Naɔ ‑së 'ö ‑gban Yesu Klisi ‑bha 'ö Zan ‑ya pö 18:4 - NAƆ ‑SË 'SËËDHƐ

⁴ 'Ö gun "dhʋ̈ kö 'wɔn 'ö nu sië‑ këwɔn 'gü bha‑ ꞊gban ‑naa ‑yö Yesu ‑zë "yaan. ꞊Dhɛ 'ö ꞊yaa‑ ‑nu yö kö ‑wo nu sië, 'yö go ö ‑bha ꞊klang ‑nu kpö 'gü 'ö dho‑ ‑nu "dhiʋ̈ ‑gɔ, 'yö‑ pö‑ ‑nu ‑dhɛ: «'De ꞊në 'ka‑ mɔɔ‑ sië?»

Naɔ ‑së 'ö ‑gban Yesu Klisi ‑bha 'ö Zan ‑ya pö 18:4 ပူးပေါင်းရင်းမြစ်များ

Matiö 16:21

꞊Dhɛ 'ö ꞊yaa‑ pö‑ ‑nu ‑dhɛ "dhʋ̈, 'ö sü‑ 'yi bha ‑bha 'ö dho‑ 'ka "dhiʋ̈, 'yö zun ö ‑dɩ ‑wɔn ‑ta "pʋ ‑sü ‑bha ö ‑bha ꞊klang ‑nu ‑dhɛ 'ö‑ pö: «N ‑dho Zedhizadhɛmö ‑wɔn ‑yö ‑dhö kö ‑kwɛagbö ‑nu waa‑ "saabhomɛ ‑nu ‑gɔmɛ ‑nu waa‑ Zuifö ‑nu ‑bha 'tɔnggɔmɛ ‑nu ‑wo n ‑wëëdhɛ ꞊dede bho. ‑Wo ‑dho n zë 'ö 'a‑ bo ‑a ‑dhɛkpaɔyi ‑yaaga ‑naa 'ka.»

Matiö 26:2

«Ka‑ 'wɔn ‑dɔ ꞊dhɛ ‑dhɛkpaɔyi ꞊ya 'to do ‑a ꞊plɛ ‑naa bha ꞊në dho kë Pakö yi 'ka, ‑a yi 'ö bha ꞊në dho kë mang Mɛgbömɛ n ‑da pë ꞊kwɛɛ‑ ‑yi 'ka kö ‑wo n ‑dɔ "dhü ‑bha.»

Matiö 26:21

꞊Dhɛ 'wo pë ‑bhö sië 'yö‑ pö ö ‑bha ꞊klang ‑nu ‑dhɛ 'ö‑ pö: «‑Ka ‑dhɛ ‑ga! A‑ ‑pö ka ‑dhɛ tɛan‑ ꞊dede 'ka ꞊dhɛ 'mɛ 'ka bha mɛ do‑ dho n "dhiʋ̈ dɔ n 'yaɔ‑ ‑nu ‑gɔ.

Matiö 26:31

꞊Dhɛ 'wo 'dho sië 'yö Yesu ‑ya pö‑ ‑nu ‑dhɛ 'ö‑ pö: «A ‑dho kë ka ‑gɛn "dhiʋ̈ ‑zuö ‑bha ‑pë 'ka gbeng do 'ö ꞊dɛɛ‑ 'gü. ‑A ‑gɛn ‑mü ꞊dhɛ ‑yö ‑bɛn zë ‑sü 'ka Atanna ‑wʋ 'sëëdhɛ 'gü ꞊dhɛ: ‹A ‑dho ‑tuʋ̈ ‑gɔdhiʋ̈mɛ ‑ma 'yö‑ ‑bha ‑tuʋ̈ ‑nu 'wo dɔ bunnggɛɛdhö.›

Dhukö 24:44

꞊Dhɛ 'ö ö bo‑ ‑bhö ‑sü 'ka 'yö‑ pö: «‑Ka ‑dhɛ ‑ga, ‑wʋ ‑nu 'a gun‑ pö sië ka ‑dhɛ kö a ‑tun ka kpö 'gü, 'ö 'a‑ pö ꞊dhɛ 'wɔn "pɛpɛ 'ö Moizö oo, Atanna ‑wʋdhiʋ̈loomɛ ‑nu oo, "ɛɛn ‑a ‑bha "tan 'sëëdhɛ ‑ya ‑dhiang zë n ‑bu 'gü bha, ‑a ꞊gban 'gü ‑wɔn ‑dho kë bha, ‑kaa ‑ga bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 13:1

‑Yö ‑kë "dhʋ̈ Pakö "dhɔɔ yɛan" "piʋ̈ 'ka kö‑ yi ꞊ya 'to ꞊dhɛ dhia" 'dhö, kö Yesu ꞊yaa‑ 'wɔn dɔ ꞊dhɛ ö ‑go "kpʋng ꞊taa "tʋ̈ng ꞊ya ꞊loo kö 'ö 'dho ö Dë Atanna "piʋ̈. ‑A ‑bha mɛ ‑nu 'wo "kpʋng ꞊taa ‑a ‑nu ‑dhɔ ‑gun kë 'ö‑ wo sië "dhiʋ̈ ziö 'ka bha, 'yö‑ ‑gɔ ‑da 'plöö yi bha‑ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:11

‑A pö 'ö‑ wo ꞊dhɛ mɛ ꞊gban ‑zë 'kii kë "slʋ̈ʋ̈slʋ̈ bha‑ ‑gɛn ‑mü ꞊dhɛ 'ö gun "dhʋ̈ kö ‑yö ö "dhiʋ̈dɔmɛ ‑dɔ ‑a ‑nu kpö 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 18:5

'Yö 'wo‑ ‑yɔ bɔ‑ ‑gɔ 'wo‑ pö: «Yesu 'ö go Nazadhɛtö bha‑ yö.» 'Yö‑ pö‑ ‑nu ‑dhɛ: «‑Ɛɛ! Kö ma ꞊nɛ 'sa.» 'Ö "dhʋ̈ bha kö Zuda 'ö ‑da ‑dhɛ pë "piʋ̈ bha ‑ya ‑nu kpö 'gü mü.

Naɔ ‑së 'ö ‑gban Yesu Klisi ‑bha 'ö Zan ‑ya pö 18:7

'Yö‑ ‑nu dhɛɛ" kpɔ 'zü 'bha wo 'ö‑ pö: «A‑ pö de ꞊në 'ka‑ mɔɔ‑ sië?» 'Yö 'wo‑ pö: «Yi‑ ‑pö Yesu 'ö go Nazadhɛtö bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 19:28

꞊Dhɛ 'ö ꞊ya kë "dhʋ̈ 'ö Yesu ꞊yaa‑ 'wɔn dɔ ꞊dhɛ 'wɔn 'ö nu‑ 'gü "kpʋng ꞊taa bha ꞊ya ꞊mɔɔ "kwëë, 'yö‑ pö: «"Yi mü ‑dhɔ ꞊ya n 'kun.» 'Sa ‑ya ‑pö "dhʋ̈ kö 'pë 'ö ‑bɛn zë ‑sü 'ka Atanna ‑wʋ 'sëëdhɛ 'gü ‑a ‑bu 'gü bha ꞊në‑ 'gü ‑wɔn ‑yö kë.

Naɔ ‑së 'ö ‑gban Yesu Klisi ‑bha 'ö Zan ‑ya pö 6:64

"Kɛɛ 'sa mɛ 'bha ‑nu ‑wo ka kpö 'gü 'ö 'waa 'dhang bho n "dhiʋ̈.» ‑A pö 'ö‑ wo "dhʋ̈ bha‑ ‑gɛn ‑mü ꞊dhɛ kö 'mɛ 'waa 'dhang bho‑ "dhiʋ̈ bha ‑ya ‑nu ‑dɔ, 'ö 'mɛ 'ö dho‑ ꞊gbaɔ bha 'ö‑ dɔ 'pö.

Këwɔn ‑nu 2:28

'Bha ‑tosɛa kë ‑zian ‑zɔn n ‑dhɛ, i ‑bha ‑kë n "piʋ̈ ‑sü bha ‑yö n zuë" ꞊nii ‑da ‑kpɛawo› bha‑ 'dhö.»

1 Piɛdhö 4:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ 'wɔn 'wo‑ bho Klisi ‑dhü 'gü 'ö ma‑ 'ka "dhʋ̈ bha ‑yö kë‑ ‑kun ö ‑bha ‑kɔ ꞊gban ‑kɔ ꞊gban 'gü bha, ‑a ‑dhɛa ‑bha 'pö ꞊dhɛ kaa ‑dɩ 'pö ka zuë" ‑yö "wɩ‑ ‑bha kö ‑wo ka ‑wëëdhɛ bho "dhʋ̈. ‑A ‑gɛn ‑mü ꞊dhɛ 'mɛ 'ö‑ ‑dhü ꞊ya bo sëë bho ‑sü 'ka ꞊dhɛ ‑kɔ bha‑ 'dhö kö ꞊ya ö bo 'wɔn yaa kë ‑sü 'ka.