‑Dhɛkpaɔ 1:6 - NAƆ ‑SË 'SËËDHƐ

⁶ 'Yö dho 'yö kwa ‑kë ö ‑bha ‑gblüdëdhɛ 'gü ‑mɛ ‑nu 'ka, 'yö dho 'ö kwa ‑kë ö Dë "saabhomɛ 'ka, kö Yesu Klisi 'ö "dhʋ̈ bha ꞊në‑ 'tɔ ‑yö bhɔ "tʋ̈ng ꞊gban "pɛpɛ 'gü, kö yö ꞊në‑ ‑bha 'yënng‑ ‑yö 'to dhang‑ ‑bha ‑kpɛawo bha 'aa ‑yö kë!

‑Dhɛkpaɔ 1:6 ပူးပေါင်းရင်းမြစ်များ

Matiö 6:13

'Bha 'dho kwaa‑ yi ‑zü 'ö 'yi dho 'wɔn yaa kë ‑zian ‑ta, "kɛɛ ‑bhö yi dha Sɔtraan ‑gɔ; ‑a ‑gɛn ‑mü ꞊dhɛ ‑gblüdëdhɛ, 'gügbɩɩdhɛ waa‑ 'tɔbhɔdhe ‑wo bhi ꞊në i ‑gɔ 'ö‑ zübhoyi 'yaa 'dhö, 'ö‑ "dhiʋ̈todhɛ 'yaa 'dhö. Kö ‑yö kë "dhʋ̈ bha 'aa ‑yö kë!

Naɔ ‑së 'ö ‑gban Yesu Klisi ‑bha 'ö Zan ‑ya pö 5:23

Kë "dhʋ̈ kö mɛ ꞊gban "pɛpɛ ‑wo n ꞊bhlëë ‑ya ꞊dhɛ ‑kɔ 'wo n Dë ꞊bhlëë ‑ya 'ka ‑a 'dhö. 'Mɛ 'ö 'yii n ꞊bhlëë ‑ya, kö 'yaa n Dë 'ö n bɔ bha‑ ꞊bhlëë ‑ya 'pö.

Wlɔmö 11:36

Pë ꞊gban "pɛpɛ‑ ‑go yö ꞊në‑ 'gü, yö ꞊në pë "pɛpɛ ꞊gban ‑da, pë ꞊gban "pɛpɛ ‑wo ‑ya ‑sü 'ka yö ꞊në‑ ‑bha ‑ya 'gü. Yöö dosengseng ꞊në‑ 'tɔ ‑yö bhɔ "tʋ̈ng ꞊gban "pɛpɛ 'gü. Kö ‑yö kë "dhʋ̈ bha 'aa ‑yö kë.

Wlɔmö 15:6

Kë "dhʋ̈ kö mɛ ꞊gban "pɛpɛ ka zuë" ‑yö kë do, kö ka ‑wʋ ‑yö kë do Atanna 'ö kwa Dëmɛ Yesu Klisi Dë 'ka bha‑ 'tɔ bhɔ ‑sü ‑bha.

Fidhipö 2:11

Kë "dhʋ̈ kö "dhi ꞊gban "pɛpɛ ‑wa ‑dhiang zë yi do 'ka ‑wa pö Yesu Klisi ꞊në mɛ ꞊gban Dëmɛ 'ka ꞊dedewo tɛan‑ 'ka, kö kwa Dë Atanna 'tɔ ‑yö bɔ‑ ‑ta kö ‑yö bhɔ.

Eblö 13:21

‑yö "ta ‑kɔ ‑së suu ꞊gban "pɛpɛ 'do 'do kë ‑sü "sɩ kë ka ‑dhɛ, kë "dhʋ̈ kö‑ ‑dhidhɛwɔn ꞊në 'ka‑ kë, kö ‑yö 'pë 'ö‑ "dhia 'dhö ö 'gü ꞊në‑ ‑ya ka 'gü, Yesu Klisi 'saa‑ 'gü, "kɛɛ kö yö Yesu Klisi ꞊në‑ 'tɔ ‑yö bhɔ ‑kpɛawo bha 'aa ‑yö kë.

1 Piɛdhö 4:11

Kö 'mɛ 'ö‑ ‑bha dhiangzëmɛ 'ka ‑ya kë ö kë ‑kɔ ‑ta, kö mɛ 'ö yë ‑kë ‑a ‑bha mɛ ‑nu ‑dhɛ ‑mɛ 'ka ‑ya kë faan 'ö‑ nu‑ ‑dhɛ bha‑ 'ka, kë "dhʋ̈ kö Atanna 'tɔ‑ bhɔ Yesu Klisi 'tɔ 'gü ka këwɔn "pɛpɛ ꞊gban 'gü. ‑A ‑gɛn ‑mü ꞊dhɛ yö ꞊në‑ 'gü 'dhö "gbɩɩ‑ ‑kpɛawo, yö ꞊në‑ 'tɔ bhɔ ‑dhɛ 'dhö‑ ‑bha ‑kwɛ ꞊gban ‑kwɛ ꞊gban ‑ta, kö ‑yö kë "dhʋ̈ bha 'aa ‑yö kë.

1 Piɛdhö 5:11

Kö Atanna 'ö 'gügbɩɩdhɛ 'dhö yö ꞊në‑ ‑gɔ "tʋ̈ng ꞊gban ‑tʋ̈ng ꞊gban 'gü bha ꞊në‑ ‑bha 'to‑ ‑bha bha 'aa ‑yö kë!

2 Piɛdhö 3:18

Ka ‑zë ka ‑bha kwa Dëmɛ kwa Dhamɛ Yesu Klisi dɔ ‑sü waa‑ ‑bha ‑gasitɛ 'ö‑ ‑kë ka ‑dhɛ bha ‑ka "gla ꞊në‑ wo‑ 'gü ‑kpɛawo kö 'ka 'dho‑ 'ka "dhiʋ̈. Kö yö ꞊në‑ 'tɔ ‑yö bhɔ "tʋ̈ng ya‑ 'gü kö ‑yö 'to‑ 'ka "dhʋ̈ ‑kpɛawo bha 'aa ‑yö kë.

‑Dhɛkpaɔ 1:9

Mang Zan ‑mɛ 'a ka dheebhang 'ka, 'ö kwɛng‑ ‑nu 'kwa ‑kplü ‑sü 'ka Yesu ‑bha ꞊dhɛ 'ko 'dhö, 'ö 'a saan" sië 'pö ꞊dhɛ ka 'dhö ‑a ‑wɔn 'gü, 'ö kwɛng‑ ‑nu 'kwa‑ ‑bha ‑gblüdëdhɛ 'gü ‑mɛ 'ka ꞊dhɛ 'ko 'dhö, 'ö 'kwa ‑ya sië‑ nu ‑sü ‑gɔ zuë" ‑sɛadhɛ 'gü ꞊dhɛ 'ko 'dhö bha ma ꞊në 'a 'sëëdhɛ ya‑ ‑bɛn zë. ‑Ya 'a‑ wo Patömɔsö ‑sɛ 'ö ꞊weeyi ꞊zinng 'gü ya‑ 'gü ꞊dɛɛ ya 'mii ‑ya mü "wɛɛwɛɛ. Atanna ‑wʋ 'ö yö ꞊në tɛanwɔn 'ka 'ö Yesu ‑yö "dhɛ bho‑ ‑ta kwa ‑dhɛ bha ꞊në 'a‑ ‑dhiang zë 'yö 'wo n kun 'wo nu n 'ka ‑dhɛ ya‑ 'gü.

‑Dhɛkpaɔ 20:6

'Mɛ 'wo dho ‑bö ‑kɔ ‑blɛɛsü bha‑ kë bha kö‑ ‑nu ‑bha ‑së ꞊dedewo, ‑a ‑gɛn ‑mü ꞊dhɛ kö wo ꞊në 'wo Atanna dhɔɔbhaamɛ ꞊dede 'ka. 'Mɛ 'wo "dhʋ̈ bha ga ꞊plɛ ‑naa ‑kɔ 'yii 'dho ꞊mɔɔ‑ ‑nu ‑bha. Wo ꞊në 'wo dho kë Atanna waa‑ Klisi ‑a ‑nu ‑bha "saabhomɛ ‑nu 'ka 'ö wɛng‑ ‑nu 'wo ‑gblüdëdhɛ ‑kë ‑kwɛ "gblü do bha‑ 'ka.

‑Dhɛkpaɔ 4:11

«'Aa! Yi Dëmɛ, yi ‑bha Atanna, ‑a ‑dhɛ ‑mü ꞊dedewo. ‑A ‑dhɛ ‑mü kö bhi ꞊në i 'tɔ ‑yö bhɔ, kö ꞊bhlëë ‑yö ‑ya i ‑bha, kö 'gügbɩɩdhɛ ‑yö kë i ‑gɔ. ‑A ‑gɛn ‑mü ꞊dhɛ bhi ꞊në 'i pë suu ꞊gban "pɛpɛ ‑da. ‑A ‑nu ‑bha kë ‑sü 'ö 'wo ‑tosɛa ‑kë bha ‑yö ‑ga bhi ꞊në i 'gü.»

‑Dhɛkpaɔ 5:10

'Yö 'i‑ ‑nu ‑kë kwa ‑bha "saabhomɛ ‑nu 'ka kö ‑wa ‑bha yë kë, 'yö 'wo dho ‑ya "kpʋngtaadhɛ ‑gɔ "dhiʋ̈.»