Naɔ ‑së 'ö ‑gban Yesu Klisi ‑bha 'ö Zan ‑ya pö 3:3 - NAƆ ‑SË 'SËËDHƐ

³ ꞊Dhɛ 'ö ꞊yaa‑ pö "dhʋ̈, 'yö Yesu ‑ya pö‑ ‑dhɛ: «A‑ ‑pö i ‑dhɛ tɛan‑ ꞊dede 'ka ꞊dhɛ: Mɛ "ʋʋ mɛ 'ö 'bhii bhɔ ‑deewo, 'bhii 'dho ‑da Atanna ‑bha ‑gblüdëdhɛkëmɛ ‑nu ‑bhiëë 'gü.»

Naɔ ‑së 'ö ‑gban Yesu Klisi ‑bha 'ö Zan ‑ya pö 3:3 ပူးပေါင်းရင်းမြစ်များ

Matiö 16:17

꞊Dhɛ 'ö ꞊yaa‑ pö "dhʋ̈, 'yö Yesu ‑ya pö‑ ‑dhɛ: «Simɔ, Zan gbö, i ‑bha ‑së! ‑A ‑gɛn ‑mü ꞊dhɛ tɛanwɔn 'dhɛ 'kö 'i‑ pö bha 'yii 'go mɛbhɩɩdhe 'gü, n Dë Atanna 'ö ‑ya ‑sü 'ka dhang‑ 'gü bha ꞊në‑ ‑zɔn i ‑dhɛ.

Matiö 19:24

'Ö 'a‑ pö 'zü ka ‑dhɛ ꞊dhɛ: ‑Yɔɔnmɛa ‑bha bɔ ‑sɛdha ‑yɛ 'ka ‑dhɛ ‑yö 'ya‑, "kɛɛ ꞊naɔmɛ ‑nu ‑bha ‑da Atanna ‑bha ‑gblüdëdhɛ 'gü ‑sü ‑yö "gbɩɩ‑ 'ö ‑ziö ‑yɔɔnmɛa ‑bha ‑ziö ‑sɛdha ‑yɛ 'ka ‑sü ‑ta.»

Matiö 21:31

꞊Ya kë "dhʋ̈ kö mɛ ꞊plɛ bha‑ de ‑sü 'pö kë ö dë ‑wʋ ‑ya ꞊bhlëë 'gü?» 'Yö 'wo‑ pö‑ ‑dhɛ: «‑A mɛ ‑blɛɛsü.» 'Yö Yesu ‑ya pö‑ ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: ꞊Flümɛ ‑nu 'wo ‑kë 'niisɔngkunmɛ ‑nu 'ka bha waa‑ ‑zuadhe ‑nu ‑wo ‑dho ‑da Atanna ‑gɔ ‑gblüdëdhɛ 'gü ka "dhiʋ̈.

Matiö 5:18

A‑ ‑pö ka ‑dhɛ tɛan‑ ꞊dede 'ka ꞊dhɛ: "Sɛ waa‑ dhang‑ ‑zë 'wo ‑tun ꞊kö, 'tɔng‑ ‑nu bha‑ ga do 'yii 'dho 'go "gblʋʋ, aa" ꞊ni ‑a ꞊blün 'në ‑zian 'yii dho 'sü‑ ‑bha 'ö dho 'ö zun‑ 'ka pë "pɛpɛ ꞊gban "dhiʋ̈toyi ‑bha.

Makö 10:14

꞊Dhɛ 'ö Yesu ‑ya ‑dhɛ yö, 'yii dhi‑ ‑dhɛ, 'yö‑ pö ö ‑bha ꞊klang ‑nu ‑dhɛ: «'Ka 'dho 'në 'sɛɛnnë ‑nu kë n ‑bha, ‑kaa ‑nu 'to mü kö ‑wo nu n "piʋ̈, ‑a ‑gɛn ‑mü ꞊dhɛ Atanna ‑bha ‑gblüdëdhɛ bha ‑yö 'mɛ 'ö‑ ‑nu ‑bha 'wɔn 'gü ma ‑kɔ 'dhö ꞊dhɛ ‑a ‑nu 'dhö ꞊në‑ ‑nu ‑bha 'ka.»

Makö 9:47

I "yanga do ꞊ya kë i ‑da Atanna "dhiʋ̈ ‑pë 'ka, ‑bhö ‑a bho mü, ("tʋ̈ng 'ö 'yii i ‑da ꞊kö 'wɔn yaa 'gü bha‑ 'ka) i ‑da i "yanga do 'ka Atanna ‑bha ‑gblüdëdhɛpö 'gü ‑sü fië‑ ‑dhö i "yanga ꞊gban ꞊plɛ ‑to mü ‑sü 'ö 'i dho‑ 'ka ꞊geebɔɔ ‑pɛng 'gü,

Naɔ ‑së 'ö ‑gban Yesu Klisi ‑bha 'ö Zan ‑ya pö 1:13

"Kɛɛ ‑a ‑nu ‑bha ‑kë Atanna ‑bha 'në 'ka ‑kɔ ‑yö ‑dɩ ‑ta, 'yaa ꞊dhɛ mɛ "bhɩɩ‑ ‑nu ‑bha 'ö‑ ‑nu dë (waa‑ dhe) 'dhö ‑dhö bha‑ 'dhö; Atanna ꞊në‑ ‑nu gba ‑tosɛa ‑dee 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:5

Yö 'ö bha ꞊në‑ ‑kë 'yö 'mɛ 'wo ‑dhɛtiidhɛ 'gü 'wo ‑dhɛ yö, "kɛɛ 'yö 'wii 'dhang bho‑ "dhiʋ̈.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:51

'Yö‑ pö‑ ‑dhɛ 'bha wo 'zü 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ dhang‑ "dhi‑ ‑dho "pʋ 'ö 'ka‑ ‑dhɛ yö kö Atanna ‑bha "kië ‑nu ‑wo ‑da sië 'wo ꞊lɔɔ mang Mɛgbömɛ n ‑ta.»

Naɔ ‑së 'ö ‑gban Yesu Klisi ‑bha 'ö Zan ‑ya pö 12:40

꞊Yaa‑ ‑nu "yënng tröö, ꞊yaa‑ ‑nu gɔɔ kë "gbɩɩ‑, kë "dhʋ̈ kö‑ ‑nu "yan 'ya 'dho ‑dhɛ yö 'ö 'wo 'wɔn ‑nu ‑yaki dɔ 'ö 'wo wo zuë" ꞊slëë 'ö 'a‑ ‑nu dha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 3:4

'Yö Nikodɛmö ‑ya pö‑ ‑dhɛ: «Mɛ 'bha‑ ‑mɔɔ ‑bha 'ö bhɔ 'ö go mü 'zü ‑deewo 'ö ‑da ö dhe "gblʋ̈ʋ̈‑ ‑ee? "Ɛɛn 'bha‑ pö "dhʋ̈ kö i‑ ‑pö ꞊dhɛ?»

2 Kodhɛngtö 4:4

'Dhang 'ö 'waa‑ bho Klisi ‑wɔn "dhiʋ̈ bha‑ 'klɔɔ‑ ‑mü ꞊dhɛ Sɔtraan 'ö "kpʋng ꞊taa yö bha ꞊në wo ‑zë ‑a ‑nu ‑bha ‑zlan 'ka, 'yö ꞊yaa‑ ‑nu "gblüdhö ‑yan ꞊gban 'wü "pɛɛpɛdhö, kë "dhʋ̈ kö 'wa 'dho Atanna ‑bha naɔ ‑së 'yi‑ dɔ sië, 'ö yö ꞊në ꞊dhɛ ‑dhangbha 'dhö ‑dhɛtiidhɛ 'gü bha‑ yö. ‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'wɔntaɔngsë bha ꞊në 'mɛ ꞊ya 'dhang bho‑ "dhiʋ̈ 'yö‑ ‑mɛ ‑ta ‑yö ‑pʋ, 'yö Atanna ‑bha mɛdhɛ bha‑ 'bhü yö Klisi 'ö Atanna "blɛɛn‑ 'ka bha‑ ‑bha.

2 Kodhɛngtö 5:17

'Wɔn 'ö‑ ‑wɔn 'gü 'yö 'yi‑ pö 'yaa ꞊yɔɔ mɛ 'bha ‑bha 'zü bha‑ 'klɔɔ‑ ‑mü ꞊dhɛ mɛ "ʋʋ mɛ 'ö ꞊ya ‑kplu Klisi ‑bha, kö‑ ‑mɛ ꞊ya "gla, kö 'ö gun ‑kɔ 'ö‑ ‑bha ‑blɛɛsü bha 'yaa‑ ‑bha 'zü, kö Atanna ꞊yaa‑ ‑mɛ ‑da ‑deewo. Kö ‑tosɛa 'dhɛ 'ö‑ ‑mɛ ‑yö gun‑ kë sië ‑blɛɛsü bha ꞊ya ziö, kö‑ ‑mɛ ꞊ya ‑da ‑tosɛa ‑dee 'gü.

Gadhatö 6:15

‑A ‑kë "dhʋ̈ ‑sü bha‑ 'gü, ‑dho 'gbannë 'gü ‑sü oo, ‑to ‑kplëë 'ka ‑sü oo, ‑a ꞊gban ‑yö "wlaawɔn ꞊në‑ 'ka. 'Wɔn 'ö ꞊bhlëëwɔn 'ka yö ‑mü (‑tosɛa ‑kë Atanna ‑bha ‑zian ‑ta ‑sü kö 'i kë) ꞊dhɛ 'mɛ 'ö ꞊ya bhɔ ‑dee wo ꞊në‑ 'dhö bha ꞊në‑ 'ka.

Efɛzö 2:1

'Ö gun ‑blɛɛsü kö 'kii Yesu dɔ ꞊kö, 'wɔn yaa ꞊në 'ka gun‑ kë sië, 'ö ka Atanna ‑siödhɛwɔn ‑nu ‑kë. ‑A ‑wɔn 'gü ka ‑gun ‑gɔ ꞊dhɛ 'mɛ ꞊ya ga ꞊në‑ 'dhö.

Titö 3:5

'yö kwa dha, "kɛɛ 'sa kwa ‑wëë ꞊dede ꞊në‑ ‑kë 'yö kwa dha bha‑ wo, 'yii kë ꞊dhɛ ‑a dhɔɔbhaawɔn ꞊në 'kwa‑ ‑kë 'yö 'kwa dha‑ ‑wɔn 'gü; "kɛɛ kwa 'kpɔ ‑dee 'ö‑ wo, 'ö 'kwa‑ 'gü ‑zu bho bha, waa‑ ‑bha 'Nii‑ "slʋ̈ʋ̈slʋ̈ 'ö kwa "gla 'ö‑ wo kö 'kwa kë mɛ ‑dee 'ka bha ꞊në kë ‑sü 'ka kwa dha ‑kɔ ‑dee bha‑ 'ka.

Zakö 3:17

"Kɛɛ "yaaki 'dhɛ 'kö go Atanna "piʋ̈ dhang‑ 'gü bha yö ‑zë ‑yö ‑kë "slʋ̈ʋ̈slʋ̈ ꞊naa ꞊kö ‑blɛɛsü, 'ö pö 'aa kë‑ ‑bha, ꞊ya 'go mü 'yö ‑dhi 'ko ‑dhɛ ‑sü ꞊mɔɔ mɛ ꞊gban ‑mɛ ꞊gban "dhiʋ̈, 'yö mɛ ‑kë dhɔngdhɔngsü, 'yö mɛ "klʋ 'dhö ‑kë ‑së, 'yö mɛ ‑wëë ‑ga, 'yö mɛ ‑kë 'wɔnsëkëmɛ 'ka, ‑a ‑mɛ ‑yö tɛanwɔn ꞊në‑ pö, 'yaa bɔ mɛ 'ka ꞊flü ‑ta, "ɛɛn 'yaa kë "gblʋ̈ʋ̈dhɛ ꞊gblɛɛn mɛ 'ka.

1 Piɛdhö 1:3

Atanna 'ö kwa Dëmɛ Yesu Klisi Dë 'ka bha ‑ka ‑kwaa nuɛ" bho (꞊dedewo ‑sɔbhɛɛ 'gü)! ‑A ‑gɛn ‑mü ꞊dhɛ yö ꞊në ‑tosɛa ‑dee nu kwa ‑dhɛ ‑a ‑bha "klʋsëdhɛ ‑ziisü bha‑ 'gü, Yesu Klisi bho 'ö‑ wo ga 'gü 'ö ‑bö bha‑ 'saa‑ 'gü. 'Wɔn 'ö‑ ‑wɔn 'gü 'yö kwa zuë" ꞊nii 'dhö ꞊mɔɔ‑ ‑bha 'ö ‑da bha 'yö bha, ‑a 'klɔɔ‑ ‑mü ꞊dhɛ kwa 'dhang bho ‑sü ‑ya "dhiʋ̈ 'ö kwa "tʋ̈ng 'dhö‑ 'gü ꞊dhɛ ‑dhɛkpaɔ dhia" saan 'ö‑ ‑ya ‑sü 'ka ö ‑bha mɛ ‑nu ‑gɔ dhang‑ 'gü bha ‑yö kwa ‑bha 'ka 'pö. 'Sa kwa ‑dhɛkpaɔ dhia" saan 'ö "dhʋ̈ bha 'yaa "bu, "ɛɛn 'yaa ‑dhii 'kun, "ɛɛn ‑a "yan 'yaa ga tongtongdhö. Pë 'ö "dhʋ̈ bha Atanna ‑ya ‑ya 'mɛ 'ka bha ꞊në ka ‑dhɛ

1 Zan 2:29

Ka‑ 'wɔn ‑dɔ 'kpakpadhö ꞊dhɛ Klisi bha pö 'aa‑ ‑bha. ‑Kɔ do bha‑ 'gü, 'mɛ 'ö 'wɔn 'ö pö 'aa‑ ‑bha ‑a ‑kë bha, ‑yö kë ka "yaan ꞊dhɛ kö Atanna ‑bha 'në ꞊në bha.

1 Zan 3:9

Mɛ "ʋʋ mɛ 'ö‑ pö ö ‑dɩ ‑dhɛ ꞊dhɛ Atanna ‑bha 'në ‑mü ö 'ka, ‑yö ö bo ꞊në‑ wo 'wɔn yaa kë ‑sü 'ka, ‑a ‑gɛn ‑mü ꞊dhɛ kö 'gügbɩɩdhɛ 'ö ꞊sii 'ö Atanna ‑ya ‑da ‑a ‑mɛ 'gü bha‑ 'gü bha ‑ya ‑mɛ 'gü. ꞊Ya kë "dhʋ̈ ‑a ‑mɛ 'yaa ꞊mɔɔ‑ ‑bha kö ‑yö 'wɔn yaa kë ‑kpɛawo ‑yö 'dho‑ 'ka, ‑a ‑gɛn ‑mü ꞊dhɛ kö Atanna ꞊në‑ Dë 'ka.

1 Zan 5:1

A‑ ‑pö ka ‑dhɛ ꞊dhɛ mɛ "ʋʋ mɛ 'ö 'dhang bho‑ "dhiʋ̈ ꞊dhɛ Yesu bha 'mɛ 'ö Atanna ‑ya ‑ya kwa Dhamɛ 'ka 'yö bha, kö Atanna ‑bha 'në ‑mü ‑a ‑mɛ 'ka. "Kɛɛ 'sa mɛ "ʋʋ mɛ 'ö Atanna 'ö kwa Dë 'ka bha‑ ‑dhɔ ‑ya ‑kë, kö‑ bhang ‑nu 'wo kwa dheebhang ‑nu 'ka bha‑ ‑nu ‑dhɔ ‑ya ‑mɛ ‑kë 'pö.

1 Zan 5:18

‑A 'wɔn‑ kwa "yaan ꞊dhɛ 'mɛ 'kö Atanna ‑bha 'në 'ka 'yaa ö ‑gɔ ‑gban 'wɔn yaa ‑zë kë ‑sü 'gü 'yaa 'dho‑ 'ka, ‑a ‑gɛn ‑mü ꞊dhɛ ‑a Gbö bha ‑ya ‑maa kë. 'Sa ꞊ya kë "dhʋ̈ Sɔtraan ‑kɔ 'yaa ꞊mɔɔ‑ ‑mɛ ‑bha.

1 Zan 5:4

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ "ʋʋ mɛ 'ö Atanna ‑bha 'në 'ka, kö‑ ‑mɛ ‑kɔ ꞊ya ziö "kpʋngtaapë ‑nu ‑gɔ. 'Sa kwa ‑bha ‑zʋ ‑yö Atanna ‑dhɛ ‑sü bha ꞊në kwa ‑bha "kplëëdhɛ 'ö kwa ‑gɔ bha‑ ga 'ka.

‑Dhɛkpaɔ 3:14

'Yö‑ pö: «‑Bhö 'sëëdhɛ bha‑ 'bha kë kö 'i‑ bɔ 'mɛ 'ö zun sië Atanna ‑bha 'kɔdhigümɛ ‑nu 'wo Dhaodise ‑a ‑nu ‑dhɛ "dhiʋ̈ bha‑ ‑dhɛ. ‑A pö‑ ‑dhɛ 'mɛ 'ö Atanna "sɛɛ‑ 'ka, 'ö tɛanwɔn ꞊në‑ pö, "kɛɛ 'ö 'yaa ‑wʋ ꞊plɛ pö, 'ö yö ꞊në pë "pɛpɛ 'ö Atanna ‑ya ‑da ‑a ꞊gban kpu ‑sü ‑bha ‑kpu 'ka, 'ö 'wo yö ꞊në ‑dhɛ ‑yö kë "dhʋ̈ bha ‑ya ‑pö: