑dhɛ bha ‑yö 'kpii‑ 'ö ‑ziö ‑a ‑blɛɛsü 'ka gun‑ kë sië bha‑ ‑ta.

‑Dhɛkpaɔ 2:2

«'Wɔn ‑së ‑nu 'ka‑ ‑kë oo, sëë ‑nu 'ka‑ bho, "ɛɛn 'wɔn ‑nu 'ka‑ kun ka ‑bha n ‑wɔn 'gü bha‑ ꞊gban ‑yö n "yaan. ‑A 'bha 'yaa n tii' 'ka. A‑ 'wɔn ‑dɔ 'zü ꞊dhɛ kaa 'wɔnyaakëmɛ ‑nu 'kaa 'kun bho 'koo, ꞊dhɛ 'mɛ 'wo‑ pö wo ‑dɩ ‑dhɛ ꞊dhɛ Yesu ‑bha bɔmɛ ‑mü wo 'ka, "kɛɛ kö 'waa‑ 'ka bha ka‑ ‑nu 'gü dan ‑sü 'ka 'ö 'ka‑ dɔ ꞊dhɛ ꞊sua ꞊në 'wo‑ ‑kë, 'waa‑ 'ka.

‑Dhɛkpaɔ 3:10

꞊Dhɛ 'ö ‑kë ꞊dhɛ ‑a pö 'a‑ wo ka ‑dhɛ 'ka ka zuë" ꞊në‑ kë ‑sɛa kö 'wɔn ꞊gban ‑wɔn ꞊gban ‑yö 'kun bho ka 'gü bha, ka kë‑ ‑kë ꞊dhɛ ‑kɔ 'a‑ pö‑ 'ka ka ‑dhɛ ‑a 'dhö bha, mang ‑dɩ 'pö a ‑dho ka ‑maa kë "tʋ̈ng "gbɩɩ‑ 'ö nu sië, 'ö 'a dho 'wɔn wɔ‑ 'ka "kpʋngtaadhɛ ‑todhʋ̈sü ‑ta bha‑ 'ka 'ö 'a ka ‑zë ka dha‑ ‑gɔ.

‑Dhɛkpaɔ 3:3

‑A ‑kë "dhʋ̈ ‑sü bha‑ 'gü, ka ‑zʋ ‑yö ‑bö 'wɔn ‑nu 'wo ka ꞊klang ‑kë 'ka bha‑ 'ka kö ka ‑zʋ ‑yö ‑bö 'pö ‑kɔ 'ka‑ ma‑ 'ka bha‑ 'ka, kö 'ka‑ ‑ya ꞊bhlëë 'gü, kö 'ka ka ꞊taa zun 'wɔn yaa kë ‑sü ‑gɔ. "Kɛɛ 'kii ‑bö ‑zë wo kö 'ka ‑ya ka "yaan, a ‑dho nu 'a ‑kan ka 'gü ꞊dhɛ ꞊kwaanmɛ 'dhö, 'ö 'kaa n ‑nu "tʋ̈ng dɔ.