‑Dhɛkpaɔ 13:1 - NAƆ ‑SË 'SËËDHƐ

¹ 'Yö 'a wü do 'bha yö kö ‑yö 'go sië ꞊weeyi ꞊bhaa. Wü bha‑ ‑sö ‑gun ‑kaɔng do, 'yö‑ ‑gɔ ‑zë 'ö gun "saɔplɛ. 'Yö ‑gblofaan ‑yö gun kpa ‑sü 'ka‑ ‑sö ‑kaɔng do bha‑ ꞊gban ‑bha 'do 'do. 'Yö Atanna ‑bha 'fang bho ‑tɔ ‑nu 'wo gun ‑bɛn zë ‑sü 'ka‑ ‑gɔ ‑nu bha‑ ‑bha.

‑Dhɛkpaɔ 13:1 ပူးပေါင်းရင်းမြစ်များ

‑Dhɛkpaɔ 11:7

"Kɛɛ yi 'ö mɛ ꞊plɛ bha 'wo dho wo bo‑ 'ka ‑wʋ 'ö Atanna ‑ya kpɔ‑ ‑nu ‑bha bha‑ pö ‑sü 'ka ‑a 'ka bha, wü "dhabhli ‑sü 'bha 'ö go ‑klɔng züziösü bha‑ 'gü bha ‑yö ‑dho ‑gblü ‑da ‑a ‑nu ‑ta 'ö‑ ‑kɔ ‑yö ‑ziö ‑nu ‑gɔ 'ö‑ ‑nu zë,

‑Dhɛkpaɔ 12:3

'Yö "dhabhli bha‑ ‑dee 'bha ‑yö ‑da 'zü dhang‑ 'gü ‑a 'dhɛ bha‑ zian 'gü. 'Yö 'a "yina ‑ziisü do yö, "yinagɔn bha ‑yö ‑gun ‑zaɔndhö, 'yö‑ ‑gɔ gun "saɔplɛ, 'yö‑ ‑söga gun ‑kaɔng do, 'yö ‑gbloo 'faan‑ ‑yö gun‑ ‑gɔ "saɔplɛ bha‑ ꞊gban ‑bha. 'Yö‑ weng ‑yö gun.

‑Dhɛkpaɔ 13:11

꞊Dhɛ 'ö‑ 'dhɛ bha ꞊ya kë "dhʋ̈, 'yö 'a go mü 'a wü bha‑ do 'bha yö kö ‑yö 'go sië "sɛɛdhö, kö‑ ‑söga ‑yö ꞊plɛ ꞊dhɛ "bhlaa ‑bha 'dhö, "kɛɛ ꞊ya "wɩ ‑a ‑wʋ ‑kë ꞊dhɛ "yina ‑wʋ 'dhö.

‑Dhɛkpaɔ 13:14

‑Yö ‑gun "kpʋngtaamɛ ꞊gban "pɛpɛ gɔɔ bho sië 'wɔn 'ö Atanna ‑ya kë ‑sü "sɩ ‑kë ‑dhɛ 'ö gun‑ kë sië wü ‑blɛɛsü bha‑ ‑bha kë 'gü bha ꞊në‑ 'ka, 'yö‑ pö "kpʋngtaamɛ ‑nu ‑dhɛ ꞊dhɛ ‑wo wü ‑blɛɛsü 'wo‑ ‑gi ‑siang 'ka "kɛɛ 'ö dha‑ ‑gɔ bha‑ "blɛɛn‑ do ‑pë ‑kë.

‑Dhɛkpaɔ 13:15

'Yö Atanna ‑yö "tɛɛ ‑sü ‑da mɛ 'gü ‑sü "sɩ ‑kë wü ꞊plɛ ‑naa bha‑ ‑dhɛ 'yö "tɛɛ ‑sü ‑da wü ‑blɛɛsü bha‑ "blɛɛn‑ 'wo‑ ‑pë ‑kë bha‑ 'gü, kë "dhʋ̈ kö ‑yö dhiang zë kö mɛ "ʋʋ mɛ 'ö 'yii "wɩ‑ ‑bha kö ‑ya ‑dhɔkë, kö ‑ya zë.

‑Dhɛkpaɔ 15:2

'A dho ‑dhɛ ‑ga kö pë 'bha 'ö mɛ "yan ‑yö ꞊ziö‑ 'gü ꞊dhɛ "dënggbɔ 'dhö bha ‑yö wɔ ‑sü 'ka mü mɔɔdhö ‑dhɛ ꞊gban 'gü, "kɛɛ kö pɛng ‑yö kaan‑ ‑sü 'ka‑ 'ka. 'Yö 'mɛ 'wii wo ‑gɔ 'dho "sia‑ wü bha‑ ‑dhɛ tongtongdhö 'ö 'wo to‑ "gbɩɩ‑ 'ka‑ ‑ta waa‑ "blɛɛn‑ bha waa‑ 'tɔ ‑bɛn 'ö "nimlɔɔ 'ka bha‑ 'dhö bha 'a‑ ‑nu yö kö ‑wo dɔ sië "yi ꞊gblü bha‑ "sɔɔ, kö kɔnng ‑nu 'ö Atanna ‑ya nu‑ ‑nu ‑dhɛ bha ‑ya ‑nu ꞊kwɛɛ‑.

‑Dhɛkpaɔ 16:13

'Yö 'a "yina yaa ‑yaaga 'wo ꞊dhɛ "tʋ̈ng 'dhö ‑a ‑nu yö kö ‑wo 'go sië wü "dhabhli ‑sü bha waa‑ Atanna ‑wʋdhiʋ̈loomɛ ꞊suasü bha‑ ‑nu "dhi.

‑Dhɛkpaɔ 17:16

‑A wü bha waa‑ ‑sö ‑kaɔng do 'i‑ yö bha ‑wo ‑dho wo zü kë do 'wo ‑da ‑zuadhe bha‑ ‑dhɛ pë "piʋ̈, 'wo‑ ꞊slɔɔpë ꞊gban "pɛpɛ sü‑ ‑gɔ 'wo sɔ ꞊gban bho‑ ‑bha 'ö to ö 'kpee‑ 'ka, 'ö ‑ya mü 'wo‑ ‑wü 'bha ‑bhö, 'wo‑ ‑kpɛa dɔ pɛng "dhiʋ̈.

‑Dhɛkpaɔ 17:3

꞊Dhɛ 'ö‑ pö n ‑dhɛ "dhʋ̈, 'yö Atanna ‑bha 'Nii‑ ‑yö pa n 'ka, 'yö‑ ‑bha "kië bha 'ö n sü 'yö dho n 'ka "tʋngtadhɛ do 'bha bha‑ 'gü. A dho ‑dhɛ ‑ga kö dhebhɔ 'bha bha ‑yö ‑ya ‑sü 'ka wü ‑zaɔndhö 'bha 'ö‑ ‑bha ‑dhɛ ꞊gban 'dhö ‑bɛn zë ‑sü 'ka, "kɛɛ 'ö ‑bɛn 'ö‑ ‑bha bha‑ ꞊gban 'dhö "si ‑bho Atanna ‑gɔ ‑wʋ ꞊në‑ 'ka bha‑ ‑ta. Wü bha‑ ‑gɔ ‑gun "saɔplɛ, 'yö‑ ‑sö ‑yö gun ‑kaɔng do.

‑Dhɛkpaɔ 17:5

Kö 'tɔ 'ö mɛ 'bhaa‑ 'klɔɔ‑ dɔ bha ‑yö ‑ya ‑sü 'ka‑ ‑kpong "dhiʋ̈ 'ö‑ pö: «Babidhɔnö ‑pö 'ö ‑zuazëmɛ "pɛpɛ ꞊gban waa‑ 'wɔn yaa "pɛpɛ 'ö‑ ‑yënng ‑yö Atanna ‑kë ‑a ꞊gban dhe 'godhɛ 'ka.»

‑Dhɛkpaɔ 19:19

'Yö 'a n "yan ‑kpan wü ‑ziisü bha‑ ‑bha waa‑ ‑gblüdë ‑nu 'wo "kpʋng ꞊taa waa‑ ‑nu ‑bha "sɔdha ‑nu 'dhö, kö ꞊wa ꞊loo 'ko ‑ta kö ‑wo 'ko zë 'mɛ 'ö ‑ya ‑sü 'ka ꞊soo "puu ‑ta bha waa‑ ‑bha "sɔdha ‑nu ‑nu 'ka.