Naɔ ‑së 'ö ‑gban Yesu Klisi ‑bha 'ö Zan ‑ya pö 7:3 - NAƆ ‑SË 'SËËDHƐ

³ 'Yö Yesu dheebhang ‑nu 'wo‑ pö‑ ‑dhɛ 'wo‑ pö: «‑Bhö 'dho Zude ‑sɛ 'gü 'pö kö i ‑bha ꞊klang ‑nu 'dhɛ 'wo mü ‑wo 'wɔn ‑nu 'i‑ kë sië ya‑ ‑dhɛ yö ‑dhe;

Naɔ ‑së 'ö ‑gban Yesu Klisi ‑bha 'ö Zan ‑ya pö 7:3 ပူးပေါင်းရင်းမြစ်များ

Matiö 12:46

Yesu ‑yö ‑to dhiang zë ‑dhɛ 'gü mɛ kpö bha‑ ‑nu ‑dhɛ, 'yö‑ dhe waa‑ dheebhang ‑nu 'wo nu. ‑Yö ‑gun ‑nu "piʋ̈ ꞊dhɛ 'wo dhiang zë‑ ‑dhɛ, "kɛɛ kö ‑wo dɔ sië 'kɔdhi "dhiʋ̈ "kpɛnng.

Makö 3:21

꞊Dhɛ 'ö‑ ‑bha mɛ ‑nu 'wo 'wɔn ‑nu 'ö‑ kë sië bha‑ ma, 'yö 'wo nu kö 'wo‑ 'kun kö 'wo 'dho‑ 'ka, ‑a ‑gɛn ‑mü ꞊dhɛ 'ö gun "dhʋ̈ kö wo ‑zë ‑wa pö sië pë ꞊në ꞊ya ‑da "yan 'gü.

Makö 3:31

‑Yö ‑to dhiang ‑nu bha‑ ‑nu zë ‑dhɛ 'gü, 'yö‑ dhe waa‑ dheebhang ‑nu 'wo nu, 'yö 'wo dɔ "kpɛnng 'wo mɛ bɔ‑ ‑dhɛ ‑dhɛ 'gü 'kɔɔdhö.

Dhukö 8:19

‑Yö ‑to ‑dhɛ bha‑ 'gü 'yö‑ dhe waa‑ dheebhang ‑nu 'wo nu‑ ꞊keng‑. "Kɛɛ ‑kɔ 'wo dho‑ kë‑ 'ka kö ‑wo ‑kpan ‑bha, 'wii‑ ‑kɔ yö mɛ "bhɩɩ‑ "dhaa 'wo gun‑ ꞊klëën ‑sü 'ka‑ ‑zü bha‑ ‑wɔn 'gü.

Dhukö 8:20

'Yö 'wo nu 'wo‑ pö Yesu ‑dhɛ: «I dhe waa‑ i dheebhang ‑nu ꞊wa nu, ‑wo "kpɛnngdhö, ‑wa "piʋ̈ ꞊dhɛ 'ka ka 'ko yö.»

Naɔ ‑së 'ö ‑gban Yesu Klisi ‑bha 'ö Zan ‑ya pö 6:60

꞊Dhɛ 'ö‑ ‑bha ꞊klangdhiʋ̈ ‑nu ꞊wa ‑wʋ bha‑ ma ꞊dhɛ ‑kɔ bha‑ 'dhö, 'yö‑ mɛ kpö 'bha 'wo‑ pö: «Dhiang 'dhɛ 'kö‑ zë ya, ꞊ya 'to yö ‑zë ‑bha kö ‑yö "gbɩɩ‑ "dhɛ! 'Dee dho ꞊mɔɔ yö ‑zë kë ‑sü ‑bha?»

Naɔ ‑së 'ö ‑gban Yesu Klisi ‑bha 'ö Zan ‑ya pö 6:66

꞊Dhɛ 'ö Yesu ꞊ya bo‑ ‑pö "dhʋ̈ ‑sü 'ka 'yö‑ ‑bha ꞊klang ‑nu bha‑ mɛ 'gbɛ 'wo wo ‑kɔ ꞊lɔɔ wo "piʋ̈, 'yö 'wo wo yee ‑kë ꞊keng‑.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:10

꞊Dhɛ 'ö‑ 'zlaabɔ ‑nu bha ꞊wa 'dho Atanna ‑dhɔkë ‑dhɛ 'gü troo bha‑ ‑ta, 'yö yöö ‑dɩ 'pö 'ö ꞊wlü ‑suɛɛdhö kö mɛ 'bha 'ya 'dho ö yö, 'yö dho.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:4

‑a ‑gɛn ‑mü ꞊dhɛ 'mɛ 'kö 'i‑ "piʋ̈ ꞊dhɛ ‑wo i dɔ, 'bhaa 'wɔn kë ‑gblɛn 'kpɔ 'gü. ꞊Dhɛ 'ö "dhʋ̈ ‑bhö 'dho kö 'wɔn ‑nu 'i‑ kë sië bha 'i‑ kë mɛ ꞊zinng 'gü kö mɛ ꞊gban ‑wo i dɔ.»

Naɔ ‑së 'ö ‑gban Yesu Klisi ‑bha 'ö Zan ‑ya pö 7:5

‑A pö 'ö‑ dheebhang ‑nu ‑wa wo "dhʋ̈ bha‑ ‑gɛn ‑mü ꞊dhɛ 'waa gun 'dhang bho sië‑ "dhiʋ̈.

Këwɔn ‑nu 2:14

'Yö Piɛdhö waa‑ Yesu ‑bha bɔmɛ ‑nu ‑kaɔng do ga do ‑kpɛa 'wo to bha 'wo ꞊wlü 'wo dɔ wo ‑gɛan 'mɛ 'wo bha‑ ‑nu wëëdhö, 'yö Piɛdhö ‑yö ö ‑wʋ "dhiʋ̈ ꞊wlü 'yö dhiang zë‑ ‑nu ‑dhɛ 'ö‑ pö: «'Mɛ 'ka Zuifö 'ka, 'ö 'ka Zedhizadhɛmö ‑pö ya‑ 'gü waa 'mɛ 'ka nu, ‑ka ka "tʋ 'to kö 'wɔn 'ö kë sië bha 'a‑ ‑gɛn pö ka ‑dhɛ.