Matiö 5:9 - NAƆ ‑SË 'SËËDHƐ

⁹ 'Mɛ 'wo mɛ ‑nu ‑kɔ wü 'koo ‑a ‑nu ‑bha ‑së, ‑a ‑gɛn ‑mü ꞊dhɛ Atanna ‑dho ‑a ‑nu ‑dhɛ ö bhang ‑nu.

Matiö 5:9 ပူးပေါင်းရင်းမြစ်များ

Matiö 5:45

'Ka yö ꞊në‑ kë "dhʋ̈ kö 'ka bhɔ ka Dë 'ö ‑ya ‑sü 'ka dhang‑ 'gü bha‑ ‑bha. ‑A ‑gɛn ‑mü ꞊dhɛ ‑yö ö ‑bha 'yënng‑ ‑wo 'wɔnyaakëmɛ ‑nu ‑dhɛ ꞊dhɛ ‑kɔ do 'ö‑ ‑wo 'ka 'wɔnsëkëmɛ ‑nu ‑dhɛ bha ꞊në‑ 'dhö, 'yö dha ban 'zü ö 'wɔnsëkëmɛ ‑nu ‑dhɛ ꞊dhɛ 'wɔnyaakëmɛ 'dhö 'pö.

Matiö 5:48

Pö 'yaa ka Dë Atanna 'ö ‑ya ‑sü 'ka dhang‑ 'gü bha‑ ‑bha ‑kɔ do 'ö‑ 'gü bha, pö 'ya 'dho kë ka ‑bha 'pö‑ ‑kɔ 'gü.»

Dhukö 20:36

‑a ‑gɛn ‑mü ꞊dhɛ kö 'wii 'dho ga 'zü tongtongdhö, "kɛɛ kö woo kë ꞊dhɛ Atanna ‑bha "kië ‑nu ꞊në 'dhö ꞊taamasü 'gü, kö 'go 'wo‑ wo ga 'gü bha ꞊wa kë Atanna ‑bha 'në 'ka.

Dhukö 6:35

Ka ‑zë ka 'yaɔ‑ ‑nu ‑dhɔ ka kë kö 'ka 'wɔn ‑së kë do 'ka 'dho‑ 'ka, kö 'ka "pɔ dɔ 'ka 'dho ka ‑zʋ 'gɔn‑ bho ‑wɔn ‑dhɛ. ꞊Ya kë "dhʋ̈ ka ꞊trɔɔn‑ ‑dho kë 'kpii‑ dhang‑ 'gü, 'ö mɛ ꞊gban 'wo ka dɔ Atanna 'ö dhang‑ 'gü ‑a ‑bha 'në ‑nu 'ka, ‑a ‑gɛn ‑mü ꞊dhɛ ‑a "klʋ ‑yö ‑së 'mɛ 'waa 'wɔn ‑së dɔ bha waa‑ "gblüyaamɛ ‑nu ꞊gban 'ka.

Këwɔn ‑nu 7:26

‑A ‑dhɛkpaɔyi 'dhɛ 'ö dɔ‑ "piʋ̈ bha, 'yö Moizö ‑yö ‑kpan Izraɛdhö mi ꞊plɛ ‑bha kö ‑wo ‑gɔn gɔn sië, 'yö‑ pö 'ö‑ ‑nu "kan 'kwëë‑ kö ‑wo dhi wo 'ko ‑dhɛ 'yö‑ pö‑ ‑nu ‑dhɛ: ‹'Mɛ 'ka ya, ‑yö ‑kë mü ꞊dhɛ 'yö ka ‑dɩ ‑slɔɔ 'ka ka 'ko ‑nu ‑wëë ‑kë wo sië "kɛɛ kö dheebhang ‑zë ‑mü ka 'ka ya?›

Wlɔmö 12:18

Kaa‑ mɛ ꞊gban "pɛpɛ ‑ka kë ka 'ko ‑dhɛ ‑së. ꞊Ya kë ꞊dhɛ 'yii kë 'zü ‑mɔɔ "kwëë ‑wɔn 'ka, "kɛɛ 'ya 'dho 'to ka ‑zë ka ‑bha.

Wlɔmö 8:14

‑A 'klɔɔ‑ ‑mü ꞊dhɛ mɛ "pɛpɛ 'kö 'wo ‑tosɛa kë sië Atanna ‑bha 'Nii‑ bha‑ ‑faan 'ka, kö‑ ‑bha 'në ‑nu ‑mü.

Wlɔmö 8:16

‑A 'klɔɔ‑ ‑mü ꞊dhɛ Atanna ‑bha 'Nii‑ bha yöö ꞊dede ‑ya "sɛɛdhɛ ‑kë kwa 'nii‑ ‑dhɛ 'ö‑ pö kwa‑ ‑bha 'në 'ka.

Wlɔmö 8:19

Pë "pɛpɛ 'ö Atanna ‑ya ‑da, ‑a ꞊gban ‑zʋ ‑yö dun sië‑ ‑bha 'në ‑nu bha‑ ‑nu ‑wo "yɛa‑ ‑yi bha‑ ‑wɔn 'gü.

1 Kodhɛngtö 6:6

'Ka‑ kë "dhʋ̈ ‑a 'wɔn ‑zian ꞊në n kɔn. ‑A 'klɔɔ‑ ‑mü ꞊dhɛ 'yaa gun n 'gü ꞊dhɛ 'mɛ 'kö 'ka bɔ Yesu 'ka bha ka ‑mɔɔ ‑bha 'nu 'ka "sɔng ‑zian ‑kan ka 'ko ‑dhɛ kö yöö 'to‑ ‑za ‑dɔ 'mɛ 'waa 'dhang bho‑ "dhiʋ̈ ‑a ‑nu ‑kuu "dhiʋ̈ ‑sü ꞊në‑ ‑bha.

2 Kodhɛngtö 13:11

'Ma ‑wo 'sëëdhɛ ya‑ "dhiʋ̈ ‑ya ‑dhɛ 'gü ꞊tɔn n dheebhang ‑nu! ꞊Dhɛ 'ö "dhʋ̈, a‑ pö 'ka ka "dhia bho, "kɛɛ ‑kaa kë ‑së kö pö ꞊në 'ya 'dho kë ka ‑bha tongtongdhö, ‑ka kpa ka 'ko ‑nu ‑zʋ ‑gɔn, ka ‑wʋ ‑yö kë do, ‑ka kë ka 'ko "piʋ̈ ‑së 'ka, ꞊ya kë "dhʋ̈, Atanna 'ö mɛbhɩɩdhe ‑dhɔ ‑ya ‑kë, "kɛɛ 'ö yö ꞊në mɛ zuë" 'waanu bha ‑yö ‑dho kë ka "piʋ̈.

2 Kodhɛngtö 5:20

‑A ‑kë "dhʋ̈ ‑sü bha‑ 'gü, dhiang ‑nu 'yi‑ zë bha yi‑ ‑zë Klisi ꞊në‑ ‑bha zë 'gü, ꞊dhɛ 'pë 'ö Atanna yöö ꞊dede ꞊në bɔ yi ‑ta 'ö ka ‑dhɛ ‑a 'dhö. ‑A ‑wɔn 'gü, bhɛa" ꞊në 'yi‑ wo sië ka ‑dhɛ ꞊dedewo kwa Dëmɛ Klisi bha‑ 'tɔ 'gü, kö 'ka dɔ "gbɩɩ‑ 'ka "wɩ‑ ‑bha kö kaa‑ Atanna ‑nu 'ka 'wü 'koo!

Gadhatö 5:22

"Kɛɛ Atanna ‑bha 'Nii‑ "slʋ̈ʋ̈slʋ̈ ‑zë ‑yö ‑dhɔ ꞊në‑ ‑da mɛ ‑zʋ ‑bha, 'yö mɛ ꞊nii ‑yö ‑da, 'yö mɛ zuë" ‑yö 'waanu, 'yö mɛ zuë" ‑yö ‑kë 'zü ‑sɛa, 'yö mɛ "klʋ 'dhö ‑dhi, 'yö mɛ 'dhö ꞊gbaɔ mɛ ‑nu ‑gɔ, 'yö mɛ 'yaa ‑wʋ ꞊plɛ pö, 'yö mɛ 'dhö ‑kë dhɔngdhɔngsü mɛ "pɛpɛ ꞊gban ‑dhɛ, 'yö mɛ ‑kɔ ‑yö ꞊mɔɔ mɛ ‑dɩ ꞊sɔng ‑bha.

Efɛzö 4:1

‑A ‑kë "dhʋ̈ ‑sü bha‑ 'gü, ma 'ö ma ‑zë a ‑kaso 'gü kwa Dëmɛ ‑wɔn 'gü bha bhɛa" ꞊në 'a‑ wo sië ka ‑dhɛ kö 'ka "ta ꞊dhɛ ‑kɔ 'ö Atanna 'ö ka ‑dhɛ bha 'ö‑ "piʋ̈ ꞊dhɛ ‑wa wo‑ 'ka ‑a 'dhö.

Fidhipö 4:2

Evodi kaa‑ Sɛnngtisö, bhɛa" ꞊në 'a‑ wo ka ‑dhɛ kö mɛ ꞊plɛ bha 'ka dɔ "gbɩɩ‑ kö ka zuë" ‑yö kë do ka ‑bha ‑kë kwa Dëmɛ ‑bha 'ka ‑sü ‑wɔn 'gü (kö 'ka 'dho "dhinaa 'ma).

Kodhɔsö 3:13

Ka ꞊sɔng ‑yö 'kun bho 'koo. ꞊Ya kë ꞊dhɛ mɛ 'bha ‑siödhɛwɔn ꞊ya kë ö "tɛado "piʋ̈, ‑ka ka 'ko ‑nu ‑mawɔn 'to ka 'ko ꞊zinng 'gü. ‑Ka ka 'ko ‑nu ‑mawɔn 'to ꞊dhɛ ‑kɔ do 'ö kwa Dëmɛ ‑yö ka ‑mawɔn to‑ 'ka bha‑ 'dhö.

Eblö 12:14

‑Ka ka 'gü dɔ "gbɩɩ‑ kö kaa mɛ ꞊gban "pɛpɛ ka kë 'flëë‑ 'gü ka 'ko "piʋ̈, kö 'ka ‑tosɛa ‑së 'ö pö 'aa‑ ‑bha ꞊në‑ kë. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ ‑tosɛa 'ö suu 'dhö "dhʋ̈ bha 'yii kë mɛ 'ö‑ ‑gɔ, ‑a ‑mɛ 'yii 'dho ö "yan ‑kpan kwa Dëmɛ ‑bha.