Matiö 10:7 - NAƆ ‑SË 'SËËDHƐ

⁷ ‑Ka ‑da zian ‑gloo "piʋ̈ ‑dhɛ ‑nu 'gü kö 'ka Atanna ‑wʋ pö‑ ‑nu ‑dhɛ 'ka‑ pö: «Atanna ‑bha ‑gblüdëdhɛ bha ꞊ya dun ka ‑ta!

Matiö 10:7 ပူးပေါင်းရင်းမြစ်များ

Matiö 10:8

'Ka 'dho ‑ka "yua ‑nu bho mɛ ‑nu ‑bha kö 'ka 'mɛ ꞊wa ga ‑a ‑nu ‑bö kö 'ka ꞊wee ‑yua bho mɛ ‑nu ‑bha, kö 'ka "yina yaa ‑nu kë 'ka‑ ‑nu bho mɛ 'gü! 'Gügbɩɩdhɛ 'ö Atanna ‑ya nu ka ‑dhɛ kö 'ka pë ‑nu bha‑ ‑nu kë‑ 'ka bha ‑ya ‑gbaɔ ka ‑gɔ "wɛɛwɛɛ. Kaa ‑dɩ 'pö, ‑ka 'wɔn ‑së ‑nu bha‑ kë mɛ ‑nu ‑dhɛ "wɛɛwɛɛ.

Matiö 11:1

꞊Dhɛ 'ö Yesu ꞊ya ö bo ö ‑bha mɛ draan‑ ‑wʋ ‑zɔn ‑sü 'ka ö ‑bha ꞊klang ‑nu ‑kaɔng do ga ꞊plɛ bha‑ ‑nu ‑dhɛ ꞊dhɛ ‑kɔ bha‑ 'dhö, 'yö go ‑dhɛ bha‑ 'gü 'ö dho mɛ draan‑ ‑sü waa‑ Atanna ‑wʋ pö ‑sü 'ka 'pö‑ ‑nu 'gü "sɛ bha‑ ‑ta.

Matiö 21:31

꞊Ya kë "dhʋ̈ kö mɛ ꞊plɛ bha‑ de ‑sü 'pö kë ö dë ‑wʋ ‑ya ꞊bhlëë 'gü?» 'Yö 'wo‑ pö‑ ‑dhɛ: «‑A mɛ ‑blɛɛsü.» 'Yö Yesu ‑ya pö‑ ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: ꞊Flümɛ ‑nu 'wo ‑kë 'niisɔngkunmɛ ‑nu 'ka bha waa‑ ‑zuadhe ‑nu ‑wo ‑dho ‑da Atanna ‑gɔ ‑gblüdëdhɛ 'gü ka "dhiʋ̈.

Matiö 21:43

'Yö‑ pö‑ ‑nu ‑dhɛ 'zü 'ö‑ pö: «Yö ꞊në ‑wɔn 'gü 'yö 'a‑ pö ka ‑dhɛ ꞊dhɛ: Atanna ‑dho ö ‑bha ‑gblüdëdhɛ bha‑ 'sü (Zuifö ‑nu) ka ‑gɔ 'ö‑ nu mɛ "wɛɛ ‑nu 'wo ꞊mɔɔ‑ ‑bha 'wo‑ ꞊trɔɔn ‑së ‑kë ‑a ‑dhɛ bha‑ ‑nu ‑dhɛ.

Matiö 23:13

꞊Dhɛ 'ö ꞊ya kë "dhʋ̈ 'yö Yesu ‑ya pö Zuifö ‑nu ‑bha 'tɔnggɔmɛ ‑nu waa‑ Fadhiziɛn ‑nu ‑dhɛ 'ö‑ pö: «'Tɔnggɔmɛ ‑nu kaa‑ Fadhiziɛn ‑nu, ka ‑bha ‑yö ‑wëësü, ꞊flümɛ ‑nu! ‑A ‑gɛn ‑mü ꞊dhɛ ka Atanna ‑bha ‑gblüdëdhɛ "dhiʋ̈ ꞊në‑ ta mɛ ‑nu ‑gɔ. Kaa ꞊dede 'kaa "wɩ‑ ‑bha kö ‑yö kë kaa‑ ‑gblüdë 'ka, "kɛɛ 'sa 'kaa "wɩ‑ ‑bha kö‑ ‑dhɔ 'dhö 'mɛ 'kö‑ ‑nu ‑bha ‑yö kë‑ ‑nu ‑bha ‑gblüdë 'ka.

Matiö 3:2

'ö‑ pö: «‑Ka ka kwaa‑ ka kë ‑sɔng yaya ‑nu ‑zü kö 'ka ka zuë" slëë‑ Atanna "piʋ̈, ‑a ‑gɛn ‑mü ꞊dhɛ ‑a ‑bha ‑gblüdëdhɛ ꞊ya ꞊yɔɔn ka "sɔɔ!»

Matiö 4:17

Yesu ‑yö ö ‑bha 'wɔn ‑taɔng ‑së pö ‑sü 'zü ‑bho "tʋ̈ng bha ꞊në‑ 'gü 'yö‑ pö: «‑Ka ka zuë" slëë‑ Atanna "piʋ̈, ‑a ‑gɛn ‑mü ꞊dhɛ ‑a ‑bha ‑gblüdëdhɛ ꞊ya ꞊tëng ka ‑ta!»

Makö 6:12

꞊Dhɛ 'ö ö bo ‑wʋ ‑kpɔ ‑a ‑nu ‑bha ‑sü 'ka ꞊dhɛ ‑kɔ bha‑ 'dhö, 'yö 'wo dho, 'yö 'wo Atanna ‑bha naɔ bha‑ dɔ ‑dhɛ ꞊gban "pɛpɛ 'gü ꞊dhɛ ‑wo wo bo wo kë ‑sɔng yaa ‑nu 'ka kö ‑wo bɔ Atanna 'ka.

Dhukö 16:16

꞊Ya 'go mü ‑a ‑bha 'tɔng‑ ‑nu 'ö Moizö ‑ya ‑bɛn zë yi 'bha 'ka bha waa‑ ‑wʋdhiʋ̈loomɛ ‑nu ‑a ‑nu ‑bha "tʋ̈ng ꞊në gun ‑blɛɛsü kö Zan 'yii bhɔ ꞊kö. (Kë "dhʋ̈ kö ‑yö Atanna ‑dhidhɛwɔn kë ‑kɔ ‑gleng ‑da Izraɛdhö ‑mɛ ‑nu ‑bha), "kɛɛ 'ö go Zan bhɔ ‑sü ‑bha 'ö nu 'ö zun‑ 'ka ꞊dɛɛ bha, ꞊naɔ ‑së 'ö ‑gban Atanna ‑bha ‑gblüdëdhɛ ‑bha ꞊në 'yi‑ pö sië. Mɛ ꞊gban ‑wo wo 'gü dɔ sië "gbɩɩ‑ yö ꞊në‑ ‑wɔn 'gü 'yö 'wo ‑kplakpla zë sië kö 'wo ‑da mü bha.

Dhukö 9:2

꞊Dhɛ 'ö ꞊yaa‑ kë "dhʋ̈, 'yö dho 'yö‑ ‑nu bɔ Atanna ‑bha ‑gblüdëdhɛ ‑dhiang zë ‑dhɛ 'gü mɛ ‑nu ‑dhɛ, kö ꞊wa 'dho ‑wo "yuëdhi ‑nu dha.

Dhukö 9:6

꞊Dhɛ 'ö ꞊ya ö bo ö ‑wʋ ‑kpɔ ‑a ‑nu ‑bha ‑sü 'ka ꞊dhɛ ‑kɔ bha‑ 'dhö, 'yö 'wo dho 'wo ‑da 'pö‑ ‑nu ‑bhiëë "piʋ̈, Atanna ‑bha ‑gblüdëdhɛ ‑wɔn ‑dhiang zë ‑sü 'ka, kö ‑wo "yua ‑nu bho sië mɛ ‑nu ‑bha.

Dhukö 9:60

"Kɛɛ 'yö Yesu ‑ya ‑yɔ bɔ‑ ‑gɔ 'pö 'ö‑ pö: «‑Bhö i kwaa‑ 'mɛ Atanna ‑ya ‑nu sü ꞊dhɛ mɛ ꞊gee 'dhö bha‑ ‑nu ‑zü kö ‑wo wo 'ko ‑nu ‑wɛɛ bho, bhi ‑zë, ‑bhö 'dho Atanna ‑bha ‑gblüdëdhɛ ‑wɔn ‑dhiang zë mɛ ‑nu ‑dhɛ.»

Naɔ ‑së 'ö ‑gban Yesu Klisi ‑bha 'ö Zan ‑ya pö 3:2

'yö nu Yesu "piʋ̈ gbeng, 'yö‑ pö‑ ‑dhɛ: «N Dëmɛ, yi‑ 'wɔn ‑dɔ ꞊dhɛ Atanna ꞊në i bɔ kö 'i mɛ "bhɩɩ‑ ‑nu draan‑; ‑a ‑gɛn ‑mü ꞊dhɛ "dhabhliwɔn suu ‑nu 'i‑ ‑kë sië ya mɛ 'bha ‑kɔ 'yaa ꞊mɔɔ‑ ‑bha kö ‑ya kë kö Atanna 'yaa‑ ‑mɛ "piʋ̈.»

Këwɔn ‑nu 10:25

꞊Dhɛ 'ö Kɔɔnɛi ꞊ya Piɛdhö yö kö ‑yö ‑da sië 'kɔɔdhö, 'yö dho‑ ‑gɔ zian‑, 'yö "gblëënu‑ ꞊wlöö.

Këwɔn ‑nu 28:31

'Yö Atanna ‑bha ‑gblüdëdhɛ ‑wɔn ‑dhiang zë‑ ‑nu ‑dhɛ, 'yö 'wɔn 'ö ‑gban kwa Dëmɛ Yesu Klisi ‑wɔn ‑bha bha 'ö mɛ ꞊draan‑ ‑bha ‑zʋgbandhe waa‑ ‑pʋtaasü 'ka.

Këwɔn ‑nu 4:2

Yesu ‑bha bɔmɛ ‑nu ‑bha "sɛgümɛ ‑nu draan‑ ‑wɔn bha 'yii dhi‑ ‑nu ‑dhɛ, ‑a ‑gɛn ‑mü ꞊dhɛ ‑wa ‑pö "sɛgümɛ ‑nu ‑dhɛ ꞊dhɛ Yesu ‑yö ‑go ga 'gü kö ‑ya ‑zɔn ꞊dhɛ 'mɛ ꞊wa ga ‑wo ‑mɔɔ ‑bha kö ‑wo 'go ga 'gü.