‑Dhɛkpaɔ 1:7 - NAƆ ‑SË 'SËËDHƐ

⁷ ‑Ka ‑dhɛ ‑ga, yö 'ö bha ‑yö nu sië dha 'kpong‑ ‑ta. Mɛ "pɛpɛ ꞊gban‑ ‑dho ‑a yö, aa" ꞊ni mɛ ‑zian 'ö 'wii 'dhang bho‑ "dhiʋ̈. "Sɛgɔ "pɛpɛ 'wo "kpʋng ꞊taa ‑a ꞊gban ‑dho "gbʋ bɔ wo ‑dɩ ‑bha ‑a ‑wɔn 'gü. A‑ ‑pö ka ‑dhɛ ꞊dhɛ tɛan‑ ‑mü, ‑yö ‑dho kë! 'Sa ‑yö ‑dho kë!

‑Dhɛkpaɔ 1:7 ပူးပေါင်းရင်းမြစ်များ

Matiö 16:27

‑Ka ‑dhɛ ‑ga, mang Mɛgbömɛ ‑a ‑dho nu n Dë ‑bha 'tɔbhɔdhe bha‑ 'gü yaa‑ ma "kië ‑nu ‑dhö, 'yö 'a 'mɛ 'dhɛ "dhʋ̈ ‑a ꞊saa bho ‑a ‑tosɛa kë ‑kɔ ‑bha.

Matiö 16:28

A‑ ‑pö ka ‑dhɛ tɛan‑ ꞊dede 'ka ꞊dhɛ 'mɛ 'wo ‑dhɛ ya‑ 'gü ‑a mɛ 'gbɛ 'wii 'dho ga kö 'wii mang Mɛgbömɛ ma ‑gblüdëdhɛ nu ‑dhɛ yö.

Matiö 24:30

Yö ꞊në ꞊ya kë "dhʋ̈, 'yö 'wɔn 'suan‑ ‑bho ‑bha ‑pë 'ö dho‑ ‑zɔn ‑dhɛ mang Mɛgbömɛ n nu "tʋ̈ng ꞊ya ꞊loo bha 'ö ‑wo "yɛa‑ dhang‑ ‑bha, 'yö "sɛgɔ "pɛpɛ 'wo "kpʋng ꞊taa ‑a 'gü ‑mɛ ‑nu ꞊gban "pɛpɛ 'wo ‑ya ‑wʋ 'kpɔ ‑sü ‑bha ꞊tɔn, kö ‑wo wo ‑kuu ‑ta ‑ma sië "gbʋ 'ka, 'yö 'wo wo "yan ‑kpan mang Mɛgbömɛ n ‑bha kö a nu sië dha 'kpong‑ ‑ta dhang‑ 'gü, 'gügbɩɩdhɛ waa‑ 'tɔbhɔdhe ‑ziisü 'ka.

Matiö 25:31

'Yö go mü 'zü 'ö‑ pö: «Mang Mɛgbömɛ 'a dhiang zë sië ka ‑dhɛ ya, dho 'ö maa‑ wo ya, n "dhiʋ̈ yee kë ‑yi 'ka, a ‑dho nu ma ‑gblüdëdhɛ 'gü kö Atanna ‑bha "kië ‑nu "pɛpɛ ꞊gban ‑wo n ꞊keng‑, 'yö 'a ‑ya ma ‑gblüdëdhɛ ‑gbloo 'gü.

Matiö 26:64

'Yö Yesu ‑ya ‑yɔ bɔ‑ ‑gɔ 'ö‑ pö: «꞊Iin, ma ‑mü, "kɛɛ yö ‑zë ꞊gban 'gü a‑ ‑pö ka ‑dhɛ ꞊dhɛ 'ö sü ꞊dɛɛ ‑bha 'ö dho‑ 'ka "dhiʋ̈ ka "yan‑ ‑dho ‑kpan mang Mɛgbömɛ n ‑bha kö a ‑ya ‑sü 'ka Atanna 'ö‑ 'gü 'dhö "gbɩɩ‑ 'ö pë 'bha 'yaa ꞊mɔɔ‑ 'ka bha‑ "sɔɔ ‑dhɛ ꞊bhlëësü 'ö dhang‑ 'gü bha‑ 'gü. ꞊Ya 'go mü 'zü ka ‑dho n "dhiʋ̈ yee kë ‑sü yö kö a nu sië dha 'kpong‑ ‑ta dhang‑ 'gü.»

Makö 13:26

'Yö 'wo gun ‑na mang Mɛgbömɛ n yö kö a nu sië dha 'kpong‑ ‑ta ma ‑gblüdëdhɛ ‑faan waa‑ 'gü 'tɔbhɔdhe bha‑ 'ka ‑yɛɛdhö.

Makö 14:62

'Yö Yesu ‑ya ‑yɔ bɔ 'ö‑ pö: «꞊Iin, yö ‑mü n 'ka. ꞊Ya 'go mü ka "yan ‑dho mang Mɛgbömɛ n yö kö a ‑ya ‑sü 'ka Atanna 'gügbɩɩsü bha‑ ‑yɛa 'ö ꞊bhlëësü 'ka bha‑ 'gü, 'ö 'ka n yö 'zü kö a 'go sië dhang‑ 'gü 'a nu dha 'kpong‑ ‑ta.»

Dhukö 21:27

‑Wo ‑dho mang Mɛgbömɛ n yö "tʋ̈ng bha ꞊në‑ 'gü kö a nu sië dha 'kpong‑ ‑ta ma mɛdhɛ ‑faan "gbɩɩ‑ bha‑ 'ka waa‑ 'tɔbhɔdhe ‑ziisü 'dhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 19:34

"Kɛɛ 'yö‑ "sɔdha ‑nu bha‑ mɛ do ‑yö 'düga sü 'yö‑ "sɛn 'gü ꞊zua‑ 'ka, 'yö to 'yö ꞊yɔɔn waa‑ "yi 'wo go‑ ‑dhɛ 'gü 'wo ꞊wɛnng.

Naɔ ‑së 'ö ‑gban Yesu Klisi ‑bha 'ö Zan ‑ya pö 19:37

"ɛɛn 'zü 'ö ‑bɛn zë ‑sü 'ka ‑dhɛ "wɛɛ 'bha‑ 'gü ꞊dhɛ: «'Mɛ 'wo mɛ zua bha woo ꞊dede ‑wo ‑dho 'mɛ 'wo‑ zua bha‑ yö wo "yanga ꞊plɛ 'ka» bha kö‑ 'gü ‑wɔn ‑yö kë.

1 Tesadhonikö 4:17

꞊Ya 'go mü 'yö 'mɛ 'kwa dho 'to "yaandhe 'ka waa 'mɛ 'wo ‑bö bha mɛ ꞊gban 'kwa ‑tɔn kun kwa "kwëë, 'yö 'kwa dho dɔ kwa Dëmɛ ‑gɔ zian‑ dha 'kpong‑ 'gü, 'yö 'kwa ‑kpan ‑bha 'tëng‑ ‑ta, 'yö 'kwa gun ‑na ‑tosɛa kë ‑a "piʋ̈ ‑todhʋ̈ 'ka.

Eblö 10:29

꞊Ya kë "dhʋ̈, 'yö 'mɛ 'kö yö ‑zë 'ö Atanna Gbö yöö ꞊dede ꞊në‑ ‑da ö ‑gɛn ꞊wlöö, 'ö‑ ꞊yɔɔn 'ö ‑mlɛɛ ‑dee, 'ö Atanna ‑yö bɔ‑ ‑ta 'ö‑ ‑ga mɛ "slʋ̈ʋ̈slʋ̈ 'ka bha‑ ‑ga "wlaa‑ 'pë 'ka, 'ö "yan ‑ziö 'gü 'ma Atanna ‑bha 'Nii‑ "slʋ̈ʋ̈slʋ̈ 'ö ‑gasitɛ ‑kë 'ka kwa ‑dhɛ bha‑ ‑bha ꞊wɛ, ‑a ‑mɛ ‑bha ‑dho kë mü ꞊dhɛ? Kaa ꞊dede ka ‑mɔɔ ‑bha 'ö 'wɔn 'ö‑ ‑dhɛ 'dhö‑ ‑bha ꞊dhɛ ‑yö wɔ mɛ 'ö "dhʋ̈ bha‑ ‑ta ‑a ‑bha ‑kë ‑ziisü ‑sü bha 'ka ka ‑zʋ 'gɔn‑ 'gü.

Eblö 6:6

"kɛɛ 'ö ꞊ya ‑ya mü 'zü ꞊ya "kan Atanna ‑bha bha kö ‑dhio ‑dɔ ‑mɛ ‑ta "slë "wɛɛwɛɛ 'bha kö yöö kë ꞊taamasü 'gü kö ‑yö 'go 'zü ‑deewo ö ꞊sɔng bha‑ 'gü kö ‑yö ‑da Atanna ‑bha zian ‑ta 'yaa 'dhö 'zü. ‑A ‑gɛn ‑mü ꞊dhɛ ꞊ya kë "dhʋ̈ kö ꞊ya Atanna Gbö bha‑ dɔ ꞊plɛ ‑naa ꞊në wo "dhü ‑bha kö ‑wo "si bho‑ ‑gɔ ꞊dhɛ ‑kɔ 'wo‑ ‑kë 'ka yi 'bha 'ka ‑a 'dhö bha.

1 Zan 3:2

N dhɔɔbhaamɛ ‑nu, ‑yö kë ka "yaan ꞊dhɛ 'kwa kë Atanna ‑bha 'në 'ka dɔ 'kwa‑ wo ya‑ 'gü. 'Pë 'kö 'kwa dho kë‑ 'ka ‑dhɛkpaɔ dhia" 'gü ꞊në 'kwii‑ dɔ ꞊kö 'kpakpadhö ‑së 'ka, "kɛɛ kwa‑ 'wɔn ‑zë ‑dɔ ꞊dhɛ ‑dhɛkpaɔyi 'ö Klisi ‑bha 'yënng‑ dho ‑ya 'ka dhang‑ ‑bha bha kwa ‑dho kë ꞊dhɛ ‑a 'dhö, ‑a ‑gɛn ‑mü ꞊dhɛ kwa ‑dho "yan ‑kpan ‑bha kö 'ö ‑kɔ do 'ö‑ ‑bha ꞊në 'ö‑ ‑bha.

Zudë 1:14

'Mɛ 'wo bha ꞊në Enɔkö 'ö ‑kë 'mɛ 'wo dɔ Adan "piʋ̈ ‑a ‑nu "saɔplɛ ‑naa 'ka bha ‑yö dhiang zë‑ ‑nu ‑bu 'gü Atanna ‑wʋ "dhiʋ̈ ꞊loo ‑sü 'ka yi 'bha 'ka 'ö‑ pö: «‑Ka ‑dhɛ ‑ga, kwa Dëmɛ ‑yö nu sië waa‑ ö ‑bha "kië "slʋ̈ʋ̈slʋ̈ ‑nu bha‑ "gblü ‑kaɔng dunng 'gbɛ 'dhö,

‑Dhɛkpaɔ 22:20

Yesu 'ö 'wɔn "pɛpɛ bha‑ ꞊gban ‑kë tɛan‑ 'ka ‑sü "sɛɛ‑ 'ka bha ‑ya ‑pö: «'Yaa ꞊sua 'ka, a nu sië ‑dede ya‑ 'gü.» Kö ‑yö kë "dhʋ̈ bha 'aa ‑yö kë! N Dëmɛ Yesu, ‑bhö nu!

‑Dhɛkpaɔ 22:4

‑Wo ‑dho wo "yan ‑kpan ‑a wëëdhɛ bha, 'yö‑ 'tɔ ‑yö ‑kë ‑ya ‑sü 'ka‑ ‑nu ‑kpong "dhiʋ̈.