Matiö 11:1 - NAƆ ‑SË 'SËËDHƐ

¹ ꞊Dhɛ 'ö Yesu ꞊ya ö bo ö ‑bha mɛ draan‑ ‑wʋ ‑zɔn ‑sü 'ka ö ‑bha ꞊klang ‑nu ‑kaɔng do ga ꞊plɛ bha‑ ‑nu ‑dhɛ ꞊dhɛ ‑kɔ bha‑ 'dhö, 'yö go ‑dhɛ bha‑ 'gü 'ö dho mɛ draan‑ ‑sü waa‑ Atanna ‑wʋ pö ‑sü 'ka 'pö‑ ‑nu 'gü "sɛ bha‑ ‑ta.

Matiö 11:1 ပူးပေါင်းရင်းမြစ်များ

Këwɔn ‑nu 10:38

‑Kɔ 'ö Atanna ‑yö ö ‑bha 'Nii‑ "slʋ̈ʋ̈slʋ̈ waa‑ ‑bha 'gügbɩɩdhɛ nu‑ 'ka Yesu 'ö go Nazadhɛtö bha‑ ‑dhɛ bha ka‑ ‑dɔ 'pö. 'Ö go mü 'zü ‑kɔ 'ö Yesu bha 'ö ꞊nië‑ 'ka kwa ‑bha "sɛ ya‑ 'gü 'wɔn ‑së kë ‑sü waa‑ 'mɛ 'wo Sɔtraan ‑gɔ ꞊dhuëngdhɛ 'gü ‑a ‑nu ‑bha "yua ‑bho ‑a ‑nu ‑bha ‑sü ‑nu 'ka 'pö‑ ‑nu 'gü 'dɔɔndhö bha ka‑ ‑dɔ! 'Wɔn ‑nu 'ö‑ ‑kë "dhʋ̈ bha‑ ‑gɛn ‑mü ꞊dhɛ Atanna ‑yö ‑gun "piʋ̈.

Dhukö 8:1

꞊Dhɛ 'ö ꞊ya kë "dhʋ̈, 'yö Yesu ‑yö ‑da 'pö‑ "gblʋ̈gblʋ̈ ‑nu waa‑ 'sɛɛnnë ‑nu ‑bhiëë "piʋ̈, Atanna ‑bha naɔ ‑së 'ö ‑gban ‑a ‑bha ‑gblüdëdhɛ ‑bha bha‑ dhiang zë ‑sü 'ka. Kö‑ ‑bha ꞊klangdhiʋ̈ ‑nu ‑kaɔng do ga ꞊plɛ bha ‑wa ꞊keng‑ waa‑ dhong ‑nu 'bha ‑nu 'ö‑ ‑nu dha "yua ‑gɔ, "ɛɛn 'ö "yina yaa ‑kë ‑nu 'gü bha‑ ‑nu 'dhö. Dhong ‑nu bha ‑wa mɛ do ‑dhɛ Madhi 'ö go 'pödhɛ 'wo‑ ‑dhɛ Madadha bha‑ 'gü. Madhi bha ꞊në "yina yaa "saɔplɛ ‑yö gun‑ 'gü, 'yö Yesu ‑ya bho‑ 'gü.

Matiö 9:35

Yesu ‑yö ‑gun ziö sië 'pö‑ ‑nu ‑bhiëë ‑ta 'dɔɔɔndhö kö ‑yö 'dho sië Zuifö ‑nu ‑bha ‑yakwëëkëgükɔ ‑nu 'gü 'ö dhiang zë mɛ ‑nu ‑dhɛ, naɔ ‑së 'ö ‑gban Atanna ‑bha ‑gblüdëdhɛ ‑bha ‑a pö ‑sü 'ka kö ‑yö "yuëdhi suu ꞊gban "pɛpɛ ‑bha "yua ‑nu bho sië‑ ‑nu ‑bha, 'ö ꞊niɔɔmɛ ‑nu suu ꞊gban "pɛpɛ ‑kë "klʋ̈ʋ̈klʋ̈ 'pö.

2 Tesadhonikö 3:10

‑A ‑gɛn ‑mü ꞊dhɛ 'yi gun ka "piʋ̈ mü bha ‑dhio 'yi‑ dɔ ka ‑ta yö ‑mü ꞊dhɛ 'ka yë ꞊në‑ kë. ꞊Dhɛ mɛ "ʋʋ mɛ 'ö 'yaa "wɩ‑ ‑bha kö ‑yö yë kë, ‑a ‑dhɛ 'yaa ‑bha ꞊dhɛ‑ ‑mɛ ‑yö pë ‑bhö 'pö.

2 Tesadhonikö 3:6

Yi ‑dhio ‑dɔ ka ‑ta, yi dheebhang ‑nu, kö 'ka "ta ‑kɔ ‑së kë, "kɛɛ mɛ 'dhɛ 'kö yö ‑zë 'ö ‑gleng 'yi‑ ‑da ka ‑bha bha‑ ꞊gban to 'ö ‑tosɛa ‑kë "fʋʋfʋʋdhɛ 'gü, yi‑ ‑dhɛ ka ‑gɔ kwa Dëmɛ Yesu Klisi 'tɔ 'gü kö 'ka "kan‑ ‑mɛ ‑bha.

1 Tesadhonikö 4:2

‑A ‑gɛn ‑mü ꞊dhɛ ‑dhio ‑wʋ 'ö kwa Dëmɛ Yesu ‑ya ‑wɔ yi "dhi 'yi‑ dɔ ka ‑ta bha ‑yö ka "yaan.

Këwɔn ‑nu 10:42

'Yö‑ pö yi ‑dhɛ 'yi 'wɔn ‑taɔng ‑së pö Zuifö ‑nu ‑dhɛ kö 'yi‑ pö‑ ‑nu ‑dhɛ 'zü ꞊dhɛ yö ꞊në Atanna ‑yö ö ‑ya kö 'ö za dɔ "yaanmɛ ‑nu 'wo "kpʋng ꞊taa yö waa‑ ꞊geebɔɔmɛ ‑nu ‑bha.

Këwɔn ‑nu 1:2

'ö dho 'ö zun‑ 'ka ‑dhɛkpaɔyi 'ö Atanna ‑ya ꞊wlü 'ö dho‑ 'ka dhang‑ 'gü ‑a ‑bha bha, a kë‑ ꞊gban "pɛpɛ ‑gɛn ‑dɔ ‑a 'gü. "Sanni ‑yö 'dho dhang‑ 'gü, ‑yö ö ‑wʋ ‑kpɔ mɛ ‑nu 'ö‑ ‑nu sü ö ‑bha bɔmɛ ‑nu 'ka "kpʋng ꞊taa yö bha‑ ‑nu ‑bha 'Nii‑ "slʋ̈ʋ̈slʋ̈ ‑bha 'gügbɩɩdhɛ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:14

꞊Dhɛ 'ö "dhʋ̈ n "taɔngdë ‑nu, ꞊ya kë ꞊dhɛ ‑wʋ 'a‑ kpɔ ka ‑bha bha 'ka yö ꞊në‑ 'gü ‑wɔn kë kö 'ka kë n "taɔngdë ꞊dede 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:10

꞊Ya kë ꞊dhɛ 'ka ka ‑zʋ kë ‑wʋ ‑nu 'a‑ kpɔ ka ‑bha bha‑ 'gü kö 'ka‑ 'gü ‑wɔn kë, kö ka ‑kplü ‑sü 'ka n ‑bha, kö ka ‑dhɔ bha‑ "gblʋʋ ‑ta ꞊dhɛ ‑kɔ 'ö mang ‑dɩ 'pö 'a n Dë ‑wʋ kun‑ 'ka 'ö n ‑dhɔ ‑ya ‑kë bha‑ 'dhö ꞊naa bha.

Matiö 28:20

Kö 'ka‑ ‑nu ꞊klang kë ‑zʋ ‑kë pë "pɛpɛ 'a‑ ‑bɛn zë 'a‑ to ka ‑gɔ bha‑ "piʋ̈ ‑sü 'ka. ‑Yö kë ka "yaan ꞊dhɛ a ka "piʋ̈ yi ꞊gban 'ka 'ö to‑ 'ka "dhʋ̈ 'ö zun‑ 'ka "sɛ "dhiʋ̈toyi ‑bha.»

Matiö 7:28

꞊Dhɛ 'ö Yesu ꞊ya ö bo dhiang ‑nu bha‑ ‑nu zë ‑sü 'ka ꞊dhɛ ‑kɔ bha‑ 'dhö, 'yö‑ ‑bha mɛ draan‑ ‑kɔ bha‑ 'wɔn ‑yö mɛ 'wo gun mü bha‑ ‑nu ꞊gban "pɛpɛ kɔn;

Matiö 4:23

Yesu ‑gun ziö sië ‑kɔ bha ꞊në‑ 'gü Gadhidhe ‑sɛ ꞊gban "pɛpɛ 'gü Zuifö ‑nu ‑bha ‑yakwëëkëgükɔ ‑nu 'gü mɛ ‑nu ꞊klang ‑kë Atanna ‑wʋ 'ka ‑sü ‑nu waa‑ 'wɔn ‑taɔng ‑së 'ö ‑gban Atanna ‑bha ‑gblüdëdhɛ ‑bha bha‑ ‑dhiang zë ‑sü 'ka. 'Yö "yua suu ꞊gban "pɛpɛ bho mɛ ‑nu bha, 'yö ꞊niɔɔmɛ ꞊gban "pɛpɛ ꞊niɔɔdhɛ ‑nu bho‑ ‑nu ‑bha 'pö.

1 Timote 6:14

A‑ ‑pö i ‑dhɛ ꞊dhɛ 'i 'wɔn 'ö ‑gban Atanna ‑wɔn ‑bha ‑a 'gü ‑dhio 'a‑ dɔ i ‑ta bha ꞊në‑ ‑wɔn 'kun ꞊dhɛ i "yanga 'dhö, kö ‑dhii 'ya 'dho ‑ya ‑bha, "ɛɛn kö pö a 'dho ‑ya ‑bha, kö ‑yö 'to‑ 'ka "dhʋ̈ ‑yö zun‑ 'ka kwa Dëmɛ Yesu Klisi nu ‑yi ‑bha.

Makö 6:12

꞊Dhɛ 'ö ö bo ‑wʋ ‑kpɔ ‑a ‑nu ‑bha ‑sü 'ka ꞊dhɛ ‑kɔ bha‑ 'dhö, 'yö 'wo dho, 'yö 'wo Atanna ‑bha naɔ bha‑ dɔ ‑dhɛ ꞊gban "pɛpɛ 'gü ꞊dhɛ ‑wo wo bo wo kë ‑sɔng yaa ‑nu 'ka kö ‑wo bɔ Atanna 'ka.

Dhukö 23:5

"Kɛɛ 'yö 'wo ꞊nëng 'gü 'wo‑ pö: «Yi‑ ‑pö ‑yö ‑da ꞊në wo sië "sɛgümɛ ‑nu ‑gɔ 'gü, 'ö‑ ‑nu ‑gɔ 'gü ꞊see dhiang ‑nu 'ö‑ zë wuudhö 'ö ‑ziö 'ka, 'ö zü bho Gadhidhe ‑sɛ 'gü 'ö ꞊ya bɔ‑ 'ka Zude ‑sɛ 'gü ‑dhɛ ꞊gban 'gü ꞊ya nu ꞊ya ꞊loo‑ 'ka yö bha‑ 'ka.»