Matiö 4:3 - NAƆ ‑SË 'SËËDHƐ

³ 'Yö Sɔtraan ‑yö ꞊yɔɔn‑ "sɔɔ 'yö‑ pö‑ ‑dhɛ: «꞊Ya kë ꞊dhɛ 'i Atanna Gbö 'ka ꞊dedewo tɛan‑ 'ka, ‑bhö dhiang zë ‑gwë ‑nu ya‑ ‑nu ‑dhɛ kö ‑wo "gla ‑bhöpë 'gü kö 'i‑ ‑bhö!»

Matiö 4:3 ပူးပေါင်းရင်းမြစ်များ

Matiö 14:33

'Yö‑ ‑bha ꞊klang ‑nu 'dhɛ 'wo to "yitagɔ 'gü 'wo zun‑ ‑dhɛ wo kpiö 'gü 'wo‑ pö: «'Aa, yi Dëmɛ, Atanna Gbö ‑mü i 'ka ꞊dedewo tɛan‑ 'ka!»

Matiö 16:16

'Yö Simɔ Piɛdhö ‑ya pö‑ ‑dhɛ 'ö‑ pö: Atanna ‑bha ‑Yamɛ 'ö‑ bɔ yö ‑mü i 'ka! Atanna "yaandhe Gbö ‑mü i 'ka!»

Matiö 26:63

"Kɛɛ 'yö Yesu ‑yö ö "dhi ta 'yö 'yii "wɩ. 'Yö "saabhomɛ ‑nu ‑gɔmɛ 'kpii‑ bha 'ö‑ pö 'zü‑ ‑dhɛ ‑deewo 'ö‑ pö: «'I‑ ‑zë Atanna "yaandhe ꞊dede ‑dhɛ, ꞊sii ꞊dede ‑ta, bhi ꞊në 'i‑ ‑bha ‑Yamɛ 'ö‑ Gbö 'ka bha‑ 'ka ‑ee? 'Ö ꞊ya kë ꞊dhɛ bhi ꞊në 'i‑ 'ka tɛan‑ ꞊dede 'ka, ‑bhö ‑a pö yi ‑dhɛ!»

Matiö 3:17

'yö‑ "tʋ 'dhö ‑da 'zü ‑wʋ do 'bha 'gü kö ‑yö "wɩ sië dhang‑ 'gü 'ö‑ pö: «N Gbö doseng 'ö n ‑gɔ 'yö dɔ bha‑ ‑dhɔ 'ö n kë ‑a "sinma 'yaa 'dhö.»

Makö 1:1

Naɔ ‑së 'ö go Atanna "piʋ̈ 'ö ‑gban ‑a Gbö Yesu Klisi ‑wɔn ‑bha bha‑ zü bho ‑kɔ ꞊nɛ.

Makö 3:11

"Yinayaamɛ ‑nu ꞊waa‑ yö, 'yö 'wo zun‑ ‑dhɛ wo kpiö 'gü 'wo‑ pö: «Atanna Gbö ‑mü i 'ka!»

Dhukö 1:35

'Yö Atanna ‑bha "kië bha 'ö‑ ‑yɔ bɔ‑ ‑gɔ 'ö‑ pö: «‑Dhɛ ‑ga, Madhi, Atanna ‑bha 'Nii‑ "slʋ̈ʋ̈slʋ̈ ‑dho lɔɔ i ‑ta, Atanna ‑bha 'gügbɩɩdhɛ ꞊në dho 'wɔn bha‑ kë. Yö ꞊në‑ ‑wɔn 'gü, 'yö 'në "slʋ̈ʋ̈slʋ̈ 'i dho‑ kpɔ bha, 'wo dho‑ ‑dhɛ Atanna Gbö.

Dhukö 22:70

'Yö‑ ‑nu ꞊gban "pɛpɛ 'wo‑ pö: «'Bha‑ pö "dhʋ̈ kö i‑ ‑pö ꞊dhɛ? Atanna Gbö ‑mü i 'ka ‑ee?» 'Yö‑ pö: «꞊Iin, yö ꞊në 'ka‑ pö bha, Atanna Gbö ‑mü n 'ka.»

Dhukö 4:3

'yö Sɔtraan ‑ya pö‑ ‑dhɛ: «Atanna Gbö 'yaa ‑mü i 'ka ‑ee? ‑Bhö ‑gwë ya‑ "gla ‑bhöpë 'gü kö 'i‑ ‑bhö ‑dhe!»

Dhukö 4:41

Kö "yina yaa ‑nu ‑wo ꞊dua sië 'wo go mɛ 'gbɛ 'gü kö ‑wo "gbla sië 'wo‑ pö: «Atanna Gbö ‑mü i 'ka! Atanna Gbö ‑mü i 'ka!» "Kɛɛ ꞊waa‑ pö "dhʋ̈ 'yö ‑ya ‑nu "yan 'gü kë "dhʋ̈ kö 'wa 'dho "wɩ; ‑a ‑gɛn ‑mü ꞊dhɛ wo ‑zë ‑wa ‑dɔ ꞊dhɛ Yesu ꞊në Atanna ‑bha ‑Yamɛ 'ka.

Dhukö 4:9

'Yö Sɔtraan ‑ya sü 'zü ‑deewo 'ö dho‑ 'ka Atanna ‑bha 'kɔ 'kpii‑ 'ö Zedhizadhɛmö bha‑ ꞊gbin‑, 'yö‑ pö‑ ‑dhɛ: «꞊Ya kë ꞊dhɛ 'i Atanna Gbö 'ka ꞊dedewo tɛan‑ 'ka, ‑bhö dɔ ‑dhɛ ya‑ 'gü kö 'i ‑wlö 'i zun "sia‑, ‑a ‑gɛn ‑mü ꞊dhɛ ‑yö ‑bɛn zë ‑sü 'ka 'pö Atanna ‑gɔ 'sëëdhɛ 'gü ꞊dhɛ:

Naɔ ‑së 'ö ‑gban Yesu Klisi ‑bha 'ö Zan ‑ya pö 1:34

'Yö Zan ‑ya pö: «A‑ ‑pö ka ‑dhɛ ꞊dhɛ a kë n "yan ‑kpan ‑bha ꞊dhɛ ‑kɔ bha‑ 'dhö tɛan‑ 'ka. 'Wɔn 'ö‑ ‑wɔn 'gü 'yö 'a‑ pö ka ‑dhɛ ꞊dhɛ yö ꞊në Atanna Gbö 'ka bha 'yö bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 1:49

꞊Dhɛ ꞊yaa‑ pö "dhʋ̈, 'yö Natanaɛɛ ‑ya pö‑ ‑dhɛ: «N Dëmɛ, Atanna Gbö ‑mü i 'ka ꞊dedewo tɛan‑ 'ka, 'ma‑ ‑dhɛ yö, Izraɛdhö ‑mɛ ‑nu ‑bha ‑gblüdë ‑mü i 'ka!»

Naɔ ‑së 'ö ‑gban Yesu Klisi ‑bha 'ö Zan ‑ya pö 20:31

"Kɛɛ ‑a 'dhɛ ‑nu 'ö‑ ‑nu ‑bɛn 'dhö zë ‑sü 'ka ya yi‑ ‑bɛn zë "dhʋ̈ kö 'ka 'dhang bho‑ "dhiʋ̈ ꞊dhɛ Yesu ꞊në Atanna ‑bha ‑Yamɛ bha‑ 'ka, ꞊dhɛ yö 'ö bha ꞊në Atanna Gbö 'ka, kö ka ‑bha 'dhang ‑bho ‑a "dhiʋ̈ ‑sü 'gü, kö 'ka ꞊sii ꞊slɔɔ ‑a 'saa‑ 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 9:35

꞊Dhɛ 'ö 'mɛ bha ꞊ya ziö ꞊ya 'dho, 'yö Yesu ‑ya ma 'pö ꞊dhɛ ꞊waa‑ "piʋ̈ kë Zuifö ‑nu ‑bha ‑yakwëëkëgükɔ 'gü. ꞊Dhɛ 'ö ‑kpan ‑bha ‑dhɛ 'bha bha‑ 'gü, 'yö‑ dhɛɛ" kpɔ 'ö‑ pö: «I 'dhang ‑bho Mɛgbömɛ ‑wɔn "dhiʋ̈ "wɛ ‑ee?»

Këwɔn ‑nu 9:20

‑Yö ‑to ‑dhɛ do bha‑ 'gü 'ö zun Atanna ‑wʋ pö ‑sü ‑bha Zuifö ‑nu ‑bha ‑yakwëëkëgükɔ ‑nu 'gü 'ö‑ pö: «Yesu bha Atanna Gbö ‑mü.»

2 Kodhɛngtö 1:19

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Yesu Klisi 'ö Atanna Gbö 'ka 'ö Timote 'dhö, Silivɛn 'dhö, ma 'dhö, 'yi‑ ‑dhiang zë ka ‑dhɛ bha 'yaa gun ꞊iin waa‑ "uun ꞊gban ‑kaankwëëmɛ 'ka. ‑A 'klɔɔ‑ ‑mü ꞊dhɛ ꞊iin‑ 'ö Atanna ‑ya pö bha ꞊në Yesu ‑ya 'gü ‑wɔn ‑kë.

Gadhatö 2:20

‑A kë "dhʋ̈ ‑sü bha‑ 'gü kö mang ꞊dede ‑zë 'maa ‑tosɛa kë sië 'zü, 'kö Klisi ꞊në ‑tosɛa kë sië n 'gü, kö ma ‑tosɛa a‑ kë sië ꞊taamasü ya‑ 'gü bha a‑ ‑kë 'dhang ‑bho Atanna ‑bha 'në 'ö n ‑dhɔ ‑ya ‑kë 'ö ö ‑dɩ nu n ‑wɔn 'gü bha ꞊në‑ 'saa‑ 'gü 'dhang ‑bho ‑a "dhiʋ̈ ‑sü "gblʋ̈ "piʋ̈.

1 Tesadhonikö 3:5

'Wɔn 'ö‑ ‑wɔn 'gü, 'yö n ‑zʋ ‑yö dun 'yö 'a Timote bɔ kö ‑yö nu ‑wo ka ‑bha kö ‑naa 'ö ka ‑bha ‑zʋ ‑yö Atanna ‑dhɛ ‑sü 'dhö‑ ‑ta 'a‑ dɔ bha 'yö bha. ‑A ‑gɛn ‑mü ꞊dhɛ kë "dhʋ̈ 'ö Sɔtraan ‑yö "kpënng‑ ‑kë ka ‑gɔ 'ö ka ‑pö, 'ö yë "sinma 'yi‑ ‑kë ka ‑gɔ mü bha 'ö ‑kë saan" ‑sü "fië 'ka 'ö‑ ꞊trɔɔn 'yaa kë.

Eblö 12:16

‑Kaa kë ‑së kö mɛ 'bha 'ya 'dho kë ‑zuazëmɛ 'ka ka kpö 'gü, "ɛɛn 'ö‑ ‑mɛ ‑ya zë "wlaawɔn ‑nu 'wo "kpʋng ꞊taa yö bha‑ ‑wɔn ‑dhɛ, 'ö pë ꞊bhlëësü 'ö Atanna ‑ya nu‑ ‑dhɛ bha‑ ‑wɔn ‑ma "gbɔng 'ka ꞊dhɛ Ezau 'dhö, kö ‑ya zë pë ‑bhö ‑kɔ doseng ‑wɔn ‑dhɛ kö ‑yö ö ‑bha 'kpiidhɛ 'go ö 'zlaa‑ ‑gɔ.

Eblö 4:14

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ "saabhomɛ 'kpiki ‑kpiki 'ö kwaa Atanna ‑nu kwa ‑wʋ zun 'kwëë‑, 'ö ꞊ya ziö dhang‑ ‑nu ꞊gban 'gü ꞊ya ‑wo Atanna ‑kuu "dhiʋ̈, Yesu 'ö Atanna Gbö 'ka, 'ö 'kwa 'dhang bho‑ "dhiʋ̈ 'ö 'kwa‑ ‑dhiang zë sië bha ‑yö kwa ‑gɔ bha, ‑ka ‑kwa kwa 'gü dɔ "gbɩɩ‑ kö 'kwa 'to ‑kplü ‑sü 'ka 'dhang ‑bho ‑a "dhiʋ̈ ‑sü 'kwa‑ ‑dhiang zë sië bha‑ ‑bha.

Eblö 7:3

Mɛ 'bha 'yii‑ Mɛɛsisedɛkö bha‑ dë dɔ, mɛ 'bha 'yii‑ dhe dɔ kö yöö to‑ "bhɛma ‑nu ꞊në‑ bha. Mɛ 'bha 'yii‑ bhɔ ‑yi dɔ, mɛ 'bha 'yii‑ ga ‑yi dɔ. ‑Yö ꞊dhɛ Atanna ‑bha 'në ꞊në‑ 'dhö. ‑A ‑bha ‑kë "saabhomɛ 'kpii‑ 'ka ‑sü zü bho ‑yi 'yaa 'dhö, ‑a "dhiʋ̈ ‑ya ‑dhɛ 'yaa 'dhö.

1 Zan 3:8

"Kɛɛ 'mɛ 'ö 'wɔn yaa kë ‑sü ‑yö ‑kë ‑bha yë 'ka bha kö Atanna ‑bha mɛ 'yaa ‑mü. Kö Sɔtraan ‑bha mɛ ꞊në bha. ‑A ‑gɛn ‑mü ꞊dhɛ yö ꞊në‑ ‑bha yë 'dhö ‑mü 'wɔn yaa kë ‑sü 'ka. ‑Ya zü ‑bho "sɛ kë ‑yi 'ka. Atanna Gbö ‑zë ‑yö ‑nu "kpʋng ꞊taa kö ‑yö Sɔtraan ꞊në‑ kë ‑yë ‑nu 'gü see‑.

‑Dhɛkpaɔ 2:10

‑Dhɛ ‑ga, 'wɔn "gbɩɩ‑ 'ö kaa ziö‑ 'gü bha 'ka 'dho "suʋ̈‑ ‑gɔ. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ Sɔtraan ‑dho ka 'gü dan 'ö 'mɛ 'ka bha mɛ 'gbɛ ‑da ‑kaso 'gü, 'ö 'ka saan" sü ‑dhɛkpaɔyi ‑kaɔng do 'ka, "kɛɛ 'kö 'zü 'ö ‑kë ka ‑gɔtogüwɔn 'ka, ‑ka 'to ka ‑wʋ ‑ta. ꞊Ya kë ꞊dhɛ 'ka‑ kë "dhʋ̈, ‑gbloo 'faan‑ 'wo ‑tosɛa 'ö 'yaa yën ‑a ‑kë ‑bha bha a ‑dho ‑a nu ka ‑dhɛ.