Matiö 5:4 - NAƆ ‑SË 'SËËDHƐ

⁴ 'Mɛ 'wo "gbʋ bɔ sië "tʋ̈ng ya‑ 'gü ‑a ‑nu ‑bha ‑së, ‑a ‑gɛn ‑mü ꞊dhɛ Atanna ‑dho ‑a ‑nu ‑dhɛa ga.

Matiö 5:4 ပူးပေါင်းရင်းမြစ်များ

Dhukö 16:25

'Yö Ablaamö ‑ya ‑yɔ bɔ‑ ‑gɔ 'ö‑ pö: «Gɔnnë n gbö, ‑a 'wɔn kë i "yaan ꞊dhɛ ‑tosɛa ‑së ‑zë ‑a 'bha ꞊në 'i gun‑ kë sië "kpʋng ꞊taa bha. ‑A "tʋ̈ng bha‑ 'gü kö Dhazaa ‑dɩ 'pö ‑yö saan" 'gü, "kɛɛ 'yö dɔ 'kwa‑ wo ya yö ‑zë ꞊nii 'dhö ‑da sië ‑dhɛ ya‑ 'gü 'yö bhi ‑zë 'i ‑wëëdhɛ yö sië bha.

Dhukö 6:21

'Mɛ 'ö din‑ 'dhö ka ‑bha ka ‑bha ‑së; ‑a ‑gɛn ‑mü ꞊dhɛ ka 'kën ‑wɔn ‑yö ‑dhö! 'Mɛ 'ka "gbʋ bɔ sië "tʋ̈ng ya‑ 'gü ka ‑bha ‑së; ‑a ‑gɛn ‑mü ꞊dhɛ ka ꞊niida ‑wɔn ‑yö ‑dhö!

Dhukö 6:25

'Mɛ 'ka 'kënsü 'ka "tʋ̈ng ya‑ 'gü bha ka ‑bha ‑yö ‑wëësü; ‑a ‑gɛn ‑mü ꞊dhɛ din‑ ‑dho ka kë. 'Mɛ 'ka "yɩɩ 'to sië "tʋ̈ng ya‑ 'gü bha, ka ‑bha ‑yö ‑wëësü; ‑a ‑gɛn ‑mü ꞊dhɛ ‑wëë ‑dho bɔ ka ‑ta 'ö 'ka "gbʋ bɔ!

Dhukö 7:38

꞊Dhɛ 'ö ꞊ya 'dho ꞊ya ꞊loo mü, 'yö bɔ Yesu ꞊kee‑ ‑ta, 'yö dho‑ ‑gɛn "piʋ̈ 'yö zun ö kpiö 'gü, 'yö ‑ya "gbʋ bɔ ‑sü ‑bha, 'yö‑ "yanyi ‑yö zun ꞊wɛnng ‑sü ‑bha Yesu ‑gɛn ‑ta ‑wla ‑wla ‑wladhö, 'yö ö ‑gɔ "gblëënu 'yö ö ‑gɔdhɛ kun 'ö‑ ‑ziö ö "yanyi bha‑ ‑bha, 'yö ö "dhi ꞊gblü Yesu ‑gɛn bha‑ ‑bha 'yö‑ ‑bha mü, 'yö ‑dhasiklɔɔ "yi bha‑ ꞊wɛnng‑ ‑gɛn ‑ta.

Dhukö 7:50

"Kɛɛ 'yö Yesu 'yii ö "tʋ kë yö ‑zë ‑bha, 'yö‑ to "dhʋ̈ 'ö‑ pö dhebhɔnë bha‑ ‑dhɛ: «‑Bhö i ‑bha dho wo i ‑ta "puu 'ka, i ‑bha 'dhang ‑bho n "dhiʋ̈ ‑sü ꞊në i dha bha.»

Zakö 1:12

"Kɛɛ 'mɛ 'ö 'wɔn "gbɩɩ‑ ꞊gban "pɛpɛ suu 'do 'do ‑yö ‑wɔ ‑ta 'ö 'kun bho‑ 'gü (ka kpö 'gü), kö‑ ‑mɛ ‑bha ‑së, ‑a ‑gɛn ‑mü ꞊dhɛ ꞊ya bo ziö ‑sü 'ka‑ ꞊gban 'gü, ‑yö ‑dho ‑a ‑gloo 'faan‑ 'ö ꞊sii 'ö 'yaa yën‑ 'ka, 'ö kwa Dëmɛ ‑ya ‑ya 'mɛ 'ö‑ ‑dhɔ ‑ya ‑nu ‑kë ‑a ‑nu ‑gɔ bha‑ ꞊slɔɔ.

‑Dhɛkpaɔ 21:4

‑Yö ‑dho ö ‑kɔ ziö‑ ‑nu "yan "dhiʋ̈, 'ö‑ ‑nu "yanyi ꞊gban bho mü "pɛɛpɛdhö. Ga 'yii 'dho bhɔ 'zü, "ɛɛn ‑wëë ‑ya wo ‑sü 'bha 'yii 'dho kë 'zü, ‑wëë ‑wʋ 'kpɔ ‑sü waa‑ pë ‑ma mɛ 'ka ‑sü ꞊gbaan yën. ‑A ‑gɛn ‑mü ꞊dhɛ 'wɔn "pɛpɛ 'dhɛ 'kö gun kë sië zii ‑blɛɛsü bha‑ ꞊gbaan ziö.»