‑Dhɛkpaɔ 1:18 - NAƆ ‑SË 'SËËDHƐ

¹⁸ Ma ꞊në 'a 'mɛ 'ö "yaan ‑kpɛawo ‑a 'ka, ma ꞊në 'a kë ga, "kɛɛ 'yö a "yaan dɔ 'kwa‑ wo ya‑ 'gü, 'yö 'a dho 'to "dhʋ̈ ‑kpɛawo. 'Pë 'wo‑ ‑dhɛ ga waa‑ ꞊geebɔɔdhɛ ‑nu bha ‑wo ma ꞊në n ‑gɔ.

‑Dhɛkpaɔ 1:18 ပူးပေါင်းရင်းမြစ်များ

Matiö 11:23

Kapɛɛnaɔmö ‑mɛ ‑nu, kaa ‑dɩ 'pö, ‑yö ka "piʋ̈ 'ka kpɛa‑ kö ka ‑gɔ ‑yö zun dhang‑ ‑bha ‑ee? Ka ‑dho 'dho ‑zian ꞊në‑ wo "sia‑ 'ö 'ka dho 'ka ‑sɔ 'ka ꞊geebɔɔ ‑pɛng 'gü. ‑A ‑gɛn ‑mü ꞊dhɛ "dhabhliwɔn ‑nu 'ö ‑kë ka ꞊plöö bha, ꞊ya kë ꞊dhɛ ‑yö ‑kë 'nu Sodɔmö ‑pö 'gü, (kö ‑wo ‑dho wo kwaa‑ wo këwɔn yaa ‑nu ‑zü 'ö 'wo wo zuë" ꞊slëë Atanna "piʋ̈,) kö Sodɔmö ‑pö ‑tun 'nu ꞊dɛɛ.

Matiö 16:19

A ‑dho Atanna ‑bha ‑gblüdëdhɛ ‑dhaklɩ nu i ‑dhɛ, kö 'bha‑ "dhiʋ̈ ta mɛ "ʋʋ 'mɛ 'ö‑ ‑gɔ "kpʋng ꞊taa yö kö ‑yö kë ta ‑sü 'ka‑ ‑mɛ ‑gɔ dhang‑ 'gü, "ɛɛn kö 'bha‑ "pʋ 'pö mɛ "ʋʋ 'mɛ 'ö‑ ‑gɔ "kpʋng ꞊taa yö kö ‑yö kë "pʋ ‑sü 'ka‑ ‑mɛ ‑gɔ dhang‑ 'gü.»

Dhukö 24:5

꞊Dhɛ dhong ‑nu bha 'wo 'mɛ 'wo bha‑ ‑nu yö, 'yö "suʋ̈ 'dhö ‑da ‑nu 'gü, 'yö 'wo wo ‑gɔ "dhiʋ̈ "gblëënu. "Kɛɛ 'yö 'mɛ 'wo bha 'wo‑ pö‑ ‑nu ‑dhɛ 'wo‑ pö: «'Mɛ 'ö "yaandhe 'ka ka‑ ‑mɔɔ 'mɛ ꞊wa ga ‑a ‑nu kpö 'gü ‑më ‑wɔn 'gü?

Naɔ ‑së 'ö ‑gban Yesu Klisi ‑bha 'ö Zan ‑ya pö 11:25

'Yö Yesu ‑ya pö: «Matö, ꞊waa‑ pö gamɛ ‑nu ‑bö ‑mɛ, kö ‑wo ‑wɩ ma ꞊në n 'ka, ꞊waa‑ pö ꞊sii, kö ‑wo ‑wɩ ma ꞊në‑ 'ka. 'Mɛ 'ö 'dhang bho n "dhiʋ̈, aa" ꞊ni ꞊ya ga, ‑yö ‑dho ‑tosɛa kë.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:19

'Sa ‑a "tʋ̈ng 'yaa ꞊gblɛɛn 'zü kö 'ma ꞊dhɛng "kpʋngtaamɛ ‑nu ‑gɔ, "kɛɛ ka ‑zë ka ‑dho n yö, ‑a ‑gɛn ‑mü ꞊dhɛ a "yaandhe 'ka, ꞊ya 'go mü 'zü kaa ‑dɩ 'pö ka ‑dho kë ꞊dhɛ n 'dhö 'ö 'kaa ga 'zü tongtongdhö.

Wlɔmö 6:9

'Ö kwa 'dhang bho ‑sü ‑yö ‑kë "dhiʋ̈ 'kpakpadhö 'pö ꞊dhɛ Klisi 'ö Atanna ‑ya ‑bö bha 'yii 'dho ga 'zü tongtongdhö, ꞊dhɛ ga ‑kɔ 'yii 'dho ꞊mɔɔ‑ ‑bha 'zü.

2 Kodhɛngtö 13:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'kö 'zü ꞊waa‑ dɔ "dhü ‑bha ꞊dhɛ 'mɛ 'ö "sɩ 'yaa‑ ‑dhɛ ‑a 'dhö, "kɛɛ ‑yö ‑bö 'ö go ga 'gü Atanna ‑bha 'gügbɩɩdhɛ ꞊në‑ ‑bha, 'yö ‑tosɛa kë sië ꞊dɛɛ bha. Yii ‑dɩ 'pö yi ‑bha ‑kë ‑a ‑bha 'ka ‑sü ‑wɔn 'gü, "sɩ 'yaa yi ‑dhɛ dɔ ‑kɔ ya‑ 'gü ꞊dhɛ ‑a 'dhö 'pö, "kɛɛ ka 'kun ‑kɔ 'yi dho ka 'kun‑ 'ka bha ꞊në 'ka dho‑ 'wɔn dɔ‑ ‑bha ꞊dhɛ ‑tosɛa 'yi‑ kë sië ‑a "piʋ̈ bha Atanna ꞊në‑ ‑faan ‑da yi 'gü.

Gadhatö 2:20

‑A kë "dhʋ̈ ‑sü bha‑ 'gü kö mang ꞊dede ‑zë 'maa ‑tosɛa kë sië 'zü, 'kö Klisi ꞊në ‑tosɛa kë sië n 'gü, kö ma ‑tosɛa a‑ kë sië ꞊taamasü ya‑ 'gü bha a‑ ‑kë 'dhang ‑bho Atanna ‑bha 'në 'ö n ‑dhɔ ‑ya ‑kë 'ö ö ‑dɩ nu n ‑wɔn 'gü bha ꞊në‑ 'saa‑ 'gü 'dhang ‑bho ‑a "dhiʋ̈ ‑sü "gblʋ̈ "piʋ̈.

Kodhɔsö 3:3

‑A ‑gɛn ‑mü ꞊dhɛ ka ꞊dhɛ 'mɛ 'ö ꞊ya ga ꞊në‑ 'dhö pë "pɛpɛ bha‑ ‑nu ‑gɔ. ‑Tosɛa ‑dee 'ö kaa‑ kë bha waa‑ Klisi ‑nu ‑wo ‑bin ‑sü 'ka Atanna ꞊në‑ 'gü.

Eblö 1:3

Yö 'ö bha ꞊në Atanna ‑bha 'tɔbhɔdhe 'ö dhang‑ 'gü bha‑ "blɛɛn‑ 'ka. Yö 'ö bha ꞊në Atanna ‑bhɔ bha ꞊dede 'ka "kpʋng ꞊taa. Yö 'ö bha ꞊në "kpʋngtaadhɛ ‑todhʋ̈sü 'dhö ‑tosɛa kë sië‑ ‑wʋ ‑bha 'gügbɩɩdhɛ ‑bha. Yö 'ö bha ꞊në ꞊dhɛ 'ö ꞊ya 'ö bo mɛ "bhɩɩ‑ ‑nu ‑dha ‑a ‑nu ‑bha 'wɔn yaa ‑gɔ ‑sü 'ka, 'yö dho 'ö ‑ya ‑yɛa ‑së 'ö‑ Dë Atanna "mlümlüsü bha‑ "sɔɔ dhang‑ 'gü bha‑ 'gü.

Eblö 12:2

Yesu ö kwa ‑bha ‑zʋ ‑yö Atanna ‑dhɛ ‑sü zübhodhɛ waa‑ "dhiʋ̈yadhɛ 'ka bha ‑ka ‑kwa kwa "yan 'to yö ꞊në‑ ‑bha. ‑A ‑gɛn ‑mü ꞊dhɛ yö 'ö bha ꞊në 'ö ‑wɩ ‑bha kö ‑wo ö zë "dhü ‑bha, 'yö ga ‑kɔ 'yiʋ̈sü 'ö‑ suu 'dhö "dhʋ̈ bha‑ 'yiʋ̈‑ 'yii‑ kë, ꞊dhɛ 'ö ‑kë ꞊dhɛ zuëniidadhe 'kpii‑ ‑yö ‑ya ‑sü 'ka‑ ‑gɔ ‑a zian‑ ‑ta bha‑ ‑wɔn 'gü, 'yö dɔ 'kwa‑ wo ꞊dɛɛ ya 'ö ‑ya ‑sü 'ka ‑duɛ ꞊bhlëësü 'ö Atanna ‑bha ‑blüdëdhɛ ‑gbloo ‑ta ‑a "sɔɔ dhang‑ 'gü bha‑ 'gü.

Eblö 7:16

‑A ‑bha ‑ya ‑sü bha 'yii kë mɛ "bhɩɩ‑ ‑nu 'wo ga bha‑ ‑nu ‑bha 'tɔng‑ faan 'ka, ‑yö ‑kë "saabhomɛ 'kpii‑ 'ka "dhʋ̈ 'gügbɩɩdhɛ 'ö ꞊sii 'ö 'yaa yën 'ö gun‑ 'gü bha‑ 'gü bha ꞊në‑ 'saa‑ 'gü.

Eblö 7:25

'Wɔn 'ö‑ ‑wɔn 'gü, 'yö mɛ "ʋʋ mɛ 'ö ꞊yɔɔn Atanna "sɔɔ ‑a 'saa‑ 'gü 'ö ꞊mɔɔ‑ ‑bha 'ö‑ ‑nu dha "pɛɛpɛdhö, 'ö‑ ‑bha ‑a ‑nu dha ‑sü "dhiʋ̈todhɛ 'yaa 'dhö bha 'yö bha. ‑A ‑gɛn ‑mü ꞊dhɛ ‑yö "yaan "tʋ̈ng ꞊gban 'gü, ‑yö ‑bhɛa Atanna ‑dhɛ ‑a ‑nu ‑wɔn 'gü ‑kpɛawo.

‑Dhɛkpaɔ 10:6

'Yö ‑sö ‑bhö Atanna 'ö 'dhö ‑todhʋ̈ 'ka 'ö‑ bhɔ ‑yi 'yaa 'dhö 'ö‑ ga ‑yi 'yaa 'dhö, 'ö yö ꞊në dhang‑ waa‑ 'gü ‑pë ‑nu, "sɛ waa‑ ‑tapë ‑nu, ꞊weeyi waa‑ ꞊bhaapë ‑nu ‑da bha‑ wëëdhö 'ö‑ pö: «Atanna ‑bha yi ‑kpɔ "kpʋngtaadhɛ ‑gɔ ‑sü ꞊ya bo,

‑Dhɛkpaɔ 15:7

'Yö pë "yaandhe ‑yiisiö 'wo Atanna ‑kuu "dhiʋ̈ bha‑ mɛ do ‑yö "sënnggbɔnë "saɔplɛ, 'ö pa ‑sü 'ka Atanna 'ö 'dhö ‑todhʋ̈ 'ka bha‑ ‑bha ‑mawɔnsiödhe 'ka bha‑ nu ‑a ‑bha "kië "saɔplɛ bha‑ ‑nu ‑dhɛ.

‑Dhɛkpaɔ 2:8

'Yö 'mɛ bha 'ö‑ pö 'zü n ꞊dhɛ ‑bhö 'sëëdhɛ bha‑ do 'bha ‑bɛn zë kö 'i‑ bɔ Atanna ‑bha yëkëmɛ 'ö "dhiʋ̈ 'sü sië ‑a ‑bha 'kɔdhigümɛ ‑nu 'wo Simiidhö ‑a ‑nu 'ka bha‑ ‑dhɛ kö 'i‑ pö ꞊dhɛ: «'Mɛ 'ö 'wɔn ꞊gban zübhodhɛ 'ka, 'ö 'wɔn ꞊gban "dhiʋ̈todhɛ 'ka, 'mɛ 'ö kë ga "kɛɛ 'ö ꞊ya ‑bö bha ‑ya pö:

‑Dhɛkpaɔ 20:13

'Yö 'mɛ 'wo ga ꞊weeyi ꞊bhaa, 'yö nu 'yö ‑pe ‑nu 'ka, 'yö ꞊geebɔɔdhɛ yöö ‑dɩ 'pö 'ö nu 'ö ‑pe ö ‑bha 'ka. 'Yö 'wo 'mɛ 'ö "dhʋ̈‑ ‑bha za ‑gɔ ‑yɛ ‑kɔ 'ö 'mɛ 'ö "dhʋ̈ 'ö ‑tosɛa ‑kë 'ka "kpʋng ꞊taa ‑a ‑bha 'do 'do 'ka.

‑Dhɛkpaɔ 20:14

'Yö 'wo ga waa‑ ꞊geebɔɔdhɛ ‑a ‑nu sü 'wo‑ ‑nu ‑zuö pɛng "yigblü bha‑ ꞊bhaa. (‑A 'dhɛ bha ꞊në 'wo‑ ga ꞊plɛ ‑naa ‑kë.)

‑Dhɛkpaɔ 3:7

'Yö 'mɛ bha 'ö‑ pö 'zü n ‑dhɛ 'ö‑ pö: «Zan, ‑bhö 'sëëdhɛ bha‑ do 'bha ‑bɛn zë kö 'i‑ bɔ 'mɛ 'ö Atanna ‑bha yëkëmɛ 'ka ‑a ‑bha 'kɔdhigümɛ ‑nu 'wo Fidhadɛfi ‑pö 'gü bha‑ ‑dhɛ kö 'i‑ pö: 'Mɛ 'ö "slʋ̈ʋ̈slʋ̈, 'ö ꞊sɔng 'yaa‑ ‑bha, 'ö ꞊waa‑ pö tɛanwɔn, kö ‑wo ‑wɩ yö ꞊në‑ 'ka, 'ö Davi ‑bha ‑gblüdëdhɛ ‑dhaklɩ 'dhö yö ꞊në‑ ‑gɔ, 'ö ꞊yaa‑ "pʋ 'ö mɛ "wɛɛ 'bha 'yaa ꞊mɔɔ‑ ‑bha kö ‑ya ta, "ɛɛn 'ö ꞊yaa‑ ta, 'ö mɛ "wɛɛ 'bha 'yaa ꞊mɔɔ‑ ‑bha kö ‑ya "pʋ bha ‑ya pö:

‑Dhɛkpaɔ 4:9

'Mɛ 'ö ‑ya ‑sü 'ka ‑gbloo 'kpiisü bha‑ 'gü 'ö‑ bhɔ ‑yi 'yaa 'dhö kö yöö ‑nu 'to ga ‑yi ꞊në‑ ‑bha bha, pë "yaandhe ‑yiisiö bha ꞊wa "wɩ‑ "piʋ̈, ꞊wa 'tɔ ꞊loo‑ ‑bha kö ‑wa nuɛ" bho ‑kɔ 'ö‑ 'gü 'do 'do,

‑Dhɛkpaɔ 5:14

꞊Waa‑ "tan bha‑ bho "dhʋ̈, 'yö pë "yaandhe ‑yiisiö bha 'wo‑ ‑yɔ bɔ 'wo‑ pö: «Kö ‑yö kë "dhʋ̈ bha 'aa ‑yö kë.» 'Yö mɛ zizi ‑nu bha 'wo zun wo kpiö 'gü, 'yö 'wo‑ ‑dhɔkë.

‑Dhɛkpaɔ 6:8

'A dho ‑dhɛ ‑ga kö ꞊soo do 'ö‑ kwi‑ ‑kë ꞊dhɛ gamɛ kwi 'dhö bha ‑yö nu sië, 'mɛ 'ö ‑ya ‑sü 'ka‑ ‑ta bha ‑wa ‑dhɛ ‑ga, kö ꞊geebɔɔdhɛ ‑ya ꞊keng‑. 'Yö 'wo "sɛ ‑pɛ 'gü ‑yiisiö, 'yö 'wo‑ "pɛn do nu‑ ‑dhɛ, kö ‑wa 'gü ‑mɛ ‑nu ꞊gban ‑gɔ ‑ya ‑siang ‑ta, kö ‑wa mɛ 'bha ‑nu zë din‑ 'ka, kö ‑wo "yua ‑da mɛ 'bha ‑nu 'gü kö ‑ya ‑nu zë, kö ‑wa mɛ 'bha ‑nu "dhiʋ̈ dɔ "bü ‑wü ‑nu ‑gɔ kö ‑wa ‑nu zë 'pö.

‑Dhɛkpaɔ 9:1

꞊Dhɛ 'ö ꞊ya kë "dhʋ̈, 'yö Atanna ‑bha "kië ‑nu bha‑ mɛ "sɔɔdhu ‑naa ‑yö ö ‑bha ‑piö. 'Yö 'a "susëngga do yö kö ꞊ya 'go dhang‑ 'gü ꞊ya ‑pö "kpʋng ꞊taa. 'A 'dho ‑dhɛ ‑ga kö ‑klɔng züziösü bha ꞊waa‑ ‑dhaklɩ nu "susëngga bha‑ ‑dhɛ.