Matiö 2:2 - NAƆ ‑SË 'SËËDHƐ

² 'Yö 'wo mɛ ‑nu dhɛɛ" kpɔ 'wo‑ pö: «'Në 'ö dho kë Zuifö ‑nu ‑bha ‑gblüdë 'ka 'ö bhɔ yö bha ‑yö 'mɛ? Yi‑ ‑bha "susëngga ‑yö kö ꞊ya ‑wo "yɛa‑ yi ‑gɔ "sɛ 'gü 'yënng‑ ‑wo ‑zian 'ka 'yö 'yi nu kö 'yi‑ ‑dhɔkë.»

Matiö 2:2 ပူးပေါင်းရင်းမြစ်များ

Matiö 2:3

꞊Dhɛ 'ö ‑gblüdë Edhodö ꞊ya 'wɔn bha‑ ma, 'yö "sika 'dhö ‑da waa‑ Zedhizadhɛmö ‑mɛ ‑nu ꞊gban "pɛpɛ 'gü (kö ‑yö ö ‑zʋ 'gɔn sië ꞊dhɛ ‑gblüdë ‑dee 'dhɛ 'ö bhɔ bha yöö ö ‑bha mɛdhɛ kɔɔ‑ ö 'ka).

Matiö 27:11

꞊Dhɛ 'ö ꞊ya kë "dhʋ̈, 'yö Yesu ‑yö dho 'ö ꞊loo Pidhatö ‑kuu "dhiʋ̈. ꞊Dhɛ 'ö 'mɛ 'wo dho‑ 'ka "sɛdë ‑kuu "dhiʋ̈ bha ꞊waa‑ ‑gɛn bho‑ ‑dhɛ 'kpakpadhö, 'yö Yesu dhɛɛ" kpɔ 'ö‑ pö: «Bhi ꞊në 'i Zuifö ‑nu ‑bha ‑gblüdë 'wo ‑wɩ 'ka bha‑ 'ka ‑ee?» 'Yö‑ pö‑ ‑dhɛ 'ö‑ pö: «꞊Iin, ma ‑mü.»

Dhukö 19:38

'yö 'wo‑ pö: «‑Gblüdë 'ö nu kwa Dëmɛ ‑bha nu 'gü bha, ‑a 'tɔ ‑yö bhɔɔ! ‑Ya ‑dɩ 'flëë‑ 'gü ‑sü ‑yö kë dhang‑ 'gü kö Atanna 'ö dhang‑ 'gü ‑a 'tɔ‑ bhɔɔ!»

Dhukö 2:11

Yö ‑mü ꞊dhɛ Atanna ‑bha bɔmɛ Klisi 'ö‑ ‑ya Mɛdhamɛ 'ka, kwa Dëmɛ bha ꞊në ꞊ya bhɔ ꞊dɛɛ Davi ‑gɔ 'pödhö.

Dhukö 23:3

꞊Dhɛ 'ö ꞊waa‑ ‑da Pidhatö ‑dhɛ ‑wʋ bha‑ 'gü, 'yö Pidhatö ‑ya dhɛɛ" kpɔ 'ö‑ pö: «I‑ ‑pö Zuifö ‑nu ‑bha ‑gblüdë ‑mü i 'ka tɛan‑ 'ka ‑ee?» 'Yö Yesu ‑ya ‑yɔ bɔ 'ö‑ pö: «Yö ꞊në 'i‑ pö sië bha.»

Dhukö 23:38

Kö ꞊wa pë ‑bɛn do 'bha zë kö ꞊waa‑ ꞊nëng "dhü ‑bha ‑a ‑ta "dhʋ̈ng 'gü ꞊dhɛ: «Zuifö ‑nu ‑bha ‑gblüdë ꞊nɛ».

Naɔ ‑së 'ö ‑gban Yesu Klisi ‑bha 'ö Zan ‑ya pö 1:49

꞊Dhɛ ꞊yaa‑ pö "dhʋ̈, 'yö Natanaɛɛ ‑ya pö‑ ‑dhɛ: «N Dëmɛ, Atanna Gbö ‑mü i 'ka ꞊dedewo tɛan‑ 'ka, 'ma‑ ‑dhɛ yö, Izraɛdhö ‑mɛ ‑nu ‑bha ‑gblüdë ‑mü i 'ka!»

Naɔ ‑së 'ö ‑gban Yesu Klisi ‑bha 'ö Zan ‑ya pö 12:13

'yö 'wo "sɔɔndhɛ ‑nu ‑kan, 'yö 'wo dho dɔ‑ ‑gɔ zian‑, kö ‑wo "gɛɛ kë sië ‑nu wo 'wo ‑bhabhoo kun 'wo‑ pö: «"Sookwedhi! ‑Bha ‑bha ‑bha! "Sookwedhi! Izraɛdhö ‑mɛ ‑nu ‑bha ‑gblüdë ‑yö nu sië! ‑Yö ‑nu kwa Dëmɛ ‑bha nu 'gü! "Sookwedhi! Atanna 'tɔ‑ bhɔ!»

Naɔ ‑së 'ö ‑gban Yesu Klisi ‑bha 'ö Zan ‑ya pö 18:37

'Yö Pidhatö ‑ya pö‑ ‑dhɛ: «꞊Ya kë "dhʋ̈ 'sa kö ‑gblüdë ‑mü i 'ka ‑kɛɛ?» 'Yö Yesu ‑ya pö‑ ‑dhɛ: «꞊Iin, ‑gblüdë ‑mü n 'ka.» Bhɔ 'a‑ wo "kpʋng ꞊taa yö bha a ‑bhɔ "dhʋ̈ kö 'a tɛanwɔn ꞊në‑ ‑ta "pʋ mɛ "bhɩɩ‑ ‑nu ‑dhɛ. Yö ꞊në‑ ‑wɔn 'gü 'yö mɛ "ʋʋ mɛ 'ö tɛanwɔn dɔ ꞊në ö "tʋ 'to n ‑wʋ ‑bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 19:19

꞊Dhɛ 'ö ꞊ya kë "dhʋ̈ 'yö Pidhatö ‑yö ‑wʋ do 'bha ‑bɛn zë 'yö‑ ꞊nëng Yesu ‑dɔ ‑bha "dhü bha‑ ‑bha 'ö‑ pö: «'Mɛ 'ö ya ꞊në 'wo‑ ‑dhɛ Yesu 'ö go Nazadhɛtö, Zuifö ‑nu ‑bha ‑gblüdë».

Naɔ ‑së 'ö ‑gban Yesu Klisi ‑bha 'ö Zan ‑ya pö 20:28

'Yö Toma ‑ya ‑yɔ bɔ‑ ‑gɔ 'ö‑ pö: «N Dëmɛ, ma Atanna!» "Kɛɛ ‑yö ‑to ‑a "dhi, 'yö Yesu ‑ya pö‑ ‑dhɛ:

Naɔ ‑së 'ö ‑gban Yesu Klisi ‑bha 'ö Zan ‑ya pö 5:23

Kë "dhʋ̈ kö mɛ ꞊gban "pɛpɛ ‑wo n ꞊bhlëë ‑ya ꞊dhɛ ‑kɔ 'wo n Dë ꞊bhlëë ‑ya 'ka ‑a 'dhö. 'Mɛ 'ö 'yii n ꞊bhlëë ‑ya, kö 'yaa n Dë 'ö n bɔ bha‑ ꞊bhlëë ‑ya 'pö.

Naɔ ‑së 'ö ‑gban Yesu Klisi ‑bha 'ö Zan ‑ya pö 9:38

'Yö‑ pö: «'Ma 'dhang bho‑ "dhiʋ̈, n Dëmɛ!» ꞊Dhɛ 'ö ꞊yaa‑ pö "dhʋ̈, 'yö zun‑ ‑dhɛ ö kpiö 'gü.

Eblö 1:6

"Kɛɛ ꞊dhɛ 'ö Atanna yöö ö Gbö do 'ö‑ ‑bha 'në ‑blɛɛsü 'ka bha‑ bɔ "kpʋng ꞊taa 'yö‑ pö: «‑A ‑dhɛa ‑bha ꞊dhɛ ma "kië ‑nu ꞊gban "pɛpɛ ‑wo zun‑ ‑dhɛ kpiö 'gü.»

‑Dhɛkpaɔ 22:16

Mang Yesu ‑mɛ ma ꞊në 'a ma "kië bɔ kö ‑yö 'wɔn bha‑ pö mɛ "pɛpɛ 'ka n ‑bha 'ka ka ‑dhɛ. Davi suu 'gü ‑në 'ö‑ ‑ding 'ka bha yö ‑mü ma ꞊në n 'ka. Mang do bha 'zü ma ꞊në 'a 'gödhuu 'ö bhü ‑dhɛkpaɔ "dhiʋ̈ 'ö‑ ‑zɔn ꞊dhɛ ‑dhɛ ꞊ya ꞊kpaɔ ꞊gbanwo bha‑ 'ka.»