Matiö 1:2 - NAƆ ‑SË 'SËËDHƐ

² Ablaamö bha ꞊në Izaakö kpɔ, 'yö Izaakö ‑yö Zakɔbö kpɔ, 'yö Zakɔbö ‑dɩ 'pö 'ö Zuda waa‑ ö dheebhang ‑nu ‑a ‑nu kpɔ.

Matiö 1:2 ပူးပေါင်းရင်းမြစ်များ

Matiö 1:1

Yesu 'ö Atanna ‑ya ‑ya Mɛdhamɛ 'ka bha‑ "bhɛma ‑nu 'tɔ ‑bhiëë ꞊nɛ: 'Mɛ 'wo ‑gban Ablaamö bha 'ö dho 'ö zun‑ 'ka Davi ‑bha, 'ö go Davi ‑bha 'ö dho 'ö zun Yesu ‑bha. ‑A ‑mɛ "gblʋ̈gblʋ̈ ‑wo ꞊plɛ, wo ꞊në‑ 'wo Ablaamö waa‑ Davi ‑a ‑nu 'ka.

Matiö 1:3

꞊Dhɛ 'ö Zuda ꞊ya Fadhɛzö waa‑ Zedha ‑a ‑nu kpɔ, ‑a ‑nu dhe 'wo‑ ‑dhɛ Tama bha‑ "dhiʋ̈, 'yö Fadhɛzö ‑dɩ 'pö 'ö Eslɔɔmö kpɔ, 'yö Eslɔɔmö ‑yö Adhamö kpɔ,

Këwɔn ‑nu 7:8

'Yö Etiɛnö ‑yö dhiang zë 'ö dho‑ 'ka ö "dhiʋ̈ 'ö‑ pö: «꞊Dhɛ 'ö ꞊ya kë "dhʋ̈ 'yö Atanna ‑yö ‑mlɛɛ ‑kë Ablaamö 'ka, 'yö‑ daɔdɔpë ‑kë ‑dho 'gbannë 'gü ‑sü 'ka (kö ‑ya ‑zɔn ꞊dhɛ wo ꞊në 'wo ö ‑bha 'ka). 'Yö Ablaamö ‑yö ö gbö Izaakö kpɔ, 'yö‑ ‑kë 'gbannë 'ka kö ꞊ya bhɔ kö‑ ‑dhɛkpaɔyi ꞊ya kë "saaga. 'Yö Izaakö ‑dɩ 'pö 'ö ö gbö Zakɔbö ‑kë 'pö 'gbannë 'ka ‑kɔ do bha‑ 'gü. 'Yö Zakɔbö ‑dɩ 'pö 'ö ö bhang ‑nu ‑kaɔng do ga ꞊plɛ 'wo ‑kë kwa "bhɛma ‑wɔngbɩɩsü 'ka bha‑ ‑nu ‑kë 'gbannë 'ka 'pö ‑kɔ do bha‑ 'gü.

Eblö 11:11

‑Zʋ ‑yö Atanna ‑dhɛ ‑sü 'ö "dhʋ̈ bha ꞊në‑ ‑kë, 'yö‑ ‑bha kë zii ‑sü kö 'yaa ꞊mɔɔ‑ ‑bha kö ‑yö 'në 'kpɔ 'zü ‑sü ꞊gban waa‑ ‑bha ‑bha, 'yö Atanna ‑yö waa‑ ‑bha dhebhɔ Saadha ‑a ‑nu ‑kë 'në 'kpɔmɛ 'ka. ‑A ‑gɛn ‑mü ꞊dhɛ 'ö gun "dhʋ̈ kö‑ 'dhang bho ‑sü ‑ya "dhiʋ̈ 'kpakpadhö ꞊dhɛ ꞊ya 'wɔn "ʋʋ 'wɔn 'kö‑ "kan ö "dhi 'ka, 'yaa 'to‑ 'gü tongtongdhö.

Eblö 7:14

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ ꞊gban ‑mɛ ꞊gban ‑wa 'wɔn dɔ ꞊dhɛ ‑yö ‑bhɔ Zuda suu ꞊në‑ 'gü. 'Sa 'mɛ 'kö 'wo bha ‑dhɛ 'bha 'kö mɛ yöö‑ yö 'sëëdhɛ 'ö Moizö ‑ya ‑bɛn zë bha‑ 'gü ꞊dhɛ ‑wo ‑gun "saabhomɛ 'ka 'yaa 'dhö.

‑Dhɛkpaɔ 7:5

‑A mɛ "gblü ‑kaɔng do ga ꞊plɛ‑ ‑go Zuda ‑kɔdhi 'gü, 'yö‑ ‑kaɔng do ga ꞊plɛ ‑yö go Dhubɛn ‑gɔ 'kɔɔdhö, 'yö‑ mɛ "gblü ‑kaɔng do ga ꞊plɛ 'bha ‑yö go Gadö ‑kɔ 'gü,