‑Dhɛkpaɔ 11:8 - NAƆ ‑SË 'SËËDHƐ

⁸ 'ö‑ ‑nu ꞊gee ‑yö to ‑kpinng ‑ta 'pö‑ 'kpii‑ 'wo‑ ‑nu Dëmɛ dɔ "dhü ‑bha ‑a 'gü bha‑ 'gü. ‑A 'pödhɛ bha ꞊në 'wo‑ 'tɔ ‑da ꞊gla 'gü 'wo‑ ‑dhɛ Sodɔmö "ɛɛn Ezitö bha.

‑Dhɛkpaɔ 11:8 ပူးပေါင်းရင်းမြစ်များ

Matiö 10:15

A‑ ‑pö ka ‑dhɛ tɛan‑ ꞊dede 'ka ꞊dhɛ: Zadɔyi 'ka 'wɔn 'ö ‑wɔ Sodɔmö waa‑ Gomɔɔ ‑mɛ ‑nu ‑ta, ‑yö ‑dho kë 'dɛdɛ 'pödhɛ bha‑ 'gü ‑mɛ ‑nu ‑bha ‑bha.»

Këwɔn ‑nu 9:4

'Yö kɔn ꞊soo 'ö gun‑ ‑ta bha‑ 'ka 'yö ‑pö "sia‑, 'yö mɛ 'bha ‑wʋ ma kö ‑ya pö sië ö ‑dhɛ: «Sɔdhö, Sɔdhö, i n "yënng ꞊gbaɔn "dhʋ̈ ‑më ‑wɔn 'gü?»

Eblö 13:12

'Wɔn 'ö‑ ‑wɔn 'gü, 'yö Yesu ‑dɩ pö 'yii ga 'pö‑ yaan‑ ‑bha bha 'yö bha. ‑Yö ka ‑wɩ ‑bha 'ö ga "saan "dhiʋ̈ "kɛɛ kö yö ꞊në gun 'yiʋ̈‑ ‑wɔn 'ka. Kë "dhʋ̈ kö 'ö 'wɔn yaa bho mɛ "bhɩɩ‑ ‑nu ‑bha ö ‑dɩ ꞊yɔɔn 'ka.

Eblö 6:6

"kɛɛ 'ö ꞊ya ‑ya mü 'zü ꞊ya "kan Atanna ‑bha bha kö ‑dhio ‑dɔ ‑mɛ ‑ta "slë "wɛɛwɛɛ 'bha kö yöö kë ꞊taamasü 'gü kö ‑yö 'go 'zü ‑deewo ö ꞊sɔng bha‑ 'gü kö ‑yö ‑da Atanna ‑bha zian ‑ta 'yaa 'dhö 'zü. ‑A ‑gɛn ‑mü ꞊dhɛ ꞊ya kë "dhʋ̈ kö ꞊ya Atanna Gbö bha‑ dɔ ꞊plɛ ‑naa ꞊në wo "dhü ‑bha kö ‑wo "si bho‑ ‑gɔ ꞊dhɛ ‑kɔ 'wo‑ ‑kë 'ka yi 'bha 'ka ‑a 'dhö bha.

2 Piɛdhö 2:6

'ö 'yii Sodɔmö waa‑ Gomɔɔ ‑pö ‑nu ‑mawɔn 'to 'pö, 'ö‑ ‑nu ꞊pia kë "dhʋ̈ kö 'ö 'wɔn 'ö ‑ya ‑sü 'ka 'wɔnyaakëmɛ ‑nu ‑gɔ ‑a "blɛɛn‑ ‑zɔn ‑nu ‑dhɛ,

Zudë 1:7

Ka‑ 'wɔn ‑dɔ 'zü ꞊dhɛ Sodɔmö waa‑ Gomɔɔ ‑dhɛ waa‑ 'pö‑ ‑nu 'wo gun ‑a ‑nu ‑züzü bha ‑wo kë‑ ‑kë 'pö ꞊dhɛ ‑kɔ 'ö Atanna ‑bha "kië ‑nu bha 'wo‑ ‑kë 'ka bha‑ 'dhö, 'ö 'wo wo ‑gɔ "kpaa bho ‑zua zë ‑sü ‑dhɛ, 'yö 'wɔn "bhluubhlu suu 'ö mɛ 'bha 'yii‑ suu kë do 'wo‑ ‑kë. "Kɛɛ ꞊dhɛ 'ö ꞊waa‑ kë "dhʋ̈, Atanna kë 'wɔn bho‑ ‑nu 'gü 'ö pɛng 'ö 'yaa "dhuu bha 'ö‑ ‑nu ‑bhö. Kë "dhʋ̈ kö ‑yö kë mɛ ‑kpɛa ‑bha 'wɔn suan‑ ‑bho ‑bha ‑pë 'ka kö ‑wo "suʋ̈ Atanna ‑gɔ.

‑Dhɛkpaɔ 11:13

'Yö "sɛ ‑yö zun ꞊zii ‑sü ‑bha "tʋ̈ng do bha‑ 'gü, 'yö 'pö‑ 'kpii‑ bha 'ö ‑pɛ 'gü ‑kaɔng do, 'yö‑ "pɛan do ‑yö ꞊wɛnng, 'yö mɛ ‑dhü "gblü "saɔplɛ ‑wo ga "sɛ ꞊zii ‑kɔ do bha‑ 'gü, 'yö mɛ ‑kpɛa 'wo to bha "suʋ̈ 'dhö ‑da ‑nu 'gü, 'yö 'wo ‑ya Atanna 'ö dhang‑ 'gü bha‑ 'tɔ bhɔ ‑sü ‑bha.

‑Dhɛkpaɔ 11:9

Mɛ suu 'gbɛ, 'wo go "sɛgɔ 'gbɛ ꞊dede 'gü, 'ö 'wo ‑wʋ 'gbɛ ꞊dede pö, 'ö 'wo go "sɛ suu 'gbɛ ꞊dede 'gü ‑wo ‑dho ‑a ‑nu ꞊gee bha‑ ‑ga ‑dhɛkpaɔyi ‑yaaga waa‑ 'gbu 'ka kö 'waa "wɩ‑ ‑bha kö ‑wa ‑nu ꞊gee bho.

‑Dhɛkpaɔ 14:20

'Yö 'wo ‑drɔɔ ga bha‑ zɔn "wlʋ̈ 'kpii‑ bha‑ 'gü 'pö‑ ꞊taama ‑dhɛ bha‑ 'gü, 'yö ꞊yɔɔn 'ö go "wlʋ̈ bha‑ 'gü 'yö‑ ‑gböng ‑yö ‑ziö 'yö "kidhʋng këng ‑yaaga "ta sü, 'yö‑ ‑bha ‑kë ꞊gblɛɛn ‑sü 'gü, ꞊soo ꞊ya ‑da ꞊bhaa 'yö ‑ya ‑kafe 'ö‑ "dhi bha‑ ‑naa ‑ta.

‑Dhɛkpaɔ 14:8

'Yö Atanna ‑bha "kië bha‑ ꞊plɛ ‑naa ‑yö dɔ‑ 'dhɛ bha‑ ꞊keng‑ kö ‑ya pö sië 'pö 'ö‑ pö: «Babidhɔnö ‑pö 'kpii‑ 'ö gun ö ‑bha "yënngdɔ bha‑ 'kpɔ sië "kpʋngtaamɛ ‑nu ꞊gban "pɛpɛ ‑gɔ ꞊dhɛ we 'dhö 'wo‑ mü bha ꞊ya 'wü, ꞊ya 'wü ‑trukpɛ ‑trukpɛdhö.»

‑Dhɛkpaɔ 16:19

‑A ‑kë "dhʋ̈ ‑sü bha‑ 'gü, 'pö‑ 'kpii‑ 'wo‑ Babidhɔnö ‑dhɛ ‑kë bha ‑yö kë ‑pɛ 'ö 'gü ‑yaaga, 'ö 'pö‑ "gblʋ̈gblʋ̈ "pɛpɛ 'wo "kpʋng ꞊taa ‑a ꞊gban ‑yö wü trëntrëndhö. Atanna ‑zʋ ‑yö ‑bö Babidhɔnö ‑pö 'wo‑ ‑gɔɔ ‑pö ‑kë bha‑ ꞊sɔng ‑nu ‑ta ‑kɔ bha ꞊në‑ 'gü 'yö 'wɔn 'ö‑ ‑kɔn din 'yaa ‑së bha‑ ‑wɔ ‑ta.

‑Dhɛkpaɔ 17:1

꞊Dhɛ 'ö ꞊ya kë "dhʋ̈, 'yö Atanna ‑bha "kië "saɔplɛ 'ö gbɔnë "saɔplɛ bha 'ö gun‑ ‑nu ꞊kwɛɛ bha‑ mɛ do ‑yö ꞊yɔɔn n "sɔɔ 'yö‑ pö n ‑dhɛ 'ö‑ pö: «‑Bhö nu kö ‑kɔ 'ö Atanna dho 'wɔn bho‑ 'ka ‑zuadhe 'kpii‑ 'ö ‑ya ‑sü 'ka "yi "gblʋ̈gblʋ̈ ‑nu ‑gɔ "dhiʋ̈ bha‑ 'gü bha 'a‑ ‑zɔn i ‑dhɛ.

‑Dhɛkpaɔ 17:18

'Yö go mü 'ö‑ pö: «꞊Ya 'go yö ‑zë 'gü, dhebhɔ 'i‑ yö bha ꞊në 'pö 'kpii‑ 'ka, yö ꞊në ‑gblüdëdhɛpö "pɛpɛ 'wo "kpʋng ꞊taa ‑a ꞊gban ‑gɔ 'ka.»

‑Dhɛkpaɔ 17:5

Kö 'tɔ 'ö mɛ 'bhaa‑ 'klɔɔ‑ dɔ bha ‑yö ‑ya ‑sü 'ka‑ ‑kpong "dhiʋ̈ 'ö‑ pö: «Babidhɔnö ‑pö 'ö ‑zuazëmɛ "pɛpɛ ꞊gban waa‑ 'wɔn yaa "pɛpɛ 'ö‑ ‑yënng ‑yö Atanna ‑kë ‑a ꞊gban dhe 'godhɛ 'ka.»

‑Dhɛkpaɔ 18:10

‑Wo ‑dho dɔ‑ 'ka ꞊gblɛɛn, kö "suʋ̈ ꞊ya ‑da ‑nu 'gü 'wɔn 'ö wɔ sië 'pö‑ bha‑ ‑ta bha‑ ‑wɔn 'gü 'ö 'wo "kaabho 'wo‑ pö: «"Eke, n dhee" ‑nu, ‑më ‑pë ‑wëëwɔn ꞊në ꞊ni? Babidhɔnö ‑pö, bhi 'ö 'i gun 'pö‑ ‑ziisü 'ka i ‑bha ‑kë 'kpiisü waa‑ i ‑bha 'gügbɩɩdhɛ ‑nu 'gü ya bhi ꞊në 'wɔn ‑yö ‑wɔ i ‑ta 'yënng‑ "tɛɛ doseng ‑ta ꞊ni ‑ee?»

‑Dhɛkpaɔ 18:18

'wo ꞊gbla "gbʋ ‑bha kö ꞊wa pɛng 'ö 'pö‑ bha ‑bhö sië bha‑ "gbiën yö 'wo‑ pö: «'A! 'pö‑ ya‑ ‑mɔɔ 'ka 'yaa 'dhö "sɛ waa‑ dhang‑ ‑nu ꞊zinng 'gü!»

‑Dhɛkpaɔ 18:2

'Yö Atanna ‑bha "kië bha 'ö ‑gbla "gbɩɩ‑ 'ka 'ö‑ pö: «'Pö‑ bha ꞊ya 'wü, Babidhɔnö ‑pö bha ꞊ya 'wü, ꞊ya 'wü ‑trukpɛ ‑trukpɛdhö. ‑A ‑dhɛ ꞊ya kë "yina yaa suu ꞊gban "pɛpɛ 'do 'do ‑yɛa ꞊bhaa ‑dhɛ ꞊në‑ 'ka dɔ 'kwa‑ wo ya‑ 'gü. ‑Maa ‑yënngsü ‑nu 'ö‑ ‑nu ‑dhɔ 'yaa mɛ 'bha kë bha ꞊në 'wo 'kɔ dɔ sië‑ 'gü ꞊taamasü ya‑ 'gü.

‑Dhɛkpaɔ 18:21

꞊Dhɛ 'ö ꞊ya kë "dhʋ̈, 'yö 'a Atanna ‑bha "kië 'gügbɩɩ do 'bha yö kö ꞊ya ‑gwë 'gbɔng ‑mɔɔ ‑bha ‑sü 'bha bha‑ 'sü kö ꞊yaa‑ ‑zuö ꞊weeyi ꞊bhaa kö ‑ya pö sië: «Babidhɔnö ‑pö 'kpii‑ bha ‑wo ‑dho ‑a ‑zuö baandhö ‑kɔ ya ꞊në‑ 'gü faan 'ka 'yö mɛ 'bha 'yaa‑ yö 'zü tongtongdhö.

‑Dhɛkpaɔ 18:24

꞊Ya 'go mü 'zü Atanna ‑wʋdhiʋ̈loomɛ ‑nu waa‑ dhɔɔbhaamɛ ‑nu waa‑ mɛ "pɛpɛ 'wo‑ ‑nu zë ‑a ‑nu ‑san ‑bha bha‑ ‑nu ‑bha "dhang bha ꞊në ꞊ya Babidhɔnö ‑mɛ ‑nu ꞊gban ka 'kun bha.»