‑Dhɛkpaɔ 1:3 - NAƆ ‑SË 'SËËDHƐ

³ 'Wɔn dho kë dhia", 'ö Atanna ‑ya to "dhiʋ̈ 'ö‑ pö mɛ "bhɩɩ‑ ‑nu ‑dhɛ, 'ö ‑bɛn zë ‑sü 'ka 'sëëdhɛ ya‑ 'gü ya 'mɛ 'ö‑ ‑wʋ pö, 'ö ö "tʋ to‑ ‑bha, 'ö‑ 'gü ‑wɔn ‑kë kö‑ ‑mɛ ‑bha ‑së! ‑A ‑gɛn ‑mü ꞊dhɛ "tʋ̈ng 'ö Atanna ‑ya ‑ya 'wɔn ‑nu bha‑ kë "tʋ̈ng 'ka bha 'yaa ꞊gblɛɛn 'zü.

‑Dhɛkpaɔ 1:3 ပူးပေါင်းရင်းမြစ်များ

Matiö 24:15

'Yö‑ pö: «"Sɛ yën "tʋ̈ng bha 'ö 'to sië klöö" "tʋ̈ng 'ö‑ 'gü, ka "yan‑ ‑dho ‑da pë yaa ‑yënng ‑yënngsü 'ö Atanna ‑wʋdhiʋ̈loomɛ Daniɛ ‑ya ‑dhiang zë yi 'bha 'ka, Atanna ꞊bhlëë ‑siö ‑pë 'ka bha‑ ‑bha kö ‑yö ‑ya sië‑ ‑dhɔkëdhɛ "slʋ̈ʋ̈slʋ̈ 'ö 'yaa‑ ‑yɛa 'ka bha‑ 'gü. ('Yö Matiö ‑ya pö) 'mɛ 'ö dho 'sëëdhɛ ya‑ ‑wʋ pö, ‑a ‑mɛ ‑ya 'gü ma ö 'klɔɔ‑ 'ka!

Dhukö 11:28

"Kɛɛ 'yö Yesu ‑ya ‑yɔ bɔ 'ö‑ pö: «Mɛ ‑zian 'kö 'wo wo "tʋ 'to Atanna ‑wʋ ‑bha 'ö 'wo‑ 'gü ‑ta sü wo ‑zë ‑a ‑nu ‑bha ‑së 'ö ‑ziö dhebhɔ kö n kpɔ bha‑ ‑bha ‑ta!»

Wlɔmö 13:11

'Wɔn 'ö‑ ‑wɔn 'gü, 'yö 'a ꞊nëng 'gü "dhʋ̈ bha‑ 'klɔɔ‑ ‑mü ꞊dhɛ "tʋ̈ng kwa dɔ‑ 'ka ya ka‑ dɔ 'kpakpadhö. ꞊Dhɛ 'ö "dhʋ̈, ‑ka ‑bö kö 'ka 'go yi 'gü, ka ‑go yi 'gü "tʋ̈ng ꞊ya ꞊loo. ‑A 'klɔɔ‑ ‑mü ꞊dhɛ kwa dhamɛ nu "tʋ̈ng 'yaa kwa 'ka ꞊gblɛɛn 'zü ꞊dhɛ ‑kɔ 'ö gun‑ 'ka ‑blɛɛsü kö 'kwa 'dhang bho‑ "dhiʋ̈ ‑dee 'gü bha‑ 'dhö.

Wlɔmö 13:12

Gbeng 'gü "pɛan 'dhɛ 'kwa ziö‑ 'gü ꞊në ꞊ya kë 'kpiisü. ‑Dhɛkpaɔ ‑sü 'gü 'yaa ꞊gblɛɛn 'zü. ꞊Dhɛ 'ö "dhʋ̈, ‑ka ‑kwa kwa kwaa‑ 'wɔn yaa ‑nu 'kwa gun‑ kë sië kö 'kwii 'dhang bho ꞊kö Yesu "dhiʋ̈ bha‑ ‑zü, kö 'kwa dɔ ‑dhɛpuudhɛ 'gü kö 'kwa kwa ‑kɔ ‑da 'ko ‑zë 'ka ‑kwɛɛ ‑nu 'ö 'kwa ꞊mɔɔ‑ ‑bha 'kwa 'ko zë‑ 'ka ‑dhɛpuudhɛ 'gü bha‑ 'gü.

1 Piɛdhö 4:7

'Wɔn ꞊gban "pɛpɛ "dhiʋ̈ 'to "tʋ̈ng ꞊ya ꞊loo ꞊gban bho. ‑Ka ‑tosɛa kë "yaaki ‑bha kö 'ka ka zuë" 'kun ka ‑bha 'wɔn ꞊gban 'gü, kë "dhʋ̈ kö ka ‑kɔ ꞊mɔɔ ‑bhɛa Atanna ‑dhɛ ‑sü ‑bha "tʋ̈ng ꞊gban 'gü.

2 Piɛdhö 3:8

"Kɛɛ ‑a ‑gɔ do ‑ya 'gü 'ö dho 'to ka "yaan n dhɔɔbhaamɛ ‑nu, yö ‑mü ꞊dhɛ ‑dhɛkpaɔyi do ziö ‑sü ‑yö kwa Dëmɛ ‑zë ‑gɔ ꞊dhɛ ‑kwɛ "gblü do 'dhö, 'yö ‑kwɛ "gblü do ziö ‑sü 'dhö ꞊dhɛ 'pö ꞊dhɛ ‑dhɛkpaɔyi do 'dhö.

‑Dhɛkpaɔ 22:10

'Yö go mü 'zü 'ö‑ pö n ‑dhɛ: «'Bha 'dho 'wɔn ‑nu 'wo dho kë dhia" 'wo ‑bɛn zë ‑sü 'ka 'sëëdhɛ ya‑ 'gü ya‑ 'to i ‑dɩ ‑gɔ. ‑A ‑gɛn ‑mü ꞊dhɛ "tʋ̈ng 'ö Atanna ‑ya ‑ya 'wɔn ‑nu bha‑ kë "tʋ̈ng 'ka bha 'yaa ꞊gblɛɛn ‑tangga ‑zianwo 'zü.

‑Dhɛkpaɔ 22:12

'Yö Yesu yöö ‑dɩ 'pö 'ö‑ pö n ‑dhɛ: «‑Bhö ‑dhɛ ‑ga, a nu sië, ‑a "tʋ̈ng 'yaa ꞊gblɛɛn 'zü, n nu ‑sü 'ka 'mɛ 'ö "dhʋ̈‑ ꞊saa 'ö ꞊mɔɔ yë 'ö‑ ‑kë ‑a ‑bha ‑yö ‑dho kë n ‑gɔ 'a nu‑ 'ka, 'ö 'a 'mɛ 'ö "dhʋ̈‑ ꞊saa bho‑ kë ‑yë ‑bha.

‑Dhɛkpaɔ 22:20

Yesu 'ö 'wɔn "pɛpɛ bha‑ ꞊gban ‑kë tɛan‑ 'ka ‑sü "sɛɛ‑ 'ka bha ‑ya ‑pö: «'Yaa ꞊sua 'ka, a nu sië ‑dede ya‑ 'gü.» Kö ‑yö kë "dhʋ̈ bha 'aa ‑yö kë! N Dëmɛ Yesu, ‑bhö nu!

‑Dhɛkpaɔ 3:11

N nu "tʋ̈ng 'yaa ꞊gblɛɛn 'zü. ‑A 'kun ꞊në ‑kaa wo "gbɩɩ‑ kö mɛ 'bha pia" 'ya 'dho dhi ka ‑bha ‑bhɔ 'gü 'faan‑ bha‑ 'ka.