Matiö 2:4 - NAƆ ‑SË 'SËËDHƐ

⁴ 'Yö 'wo "saabhomɛ ‑gɔmɛ ‑nu waa‑ Zuifö ‑nu ‑bha 'tɔnggɔmɛ ‑nu 'wo‑ ‑gɔ "sɛ bha‑ 'gü ‑a ‑nu ꞊gban "pɛpɛ ꞊loo 'ko ‑ta, 'yö‑ ‑nu dhɛɛ" kpɔ 'ö‑ pö: «‑Dhɛ ‑mɛɛ ꞊në Atanna ‑bha ‑Yamɛ dho bhɔ‑ ‑bha 'wo‑ pö 'kpa 'ö 'ka‑ dɔ?»

Matiö 2:4 ပူးပေါင်းရင်းမြစ်များ

Matiö 13:52

'Yö‑ pö 'zü‑ ‑nu ‑dhɛ ‑deewo ꞊dhɛ: «‑A ‑kë "dhʋ̈ ‑sü 'gü, 'tɔnggɔmɛ "pɛpɛ 'wo 'wɔn 'ö ‑gban Atanna ‑bha ‑gblüdëdhɛ ‑bha bha‑ dɔ 'kpakpadhö bha, ‑wo ꞊dhɛ ꞊naɔmɛ do 'ö pë ‑dee waa‑ pë zizi ‑nu sü ö ‑bha ꞊naɔ 'gü 'ö‑ 'gü ꞊gblü mɛ ‑nu ‑ta ꞊në‑ 'dhö.»

Matiö 2:3

꞊Dhɛ 'ö ‑gblüdë Edhodö ꞊ya 'wɔn bha‑ ma, 'yö "sika 'dhö ‑da waa‑ Zedhizadhɛmö ‑mɛ ‑nu ꞊gban "pɛpɛ 'gü (kö ‑yö ö ‑zʋ 'gɔn sië ꞊dhɛ ‑gblüdë ‑dee 'dhɛ 'ö bhɔ bha yöö ö ‑bha mɛdhɛ kɔɔ‑ ö 'ka).

Matiö 2:5

'Yö 'wo‑ pö‑ ‑dhɛ: «‑Wa ‑dhɛ ‑dhɛ Betedhɛmö, ‑a ‑dhɛ ‑yö Zude ‑sɛ 'gü.» ‑A ‑gɛn ‑mü ꞊dhɛ Atanna ‑wʋdhiʋ̈loomɛ ‑ya ‑ya Atanna ‑bha 'sëëdhɛ 'gü 'ö‑ pö:

Matiö 21:15

Yesu 'dhö gun 'wɔn ‑sɛsɛngbɔ ‑nu bha‑ ‑nu kë sië "dhʋ̈ kö 'në 'sɛɛnnë ‑nu ‑wo ‑zlöö bho sië‑ ‑zü Atanna ‑dhɔkëgükɔ 'gü 'wo‑ pö: «‑A 'tɔ ‑yö bhɔ! Davi Gbö 'tɔ ‑yö bhɔ! ꞊Dhɛ 'ö "saabhomɛ ‑nu ‑gɔmɛ ‑nu waa‑ Zuifö ‑nu ‑gɔmɛ ‑nu 'wo‑ ‑dhɛ yö "dhʋ̈, 'yö ‑siö ‑nu ‑dhɛ.

Matiö 21:23

꞊Dhɛ 'ö ꞊wa 'dho "dhʋ̈ ꞊wa ꞊loo Zedhizadhɛmö, 'yö Yesu ‑yö ‑da 'zü ‑deewo Atanna ‑dhɔkëgükɔ 'gü, 'yö ‑ya mɛ draan‑ ‑sü ‑bha mü. 'Yö "saabhomɛ ‑nu ‑gɔmɛ ‑nu waa‑ ‑kwɛagbö ‑nu 'wo "sɛ 'gü, 'wo nu 'yö 'wo‑ pö‑ ‑dhɛ: «'Wɔn ‑nu 'i‑ ‑kë ‑nu wo ya, i‑ ‑kë de ꞊në‑ ‑bha kë 'gü? "Ɛɛn de ꞊në‑ pö 'i‑ kë "dhʋ̈?»

Matiö 26:3

꞊Dhɛ 'ö ꞊ya kë "dhʋ̈ 'yö "saabhomɛ ‑nu waa‑ ‑kwɛagbö ‑nu 'wo "sɛ bha‑ 'gü, 'wo ꞊loo 'ko ‑ta "saabhomɛ 'kpii‑ 'wo‑ Kaifö ‑kë bha‑ ‑gɔ 'kɔɔdhö.

Matiö 26:47

Dhiang bha ‑yö ‑to Yesu "dhi 'yö Zuda 'ö ‑kë ‑bha ꞊klang ‑nu ‑kaɔng do ga ꞊plɛ bha‑ mɛ do 'ka bha 'ö ‑wo kö mɛ kpö 'gbɛ 'ö "dhü "kpla ‑nu oo, ‑siang ‑nu 'wo‑ ‑nu ꞊kwɛɛ‑ 'ö Zuifö ‑nu ‑bha "saabhomɛ ‑nu ‑gɔmɛ ‑nu waa‑ ‑kwɛagbö ‑nu 'wo "sɛ bha‑ 'gü 'wo‑ ‑nu bɔ bha kö ‑wa ꞊keng‑ "wɛ ‑dungdhö.

Matiö 27:1

꞊Dhɛ 'ö ꞊ya kë "dhʋ̈ 'ö‑ ‑tadhɛ ꞊ya ꞊kpaɔ, 'yö "saabhomɛ ‑nu ‑gɔmɛ ‑nu waa‑ ‑kwɛagbö ‑nu bha 'wo ‑suʋ̈ 'wo dho "slën 'gü, 'yö 'wo Yesu zë ‑wɔn ‑ya 'kwëë‑ ‑kë 'yö‑ ‑nu ‑wʋ ‑yö to‑ ‑bha do.

Matiö 7:29

‑a ‑gɛn ‑mü ꞊dhɛ ‑a ‑bha mɛ draan‑ ‑kɔ bha ‑yö ‑gun bho sië Zuifö ‑nu ‑bha 'tɔnggɔmɛ ‑nu ‑bha "piʋ̈, 'ö mɛ ꞊draan ‑wʋgbiindhɛ 'ka.»

Makö 8:31

‑Yö ‑zun ö ga ‑wɔn waa‑ ö ‑bö ‑wɔn ‑dhiang zë ‑sü ‑bha ö ‑bha ꞊klang ‑nu ‑dhɛ "tʋ̈ng bha ꞊në‑ 'gü 'ö‑ pö: «‑A ‑dhɛa ‑bha ꞊dhɛ mang Mɛgbömɛ 'a sëë bho ꞊dedewo, kö ‑kwɛagbö ‑nu 'wo Izraɛdhö ‑sɛ 'gü waa‑ "saabhomɛ ‑nu ‑gɔmɛ ‑nu waa‑ 'tɔnggɔmɛ ‑nu ‑wo wo ‑kɔ "kan n "dhiʋ̈, kö ‑wo n zë, "kɛɛ 'ma ga a ‑dho ‑bö ‑a ‑dhɛkpaɔyi ‑yaaga ‑naa bha‑ 'ka.

Dhukö 20:19

"Saabhomɛ ‑nu ‑gɔmɛ ‑nu waa‑ 'tɔnggɔmɛ ‑nu ‑gun ‑a "slë mɔɔ‑ sië kö wo ‑kɔ yö wɔ‑ ‑ta ‑dhɛ do bha‑ 'gü, ‑a ‑gɛn ‑mü ꞊dhɛ 'ö gun "dhʋ̈ kö ꞊waa‑ 'wɔn dɔ ꞊dhɛ ‑yö "wɩ sië wo ꞊në wo 'ka bha, "kɛɛ kö ‑wo "suʋ̈ sië "sɛgümɛ ‑nu ‑gɔ.

Dhukö 23:10

Kö "saabhomɛ ‑nu ‑gɔmɛ ‑nu waa‑ 'tɔnggɔmɛ ‑nu ‑wo mü, kö ‑wo wo ‑wʋ "dhiʋ̈ "wlü sië 'ö 'wo ꞊sua ‑ya ‑bha ‑a ‑san ‑bha ‑mawɔnyaadhɛ 'ka "dhʋ̈ do.

Naɔ ‑së 'ö ‑gban Yesu Klisi ‑bha 'ö Zan ‑ya pö 18:3

꞊Dhɛ 'ö 'mɛ 'wo bha waa‑ Yesu ‑nu ꞊wa 'dho "dhʋ̈, 'yö Zuda ‑dɩ 'pö 'ö ‑ziö 'ö dho mü, waa‑ Wlɔmö "sɔdha ‑nu, waa‑ "yan ‑to Atanna ‑dhɔkëgükɔ ‑bha ‑mɛ ‑nu, waa‑ 'mɛ 'ö "saabhomɛ ‑nu ‑gɔmɛ ‑nu waa‑ Fadhiziɛn ‑nu 'wo‑ ‑nu bɔ kö ‑wo Yesu 'kun bha‑ ‑nu kpö 'kpii‑ bha‑ 'dhö. Kö ‑dhangbha ‑nu, "sɔng ‑nu waa‑ 'ko ‑zë 'ka ‑kwɛɛ ‑nu ‑wa ‑nu ‑gɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:10

'Yö Yesu ‑ya ‑yɔ bɔ‑ ‑gɔ 'ö‑ pö: «‑A kë ‑sü kö bhi 'i ‑kë Atanna ‑wʋ ‑gɔmɛ 'kpii‑ do 'ka Izraɛdhö ‑sɛ 'gü bha 'bhaa 'wɔn ‑nu bha‑ ‑nu dɔ bha‑ 'wɔn ‑yö n ‑kɔn.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:32

‑Wʋ ‑nu 'wo gun‑ pö sië "dhʋ̈ bha 'yö ‑da Fadhiziɛn ‑nu "tʋ 'gü. 'Yö Zuifö ‑nu ‑bha "saabhomɛ ‑nu ‑gɔmɛ ‑nu waa‑ Fadhiziɛn ‑nu 'wo mɛ bɔ kö ‑wa 'kun.

Naɔ ‑së 'ö ‑gban Yesu Klisi ‑bha 'ö Zan ‑ya pö 8:3

‑Yö ‑to mü 'yö Zuifö ‑nu ‑bha 'tɔnggɔmɛ ‑nu waa‑ Fadhiziɛn ‑nu 'wo nu dhebhɔnë do 'wo‑ kun ꞊mlaabɔ ‑bha ‑a 'ka.

Këwɔn ‑nu 23:9

'Yö 'wo wo ‑wʋ "dhiʋ̈ ꞊wlü "gbɩɩ‑ 'ka, 'yö 'tɔnggɔmɛ ‑nu 'bha ‑nu 'wo ‑kë Fadhiziɛn ‑nu ‑bha mɛ 'ka bha 'wo ꞊wlü, 'wo‑ pö 'mɛ 'wo gun za dɔ sië Pɔdhö ‑bha bha‑ ‑nu ‑dhɛ ꞊dhɛ 'wii "wɩ‑ ‑nu ‑wʋ ‑bha tongtongdhö, 'yö 'wo‑ pö: «'Wɔn yaa 'bha 'ö 'mɛ ya 'ö dho‑ kë 'yaa 'dhö, "kɛɛ ‑yö ‑dho kë "yina "ɛɛn Atanna ‑bha "kië 'bha ‑bha dhiang ‑zë ‑a ‑dhɛ ‑sü ꞊në‑ 'ka.

Këwɔn ‑nu 4:5

꞊Dhɛ 'ö‑ ‑tadhɛ ꞊ya ꞊kpaɔ, 'yö Zuifö ‑nu ‑gɔmɛ ‑nu waa‑ ‑nu ‑bha mɛ zizi ‑nu waa‑ ‑nu ‑bha 'tɔnggɔmɛ ‑nu 'wo bho 'ko ‑ta Zedhizadhɛmö 'plöö.

Këwɔn ‑nu 6:12

'Yö 'wo "sɛgümɛ ‑nu waa‑ mɛ zizi ‑nu waa‑ 'tɔnggɔmɛ ‑nu zü ꞊yɔɔn Etiɛnö ‑bha ‑kɔ bha‑ 'gü, 'yö 'wo ꞊loo‑ ‑ta 'wo‑ kun, 'yö 'wo dho‑ 'ka zagɔbhomɛ 'kpii‑ ‑kuu "dhiʋ̈.