Matiö 10:3 - NAƆ ‑SË 'SËËDHƐ

³ 'Yö Fidhipö, Batedhemi, Toma, Matiö 'ö ‑kë 'niisɔngkunmɛ 'ka, 'yö Zakö 'ö ‑kë 'pö Adhöfe gbö 'ka, 'yö Tade,

Matiö 10:3 ပူးပေါင်းရင်းမြစ်များ

Matiö 18:17

꞊Ya kë 'zü ꞊dhɛ 'yii "wɩ mɛ ‑yaaga bha ka ‑wʋ ‑bha, ‑bhö Atanna ‑bha mɛ ‑nu ꞊loo 'ko ‑ta kö 'i‑ ‑da ‑nu ‑dhɛ. ꞊Ya kë ꞊dhɛ 'yii ö "tʋ 'to mɛ 'wo bha‑ ‑nu ‑wʋ ‑bha tongtongdhö, ‑bhö ‑a ‑ga ꞊taamasü 'gü ꞊dhɛ 'mɛ 'yaa Atanna dɔ ꞊në‑ 'dhö.»

Matiö 27:56

Madhi 'ö go Madadha bha waa‑ Madhi 'dhɛ 'ö ‑kë Zakö waa‑ Zosɛfu ‑a ‑nu dhe 'ka bha, waa‑ Zebede gbö ‑nu 'ö 'wo gun Yesu ꞊keng‑ bha‑ ‑nu dhe ‑nu ‑wo ‑gun dhong ‑nu bha‑ ‑nu kpö 'gü.

Matiö 9:9

꞊Dhɛ 'ö ꞊ya kë "dhʋ̈, 'yö Yesu ‑yö ziö 'ö dho. ‑A 'dho ‑sü 'ka 'yö ‑kpan gɔndë do 'wo‑ ‑dhɛ Matiö ‑a ‑bha kö ‑yö ‑ya sië 'nii‑ sɔng ‑bho 'gü ‑kɔ 'gü 'yö‑ pö‑ ‑dhɛ: «‑Bhö nu kö 'i ‑da n ꞊keng‑!» 'Yö Matiö ‑yö ꞊wlü 'yö ‑ziö ꞊keng‑.

Makö 15:40

'Ö gun "dhʋ̈ 'pö kö dhong ‑nu kpö 'bha bha ‑wo dɔ sië ꞊gblɛɛn 'wo‑ ‑dhɛ ‑ga. Dhong ‑nu 'wo gun ‑dhɛ ‑ga sië "dhʋ̈ bha, Madhi 'ö go Madadha oo, Madhi 'dhɛ 'ö ‑kë Zakö sɛɛnnë waa‑ Zoze ‑a ‑nu dhe 'ka bha waa‑ Sadhome ‑wo ‑gun ‑nu kpö 'gü.

Makö 2:14

꞊Dhɛ 'ö ziö sië, 'yö Dhevi 'ö ‑kë Adhöfe gbö 'ka bha‑ yö kö ‑yö ‑ya ‑sü 'ka 'nii‑ sɔng bho‑ 'gü ‑kɔ 'gü, 'yö‑ pö‑ ‑dhɛ: «‑Bhö nu kö 'kwa 'dho!» 'Yö Dhevi ‑yö ꞊wlü 'ö ‑ziö ꞊keng‑.

Makö 3:18

'yö Andre, 'yö Fidhipö, 'yö Batedhemi, 'yö Matiö, 'yö Toma, 'yö Adhöfe gbö Zakö, 'yö Tade, 'yö Simɔ 'ö go "sɛ ‑ta ‑ko zë ‑mɛ ‑nu suu 'gü,

Dhukö 18:10

«Yi do 'ka, 'yö mɛ ꞊plɛ 'wo ꞊wlü 'wo dho ‑bhɛa Atanna ‑dhɛ ‑dhɛ 'gü ‑a ‑dhɔkëgükɔ 'gü. Mɛ ꞊plɛ 'wo "dhʋ̈ bha‑ mɛ do ‑gun Fadhiziɛn 'ka. 'Yö‑ mɛ do‑ gun 'niisɔngkunmɛ 'ka.

Dhukö 18:11

꞊Dhɛ 'ö ꞊wa 'dho ꞊wa ‑da 'kɔɔdhö, 'yö‑ Fadhiziɛn mi ‑sü ‑yö dɔ "pɛan do "piʋ̈, 'yö zun ‑bhɛa Atanna ‑dhɛ ‑sü ‑bha 'ö‑ pö: «'Aa, n Dë Atanna, 'ma i nuɛ" bho ꞊dedewo, "wɩ 'ö bhii‑ wo‑ ‑bha kö 'a kë ꞊kwaanmɛ 'ka, "ɛɛn kö 'a kë 'wɔnyaakëmɛ "ɛɛn ‑zuazëmɛ 'ka ꞊dhɛ mɛ ‑kpɛa 'wo to‑ ‑nu 'dhö, "ɛɛn 'zü kö 'maa ꞊dhɛ 'niisɔngkunmɛ 'ö dɔ ya‑ 'dhö bha‑ ‑wɔn 'gü;

Dhukö 18:13

Kö 'niisɔngkunmɛ 'kö bha ‑yö dɔ sië "pɛan "wɛɛ "piʋ̈, kö 'yaa ꞊mɔɔ ‑zian wo‑ ‑bha kö ‑yö ö "yan "dhiʋ̈ "wlü dhang‑ 'gü. "kɛɛ kö ‑yö ö ‑kɔ ‑ya sië ö ‑kuu 'gü 'ö‑ pö: «'Aaa, n Dë Atanna, ‑bhö i zuë" kë ‑sɛa n "piʋ̈ kö 'i n ‑mawɔn 'to ‑dhe, 'wɔnyaakëmɛ ‑mü n 'ka ‑wa.»

Dhukö 19:2

'Ö "dhʋ̈ bha kö gɔndënë do 'bha 'ö ‑kë ꞊naɔmɛ 'ka, "kɛɛ 'ö ‑kë 'niisɔngkunmɛ ‑gɔmɛ 'ka 'wo‑ ‑dhɛ Zase bha ‑ya "slë mɔɔ‑ sië kö 'ö Yesu dɔ.

Dhukö 5:27

꞊Dhɛ 'ö 'wɔn bha ꞊ya kë "dhʋ̈, 'yö Yesu ‑yö zun "kpɛnng 'yö dho. ꞊Dhɛ 'ö ꞊ya 'dho ꞊ya ꞊loo ‑dhɛ 'bha bha‑ 'gü, 'yö ‑kpan 'niisɔngkunmɛ do 'bha 'wo‑ ‑dhɛ Dhevi bha‑ ‑bha kö ‑yö ‑ya sië 'nii‑ sɔng ‑kun 'gü ‑kɔ 'gü. ꞊Dhɛ 'ö ꞊yaa‑ yö 'yö‑ pö‑ ‑dhɛ: «Dhevi, nu 'kii ‑da n ꞊keng‑!»

Naɔ ‑së 'ö ‑gban Yesu Klisi ‑bha 'ö Zan ‑ya pö 1:48

'Yö Natanaɛɛ ‑ya dhɛɛ" kpɔ 'ö‑ pö: «I n dɔ ‑kɔ ‑kë ꞊dhɛ?» 'Yö Yesu ‑ya pö‑ ‑dhɛ: «"Sanni Fidhipö ‑yö i ‑dhɛ, "tʋ̈ng 'i gun ‑ya sië‑ 'ka figö ‑dhü ꞊wlöö bha kö n "yan ‑yö i ‑bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 11:16

꞊Dhɛ 'ö‑ pö "dhʋ̈, ‑a ‑bha ꞊klangdhiʋ̈ 'dhɛ 'wo‑ ‑dhɛ Toma 'wo‑ 'tɔ ‑ya ‑ta ‑dhɛ 'peng‑ bha 'yö‑ pö: «꞊Dhɛ 'ö "dhʋ̈ kö mɛ ꞊gban ‑ka ‑kwa 'dho kö 'wo dho kwa Dëmɛ zë ‑dhɛ 'ö‑ 'gü kö ‑wo mɛ ꞊gban kwa zë mü do!»

Naɔ ‑së 'ö ‑gban Yesu Klisi ‑bha 'ö Zan ‑ya pö 14:22

꞊Dhɛ 'ö ꞊yaa‑ pö "dhʋ̈ 'yö Zudë ‑ya pö‑ ‑dhɛ: «N Dëmɛ, ‑yö kë ‑kɔ ‑kë ꞊dhɛ 'yö 'i‑ pö i ‑dho i ‑dɩ ‑zɔn yi ‑zë yi ‑dhɛ "kɛɛ 'bhii 'dho i ‑dɩ ‑zɔn "kpʋngtaamɛ ‑nu ‑zë ‑a ‑nu ‑dhɛ?» Zudë 'dhɛ 'ö dhɛɛ" kpɔ "dhʋ̈ bha ‑yö ‑dɩ ‑ta 'yö Zuda Isikadhiɔtö ‑dɩ 'pö 'ö ‑dɩ ‑ta.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:5

꞊Dhɛ 'ö ꞊yaa‑ pö "dhʋ̈ 'yö Toma ‑ya pö‑ ‑dhɛ: «N Dëmɛ, ‑dhɛ 'i 'dho sië‑ ‑bha 'ö 'yaa‑ dɔ ‑zianwo bha yi ‑dho ‑a zian ‑zë dɔ ‑kɔ kë ꞊dhɛ?»

Naɔ ‑së 'ö ‑gban Yesu Klisi ‑bha 'ö Zan ‑ya pö 14:9

'Yö Yesu ‑ya ‑yɔ bɔ‑ ‑gɔ 'ö‑ pö: «Fidhipö, bhi 'ö ka ‑da n ꞊keng‑ ‑yi "sinma ꞊ya ꞊gwëë ya 'bhii n dɔ ꞊kö, i ‑tun pö ‑deewo ꞊dhɛ 'a n Dë ‑zɔn i ‑dhɛ ‑ee? ‑Dhɛ ‑ga, 'mɛ 'bha n yö kö 'bha n Dë yö. 'Bha 'dho‑ pö 'zü ‑deewo ꞊dhɛ «‑bhö i Dë ‑zɔn yi ‑dhɛ».

Këwɔn ‑nu 1:13

꞊Dhɛ 'ö ꞊wa ‑loo Zedhizadhɛmö, 'yö 'wo dho 'kɔdhi 'wo gun‑ 'gü 'kɔ ‑ta "dhʋ̈ng 'gü bha‑ 'gü. 'Mɛ 'wo gun mü bha ‑wa mɛ do ‑dhɛ Piɛdhö, 'yö 'wo‑ mɛ do 'bha ‑dhɛ Zan, 'yö Zakö, Andre, Fidhipö, Toma, Batedhemi, Matiö, Zakö 'ö ‑kë Adhöfe gbö 'ka, 'yö Simɔ, 'wo‑ 'tɔ kpɔ 'wo‑ ‑dhɛ "yangüsiʋ̈mɛ bha waa‑ Zudë 'ö ‑kë Zakö gbö 'ka 'pö.

Këwɔn ‑nu 12:17

"Kɛɛ ꞊dhɛ 'ö ‑kë "dhʋ̈, 'yö Piɛdhö ‑yö ö ‑kɔ "paa 'gü zë‑ ‑nu ‑dhɛ kö ‑wo wo "dhi ta, 'yö ‑kɔ 'ö kwa Dëmɛ ‑ya bho‑ 'ka ‑kaso 'gü 'yö‑ ‑gɛn dɔ‑ ‑nu ‑dhɛ kö ‑wa ‑gɛn dɔ Zakö waa‑ 'dhang ‑bho Yesu "dhiʋ̈ ‑mɛ ‑nu 'wo to ‑a ‑nu ‑dhɛ 'pö, 'yö zun "kpɛnng 'yö dho zian "wɛɛ 'ka.

Këwɔn ‑nu 15:13

꞊Dhɛ 'ö ꞊wa bo 'wɔn ‑nu bha‑ ‑nu ‑gɛn bho ‑sü 'ka 'yö Zakö ‑ya pö: «N dheebhang ‑nu, ‑ka ka "tʋ 'to n ‑ta!

Këwɔn ‑nu 21:18

꞊Dhɛ 'ö ‑dhɛ ꞊ya ꞊kpaɔ, 'yö yaa‑ Pɔdhö ‑nu 'yi dho Zakö ‑gɔ 'kɔɔdhö, 'yö mɛ zizi ‑nu 'wo Yesu ‑bha 'ka Zedhizadhɛmö 'wo nu 'wo ‑kpan yi ‑bha mü.

Gadhatö 1:19

"Kɛɛ ‑dhɛkpaɔyi ‑zian 'a‑ ‑kë mü "dhʋ̈ bha 'mii kwa Dëmɛ ‑bha bɔmɛ ‑nu bha‑ 'bha yö, kö 'yii kë‑ 'zlaa‑ Zakö ‑zë 'ka.

Gadhatö 2:9

꞊Dhɛ 'ö ꞊waa‑ 'wɔn dɔ ꞊dhɛ Atanna yöö ꞊dede ꞊në ‑gasitɛ bha‑ ‑kë n ‑dhɛ, Zakö waa‑ Piɛdhö waa‑ Zan 'wo ꞊dhɛ ꞊kaɔ 'ö ‑ya ‑sü 'ka ‑a ‑bha mɛ ‑nu 'wo Zedhizadhɛmö ‑a ‑nu ‑gɔ ‑a 'dhö bha, ‑wo wo ‑kɔ ꞊në‑ ‑da yaa‑ Baanabasö yi ꞊kwɛng, 'yö yi ‑wʋ ‑yö ‑kë do ‑a ‑bha yë bha‑ kë ‑sü 'gü ꞊dhɛ: yi ‑zë 'yi 'dho yi ‑bha 'ka 'mɛ 'waa Zuifö 'ka‑ ‑nu kpö 'gü, kö wo ‑zë 'wo 'to wo ‑bha 'ka Zuifö ‑nu kpö 'gü.

Zakö 1:1

Mang Zakö ‑mɛ 'a ‑kë Atanna waa‑ kwa Dëmɛ Yesu Klisi ‑a ‑nu ‑bha gwëëmi 'ka bha, ma ꞊në 'a 'sëëdhɛ ya‑ bɔ ‑a ‑bha mɛ ‑nu "pɛpɛ 'ka ‑pɛn ‑sü 'ka "kpʋngtaadhɛ ꞊gban ‑dhɛ ꞊gban 'gü bha ka ‑dhɛ. 'Ma mɛ ꞊gban "pɛpɛ ka ꞊tua bho, 'ma ka ꞊tua bho 'gbɛ.

Zudë 1:1

Mang Zudë ‑mɛ 'a ‑kë yë ‑kë Yesu Klisi ‑dhɛ ‑mɛ 'ka, 'ö 'a ‑kë Zakö 'zlaa‑ 'ka bha ma ꞊në 'a 'sëëdhɛ ya‑ bɔ mɛ "pɛpɛ 'ö ka ‑dhɔ ‑yö kwa Dë Atanna ‑kë, 'ö ka ‑dhɛ kö 'ka kë ö ‑bha mɛ 'ka, 'ö ka ‑maa kë sië Yesu Klisi ‑dhɛ bha ka ‑dhɛ.