‑Dhɛkpaɔ 1:16 - NAƆ ‑SË 'SËËDHƐ

¹⁶ Kö "susëngga "saɔplɛ ‑wa ‑kɔ ‑së 'gü, kö ‑siangga "zɔzɔsü do 'ö‑ "dhiʋ̈ ‑zian 'ö ꞊plɛ ‑ya "dhi. Kö‑ wëëdhɛ 'bhü‑ bhɔ sië ꞊dhɛ ‑kɔ 'ö 'yënng‑ 'bhü ‑yö bhɔ‑ 'ka kö ꞊ya ‑ya mɛ ‑gɔ ꞊zinng 'gü bha‑ 'dhö.

‑Dhɛkpaɔ 1:16 ပူးပေါင်းရင်းမြစ်များ

Matiö 17:2

'Yö‑ ‑gla ‑a ‑nu "yaan mü, 'yö‑ wëëdhɛ 'gü 'dhö ‑ya 'bhü ‑sü ‑bha ꞊dhɛ 'yënng‑ 'dhö, 'yö‑ ‑bha ‑sɔ 'bhü 'dhö ‑ya bhɔ ‑sü ‑bha 'yö ‑dhɛ ‑pʋ ‑a ‑zü.

Këwɔn ‑nu 26:13

‑Gblüdë, ꞊dhɛ ma ‑da zian ‑ta, 'ö 'yënng‑ ꞊ya ‑ya mɛ ‑gɔ ꞊zinng 'gü, 'yö ‑dhɛpuudhɛ 'ö go dhang‑ 'gü 'ö‑ 'bhü 'dhö ‑ziö 'yënng‑ 'bhü ‑ta bha 'ö sɔ ma 'dhöö, ‑ta n ‑bha ‑mɛ ‑nu 'wo ‑kë n "tayɔɔ ‑nu 'ka ‑a ‑nu 'dhö, yi ‑ta.

Efɛzö 6:17

Kö dha ‑sü 'ka‑ ꞊slɔɔ bha‑ ‑wɔn ‑zʋgɔndhe ꞊në ‑yö kë ka ‑gɔ 'gü yi ꞊gban 'ka ꞊dhɛ ‑piö gblaa‑ 'ö ‑kë "sɔdha ‑nu ‑gɔ ‑bha bha‑ 'dhö. Kö Atanna ‑wʋ 'ö yö ꞊në ꞊dhɛ ‑a ‑bha 'Nii‑ 'ö ka 'gü bha‑ ‑bha 'ko ‑zë 'ka ‑piö 'dhö bha ‑yö kë ka ‑gɔ.

Eblö 4:12

‑A ‑gɛn ‑mü ꞊dhɛ Atanna ‑wʋ bha pë "yaandhe ‑mü, "sɩ ‑ya ‑dhɛ, ‑a ‑bha "dhiʋ̈dhɛ ‑zian ‑zë ‑yö ‑ziö ‑siangga 'ö‑ "dhiʋ̈ ‑zian 'dhö ꞊plɛ ‑a ‑ta. ꞊Ya "yɛ mɛ ‑bha ‑yö ‑dho 'ö zun mɛ zuëpiʋ̈wɔn waa‑ mɛ 'nii‑ ‑bha ‑wɔn ‑nu ‑bha, 'ö‑ ‑nu bho 'koo ꞊dhɛ ‑kɔ 'ö ‑dhaa ‑yö wü ꞊nëng bho‑ 'ka wü ga ‑bha 'ö zun‑ 'ka ‑a ga 'gü "yɔn ‑bha bha‑ 'dhö. Yö ꞊në kwa ‑zʋ ‑gɔn 'ka ‑wɔn bha‑ ‑së waa‑ yaa ‑a ‑nu ‑bho 'koo dɔ.

‑Dhɛkpaɔ 1:20

Pë ‑nu 'i i "yan ‑kpan ‑bha bha‑ 'klɔɔ‑ ‑ga 'ö ya. "Susëngga "saɔplɛ 'i‑ yö 'ö n ‑kɔ ‑së 'gü bha, Atanna ‑bha yëkëmɛ ‑nu 'wo‑ ‑bha mɛ kpö "saɔplɛ 'wo Azi ‑sɛ 'gü bha‑ ‑nu "dhiʋ̈ziöwomɛ 'ka bha‑ ‑nu ‑zɔn 'ka ꞊në bha. 'Yö‑ Atanna ‑bha 'kɔdhigümɛ ‑nu bha‑ ‑nu ‑zɔn 'ka 'dhö ‑dhangbha "saɔplɛ bha‑ 'ka.»

‑Dhɛkpaɔ 10:1

꞊Dhɛ 'ö ꞊ya kë "dhʋ̈, 'yö Atanna ‑bha "kië 'gü "gbɩɩ‑ do ‑yö go dhang‑ 'gü 'ö ꞊lɔɔ, kö "dhuu ‑yö ꞊klëën ‑sü 'ka‑ ‑zü, kö ꞊kpöng ‑yö ꞊klëën ‑sü 'ka‑ ‑gɔ ‑zü 'pö, kö‑ wɔ 'gü ‑yö 'bhü sië ꞊dhɛ 'yënng‑ 'dhö, kö‑ ‑gɛn 'ö‑ ꞊wlöö ‑a ꞊gban‑ kë sië ꞊dhɛ pɛng gɔn 'nɛɛ‑ 'ö këng ꞊sië 'dhö.

‑Dhɛkpaɔ 12:1

꞊Dhɛ 'ö ꞊ya kë "dhʋ̈, 'yö "dhabhli 'dhö ‑da dhang‑ 'gü, 'yö 'a dhebhɔnë do yö kö ꞊ya 'yënng‑ kë sɔ 'ka ꞊yaa‑ ‑da ö ‑bha, kö ‑yö dɔ ‑sü 'ka "su ‑ta, kö 'faan‑ 'ö‑ ‑gɔ ‑bha bha "susëngga ‑kaɔng do ga ꞊plɛ ꞊në ‑ya ‑sü 'ka‑ ‑bha.

‑Dhɛkpaɔ 19:15

Kö 'mɛ 'ö bha ‑siangga "zɔ ‑sü 'ö yöö ö ‑bha ‑gblüdëdhɛ kë‑ 'ka, kö ‑yö 'wɔn bho‑ 'ka "kpʋngtaamɛ ꞊gban "pɛpɛ 'gü bha ‑ya "dhi. ‑A ‑gɛn ‑mü ꞊dhɛ ‑yö ‑dho ‑ya "sɛgɔ "dhiʋ̈ ‑piöga ‑sabhlü ꞊në‑ 'ka, 'yö‑ ‑nu ‑kɔn zɔn ꞊dhɛ mɛ‑ sö zɔn ‑gwë "wlʋ̈ 'gü, 'yö bhlɔɔ ‑ziisü 'ö ma Atanna 'ö‑ ‑bha 'gügbɩɩdhɛ ‑dhiang 'yaa zë bha‑ 'gü bha 'ö go‑ 'gü.

‑Dhɛkpaɔ 19:21

'Yö 'wo mɛ ‑kpɛa zë ‑siang 'ö gun 'mɛ 'ö ꞊soo ‑ta bha‑ "dhi bha‑ 'ka, 'yö ‑maa ꞊gban "pɛpɛ 'wo‑ ‑nu ‑wü ‑bhö.

‑Dhɛkpaɔ 2:1

꞊Dhɛ 'ö 'mɛ bha ꞊ya 'wɔn ‑nu bha‑ ‑nu 'klɔɔ‑ pö n ‑dhɛ "dhʋ̈, 'yö‑ pö: «‑Bhö 'sëëdhɛ ‑bɛn zë kö 'i‑ bɔ Atanna ‑bha yëkëmɛ 'ö‑ ‑bha 'kɔdhigümɛ ‑nu 'wo Efɛzö ‑a ‑nu "dhiʋ̈ ‑ziö wo sië bha‑ ‑dhɛ kö 'i‑ pö: 'Mɛ 'ö "susëngga "saɔplɛ 'wo‑ ‑kɔ ‑së 'gü, 'ö "ta sü ‑dhangbha ‑dɔtapë "saɔplɛ 'ö 'pu sië 'wo "sënng 'ka bha ꞊në‑ ꞊zinng 'gü bha ‑ya ‑pö:

‑Dhɛkpaɔ 2:12

'Yö 'mɛ 'a‑ yö bha 'ö go mü 'zü 'ö‑ pö n ‑dhɛ: «‑Bhö 'sëëdhɛ bha‑ do 'bha ‑bɛn zë kö 'i‑ bɔ Atanna ‑bha yëkëmɛ 'ö "yan 'to sië ‑a ‑bha 'kɔdhigümɛ ‑nu 'wo Pɛɛgamö ‑a ‑nu ‑bha bha‑ ‑dhɛ. ‑A pö‑ ‑dhɛ: «'Mɛ 'ö ‑siangga "zɔsü, 'ö‑ "dhiʋ̈ ‑zian 'ö ꞊plɛ bha 'ö‑ ‑gɔ bha ‑ya ‑pö:

‑Dhɛkpaɔ 2:16

‑A pö‑ ‑nu ‑dhɛ ‑wo wo bo 'wɔn yaa kë ‑sü 'ka. "Kɛɛ 'yii kë "dhʋ̈, a ‑dho nu ka ‑ta mü ‑dede ya‑ 'gü 'ö 'a 'ko zë 'mɛ 'wo bha‑ ‑nu 'ka (n ‑wʋ 'ö ꞊dhɛ) ‑siangga 'dhö 'ö go n "dhi bha‑ 'ka.

‑Dhɛkpaɔ 3:1

'Yö go mü 'zü 'ö‑ pö n ‑dhɛ: «Zan, ‑bhö 'sëëdhɛ bha‑ do 'bha ‑bɛn zë 'zü kö 'i‑ bɔ Atanna ‑bha yëkëmɛ 'ö zun sië‑ ‑bha 'kɔdhigümɛ ‑nu 'wo Saadö ‑a ‑nu ‑dhɛ "dhiʋ̈ bha‑ ‑dhɛ kö 'i‑ pö:: «'Mɛ 'ö Atanna ‑bha 'nii‑ "saɔplɛ bha 'wo‑ ‑kɔ ‑bha waa‑ ‑a ‑bha "susëngga "saɔplɛ 'dhö bha ‑ya ‑pö: Ka këwɔn ‑nu bha‑ 'bha 'yaa n tii' 'ka. ‑A ‑naa ‑yö n "yaan ꞊dhɛ ‑yö mɛ "bhɩɩ‑ ‑nu ‑zë ‑a ‑nu 'gü ꞊dhɛ ka "yaan, "kɛɛ 'sa kö mɛ ꞊gee ꞊në ka 'ka.