‑Dhɛkpaɔ 11:3 - NAƆ ‑SË 'SËËDHƐ

³ 'Yö 'a n ‑wʋdhiʋ̈loomɛ ‑nu ꞊plɛ bɔ kö ꞊wa bhɔɔ sɔ ‑da wo ‑bha, kö ‑wa ‑zɔn "kpʋngtaamɛ ‑nu ‑dhɛ ꞊dhɛ ‑a ‑dhɛa ‑bha ꞊dhɛ ‑wo ‑wëëwʋ 'kpɔ wo ‑dɩ ‑bha ‑a ‑nu këwɔn yaa ‑nu ‑wɔn 'gü kö ‑wo wo wɔ slëë‑ Atanna "piʋ̈, 'yö 'wo Atanna ‑wʋ "dhiʋ̈ ꞊loo‑ 'ka 'mɛ 'wo bha‑ ‑nu ‑bha ‑dhɛkpaɔyi "gblü do ö ‑ta ꞊plɛ waa‑ ‑dhɛkpaɔyi ‑kaɔng "saɔdo 'wo dho ‑ya 'ka 'pö‑ bha‑ ‑gɔ "dhiʋ̈ bha‑ 'ka.»

‑Dhɛkpaɔ 11:3 ပူးပေါင်းရင်းမြစ်များ

Matiö 11:21

«"Eke! Kodhazɛn ‑mɛ ‑nu, ka ‑bha ‑yö ‑wëësü, Bɛsaida ‑mɛ ‑nu, ka ‑bha ‑yö ‑wëësü; ‑a ‑gɛn ‑mü ꞊dhɛ "dhabhliwɔn "gblʋ̈gblʋ̈ ‑nu 'a‑ ‑kë ka ‑gɔ 'pö‑ ‑nu 'gü bha a‑ ‑kë Tii‑ ‑dhɛ waa‑ Sidɔn ‑dhɛ ‑nu ('ö‑ 'gü ‑mɛ ‑nu gun bhɔkɔyaamɛ ꞊në‑ 'ka yi 'bha 'ka bha ꞊në‑ 'gü 'nu, kö ꞊wa wo zuë" slëë‑ Atanna "piʋ̈ ‑a yi ꞊ya ꞊gwëë. Kö ꞊wa bhɔɔ sɔ ‑da wo ‑bha 'nu ꞊wa "yʋʋ dɔ wo ‑ta kö ‑wa ‑zɔn ꞊dhɛ ‑yö wo "piʋ̈ ꞊dhɛ 'wo wo bo 'wɔn yaa kë ‑sü 'ka kö 'wo wo zuë" slëë‑ Atanna "piʋ̈.

Matiö 18:16

꞊Ya kë 'zü ꞊dhɛ 'yii "wɩ i ‑wʋ ‑bha, ‑bhö 'dho 'i mɛ do "ɛɛn mɛ ꞊plɛ ‑dhɛ kö ‑wo ꞊nëng i ‑bha kö 'ka 'dho mü. Kë "dhʋ̈ kö pë "ʋʋ pë 'ö 'ka dho‑ pö 'mü bha kö 'ka‑ pö mɛ ꞊plɛ "ɛɛn mɛ ‑yaaga "yaan kö ‑wo kë ka "sɛɛ‑ 'ka ꞊dhɛ ‑kɔ 'ö Atanna ‑wʋ ‑ya pö‑ 'ka‑ 'dhö.

Dhukö 10:13

Yö ꞊në‑ ‑wɔn 'gü 'yö Yesu ‑ya pö: «Kodhazɛn ‑mɛ ‑nu, ka 'vee‑! Bɛsaida ‑mɛ ‑nu, ka 'vee‑! ‑A ‑pö ka ‑dhɛ "dhʋ̈ ‑gɛn ‑mü ꞊dhɛ "dhabhliwɔn ‑nu 'a‑ ‑kë ‑nu wo ka kpö 'gü bha, ꞊ya kë ꞊dhɛ a‑ ‑kë "dhʋ̈ Tii‑ ‑pö waa‑ Sidɔn ‑pö ‑nu ꞊në‑ 'gü, kö‑ ‑nu ‑gbɛʋʋ kë Atanna ‑dhɛ ‑yi 'yaa ꞊dɛɛ.

Dhukö 24:48

Ka ꞊në 'ka n "sɛɛ‑ 'ka 'wɔn ‑nu bha‑ "gblʋʋ "piʋ̈.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:27

'Yö Zan ‑ya ‑yɔ bɔ‑ ‑nu ‑gɔ 'ö‑ pö: «Atanna 'yii i gba ‑duɛ 'ö‑ 'ka 'bhaa‑ ꞊slɔɔ.

Këwɔn ‑nu 1:8

"Kɛɛ (‑a 'dhɛ ka ‑mawɔn 'dhö‑ ‑bha kö 'ka‑ dɔ yö ‑mü ꞊dhɛ:) 'Nii‑ "slʋ̈ʋ̈slʋ̈ ‑dho lɔɔ‑ ka ‑ta 'ö Atanna ‑yö 'gügbɩɩdhɛ nu ka ‑dhɛ. Yö ꞊në ꞊ya kë "dhʋ̈ 'yö 'wɔn 'ö ‑gban n ‑bha 'ka dho kë‑ pö ‑mɛ 'ka 'mɛ 'wo Zedhizadhɛmö pö 'gü ‑dhɛ ‑nu oo, Zude ‑sɛ 'gü ‑dhɛ ‑todhʋ̈sü waa‑ Samadhi ‑dhɛ ‑nu 'gü ‑a ‑nu ‑dhɛ 'ö dho "dhʋ̈ 'ö zun‑ 'ka "sɛ "dhiʋ̈todhɛ 'gü.»

Këwɔn ‑nu 13:31

'yö ö ‑dɩ ‑zɔn 'mɛ 'wo gun‑ ꞊keng‑ 'wo go‑ 'ka Gadhidhe ‑sɛ 'gü 'wo dho‑ 'ka Zedhizadhɛmö bha‑ ‑nu ‑dhɛ ‑dhɛkpaɔyi 'gbɛ ꞊dede 'ka, 'mɛ 'wo "dhʋ̈ bha ꞊në 'wo‑ "sɛɛ‑ 'ka ꞊taamasü ya‑ 'gü, 'yö 'wo Yesu ‑dhiang zë sië Izraɛdhö ‑sɛgümɛ ‑nu ‑dhɛ.

Këwɔn ‑nu 2:32

Yesu 'a‑ ‑dhiang zë sië ka ‑dhɛ ya, Atanna ꞊yaa‑ bho ga 'gü, mɛ ꞊gban "pɛpɛ kwa‑ "sɛɛ‑ 'ka, kwa‑ 'wɔn ‑dɔ.

Këwɔn ‑nu 3:15

'Yö 'ka 'mɛ 'ö ‑tosɛadhe nu mɛ ꞊gban "pɛpɛ ‑dhɛ bha‑ zë ‑kɔ bha‑ 'gü. "Kɛɛ Atanna ‑ya ‑bho ga 'gü, yi‑ "sɛɛ‑ 'ka.

1 Kodhɛngtö 12:28

'Pë 'ö ‑kë 'yö Atanna ‑yö Yesu ‑bha bɔmɛ ‑nu ꞊në‑ ‑nu ‑ya ‑blɛɛsü 'ö ‑bha 'kɔdhigümɛ ‑nu kpö 'gü, 'yö dho 'ö ö ‑wʋdhiʋ̈loomɛ ‑nu ‑ya ‑a ‑nu ‑gaɔ ꞊plɛ ‑naa 'ka, 'yö mɛdraanmɛ ‑nu ‑ya ‑a ‑nu ‑gaɔ ‑yaaga ‑naa 'ka bha 'yö bha. ꞊Dhɛ 'ö go‑ 'gü, 'yö "dhabhliwɔn këmɛ ‑nu 'wo dɔ mü, 'yö dho 'yö "yua ‑bho mɛ ‑bha ‑mɛ ‑nu ‑ya, 'yö mɛ ‑nu ‑takunmɛ ‑nu ‑ya, 'yö zian ‑bho mɛ ‑kpɛa 'ka ‑mɛ ‑nu ‑ya, 'yö dho 'yö ‑wʋ ‑dee pö ‑mɛ ‑nu ‑ya.

2 Kodhɛngtö 13:1

N ‑nu ka ‑dhɛ 'gü ‑kɔ ‑yaaga ‑naa ꞊në yöö kë bha. ‑Yö ‑bɛn zë ‑sü 'ka Atanna ‑wʋ 'sëëdhɛ 'gü ꞊dhɛ: «꞊Wa 'wɔn ‑ya mɛ ‑bha, 'kö ‑kë 'wɔn "ʋʋ 'wɔn 'ö‑ suu 'ka, "sanni ‑wa ‑gɔ bho, ‑a ‑dhɛa ‑bha ꞊dhɛ "sɛɛ‑ ꞊plɛ "ɛɛn ‑yaaga ꞊në‑ ‑nu ‑wʋ ‑yö kë‑ ‑bha do kö ‑wo gun ‑na ‑a ‑gɔ bho.»

Efɛzö 4:11

Yö 'ö bha ꞊në mɛ 'bha ‑nu nu ö ‑bha bɔmɛ ‑nu 'ka ö ‑bha mɛ ‑nu kpö 'gü kö ‑wa ‑nu ‑ta 'kun, 'yö mɛ 'bha ‑nu ‑ya ö ‑wʋdhiʋ̈loomɛ 'ka, 'yö mɛ 'bha ‑nu ‑ya ö ‑bha naɔ ‑së bha‑ dɔmɛ ‑nu 'ka, 'yö‑ mɛ 'bha ‑nu ‑ya "yan ‑to ö ‑bha mɛ ‑nu ‑bha ‑mɛ ‑nu "ɛɛn ‑a ‑nu ꞊klangkëmɛ ‑nu 'ka.

‑Dhɛkpaɔ 11:2

"Kɛɛ ‑a ‑bha 'kɔ ‑züdhɛ 'dhɛ 'ö "wasi 'dhö "kan ‑sü 'ka‑ ‑zü 'ö "kpɛnngdhö bha 'i yö ‑zë 'to "dhʋ̈, 'bha 'dho‑ dan, ‑a ‑gɛn ‑mü ꞊dhɛ ꞊wa yö ‑zë nu 'mɛ 'waa 'dhang bho Atanna "dhiʋ̈ 'wo go "sɛ "wɛɛ 'gü, 'ö 'wo dho ‑gblü ‑da Zedhizadhɛmö ‑pö ya‑ ‑ta bha‑ ‑nu ‑dhɛ kö ‑wa 'kun ‑gblü 'ka, kö ‑wo ‑ya ‑gɔ "dhiʋ̈ ‑kwɛ ‑yaaga waa‑ "su "saɔdo 'ka.

‑Dhɛkpaɔ 11:6

꞊Ya 'go yö ‑zë 'gü, mɛ ꞊plɛ bha ‑kɔ ‑kpa dhang‑ ‑bha "sɩ ‑ya ‑nu ‑dhɛ kö "tʋ̈ng 'wo Atanna ‑wʋ pö sië‑ 'ka bha dha 'ya 'dho ban‑ 'ka, 'ö "yi ‑gla ꞊yɔɔn 'gü "sɩ 'dhö‑ ‑nu ‑dhɛ 'pö, 'ö ‑ya mü 'zü 'ö 'wɔn suu "ʋʋ suu 'ö‑ ‑wɔ "kpʋngtaadhɛ ‑ta ‑dhɔ ꞊yaa‑ ‑nu kë, 'ö‑ kë "sɩ ‑yö ‑kë ‑nu ‑dhɛ kö ‑wa kë "dhʋ̈ "tʋ̈ng 'ö ‑dhi ‑nu ‑dhɛ ‑a 'ka.

‑Dhɛkpaɔ 12:6

'Yö dhebhɔ bha 'ö ꞊dua 'yö dho "tʋng ‑ta, ‑dhɛ 'ö Atanna ‑ya ‑yɛa ꞊baa‑ ‑bha bha‑ 'gü, kö ‑wa "dhiʋ̈ gba mü ‑dhɛkpaɔyi "gblü do ‑ta ꞊plɛ waa‑ ‑dhɛkpaɔyi ‑kaɔng "saɔdo 'ka.

‑Dhɛkpaɔ 13:5

'Yö 'wo Atanna ‑bha 'fang bho ‑wʋ ‑nu waa‑ ‑dɩ ‑sü 'kpii‑ ‑dhiang ‑nu zë ‑faan ‑da wü bha‑ 'gü. 'Yö‑ ‑kë "dhʋ̈ "su ‑kaɔng ‑yiisiö ga ꞊plɛ 'ka.

‑Dhɛkpaɔ 19:10

꞊Dhɛ 'ö ꞊yaa‑ pö "dhʋ̈, 'yö 'a zun n kpiö 'gü‑ ‑dhɛ kö 'a‑ ‑dhɔkë, "kɛɛ 'yö‑ pö n ‑dhɛ: «I ‑dɩ 'kun! 'Mɛ 'ö bhii‑ kë‑ ‑dhɛ "dhʋ̈ ‑a ‑mɛ 'yaa ‑mü ma ‑zë n 'ka. ‑A ‑gɛn ‑mü ꞊dhɛ bhi 'dhö, ma 'dhö, mɛ "pɛpɛ 'wo i dheebhang ‑nu 'ka 'wo 'dhang bho tɛanwɔn 'ö Yesu Klisi ‑ya pö bha‑ "dhiʋ̈ bha‑ ‑nu 'dhö, mɛ ꞊gban kwa gwëë" ꞊në‑ 'ka ꞊dhɛ 'ko 'dhö. Mɛ ꞊gban kwa Atanna ꞊në ‑gɔ, ‑bhö ‑a yö ꞊në‑ ‑dhɔkë!» Tɛanwɔn 'ö Yesu ‑ya ‑dhiang zë "dhʋ̈ bha ꞊në 'wɔn "pɛpɛ 'ö Atanna ‑wʋdhiʋ̈loomɛ ‑nu ‑wa pö bha‑ ga ꞊dede 'ö‑ 'gü ‑a 'ka.

‑Dhɛkpaɔ 20:4

꞊Dhɛ 'ö ꞊ya kë "dhʋ̈, 'yö 'a n "yan ‑kpan ‑blüdëdhɛ ‑gbloo 'gbɛ ꞊dede ‑bha kö mɛ ‑ya ‑ta. 'Mɛ 'wo gun ‑ya ‑sü 'ka‑ ‑ta "dhʋ̈ bha 'yö 'wo za dɔ ‑sü dɔ‑ ‑nu ‑kɔ 'ka. 'Yö go mü 'zü 'yö 'a mɛ "pɛpɛ 'wo‑ ‑nu zë tɛanwɔn 'wo‑ ma Yesu "dhi ‑a pö 'wo‑ wo, 'ö 'wo Atanna ‑wɔn ‑dhiang zë mɛ ‑nu ‑dhɛ ‑a ‑wɔn 'gü bha‑ ‑nu 'nii‑ ‑nu yö. 'Mɛ 'wo "dhʋ̈ bha ꞊në 'wii zun wü bha‑ ‑dhɛ kpiö 'gü kö ‑wa ‑dhɔkë, "ɛɛn kö ‑wa "blɛɛn‑ ‑dhɔkë. 'Yö 'wii‑ ‑nu daɔ dɔ wü bha‑ ‑bha dɔ 'gü ‑a ‑nu ‑kpong "dhiʋ̈ ‑dhɛ ‑nu waa‑ ‑nu ‑kɔ ‑bha ‑dhɛ ‑nu 'gü. 'Mɛ 'wo bha 'yö 'wo go ga 'gü 'wo ‑bö, 'yö waa‑ Klisi ‑nu 'wo ‑gblüdëdhɛ ‑kë ‑kwɛ "gblü do 'ka.