Naɔ ‑së 'ö ‑gban Yesu Klisi ‑bha 'ö Zan ‑ya pö 18:8 - NAƆ ‑SË 'SËËDHƐ

⁸ ꞊Dhɛ 'ö ꞊waa‑ pö "dhʋ̈ 'yö Yesu ‑ya pö‑ ‑nu ‑dhɛ: «'Ma‑ pö ka ‑dhɛ 'nu ꞊dhɛ ma ꞊në 'wo n ‑dhɛ "dhʋ̈, 'ö ꞊ya kë ꞊dhɛ 'ka ma ꞊në n mɔɔ‑ sië ‑zë wo kö ‑ka ka kwaa‑ 'mɛ 'kö 'wo ya‑ ‑nu ‑zü kö wo ‑zë ‑wo 'dho.»

Naɔ ‑së 'ö ‑gban Yesu Klisi ‑bha 'ö Zan ‑ya pö 18:8 ပူးပေါင်းရင်းမြစ်များ

Matiö 26:56

"Kɛɛ ‑yö ‑kë "dhʋ̈ kö 'pë 'ö Atanna ‑wʋdhiʋ̈loomɛ ‑nu ‑wa pö n ‑bu 'gü bha‑ 'gü ‑wɔn ꞊në ‑yö kë. ꞊Dhɛ 'ö ꞊ya kë "dhʋ̈, 'yö‑ ‑bha ꞊klang ‑nu ꞊gban "pɛpɛ 'wo ‑kan ‑zü 'kwëë‑ 'wo dho.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:28

'yö 'a ꞊sii 'ö 'yaa yën‑ ‑da ‑nu 'gü. ‑A ‑wɔn 'gü 'wii 'dho ga tongtongdhö, 'yö pë 'bha ‑pë 'bha ‑kɔ 'yii 'dho ꞊mɔɔ‑ ‑bha 'pö kö ‑ya ‑nu bho n ꞊kwɛɛ‑.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:1

‑Yö ‑kë "dhʋ̈ Pakö "dhɔɔ yɛan" "piʋ̈ 'ka kö‑ yi ꞊ya 'to ꞊dhɛ dhia" 'dhö, kö Yesu ꞊yaa‑ 'wɔn dɔ ꞊dhɛ ö ‑go "kpʋng ꞊taa "tʋ̈ng ꞊ya ꞊loo kö 'ö 'dho ö Dë Atanna "piʋ̈. ‑A ‑bha mɛ ‑nu 'wo "kpʋng ꞊taa ‑a ‑nu ‑dhɔ ‑gun kë 'ö‑ wo sië "dhiʋ̈ ziö 'ka bha, 'yö‑ ‑gɔ ‑da 'plöö yi bha‑ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:36

‑Dhɛ 'ö ꞊yaa‑ pö "dhʋ̈ 'yö Simɔ Piɛdhö ‑ya dhɛɛ" kpɔ 'ö‑ pö: «N Dëmɛ, i ‑dho 'mɛ?» 'Yö Yesu ‑ya pö‑ ‑dhɛ: «‑Dhɛ 'a 'dho sië‑ ‑bha bha i ‑dho 'dho mü ('pö "kɛɛ yö ‑zë ‑yö ‑dho kë), "kɛɛ "tʋ̈ng ‑dhɛ 'kö 'kwa dɔ‑ 'ka ya 'bhii 'dho ꞊mɔɔ ‑dho mü ‑sü ‑bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 16:32

'Yö‑ pö: «‑Ka ‑dhɛ ‑ga, ‑a "tʋ̈ng ‑yö nu sië 'ö ꞊ya ꞊loo ‑zianwo 'ö 'ka dho "kan n ‑zü 'kwëë‑ 'ka n to n do 'ka, 'ö 'ka dho ka ‑gɔ 'kɔɔdhɛ ‑nu 'gü 'do 'do 'ka. "Kɛɛ 'kö 'zü kaa‑ kë "dhʋ̈, 'mii 'dho 'to n do 'ka, ‑a ‑gɛn ‑mü ꞊dhɛ n Dë ‑yö n "piʋ̈.

Naɔ ‑së 'ö ‑gban Yesu Klisi ‑bha 'ö Zan ‑ya pö 18:7

'Yö‑ ‑nu dhɛɛ" kpɔ 'zü 'bha wo 'ö‑ pö: «A‑ pö de ꞊në 'ka‑ mɔɔ‑ sië?» 'Yö 'wo‑ pö: «Yi‑ ‑pö Yesu 'ö go Nazadhɛtö bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 18:9

‑Wʋ 'ö Yesu ‑ya pö kö ‑yö bhɛa" sië Atanna ‑dhɛ 'ö‑ pö: «N Dë, 'i mɛ "pɛpɛ 'ö‑ nu n ‑dhɛ ‑a 'bha 'gü 'yii see‑ n ‑kɔ ‑ta bha‑ 'gü ‑wɔn kë ‑kɔ ꞊në gun bha.»

1 Kodhɛngtö 10:13

‑A 'klɔɔ‑ ‑mü ꞊dhɛ ka 'gü 'ö Sɔtraan ‑ya dan bha ‑ya ‑dan "dhʋ̈ mɛ ꞊gban "pɛpɛ ‑gɔ, ‑a suu 'bha 'yaa 'dhö kö ‑wa pö‑ ‑bha ꞊dhɛ 'yii wo mɛ 'bha 'ka do. ꞊Ya 'go yö ‑zë 'gü, Atanna bha 'yaa ‑wʋ ꞊plɛ pö, ‑yö ‑to ö ‑wʋ ‑ta. 'Yii 'dho "wɩ‑ ‑bha kö Sɔtraan ‑yö ka 'gü dan kö ‑yö ziö‑ 'ka ka faan 'ö ka 'gü bha‑ ‑naa ‑ta. "Kɛɛ 'kö ꞊ya kë ‑zianwo ꞊dhɛ 'güdandhe ꞊në nu ka ‑ta, ‑yö ‑dho ‑a "slë kë 'ö 'ka ꞊mɔɔ‑ ‑kun ka ‑bha ‑sü ‑bha, 'ö 'ka dho‑ 'ka "dhʋ̈ 'ka go‑ 'gü.

2 Kodhɛngtö 12:9

"kɛɛ ꞊dhɛ 'a‑ pö‑ ‑dhɛ "dhʋ̈ 'yö‑ pö n ‑dhɛ «‑Gasitɛ 'a‑ ‑kë i ‑dhɛ bha ꞊ya i ‑bha bho, ‑a ‑gɛn ‑mü ꞊dhɛ 'mɛ 'ö "sɩ 'yaa‑ ‑dhɛ ‑a ‑mɛ ‑kɔ "dhiʋ̈ 'kun ‑kɔ 'a‑ kun‑ 'ka bha ꞊në 'wo‑ dɔ ꞊dedewo ‑bha ꞊dhɛ n 'gü ‑yö "gbɩɩ‑.» ‑A ‑kë "dhʋ̈ ‑sü bha‑ 'gü, 'wɔn 'a dho‑ "plüün bho 'yö ‑mü n ‑ma "sɩ 'yaa n ‑dhɛ ‑sü bha ꞊në‑ 'ka, kë "dhʋ̈ kö Klisi ‑bha 'gügbɩɩdhɛ ‑yö ‑yɛa 'kun n 'gü.

Efɛzö 5:25

Dhemɛdë ‑nu kaa ‑dɩ 'pö, mɛ 'ö "dhʋ̈ ‑a ‑bha dhebhɔ ‑dhɔ ‑ya kë ꞊dhɛ ‑kɔ 'ö Klisi ‑bha mɛ ‑nu ‑dhɔ ‑ya ‑kë 'ka, 'yö ö ‑dɩ nu‑ ‑nu ‑wɔn 'gü bha‑ 'dhö.

1 Piɛdhö 5:7

‑Ka ka ‑ta bho ka ‑bha ‑zʋgɔndhe ‑nu ‑kwɛɛ 'ka‑ ‑ta, ‑a ‑gɛn ‑mü ꞊dhɛ ‑a "tʋ̈ng‑ ‑yö ka 'gü.