‑Dhɛkpaɔ 12:3 - NAƆ ‑SË 'SËËDHƐ

³ 'Yö "dhabhli bha‑ ‑dee 'bha ‑yö ‑da 'zü dhang‑ 'gü ‑a 'dhɛ bha‑ zian 'gü. 'Yö 'a "yina ‑ziisü do yö, "yinagɔn bha ‑yö ‑gun ‑zaɔndhö, 'yö‑ ‑gɔ gun "saɔplɛ, 'yö‑ ‑söga gun ‑kaɔng do, 'yö ‑gbloo 'faan‑ ‑yö gun‑ ‑gɔ "saɔplɛ bha‑ ꞊gban ‑bha. 'Yö‑ weng ‑yö gun.

‑Dhɛkpaɔ 12:3 ပူးပေါင်းရင်းမြစ်များ

‑Dhɛkpaɔ 12:1

꞊Dhɛ 'ö ꞊ya kë "dhʋ̈, 'yö "dhabhli 'dhö ‑da dhang‑ 'gü, 'yö 'a dhebhɔnë do yö kö ꞊ya 'yënng‑ kë sɔ 'ka ꞊yaa‑ ‑da ö ‑bha, kö ‑yö dɔ ‑sü 'ka "su ‑ta, kö 'faan‑ 'ö‑ ‑gɔ ‑bha bha "susëngga ‑kaɔng do ga ꞊plɛ ꞊në ‑ya ‑sü 'ka‑ ‑bha.

‑Dhɛkpaɔ 12:13

꞊Dhɛ 'ö "yinagɔn ‑ziisü bha 'ö‑ 'wɔn dɔ ꞊dhɛ ꞊wa ö ‑zuö "kpʋng ꞊taa, 'yö zun dhebhɔ 'ö 'nëgɔɔn bha‑ kpɔ bha‑ "piʋ̈ kë ‑sü ‑bha.

‑Dhɛkpaɔ 12:17

'Yö dhebhɔ bha‑ ‑wɔn bhlɔɔ ‑yö ma "yina bha‑ 'gü 'yö‑ pa kpɛnngkpɛnngdhö, 'yö ꞊dhɛ 'ö ‑kë ꞊dhɛ ‑a bhlɔɔ bha‑ bho ‑dhɛ "wɛɛ 'bhaa 'dhö dhebhɔ 'kö bha‑ ‑gɔ bha, 'yö dho 'yö ‑ya 'ko zë ‑sü ‑bha dhebhɔ bha‑ suu 'gü ꞊në "pɛpɛ 'dhɛ 'kö to, 'ö 'wo gun Atanna ‑bha 'tɔng‑ 'kun sië, 'ö 'wo to ‑kplü ‑sü 'ka tɛanwɔn 'ö ‑gban Yesu Klisi ‑wɔn ‑bha bha‑ ‑bha bha‑ ‑nu 'ka.

‑Dhɛkpaɔ 12:4

'Yö ö weng bha‑ sü, 'yö "susëng 'ö dhang‑ ‑bha bha‑ ‑pɛ 'gü ‑yaaga ‑sü "pɛan do bho 'mü 'yö‑ ꞊wɛnng "kpʋng ꞊taa, 'yö dho 'ö dɔ dhebhɔ 'ö‑ "gblʋ̈ʋ̈dhɛ 'dhö‑ kë sië bha‑ wëëdhö, kë "dhʋ̈ kö ꞊ya 'në 'kpɔ kö 'ö 'to "sia‑ mü 'ö‑ ‑bhö.

‑Dhɛkpaɔ 12:7

꞊Dhɛ 'ö ꞊ya kë "dhʋ̈, 'yö ‑gblü ‑yö ‑da dhang‑ 'gü. 'Yö Atanna ‑bha "kië 'kpiisü 'wo‑ Misɛdhö kë bha waa‑ ‑bha ‑mɛ ‑nu 'wo ‑ya 'ko zë ‑sü ‑bha "yina bha‑ 'ka 'yö wɛng‑ ‑nu 'wo ꞊gɔɔn waa‑ ‑bha "kië ‑nu 'dhö 'pö.

‑Dhɛkpaɔ 12:9

'Yö ‑zuzugwɛ 'wo yö ꞊në‑ ‑dhɛ ꞊mlɛɛ 'ö gun yi 'bha 'ka, 'wo‑ ‑dhɛ 'zü "yina yaa, "ɛɛn Sɔtraan, 'ö "kpënng‑ ‑kë "kpʋngtaadhɛ ‑todhʋ̈sü ‑gɔ bha 'wo waa‑ ‑bha ‑mɛ ‑nu ‑a ‑nu ‑zuö "kpʋng ꞊taa.

‑Dhɛkpaɔ 13:1

'Yö 'a wü do 'bha yö kö ‑yö 'go sië ꞊weeyi ꞊bhaa. Wü bha‑ ‑sö ‑gun ‑kaɔng do, 'yö‑ ‑gɔ ‑zë 'ö gun "saɔplɛ. 'Yö ‑gblofaan ‑yö gun kpa ‑sü 'ka‑ ‑sö ‑kaɔng do bha‑ ꞊gban ‑bha 'do 'do. 'Yö Atanna ‑bha 'fang bho ‑tɔ ‑nu 'wo gun ‑bɛn zë ‑sü 'ka‑ ‑gɔ ‑nu bha‑ ‑bha.

‑Dhɛkpaɔ 13:2

Wü 'a‑ yö bha ‑yö ‑gun ꞊dhɛ gwee 'dhö, 'yö‑ ‑gɛn ‑nu 'wo gun ꞊dhɛ "sluku ‑bha 'dhö, 'yö‑ "dhi ‑yö gun ꞊dhɛ laabhölaa ‑bha 'dhö. 'Yö "yina bha 'ö ö ‑bha mɛdhɛ oo, ‑a ‑bha ‑blüdëdhɛ ‑gbloo waa‑ ‑bha 'gügbɩɩdhɛ ꞊gban nu wü bha‑ ‑dhɛ.

‑Dhɛkpaɔ 13:4

'Yö 'wo ‑ya "yina bha‑ ‑dhɔkë ‑sü ‑bha ö ‑bha mɛdhɛ nu 'ö‑ wo wü bha‑ ‑dhɛ bha‑ ‑wɔn 'gü. 'Yö 'wo ‑ya 'pö wü bha‑ ‑dhɔkë ‑sü ‑bha kö ‑wa pö sië: «'Dee ꞊dhɛ ‑zuzugwɛ ya‑ 'dhö? 'Dee dho ꞊mɔɔ‑ ‑bha 'ö 'ko zë‑ 'ka?»

‑Dhɛkpaɔ 15:1

'Yö n "yan ‑yö ‑da 'zü "dhabhliwɔn ‑ziisü 'ö‑ 'wɔn ‑yö mɛ kɔn ‑a ‑dhɛ 'gü dhang‑ 'gü. 'Yö 'a Atanna ‑bha "kië "saɔplɛ yö kö nëng "saɔplɛ ‑ya ‑nu ‑gɔ 'do 'do 'ka. Nëng ‑totaamasü 'ö dho ‑ya "kpʋngtaadhɛ "dhiʋ̈ kö ‑yö kë Atanna ‑bha ‑mawɔnsiödhe "dhiʋ̈todhɛ 'ka bha ꞊në gun bha.

‑Dhɛkpaɔ 16:13

'Yö 'a "yina yaa ‑yaaga 'wo ꞊dhɛ "tʋ̈ng 'dhö ‑a ‑nu yö kö ‑wo 'go sië wü "dhabhli ‑sü bha waa‑ Atanna ‑wʋdhiʋ̈loomɛ ꞊suasü bha‑ ‑nu "dhi.

‑Dhɛkpaɔ 17:12

‑A ‑sö ‑kaɔng do 'i‑ yö bha ‑wo ‑gblüdë ‑kaɔng do ꞊në‑ 'ka 'pö, "kɛɛ wo ‑zë 'wii wo ‑bha ‑gblüdëdhɛ zü bho ꞊kö, "kɛɛ ‑wo ‑dho "sɛ nu‑ ‑nu ‑dhɛ 'ö wo ‑gblüdëdhɛ ‑kë "tʋ̈ng 'në 'bha 'ka waa‑ wü bha‑ ‑nu 'dhö.

‑Dhɛkpaɔ 17:16

‑A wü bha waa‑ ‑sö ‑kaɔng do 'i‑ yö bha ‑wo ‑dho wo zü kë do 'wo ‑da ‑zuadhe bha‑ ‑dhɛ pë "piʋ̈, 'wo‑ ꞊slɔɔpë ꞊gban "pɛpɛ sü‑ ‑gɔ 'wo sɔ ꞊gban bho‑ ‑bha 'ö to ö 'kpee‑ 'ka, 'ö ‑ya mü 'wo‑ ‑wü 'bha ‑bhö, 'wo‑ ‑kpɛa dɔ pɛng "dhiʋ̈.

‑Dhɛkpaɔ 17:7

'Yö Atanna ‑bha "kië bha 'ö‑ pö n ‑dhɛ: «‑A 'wɔn ‑yö i ‑kɔn ‑më ‑wɔn 'gü? Dhebhɔ bha waa‑ wü 'ö ‑ya ‑ta 'ö‑ ‑gɔ 'dhö "saɔplɛ "kɛɛ 'ö‑ ‑sö 'dhö ‑kaɔng do bha a ‑dho ‑a 'klɔɔ‑ pö i ‑dhɛ.»

‑Dhɛkpaɔ 19:12

Kö 'mɛ 'ö bha‑ "yan 'bhü ‑yö dɔ sië ꞊dhɛ "sɔng 'bhü 'dhö "kɛɛ kö ‑gblüdëdhɛ 'faan‑ 'gbɛ ‑ya ‑gɔ ‑bha. 'Tɔ 'ö gun‑ ‑bha 'ö gun ‑bɛn zë ‑sü 'ka bha mɛ 'bha 'yaa‑ dɔ kö 'yii kë yöö ꞊dede ‑zë 'ka.

‑Dhɛkpaɔ 20:2

'Yö "yina ‑gblüdë, ꞊mlɛɛ zii 'ö yi 'bha 'ka 'wo‑ Sɔtraan ‑kë bha‑ kun, 'yö‑ ‑kplü lɔɔ" bha‑ 'ka kö ‑yö ‑kwɛ "gblü do kë mü.