‑Dhɛkpaɔ 1:1 - NAƆ ‑SË 'SËËDHƐ

¹ 'Sëëdhɛ 'dhɛ ya 'wɔn 'ö yöö kë ‑dhɛ 'bha ꞊kpaɔyi 'ka ꞊në Yesu Klisi ‑ya to "dhiʋ̈ 'yö‑ ‑zɔn Atanna ‑bha gwëëzë ‑nu ‑dhɛ 'yö 'wo‑ ‑bɛn zë‑ 'gü. Atanna ꞊në ö ‑wʋ kpɔ‑ ‑bha 'yö‑ pö ‑ya kë "dhʋ̈, 'yö Klisi ‑yö ö ‑bha "kië do bɔ kö ‑yö 'wɔn bha‑ ‑zɔn ‑a ‑bha gwëëmi 'dhɛ 'wo‑ Zan ‑kë bha‑ ‑dhɛ.

‑Dhɛkpaɔ 1:1 ပူးပေါင်းရင်းမြစ်များ

Naɔ ‑së 'ö ‑gban Yesu Klisi ‑bha 'ö Zan ‑ya pö 12:49

‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'mii n ‑dɩ 'gü ‑dhiang zë tongtongdhö, "kɛɛ n Dë 'ö n bɔ bha ꞊në ö ‑wʋ kpɔ n ‑bha, 'yö ‑wʋ ‑nu 'a dho mɛ ‑nu ꞊klang kë‑ 'ka waa‑ "ta ‑kɔ ‑nu 'a dho‑ ‑zɔn ‑nu ‑dhɛ bha‑ ‑nu ‑zɔn n ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:15

'Maa ka 'sü 'zü ꞊dhɛ ma gwëëzë ‑nu 'dhö, ‑a ‑gɛn ‑mü ꞊dhɛ gwëëmi ‑zë 'yaa ö dëmɛ zuëpiʋ̈wɔn ‑nu dɔ. "Kɛɛ ma ‑zë 'wɔn 'a‑ dɔ n Dë "gblʋʋ "piʋ̈ 'ma‑ ꞊gban ‑zɔn ka ‑dhɛ. 'Wɔn 'ö‑ ‑wɔn 'gü 'yö 'a ka ‑dhɛ n "taɔngdë ‑nu bha 'yö bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:8

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑wʋ "pɛpɛ 'i‑ kpɔ n ‑bha bha ꞊në 'a‑ ‑nu ꞊klang ‑kë 'ka, 'yö 'wo 'dhang bho‑ "dhiʋ̈. ‑A ‑kë "dhʋ̈ ‑sü bha‑ 'gü, ‑wa 'wɔn dɔ ‑sü 'ka 'kpakpadhö ꞊dhɛ bhi ꞊në 'a go i 'gü, ꞊dhɛ bhi ꞊në 'i n bɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:32

‑a ‑gɛn ‑mü ꞊dhɛ 'pë 'ö‑ yö, 'yö‑ ‑dhiang zë, ‑a 'dhɛ 'ö‑ "tʋ ‑ya ma, 'yö‑ pö, "kɛɛ mɛkpiidhɛ ꞊në 'waa 'dhang bho‑ ‑bha "sɛɛdhɛ "dhiʋ̈.

Naɔ ‑së 'ö ‑gban Yesu Klisi ‑bha 'ö Zan ‑ya pö 8:26

꞊Sɔng 'gbɛ ‑yö ka ‑bha, 'ö 'a ꞊mɔɔ‑ 'nu‑ ‑bha 'a‑ pö "ɛɛn 'ö 'a za dɔ‑ 'ka ka ‑bha, "kɛɛ ꞊dhɛ 'ö ‑kë ꞊dhɛ 'mɛ 'ö n bɔ bha yö ꞊në tɛanwɔn pö bha, yö ꞊në‑ ‑wɔn 'gü 'yö 'wɔn 'dhɛ 'a‑ ma‑ ‑ta ꞊në 'a‑ pö mɛ "bhɩɩ‑ ‑nu ‑dhɛ.»

Wlɔmö 16:25

‑Ka ‑kwa Atanna 'tɔ bhɔ, ‑a 'klɔɔ‑ ‑mü ꞊dhɛ yö ꞊në‑ "sɩ 'dhö‑ ‑dhɛ kö ‑yö ka kë "kplëë 'ka 'dhang ‑bho Yesu "dhiʋ̈ ‑sü 'gü. 'Wɔn 'ö ‑gban Yesu Klisi ‑wɔn ‑bha 'ö gun ‑bin ‑sü 'ka, 'ö Atanna yöö do ꞊në gun‑ dɔ sië, 'ö ‑bhɔ ‑a ‑bin ‑sü 'ka kwa ‑gɔ yi 'bha 'ka bha ꞊në 'a‑ ‑dhiang zë sië.

Gadhatö 1:12

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mii‑ ma mɛ 'bha ‑ta, "ɛɛn 'mii‑ draan‑ mɛ 'bha "piʋ̈, Yesu Klisi yöö ꞊dede ꞊në "sɛ bho‑ ‑ta n ‑dhɛ.

Efɛzö 3:3

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Klisi ‑wɔn 'ö Atanna yöö do ꞊në gun‑ dɔ sië, 'ö mɛ 'bha 'yaa gun‑ 'gü yö sië bha, yöö ꞊dede ꞊në‑ ‑ta ‑pʋ n ‑dhɛ. "Kɛɛ 'sa 'wɔn 'ö "dhʋ̈ bha ꞊në 'a go‑ 'gü pö ka ‑dhɛ ‑wʋ 'dengdeng 'në 'ka bha.

Titö 1:1

Titö, bhi 'ö 'i ‑kë ꞊dhɛ n gbö 'dhö, 'ö‑ ‑gɛn ‑kë ꞊dhɛ ma ꞊nɛ 'a Atanna ‑dhiang zë i ‑dhɛ 'yö 'i gun ‑na 'dhang bho‑ ‑wɔn "dhiʋ̈, "kɛɛ 'ö koo‑ ‑zʋ ‑yö ‑a ‑dhɛ ‑sü 'ö do bha, 'sëëdhɛ ya mang Pɔdhö ‑mɛ, 'a ‑kë Atanna ‑bha gwëëmi 'ka, 'ö 'a ‑kë Yesu klisi ‑bha bɔmɛ 'ka bha, ma ꞊në 'a‑ bɔ i ‑dhɛ. Atanna ‑yö n ‑bɔ kö 'mɛ ‑nu 'ö‑ ‑nu sü ö ‑bha 'ka bha 'a ‑zʋ ‑yö ö ‑dhɛ ‑sü ‑dhiang zë wo ꞊në‑ ‑nu ‑dhɛ kö ‑wo wo ‑zʋ yö ö ‑dhɛ kö ‑wo 'dho‑ 'ka "dhiʋ̈ ‑kpɛawo. ‑Yö n ‑bɔ 'pö kö 'a‑ ‑nu draan‑ tɛanwɔn ꞊dede 'ö‑ ‑gɛn ‑yö go ö "piʋ̈ bha ꞊në‑ ‑bha. Tɛanwɔn 'ö "dhʋ̈ bha ꞊në dho ‑kɔ 'ö 'kwa kë‑ 'ka 'yö dho ö ‑zʋ 'kun ‑a ‑zɔn kwa ‑dhɛ. A‑ ‑kë "dhʋ̈ kö mɛ "bhɩɩ‑ ‑nu ‑wo 'dhang bho ‑tosɛa 'ö 'yaa yën ‑a ‑kë 'dhö ‑sü ‑wɔn ꞊në‑ "dhiʋ̈. ‑A ‑gɛn ‑mü ꞊dhɛ Atanna 'ö 'yaa ꞊sua kë bha, ‑yö kë ‑tosɛa 'ö "dhʋ̈ bha‑ ‑wɔn "plüün ‑bho kwa ‑dhɛ kö 'yii "kpʋngtaadhɛ ‑zian ‑da ꞊kö. 'Yö "tʋ̈ng 'kwa dɔ‑ 'ka ꞊dɛɛ ya ꞊në‑ kpɔ kö 'pë 'ö‑ "plüün bho mɛbhɩɩdhe ‑dhɛ bha 'kwa‑ dɔ‑ 'ka. 'Wɔn ‑taɔng ‑së 'ö "dhʋ̈ bha Atanna 'ö kwa Dhamɛ 'ka bha ‑ya ‑wɔn ‑kplü ma ꞊në n ‑bha kö 'a‑ ‑dhiang zë mɛ ‑nu ‑dhɛ. A‑ ‑dhɛ Atanna 'ö kwa Dë 'ka, waa‑ Yesu Klisi 'ö kwa Dhamɛ 'ka bha‑ ‑nu ‑gɔ kö ‑wo 'dhuë‑ kë i ‑bha, kö ‑wo i gba zuëwaanusü 'ka.

‑Dhɛkpaɔ 1:19

‑A ‑kë "dhʋ̈ ‑sü bha‑ 'gü, 'wɔn ‑nu 'ö i "yan 'dhö ‑da sië‑ 'gü waa‑ 'dhɛ 'ö i "yan‑ dho ‑da 'gü bha‑ ꞊gban ‑bɛn zë.

‑Dhɛkpaɔ 1:9

Mang Zan ‑mɛ 'a ka dheebhang 'ka, 'ö kwɛng‑ ‑nu 'kwa ‑kplü ‑sü 'ka Yesu ‑bha ꞊dhɛ 'ko 'dhö, 'ö 'a saan" sië 'pö ꞊dhɛ ka 'dhö ‑a ‑wɔn 'gü, 'ö kwɛng‑ ‑nu 'kwa‑ ‑bha ‑gblüdëdhɛ 'gü ‑mɛ 'ka ꞊dhɛ 'ko 'dhö, 'ö 'kwa ‑ya sië‑ nu ‑sü ‑gɔ zuë" ‑sɛadhɛ 'gü ꞊dhɛ 'ko 'dhö bha ma ꞊në 'a 'sëëdhɛ ya‑ ‑bɛn zë. ‑Ya 'a‑ wo Patömɔsö ‑sɛ 'ö ꞊weeyi ꞊zinng 'gü ya‑ 'gü ꞊dɛɛ ya 'mii ‑ya mü "wɛɛwɛɛ. Atanna ‑wʋ 'ö yö ꞊në tɛanwɔn 'ka 'ö Yesu ‑yö "dhɛ bho‑ ‑ta kwa ‑dhɛ bha ꞊në 'a‑ ‑dhiang zë 'yö 'wo n kun 'wo nu n 'ka ‑dhɛ ya‑ 'gü.

‑Dhɛkpaɔ 17:1

꞊Dhɛ 'ö ꞊ya kë "dhʋ̈, 'yö Atanna ‑bha "kië "saɔplɛ 'ö gbɔnë "saɔplɛ bha 'ö gun‑ ‑nu ꞊kwɛɛ bha‑ mɛ do ‑yö ꞊yɔɔn n "sɔɔ 'yö‑ pö n ‑dhɛ 'ö‑ pö: «‑Bhö nu kö ‑kɔ 'ö Atanna dho 'wɔn bho‑ 'ka ‑zuadhe 'kpii‑ 'ö ‑ya ‑sü 'ka "yi "gblʋ̈gblʋ̈ ‑nu ‑gɔ "dhiʋ̈ bha‑ 'gü bha 'a‑ ‑zɔn i ‑dhɛ.

‑Dhɛkpaɔ 19:10

꞊Dhɛ 'ö ꞊yaa‑ pö "dhʋ̈, 'yö 'a zun n kpiö 'gü‑ ‑dhɛ kö 'a‑ ‑dhɔkë, "kɛɛ 'yö‑ pö n ‑dhɛ: «I ‑dɩ 'kun! 'Mɛ 'ö bhii‑ kë‑ ‑dhɛ "dhʋ̈ ‑a ‑mɛ 'yaa ‑mü ma ‑zë n 'ka. ‑A ‑gɛn ‑mü ꞊dhɛ bhi 'dhö, ma 'dhö, mɛ "pɛpɛ 'wo i dheebhang ‑nu 'ka 'wo 'dhang bho tɛanwɔn 'ö Yesu Klisi ‑ya pö bha‑ "dhiʋ̈ bha‑ ‑nu 'dhö, mɛ ꞊gban kwa gwëë" ꞊në‑ 'ka ꞊dhɛ 'ko 'dhö. Mɛ ꞊gban kwa Atanna ꞊në ‑gɔ, ‑bhö ‑a yö ꞊në‑ ‑dhɔkë!» Tɛanwɔn 'ö Yesu ‑ya ‑dhiang zë "dhʋ̈ bha ꞊në 'wɔn "pɛpɛ 'ö Atanna ‑wʋdhiʋ̈loomɛ ‑nu ‑wa pö bha‑ ga ꞊dede 'ö‑ 'gü ‑a 'ka.

‑Dhɛkpaɔ 19:9

'Yö Atanna ‑bha "kië ‑ya pö n ‑dhɛ: «‑Bhö ‑a ‑bɛn zë kö 'i‑ pö mɛ "pɛpɛ 'ö Atanna ‑ya ‑nu ‑dhɛ ö ‑bha "bhlaanë bha‑ ‑bha dhe dɔ ‑dhɛ 'gü bha‑ ‑nu ‑dhɛ ‑a ‑nu ‑bha ‑së.» 'Yö ‑ya mü 'zü 'ö‑ pö: «‑Wʋ 'ö Atanna yöö ꞊dede 'ö‑ pö ꞊në bha, 'yaa ꞊sua 'ka.»

‑Dhɛkpaɔ 21:2

'Yö 'a 'pödhɛ "slʋ̈ʋ̈slʋ̈ 'ö ‑dhii 'yaa‑ ‑bha, Zedhizadhɛmö ‑pö ‑dee bha‑ yö kö ‑yö 'go sië Atanna "piʋ̈ dhang‑ 'gü 'ö ꞊lɔɔ. Kö ‑yö baa‑ ‑sü 'ka "pɛpɛdhö ꞊dhɛ dhe ‑dee 'wo 'dho sië‑ dɔ ‑a 'dhö.

‑Dhɛkpaɔ 21:9

꞊Dhɛ 'ö ꞊ya kë "dhʋ̈, 'yö Atanna ‑bha "kië "saɔplɛ 'ö ꞊nëng "saɔplɛ 'ö to ꞊taama bha 'ö‑ gbɔnë "saɔplɛ bha 'ö gun‑ ‑nu ‑gɔ bha‑ mɛ do ‑ya pö n ‑dhɛ: «‑Bhö nu kö dhebhɔ 'ö‑ gwaan‑ 'kpɔ ‑wɔn 'dhö 'dhö, 'ö "bhlaanë bha‑ ‑bha dhebhɔ 'ka bha 'a‑ ‑zɔn i ‑dhɛ.»

‑Dhɛkpaɔ 22:1

'Yö Atanna ‑bha "kië bha 'ö dho 'ö ‑tosɛa 'ö 'yaa yën ‑a ‑kë ‑bha "yi bha‑ ꞊gwaan ga 'ö 'pö‑ ‑bha 'gü bha‑ ‑zɔn 'pö n ‑dhɛ. "Yi bha‑ ‑gun ꞊söng ‑sü 'ka 'ö mɛ‑ ‑dhɛ yö‑ ꞊bhaa ꞊dhɛ ‑kɔ 'ö 'mɛ‑ ‑dhɛ yö‑ 'ka "dënggbɔ 'gü bha‑ 'dhö, kö‑ ‑gɔ ‑yö 'go sië Atanna ‑bha ‑blüdëdhɛ ‑gbloo bha waa‑ "bhlaanë ‑bha bha‑ ‑nu 'gü

‑Dhɛkpaɔ 22:16

Mang Yesu ‑mɛ ma ꞊në 'a ma "kië bɔ kö ‑yö 'wɔn bha‑ pö mɛ "pɛpɛ 'ka n ‑bha 'ka ka ‑dhɛ. Davi suu 'gü ‑në 'ö‑ ‑ding 'ka bha yö ‑mü ma ꞊në n 'ka. Mang do bha 'zü ma ꞊në 'a 'gödhuu 'ö bhü ‑dhɛkpaɔ "dhiʋ̈ 'ö‑ ‑zɔn ꞊dhɛ ‑dhɛ ꞊ya ꞊kpaɔ ꞊gbanwo bha‑ 'ka.»

‑Dhɛkpaɔ 22:6

'Yö Atanna ‑bha "kië bha 'ö‑ pö 'zü n ‑dhɛ: «‑Wʋ ‑nu 'i‑ ma bha‑ ꞊gban ‑yö 'dhang ‑bho "dhiʋ̈ ‑pë ꞊në‑ 'ka, ‑a ‑gɛn ‑mü ꞊dhɛ ‑a 'bha 'yaa ꞊sua 'ka. 'Wɔn 'ö‑ ‑wɔn 'gü 'yö kwa Dëmɛ, kwa ‑bha Atanna ‑yö ö ‑bha 'Nii‑ "slʋ̈ʋ̈slʋ̈ ‑ya ö ‑wʋdhiʋ̈loomɛ ‑nu 'gü 'yö 'wo‑ ‑wʋ "dhiʋ̈ ꞊loo‑ 'ka, 'yö ö ‑bha "kië bɔ kö 'wɔn 'ö dho kë ‑dhɛ 'bha ꞊kpaɔ ‑yi 'ka ‑ya ‑ta "pʋ 'ö ‑bha gwëëzë ‑nu ‑dhɛ bha 'yö bha.»

‑Dhɛkpaɔ 22:8

Mang Zan ‑mɛ mang ꞊dede ꞊në n "tʋ ‑yö ‑da 'wɔn bha‑ 'gü, 'ö n "yan ‑ya ‑dhɛ yö. 'Yö ꞊dhɛ 'ö ꞊ya kë ꞊dhɛ ‑kɔ bha‑ 'dhö, 'yö 'a‑ pö 'a zun n kpiö 'gü kö Atanna ‑bha "kië 'ö 'wɔn ‑nu bha‑ ‑zɔn n ‑dhɛ bha‑ ‑dhɔkë.

‑Dhɛkpaɔ 22:9

"Kɛɛ 'yö‑ pö n ‑dhɛ: «‑Bhö i ‑dɩ 'kun! 'Mɛ 'ö‑ ‑kë ‑dhɛ "dhʋ̈ ‑mɛ 'ka ꞊në Atanna 'ka. Ma ‑zë ‑a bhi oo, i dheebhang ‑nu 'wo‑ ‑wʋdhiʋ̈loomɛ 'ka bha waa‑ mɛ "pɛpɛ 'wo ‑wʋ 'ö 'sëëdhɛ ya‑ 'gü ya‑ ꞊bhlëë ‑ya bha kwa mɛ do ꞊në‑ 'ka.»

‑Dhɛkpaɔ 4:1

꞊Dhɛ 'ö 'wɔn 'dhɛ ‑nu bha ꞊wa bo kë ‑sü 'ka ꞊dhɛ ‑kɔ ‑nu bha‑ 'dhö, 'a dho "kan n ‑ta kö dhang‑ "dhi ꞊ya "pʋ, kö mɛ do 'ö gun dhiang zë sië n ‑dhɛ, 'ö‑ ‑wʋ ‑kë ꞊dhɛ "truu ‑wʋ 'dhö bha ‑ya pö sië n ‑dhɛ 'ö‑ pö: «‑Bhö ‑tɔn 'kun kö 'i nu yö kö 'wɔn 'dhɛ ‑nu 'wo dho kë ‑a 'dhɛ bha‑ zian‑ ‑ta bha 'a‑ ‑nu ‑zɔn i ‑dhɛ.»

‑Dhɛkpaɔ 5:7

꞊Dhɛ 'ö ꞊ya kë "dhʋ̈ 'yö "bhlaanë bha 'ö "ta sü 'yö ꞊yɔɔn 'mɛ 'ö gun ‑ya ‑sü 'ka ‑gbloo 'kpii‑ bha‑ 'gü bha‑ "sɔɔ, 'yö ö ‑kɔ ‑da 'sëëdhɛ ‑be 'ö gun‑ ‑kɔ ‑së 'gü bha‑ 'gü.