‑Dhɛkpaɔ 1:17 - NAƆ ‑SË 'SËËDHƐ

¹⁷ ꞊Dhɛ 'a‑ yö, 'yö 'a ‑pö ꞊wlöö ꞊dhɛ 'mɛ ꞊ya ga‑ 'dhö "suʋ̈ ‑ziisü 'ö ‑da n 'gü bha‑ ‑wɔn 'gü. ꞊Dhɛ 'ö ꞊ya kë "dhʋ̈, 'yö ö ‑kɔ ‑së ‑ya n ‑bha, 'yö‑ pö n ‑dhɛ: «'Bha 'dho "suʋ̈! Ma ꞊në 'a 'wɔn ꞊gban "pɛpɛ zübhodhɛ 'ka, mang do bha ma ꞊në 'a‑ ‑nu "dhiʋ̈ ‑ya ‑dhɛ 'ka.

‑Dhɛkpaɔ 1:17 ပူးပေါင်းရင်းမြစ်များ

Matiö 14:27

"Kɛɛ 'yö Yesu ‑yö to 'ö‑ pö‑ ‑nu ‑dhɛ: «‑Ka ka zuë" kë ‑sɛa, 'ka 'dho "suʋ̈, ma ‑mü!»

Matiö 28:4

'Yö 'mɛ 'wo gun bun ‑maa kë sië bha "suʋ̈ 'dhö ‑da ‑nu 'gü, 'yö 'wo ‑ya ꞊zii ‑sü ‑bha 'yö 'wo ‑pö "sia‑ 'yö 'wo ‑kë ꞊dhɛ 'pë ꞊wa ga ꞊në‑ wo 'dhö.

Matiö 28:5

"Kɛɛ 'yö Atanna ‑bha "kië bha 'ö dhiang zë dhong ‑nu 'kö 'wo bha‑ ‑nu ‑dhɛ 'ö‑ pö: «"Suʋ̈ 'ya 'dho ka ‑zë ka kë, ‑a ‑gɛn ‑mü ꞊dhɛ a‑ 'wɔn ‑dɔ ꞊dhɛ Yesu 'wo‑ dɔ "dhü ‑bha bha ꞊në 'ka nu‑ mɔɔ‑ ‑dhɛ 'gü yö.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:23

'Ö gun "dhʋ̈ kö Yesu ‑bha ꞊klang ‑nu bha‑ ‑mɛ 'dhɛ 'ö‑ ‑dhɔ ‑ya kë bha ‑yö ‑ya ‑sü 'ka‑ "sɔɔ klüü" klüüdhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 21:20

꞊Dhɛ 'ö ꞊wa ziö 'wo 'dho sië, Piɛdhö dho slëë‑ ö 'gü kö ‑yö ‑dhɛ ‑ga kö Yesu ‑bha ꞊klang ‑nu bha‑ mɛ 'dhɛ 'ö‑ ‑dhɔ gun‑ kë sië, 'ö kë ö ‑gɔ ‑wɔ ‑a ‑kuu ‑ta kö ‑wo pë ‑bhö sië 'ö‑ dhɛɛ" kpɔ 'ö‑ pö «N Dëmɛ, 'dee yöö ‑da i ‑dhɛ pë "piʋ̈ bha» ‑yö nu sië‑ ‑nu ꞊keng‑.

‑Dhɛkpaɔ 1:11

Kö ‑wʋ bha ‑ya pö sië n ‑dhɛ ꞊dhɛ: «'Pë i "yan yöö ‑da ‑dhɛ 'gü bha‑ ‑bɛn zë 'sëëdhɛ do 'gü kö 'i‑ bɔ Atanna ‑bha 'kɔdhigümɛ ‑nu 'wo bɔ‑ 'ka 'wo Efɛzö oo, Simiidhö oo, Pɛɛgamö oo, Tiatii oo, Saadö ‑dhɛ waa‑ 'mɛ 'dhɛ 'wo Fidhadɛfi ‑dhɛ waa‑ Dhaodise ‑dhɛ ‑nu 'gü bha‑ ‑nu ‑dhɛ.»

‑Dhɛkpaɔ 1:4

Atanna ‑bha 'kɔdhigümɛ ‑nu kpö "saɔplɛ 'ka Azi ‑sɛ 'gü bha 'ma ka ꞊tua bho 'gbɛ. Mang Zan ‑mɛ ma ꞊në 'a 'sëëdhɛ ya‑ bɔ ka ‑dhɛ. Kö Atanna 'ö gun, 'ö 'dhö, 'ö yö ꞊në dho 'to ‑todhʋ̈ 'ka waa‑ 'nii‑ "saɔplɛ 'wo dɔ sië‑ ‑bha ‑gblüdëdhɛ ‑gbloo wëëdhö bha, waa‑ Yesu Klisi 'ö‑ "sɛɛ‑ 'ö 'yaa ‑wʋ ꞊plɛ pö, 'ö‑ ‑wʋ "dhiʋ̈ ꞊loo kwa ‑bha ꞊dhɛ ‑kɔ 'ö ö ‑wʋ kpɔ‑ 'ka‑ ‑bha ‑a 'dhö, 'ö yö ꞊në 'mɛ ꞊wa ga ‑a mɛ ‑blɛɛsü 'ö go ga 'gü 'ö ‑bö ‑a 'ka, 'ö yö ꞊në ‑gblüdë "pɛpɛ 'wo "kpʋng ꞊taa ‑a ‑nu ꞊gban ‑bha ‑gblüdë 'ka bha ‑wo ‑gasitɛ kë ka ‑dhɛ, kö ‑wo zuëwaanusü nu ka ‑dhɛ bha 'aa ‑yö kë. Yesu Klisi bha ꞊në kwa ‑dhɔ ‑ya ‑kë, 'yö dho 'yö ga kwa ‑wɔn 'gü kë "dhʋ̈ kö 'ö kwa bho 'wɔn yaa kë ‑sü ‑gɔ ꞊dhuëngdhɛ 'gü 'ö ꞊yɔɔn 'ö ꞊wɛnng kwa ‑wɔn 'gü bha‑ 'ka.

‑Dhɛkpaɔ 1:8

Kwa Dëmɛ Atanna 'ö‑ ‑bha 'gügbɩɩdhɛ ‑mɔɔ 'ka 'yaa 'dhö, 'ö gun, 'ö 'dhö ꞊dɛɛ, 'ö yö ꞊në dho 'to bha ꞊në dhiang zë 'ö‑ pö: «Ma ꞊në 'a 'wɔn ꞊gban zübhodhɛ waa‑ "dhiʋ̈todhɛ 'ka.»

‑Dhɛkpaɔ 2:8

'Yö 'mɛ bha 'ö‑ pö 'zü n ꞊dhɛ ‑bhö 'sëëdhɛ bha‑ do 'bha ‑bɛn zë kö 'i‑ bɔ Atanna ‑bha yëkëmɛ 'ö "dhiʋ̈ 'sü sië ‑a ‑bha 'kɔdhigümɛ ‑nu 'wo Simiidhö ‑a ‑nu 'ka bha‑ ‑dhɛ kö 'i‑ pö ꞊dhɛ: «'Mɛ 'ö 'wɔn ꞊gban zübhodhɛ 'ka, 'ö 'wɔn ꞊gban "dhiʋ̈todhɛ 'ka, 'mɛ 'ö kë ga "kɛɛ 'ö ꞊ya ‑bö bha ‑ya pö:

‑Dhɛkpaɔ 22:13

Ma ꞊në 'a 'wɔn ꞊gban zübhodhɛ 'ka, 'a 'wɔn ꞊gban "dhiʋ̈yadhɛ 'ka, 'a mɛ ‑blɛɛsü 'ka, 'a mɛ ‑totaamasü 'ka 'zü.