Naɔ ‑së 'ö ‑gban Yesu Klisi ‑bha 'ö Zan ‑ya pö 7:7 - NAƆ ‑SË 'SËËDHƐ

⁷ ‑A ‑gɛn ‑mü ꞊dhɛ ka ‑zë ka ‑san 'yaa "kpʋngtaamɛ ‑nu kë, "kɛɛ ma ‑zë n ‑san ‑ya ‑nu ‑kë, ‑a 'klɔɔ‑ ‑mü ꞊dhɛ 'ma "dhɛ bho‑ ‑nu ‑ta, a‑ pö‑ ‑nu këwɔn ‑yö 'ya‑.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:7 ပူးပေါင်းရင်းမြစ်များ

Dhukö 6:26

'Mɛ 'ö mɛ ꞊gban "pɛpɛ 'wo ka ‑dhiang ‑së zë sië bha, ka ‑bha ‑yö ‑wëësü, ‑a ‑gɛn ‑mü ꞊dhɛ ‑a ‑nu "bhɛma ‑nu kë ‑gleng do bha ꞊në‑ ‑kë Atanna ‑wʋ ꞊kwaanmɛ ‑nu ‑gɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 17:14

I ‑wʋ bha ꞊në 'a‑ "dhiʋ̈ ꞊loo‑ ‑nu ‑bha 'yö 'wo 'dhang bho‑ "dhiʋ̈ 'yö‑ ‑nu ‑san 'dhö "kpʋngtaamɛ ‑nu ‑kë, ꞊Dhɛ 'ö ‑kë ꞊dhɛ yaa "kpʋngtaamɛ ‑nu 'yaa do, 'ö woo ‑dɩ 'pö 'waa ꞊dhɛ ‑a ‑nu 'dhö 'zü bha‑ ‑wɔn 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 3:19

Za kë mɛ ‑bha ‑gɛn ‑mü ‑më 'ka? ‑A ‑gɛn ‑mü ꞊dhɛ (Atanna Gbö 'ö ‑kë) ‑dhɛpuudhɛ 'ka bha ꞊ya nu "kpʋng ꞊taa, "kɛɛ mɛ "bhɩɩ‑ ‑nu këwɔn 'bha 'yaa kë 'ö‑ wo ‑së bha, 'yö 'wo wo ‑to ‑dhɛ tii 'gü ‑sü fië‑ bho ‑dhɛ ‑pʋ wo ‑ta ‑sü ‑bha.

Wlɔmö 8:7

‑A ‑gɛn ‑mü ꞊dhɛ mɛ "pɛpɛ 'wo ‑ya 'pë 'ö‑ ‑dhɔ ‑ya ‑nu ‑kë ‑a kë ‑sü zuën ‑ta bha, Atanna 'yaɔ‑ ‑mü ‑a ‑nu 'ka, 'waa‑ ‑bha 'tɔng‑ ꞊bhlëë ‑ya, 'waa ꞊mɔɔ ‑zian ꞊në‑ wo‑ ‑bha.

Gadhatö 4:16

"Ɛɛn tɛanwɔn 'a‑ pö ka ‑dhɛ bha‑ ‑wɔn 'gü, 'ma kë ka 'yaɔ‑ 'ka ꞊dɛɛ ‑ee?

Zakö 4:4

'Mɛ 'kaa 'to ‑kplü ‑sü 'ka Atanna ‑bha ‑ya! 'Yaa ka 'gü ꞊dhɛ zuë" ‑bhɔ "kpʋngtaapë ‑nu ‑bha ‑sü bha ‑da 'yaɔdhɛ 'gü Atanna ‑bha ‑sü ‑mü ‑ee? ‑Yö kë ka "yaan ꞊dhɛ mɛ "ʋʋ mɛ 'ö‑ "piʋ̈ ꞊dhɛ ö ‑dhɔ ‑yö "kpʋngtaamɛ ‑nu kë, "ɛɛn 'ö ‑kplü "kpʋngtaapë ‑nu ‑bha bha kö ‑yö ö ‑dɩ ‑siö ꞊në‑ wo sië Atanna ‑dhɛ bha.

1 Zan 4:5

'Mɛ 'wo "dhʋ̈ bha 'mɛ 'waa Atanna dɔ ‑wo wo "tʋ ‑to wo ‑zë ‑a ‑nu ‑wʋ ‑bha. ‑A ‑gɛn ‑mü ꞊dhɛ ꞊zinng 'yaa wɛng‑ ‑nu ‑a ‑nu ꞊zinng 'gü, ‑wo dhiang ‑zë ꞊dhɛ ‑kɔ 'ö woo ‑dɩ 'pö 'wo‑ zë‑ 'ka ꞊në‑ 'dhö. ‑A ‑nu "tʋ ‑to ‑a ‑nu ‑wʋ ‑bha ‑gɛn ꞊në bha.