Naɔ ‑së 'ö ‑gban Yesu Klisi ‑bha 'ö Zan ‑ya pö 10:4 - NAƆ ‑SË 'SËËDHƐ

⁴ ꞊Ya bo ö ‑dɩ ‑bha ‑tuʋ̈ ‑nu bha‑ ‑nu ‑zun "kpɛnng ‑sü 'ka ꞊dhɛ ‑kɔ bha‑ 'dhö, 'yö ‑da ‑nu ‑dhɛ "dhiʋ̈ 'yö 'wo ‑ziö ꞊keng‑, ‑a 'klɔɔ‑ ‑mü ꞊dhɛ ‑wa ‑wʋ ‑dɔ.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:4 ပူးပေါင်းရင်းမြစ်များ

Matiö 16:24

꞊Dhɛ 'ö ꞊ya kë "dhʋ̈ 'yö Yesu ‑ya pö ö ‑bha ꞊klang ‑nu ‑dhɛ 'ö‑ pö: «'Ö mɛ "ʋʋ mɛ 'ö‑ "piʋ̈ ꞊dhɛ 'ö ziö n ꞊keng‑, ‑a ‑mɛ ‑yö bo ‑ya ö ‑dɩ ‑wɔn zuën ‑ta ‑sü 'ka kö ‑yö sëëbhodhe 'ö n ‑wɔn "glʋʋ "piʋ̈ 'ö ꞊dhɛ ‑a ‑mɛ ‑dɔ ‑bha "dhü 'dhö bha‑ 'sü kö ‑yö ziö‑ 'ka n ꞊keng‑.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:16

‑Tuʋ̈ ‑nu 'wo "dhʋ̈ bha‑ ‑kpɛa 'yaa kë ꞊ni, ‑a 'bha ‑nu ‑wo ‑dhö 'ö 'waa wlɛɛ ya‑ 'gü. ‑A 'dhɛ 'wo "dhʋ̈ bha "fɔn kö 'a nu‑ ‑nu 'ka wlɛɛ ya‑ 'gü 'pö. A ‑dho ‑a ‑nu ‑dhɛ 'wo n ‑wʋ ma, 'ö 'wo nu 'ö ‑tuʋ̈ kpö ‑yö to do, 'ö‑ ‑gɔdhiʋ̈mɛ ‑yö ‑kë do 'pö.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:27

‑A pö 'a‑ wo "dhʋ̈ bha‑ ‑gɛn ‑mü ꞊dhɛ ma ‑tuʋ̈ kpö 'gü ‑mɛ ‑nu ‑zë ‑wo wo "tʋ ‑to n ‑wʋ ‑bha, 'ö 'a‑ ‑nu dɔ, 'ö 'wo ‑ziö n ꞊keng‑ 'pö,

Naɔ ‑së 'ö ‑gban Yesu Klisi ‑bha 'ö Zan ‑ya pö 10:3

"Bhlaa wlɛɛ "dhiʋ̈mɛ ‑zë ‑yö wlɛɛ "dhi "pʋ ꞊në‑ wo 'yö ‑tuʋ̈ dëmɛ 'ö ö ‑bha ‑tuʋ̈ ‑nu ‑dhɛ, 'yö 'wo‑ ‑wʋ ma. Yö ‑zë ‑yö ö ‑bha "bhlaa ‑nu bha‑ ‑nu ‑sü 'tɔ 'ka 'do 'do 'yö‑ ‑nu ‑dhɛ, 'yö dho‑ ‑nu 'ka "kpɛnng.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:5

'Mɛ 'wo mɛ "wɛɛ 'ka ‑a ‑bha ‑tuʋ̈ ‑nu bha ‑wo ‑dho ꞊dua ꞊në‑ wo‑ ‑nu ‑gɔ, 'wii 'dho ziö‑ ‑nu ꞊keng‑, ‑a 'klɔɔ‑ ‑mü ꞊dhɛ 'waa‑ ‑nu ‑wʋ dɔ.»

Naɔ ‑së 'ö ‑gban Yesu Klisi ‑bha 'ö Zan ‑ya pö 10:8

‑a ‑gɛn ‑mü ꞊dhɛ mɛ "pɛpɛ 'wo gun wo ‑dɩ kë sië ‑tuʋ̈ ‑mɛ 'ka 'wo nu bha, ‑tuʋ̈ ‑nu 'wii wo "tʋ 'to‑ 'bha ‑wʋ ‑bha. ‑A ‑gɛn ‑mü ꞊dhɛ ꞊kwaanmɛ ‑nu waa‑ pëgüseemɛ ‑nu ꞊në gun wo ‑zë ‑a ‑nu 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:26

'Mɛ 'ö‑ "piʋ̈ ꞊dhɛ 'ö bɔ n 'ka, ‑a ‑dhɛa ‑bha ꞊dhɛ ‑a ‑mɛ ‑yö ziö n ꞊keng‑ kö ‑dhɛ 'a‑ ‑bha ‑yö kë mü 'pö, ‑a 'klɔɔ‑ ‑mü ꞊dhɛ yë ‑kë n ‑dhɛ ‑mɛ bha n Dë ‑ya ꞊bhlëë ‑ya.

Naɔ ‑së 'ö ‑gban Yesu Klisi ‑bha 'ö Zan ‑ya pö 13:15

‑a ‑gɛn ‑mü ꞊dhɛ 'wɔn zaɔn ꞊në 'a‑ nu ka ‑dhɛ bha kö 'ka‑ kë 'pö ꞊dhɛ n 'dhö.

Naɔ ‑së 'ö ‑gban Yesu Klisi ‑bha 'ö Zan ‑ya pö 18:37

'Yö Pidhatö ‑ya pö‑ ‑dhɛ: «꞊Ya kë "dhʋ̈ 'sa kö ‑gblüdë ‑mü i 'ka ‑kɛɛ?» 'Yö Yesu ‑ya pö‑ ‑dhɛ: «꞊Iin, ‑gblüdë ‑mü n 'ka.» Bhɔ 'a‑ wo "kpʋng ꞊taa yö bha a ‑bhɔ "dhʋ̈ kö 'a tɛanwɔn ꞊në‑ ‑ta "pʋ mɛ "bhɩɩ‑ ‑nu ‑dhɛ. Yö ꞊në‑ ‑wɔn 'gü 'yö mɛ "ʋʋ mɛ 'ö tɛanwɔn dɔ ꞊në ö "tʋ 'to n ‑wʋ ‑bha.»

Naɔ ‑së 'ö ‑gban Yesu Klisi ‑bha 'ö Zan ‑ya pö 3:29

‑Yö kë ka "yaan ꞊dhɛ ma ‑zë a ꞊dhɛ 'mɛ 'wo nu sië‑ ‑bha dhe dɔ ‑a "taɔngdë ꞊në‑ 'dhö. ‑A dhebhɔ ‑zë ‑yö dhemɛdë ꞊në‑ ‑bha 'ka, "kɛɛ 'yö‑ "taɔngdë ‑zë 'ö dɔ‑ "sɔɔ, 'yö‑ ‑wʋ ma, 'yö‑ ꞊nii ‑yö ‑da. ‑Kɔ 'ö n ꞊nii 'dhö ‑da sië‑ 'ka ("tʋ̈ng ya‑ 'gü) 'yö bha; ‑a ‑gɛn ‑mü ꞊dhɛ 'wɔn 'a‑ pö ‑a 'gü ‑wɔn ꞊ya kë.

1 Kodhɛngtö 11:1

‑Ka ka "ta ‑kɔ 'sü n ‑bha ‑bha ꞊dhɛ ‑kɔ do 'a n ‑bha ‑sü 'ka 'pö Klisi ‑bha bha ꞊në‑ 'dhö.

Efɛzö 5:1

꞊Dhɛ 'ö ‑kë ꞊dhɛ ka ꞊në 'ka Atanna ‑bha 'në ‑nu 'ö‑ ‑dhɔ ‑ya ‑kë ‑a 'ka bha, ‑ka ka 'gü dɔ "gbɩɩ‑ kö 'ka ka ‑bha 'wɔn kë ‑kɔ ‑nu 'sü yö ꞊në‑ ‑bha ‑bha.

Eblö 12:2

Yesu ö kwa ‑bha ‑zʋ ‑yö Atanna ‑dhɛ ‑sü zübhodhɛ waa‑ "dhiʋ̈yadhɛ 'ka bha ‑ka ‑kwa kwa "yan 'to yö ꞊në‑ ‑bha. ‑A ‑gɛn ‑mü ꞊dhɛ yö 'ö bha ꞊në 'ö ‑wɩ ‑bha kö ‑wo ö zë "dhü ‑bha, 'yö ga ‑kɔ 'yiʋ̈sü 'ö‑ suu 'dhö "dhʋ̈ bha‑ 'yiʋ̈‑ 'yii‑ kë, ꞊dhɛ 'ö ‑kë ꞊dhɛ zuëniidadhe 'kpii‑ ‑yö ‑ya ‑sü 'ka‑ ‑gɔ ‑a zian‑ ‑ta bha‑ ‑wɔn 'gü, 'yö dɔ 'kwa‑ wo ꞊dɛɛ ya 'ö ‑ya ‑sü 'ka ‑duɛ ꞊bhlëësü 'ö Atanna ‑bha ‑blüdëdhɛ ‑gbloo ‑ta ‑a "sɔɔ dhang‑ 'gü bha‑ 'gü.

Eblö 6:20

'ö Yesu Klisi 'ö Atanna ‑ya ‑ya kwa ‑bha "saabhomɛ 'kpii‑ 'ka ‑todhʋ̈ 'ka ꞊dhɛ Mɛɛsisedɛkö 'dhö bha ꞊yaa‑ zian "dhi "pʋ kwa ‑gɔ, 'ö ꞊ya ‑da mü 'nu kwa ‑bha ‑da 'gü bha‑ 'gü.

1 Piɛdhö 2:21

'Wɔn 'ö‑ "piʋ̈ ꞊dhɛ 'ka‑ kë ka ‑ya 'ö‑ wo bha‑ 'gü 'yö bha, ‑a 'klɔɔ‑ ‑mü ꞊dhɛ saan" ꞊në Klisi yöö ꞊dede 'ö‑ wo ka ‑wɔn 'gü 'pö 'yö‑ ‑zɔn 'ka bha‑ to ka ‑gɔ kë "dhʋ̈ kö 'ka‑ kë 'pö ꞊dhɛ ö 'dhö.

1 Piɛdhö 4:1

‑A ‑kë "dhʋ̈ ‑sü bha‑ 'gü, ꞊dhɛ 'ö ‑kë ꞊dhɛ 'wɔn 'wo‑ bho Klisi ‑dhü 'gü 'ö ma‑ 'ka "dhʋ̈ bha ‑yö kë‑ ‑kun ö ‑bha ‑kɔ ꞊gban ‑kɔ ꞊gban 'gü bha, ‑a ‑dhɛa ‑bha 'pö ꞊dhɛ kaa ‑dɩ 'pö ka zuë" ‑yö "wɩ‑ ‑bha kö ‑wo ka ‑wëëdhɛ bho "dhʋ̈. ‑A ‑gɛn ‑mü ꞊dhɛ 'mɛ 'ö‑ ‑dhü ꞊ya bo sëë bho ‑sü 'ka ꞊dhɛ ‑kɔ bha‑ 'dhö kö ꞊ya ö bo 'wɔn yaa kë ‑sü 'ka.

1 Piɛdhö 5:3

'Ka 'dho‑ pö 'ka ‑ya ‑a ‑nu ‑ta ꞊dhɛ ꞊zang 'dhö, ‑ka kë ꞊naa ꞊dhɛ ‑a ‑nu ‑bha ‑taadhü 'dhö.