Naɔ ‑së 'ö ‑gban Yesu Klisi ‑bha 'ö Zan ‑ya pö 5:3 - NAƆ ‑SË 'SËËDHƐ

³ ‑A "dhi "dhiʋ̈ ‑dhɛ ‑nu bha 'yö "yuëdhi ‑nu 'wo nu 'gbɛ 'ka ꞊dedewo 'wo ꞊loo 'ko ‑ta mü. "Yanwlümɛ ‑nu, ‑göngklöömɛ ‑nu, ꞊niɔɔmɛ ‑nu, ‑gɛnloomɛ ‑nu, 'yö‑ ‑nu ꞊gban "pɛpɛ 'wo nu ‑dhɛ bha‑ 'gü, ['yö 'wo ‑ya "yi ꞊gblü bha‑ ꞊bang "bang kë ‑sü ‑gɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 5:3 ပူးပေါင်းရင်းမြစ်များ

Matiö 15:30

'Yö ‑mɛ 'gbɛ ‑ta ‑gbɛ 'wo nu‑ "piʋ̈ woo‑ ‑ta 'bebedhö ‑mɛ ‑nu oo, "yanwlümɛ ‑nu oo, ꞊niɔɔmɛ ‑nu oo, "bhʋbhʋ ‑nu waa‑ "yuëdhi 'gbɛ ꞊dede 'ka, 'yö‑ ‑nu ꞊gban "pɛpɛ dha.

Matiö 4:24

'Yö‑ 'tɔ 'dhö ‑ya bhɔ ‑sü ‑bha Siidhi ‑sɛ 'gü ‑dhɛ ꞊gban "pɛpɛ 'gü, 'yö "yua suu "ʋʋ suu 'ö 'mɛ 'kö‑ ‑nu ‑bha "sɛ bha‑ 'gü 'ö sëë ‑zë bho sië, 'yö 'wo ‑ya nu ‑sü ‑bha ‑a ‑nu 'ka ‑a ‑dhɛ. "Yina yaa 'dhö 'mɛ ‑nu 'ö‑ ‑nu 'gü waa‑ glɔɔdhɛmɛ ‑nu waa‑ ‑gɛnloomɛ ‑nu, 'yö‑ ‑nu ꞊gban ‑kë "klʋ̈ʋ̈klʋ̈.

Dhukö 7:22

'Yö dhɛɛ" bha‑ ‑yɔ bɔ‑ ‑nu ‑gɔ 'ö‑ pö: «'Wɔn 'ö ka "yan ‑ya yö 'ö ka "tʋ ‑yö ‑da 'gü bha, ‑ka 'dho 'ka‑ ‑gɛn dɔ Zan ‑dhɛ kö 'ka‑ pö‑ ‑dhɛ ꞊dhɛ: «"Yanwlümɛ ‑nu ‑wo ‑dhɛ yö sië, 'ö ‑gɛnloomɛ ‑nu 'wo "ta sü, ꞊weeyuamɛ ‑nu ‑wo kë sië "klʋ̈ʋ̈klʋ̈, 'ö "tʋwlümɛ ‑nu 'wo 'wɔn ma, 'ö 'mɛ ꞊wa ga 'wo ‑bö sië, 'ö 'wo Atanna ‑bha naɔ ‑së bha‑ dɔ sië ‑wëëmɛ ‑nu ‑gɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 5:2

"Yi ꞊gblü 'kpikpi do 'bha ‑yö 'pödhɛ bha‑ 'gü 'ö dɔ sië "saan 'wo‑ ꞊klëën Atanna ‑dhɔkë ‑dhɛ ‑zü bha‑ "dhi 'dhɛ 'wo‑ ‑dhɛ "bhlaa ‑nu bɔdhɛ bha‑ "sɔɔ, 'ö 'wo‑ ‑dhɛ Eblö ‑wʋ 'gü Bɛsata. "Yi ꞊gblü 'ö "dhʋ̈ bha 'kɔ 'zaa‑ do 'bha‑ ‑gun dɔ sië‑ ‑ta 'ö‑ "dhi‑ gun "sɔɔdhu.

Naɔ ‑së 'ö ‑gban Yesu Klisi ‑bha 'ö Zan ‑ya pö 5:4

‑A ‑gɛn ‑mü ꞊dhɛ Atanna ‑bha "kië do 'bha‑ ‑gun nu sië 'mü ꞊siësië 'yö "yi bha‑ ꞊bang "bang ‑kë. 'Yö "yi bha 'ö ꞊bang "bang kë sië "tʋ̈ng 'ö‑ 'gü "dhʋ̈ bha, mɛ "ʋʋ mɛ 'ö "yua suu "ʋʋ suu 'ö ‑kë ‑bha, 'ö ‑pö "yi bha‑ ꞊bhaa ‑blɛɛsü, 'yö ‑kë "klʋ̈ʋ̈klʋ̈].

Zakö 5:7

"Kɛɛ 'mɛ 'ö ka ‑zë 'ka ‑ya ‑sü 'ka kwa Dëmɛ nu ‑sü ‑gɔ bha, ‑ka ka zuë" kë ‑sɛa, n dheebhang ‑nu. ‑Ka 'wɔn 'suan‑ bho 'kekëmɛ ‑nu ‑bha. ꞊Wa ‑mlü bɔ "bhlë 'kun ‑dha "yi 'ka, ‑wo wo zuë" kun wo ‑bha "dhʋ̈ "dhʋ̈ "dhʋ̈ 'ö dho 'ö zun‑ 'ka ‑mlü bha‑ ‑pë kë ‑yi ‑bha 'yö 'wo gun ‑na ‑a "kan.