Matiö 18:3 - NAƆ ‑SË 'SËËDHƐ

³ «‑Ka ‑dhɛ ‑ga, a‑ ‑pö ka ‑dhɛ tɛan‑ ꞊dede 'ka ꞊dhɛ kö 'kii ka zuë" slëë‑ kö 'ka "wɩ 'wɔn ‑bha ꞊dhɛ 'në 'sɛnsɛn 'në ‑nu 'dhö 'kii 'dho ka ‑duɛ ‑zian ꞊slɔɔ Atanna ‑bha ‑gblüdëdhɛpö 'ö dhang‑ 'gü bha‑ 'gü.

Matiö 18:3 ပူးပေါင်းရင်းမြစ်များ

1 Piɛdhö 2:2

‑Ka kë ꞊dhɛ 'në ‑dee 'ö bhɔ ‑a 'dhö kö ‑a dhe 'yɔn mü ‑dhɔ 'dhö‑ ‑kë ‑kɔ do 'ö‑ 'gü fʋʋdhö bha, "tʋ ‑to Atanna ‑wʋ "slʋ̈ʋ̈slʋ̈ bha‑ ‑bha ‑dhɔ ‑yö ka kë 'pö ꞊dhɛ ‑kɔ bha‑ 'dhö, kë "dhʋ̈ kö 'ka‑ ma sië, kö 'ka "gla kö ka ‑bha dha ‑sü bha‑ ‑gɔ ‑yö ‑da 'pödhö.

Matiö 19:14

'Yö Yesu ‑ya pö‑ ‑nu ‑dhɛ: «‑Ka ka kwaa‑ 'nësɛɛnnë ‑nu ‑zü kö ‑wo nu n "piʋ̈ 'ka 'dho ‑a ‑nu "piʋ̈ kë, ‑a ‑gɛn ‑mü ꞊dhɛ Atanna ‑bha ‑gblüdëdhɛ ‑yö 'mɛ 'wo bhɔ 'në ‑nu ya‑ ‑nu ‑bha ꞊në‑ ‑nu ‑bha 'ka.»

1 Kodhɛngtö 14:20

‑A ‑kë "dhʋ̈ ‑sü 'gü n dheebhang ‑nu, 'ka 'dho ka ‑dɩ 'sü ꞊dhɛ 'në ‑nu 'dhö 'wɔn dɔ ‑sü 'gü, 'wɔn 'ö ‑gban 'wɔn yaa kë ‑sü ‑bha bha ꞊në ‑ka kë‑ 'gü ꞊dhɛ 'në ‑nu 'dhö. "Kɛɛ ꞊ya zun 'wɔn dɔ ‑sü ‑zë ‑bha, ‑ka kë‑ 'gü ꞊dhɛ mɛ ꞊kpaɔsü 'dhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:5

'Yö Yesu ‑ya ‑yɔ bɔ‑ ‑gɔ 'ö‑ pö: «A‑ ‑pö i ‑dhɛ tɛan‑ ꞊dede 'ka ꞊dhɛ mɛ "ʋʋ mɛ 'ö Atanna 'yii i 'kpɔ ‑deewo "yi waa‑ 'Nii‑ "slʋ̈ʋ̈slʋ̈ ‑kɔ 'ka, 'bhii 'dho ‑da ‑bha ‑gblüdëdhɛ 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:3

꞊Dhɛ 'ö ꞊yaa‑ pö "dhʋ̈, 'yö Yesu ‑ya pö‑ ‑dhɛ: «A‑ ‑pö i ‑dhɛ tɛan‑ ꞊dede 'ka ꞊dhɛ: Mɛ "ʋʋ mɛ 'ö 'bhii bhɔ ‑deewo, 'bhii 'dho ‑da Atanna ‑bha ‑gblüdëdhɛkëmɛ ‑nu ‑bhiëë 'gü.»

Dhukö 13:24

«‑Ka ka 'gü dɔ "gbɩɩ‑ kö 'ka ka ziö ‑dhɛ yö (kö 'ka bɔ Atanna "piʋ̈), 'yaa yö ‑zë 'ka a‑ ‑pö ka ‑dhɛ ꞊dhɛ ‑yö ‑dho kë mɛ 'gbɛ "piʋ̈ ꞊dhɛ 'wo bɔ‑ 'ka, "kɛɛ 'wii 'dho ꞊mɔɔ‑ ‑bha; ‑a ‑gɛn ‑mü ꞊dhɛ ‑kë Atanna ‑bha 'ka ‑dhɛ ‑yö 'ya‑. ‑A ‑dhɛ ‑yö ꞊dhɛ ‑da 'kɔ 'ö‑ "dhi 'dhö "sɔɔsɔɔ ‑a 'gü ‑sü 'dhö.

Këwɔn ‑nu 3:19

‑A ‑wɔn 'gü, ‑ka ka zuë" slëë‑ kö 'ka ka wë ‑ya Atanna "piʋ̈ kö ‑yö kaa‑ 'wɔn yaa ‑nu ‑mawɔn 'to.

Këwɔn ‑nu 28:27

‑a ‑gɛn ‑mü ꞊dhɛ ‑a ‑nu zuëga ꞊ya kë "drɔɔdrɔ 'ka ꞊dhɛ ꞊nii ‑gwë 'dhö. ꞊Wa wo "tʋ "dhiʋ̈ ‑te ‑gban kö 'wa 'dho 'wɔn ma, 'yö ꞊wa wo "yan ta kpɛnngkpɛnngdhö kö 'wa 'dho ‑dhɛ yö, ‑wa ‑kë "dhʋ̈ kö 'wa 'dho 'wɔn 'gü ma kö ‑a ‑nu zuë" 'ya 'dho slëë‑ n "piʋ̈ 'ö 'a‑ ‑nu dha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 1:51

'Yö‑ pö‑ ‑dhɛ 'bha wo 'zü 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ dhang‑ "dhi‑ ‑dho "pʋ 'ö 'ka‑ ‑dhɛ yö kö Atanna ‑bha "kië ‑nu ‑wo ‑da sië 'wo ꞊lɔɔ mang Mɛgbömɛ n ‑ta.»

Matiö 5:20

A‑ ‑pö ka ‑dhɛ tɛan‑ ꞊dede 'ka ꞊dhɛ: Ka ‑bha Atanna dhɔɔbhaawɔn kë ‑sü 'yii ziö Zuifö ‑nu ‑bha 'tɔnggɔmɛ ‑nu waa‑ Fadhiziɛn ‑nu ‑bha ‑ta, 'kii 'dho ‑da Atanna ‑bha ‑gblüdëdhɛ bha‑ 'gü.»

Dhukö 22:32

"kɛɛ 'ma bhɛa" Atanna ‑dhɛ i ‑wɔn 'gü kö i ‑bha 'dhang ‑bho n "dhiʋ̈ ‑sü 'bha 'ya 'dho "kan‑ ‑ta 'ö 'i ‑kan n ‑bha. 'Bha i ‑dɩ ꞊slɔɔ yi 'ö‑ 'ka kö i zuë" ꞊ya 'waanu, bhii ‑dɩ 'pö 'i i dheebhang ‑nu 'ö kɛng‑ ‑nu 'ka bɔ n 'ka bha‑ ‑nu ‑zʋ ‑gban.»

Makö 4:12

Kë "dhʋ̈ kö ('pë 'ö Atanna ‑wʋdhiʋ̈loomɛ Ezai ‑ya pö yi 'bha 'ka ꞊dhɛ: Kë "dhʋ̈ kö) ‑Wa ‑dhɛ yö wo "yan 'ka, "kɛɛ kö 'wa 'dho‑ dɔ, kö ‑wa ma wo "tʋ 'ka, "kɛɛ kö 'wa 'dho‑ 'gü ma ö 'klɔɔ‑ 'ka 'ö 'wo wo zuë" ꞊slëë Atanna "piʋ̈, 'ö‑ ‑nu ‑mawɔn 'to bha‑ 'gü ‑wɔn ‑yö kë.

2 Piɛdhö 1:11

'Sa 'ka‑ kë "dhʋ̈ ꞊naa 'yö dho zian 'ö dho kwa Dëmɛ, kwa Dhamɛ Yesu Klisi ‑bha ‑gblüdëdhɛpö 'gü bha‑ "dhiʋ̈ ‑pʋ ka ‑gɔ "gbɛa 'ka, 'yö 'ka ‑da ‑bha mɛ ‑dhɛ 'ö 'yaa yën tongtongdhö bha‑ 'gü.

Këwɔn ‑nu 14:22

'Yö 'wo 'mɛ 'wo 'dhang bho Yesu "dhiʋ̈ ‑a ‑nu faan dɔ kö ‑wo wo 'gü dɔ "gbɩɩ‑ ‑zʋ ‑yö ‑a ‑dhɛ ‑sü ‑bha 'yö 'wo‑ pö‑ ‑nu ‑dhɛ: «Mɛ "pɛpɛ 'wo 'dhang bho‑ ‑wɔn "dhiʋ̈ ‑wo ‑dho saan" 'sü ꞊dedewo "kpʋngtaadhɛ ya‑ 'gü, 'yö 'wo gun ‑na ‑da Atanna ‑bha ‑gblüdëdhɛkëdhɛ 'gü.

Matiö 19:23

꞊Dhɛ 'ö ꞊ya 'dho, 'yö Yesu ‑ya pö ö ‑bha ꞊klang ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: ꞊Naɔmɛ ‑nu ‑bha ‑da Atanna ‑bha ‑gblüdëdhɛ 'gü ‑dhɛ ‑dho kë "gbɩɩ‑.

Matiö 13:15

‑A ‑gɛn ‑mü ꞊dhɛ "sɛ ya‑ 'gü ‑mɛ ‑nu zuë" ꞊ya kë "glɔɔglɔ, ꞊wa wo "tʋ ta kö 'wa 'dho 'wɔn 'bha ma, ꞊wa wo "yan ta kö 'wa 'dho ‑dhɛ yö, kë "dhʋ̈ kö 'wa 'dho 'wɔn 'gü ma 'ö 'wo wo zuë" ꞊slëë n "piʋ̈ 'ö 'a‑ ‑nu dha.›

Matiö 6:16

'Yö‑ pö: «꞊Ya kë ꞊dhɛ 'ka 'sunng‑ 'ma sië kö 'ka bhɛa" Atanna ‑dhɛ, 'ka 'dho ka wë 'gü ‑siö ꞊dhɛ ‑kɔ 'ö ‑dɩ ‑to mɛ ‑nu "yënngmɛ ‑nu 'wo‑ kë‑ 'ka ‑a 'dhö! 'Ö 'wo wo wë 'gü ‑siö kö mɛ ꞊gban "pɛpɛ ‑wa 'wɔn dɔ ꞊dhɛ ‑wo 'sunng‑ 'ma sië. A‑ ‑pö ka ‑dhɛ tɛan‑ ꞊dede 'ka ꞊dhɛ: 'Mɛ 'wo bha ꞊wa wo ꞊trɔɔn ꞊slɔɔ "pɛpɛdhö ꞊naa bha.

Matiö 6:5

'Yö go mü 'zü 'ö‑ pö: «'Ka bhɛa" sië Atanna ‑dhɛ 'ka 'dho‑ kë ꞊dhɛ mɛ ‑yaankëmɛ ‑nu 'dhö; ‑a ‑gɛn ‑mü ꞊dhɛ wo ꞊në ꞊wa dɔ ‑kpinng ‑ta ‑dhɛ ‑nu waa‑ Zuifö ‑nu ‑bha ‑yakwëëkëgükɔ ‑nu 'gü ‑dhɛ ‑nu 'gü, 'yö 'wo ꞊bhɛa kö mɛ ‑nu "yan ‑yö ꞊mɔɔ wo "dhiʋ̈ ꞊dhɛ Atanna ‑dhɔkëmɛ ‑mü wo 'ka. A‑ ‑pö ka ‑dhɛ tɛan‑ ꞊dede 'ka ꞊dhɛ 'mɛ 'wo "dhʋ̈ bha ꞊wa wo ꞊trɔɔn ꞊slɔɔ ‑ya bo.

Matiö 6:2

‑A ‑wɔn 'gü 'bha‑ pö bhii 'wëëga ꞊gbaɔ ‑wëëmɛ ‑gɔ, ‑bhö ‑a kë ‑suɛɛdhö kö mɛ "yan 'ya 'dho ꞊loo i ‑ta ꞊dhɛ ‑kɔ 'ö ꞊naɔyaankëmɛ ‑nu 'wo‑ kë‑ 'ka Zuifö ‑nu ‑bha ‑yakwëëkëgükɔ ‑nu 'gü, "ɛɛn ‑kpinng ‑ta ‑dhɛ ‑nu 'gü ("kɛɛ kö ‑a ‑nu "ta ‑kɔ ‑zë 'bha 'yaa ‑së) bha‑ 'dhö. ‑A ‑gɛn ‑mü ꞊dhɛ 'mɛ 'kö 'wo bha ‑wa ‑kë "dhʋ̈ kö ‑wo wo 'tɔ ꞊në‑ bhɔ. A‑ ‑pö ka ‑dhɛ tɛan‑ ꞊dede 'ka ꞊dhɛ wo ‑zë ꞊wa wo ꞊trɔɔn ꞊slɔɔ 'nu (mɛ "bhɩɩ‑ ‑nu ‑bha ‑a ‑nu 'tɔ bhɔ ‑sü bha‑ 'ka ꞊naa bha).

Matiö 5:18

A‑ ‑pö ka ‑dhɛ tɛan‑ ꞊dede 'ka ꞊dhɛ: "Sɛ waa‑ dhang‑ ‑zë 'wo ‑tun ꞊kö, 'tɔng‑ ‑nu bha‑ ga do 'yii 'dho 'go "gblʋʋ, aa" ꞊ni ‑a ꞊blün 'në ‑zian 'yii dho 'sü‑ ‑bha 'ö dho 'ö zun‑ 'ka pë "pɛpɛ ꞊gban "dhiʋ̈toyi ‑bha.

Matiö 18:2

꞊Dhɛ 'ö ꞊waa‑ dhɛɛ" bha‑ 'kpɔ "dhʋ̈, 'yö Yesu ‑yö 'në 'në 'dɛdɛ 'në do ‑dhɛ, 'yö‑ dɔ‑ ‑nu wëëdhö 'yö‑ pö:

Matiö 18:4

‑A ‑gɛn ‑mü ꞊dhɛ 'mɛ 'ö‑ ‑duɛ 'dhö 'kpii‑ Atanna ‑bha ‑gblüdëdhɛ bha‑ 'gü, yö ‑mü 'mɛ 'ö‑ "tʋ 'yaa kë ö ‑dɩ ‑wɔn ‑bha ꞊dhɛ 'në 'ö ya‑ 'dhö bha ꞊në‑ 'ka.