Naɔ ‑së 'ö ‑gban Yesu Klisi ‑bha 'ö Zan ‑ya pö 10:1 - NAƆ ‑SË 'SËËDHƐ

¹ 'Yö Yesu ‑yö "gwënng do ‑da ‑a ‑nu ‑dhɛ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ mɛ "ʋʋ mɛ 'ö 'yii bɔ "bhlaa wlɛɛ "dhi 'ka kö ‑yö ‑da 'gü, "kɛɛ 'ö bɔ zian "wɛɛ 'ka, kö 'mɛ bha ꞊kwaanmɛ "ɛɛn pëgüseemɛ ‑mü.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:1 ပူးပေါင်းရင်းမြစ်များ

Matiö 7:15

'Yö‑ pö: «‑Ka ka ‑dɩ 'kun ‑së Atanna ‑wʋdhiʋ̈loomɛ ꞊flüsü ‑nu ‑gɔ! 'Wɔn 'ö‑ ‑wɔn 'gü, 'yö 'a‑ pö "dhʋ̈ bha‑ ‑gɛn ‑mü ꞊dhɛ: ‑Wo ‑dho nu ka "piʋ̈ kö ꞊wa wo tɔng 'ka ꞊dhɛ "bhlaanë 'dhö, "kɛɛ kö 'gba ‑dɔ ka ‑bha kö 'wo ka 'gü see‑ ‑wɔn ꞊në‑ ‑nu 'gü ꞊dhɛ gwee ‑nu 'dhö.

Wlɔmö 16:18

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ mɛ suu ‑nu 'wo "dhʋ̈ bha 'waa kwa Dëmɛ Klisi bha yö ‑zë ‑dhɔkë, ‑wo wo ‑dɩ dhɔɔbhaawɔn ꞊në‑ ‑kë. 'Yö 'mɛ ‑a ‑nu ‑zʋ 'yaa 'wɔn 'bha "piʋ̈ bha 'wo ‑wʋ ‑së ‑dhɛ "yi bho ‑wʋ "nɛɛnɛɛ ‑nu ‑pö ‑nu ‑dhɛ ‑sü 'ka 'yö 'wo‑ ‑nu ‑gɔ 'gü ꞊see‑ 'ka, 'yö 'wo‑ ‑nu wë bho Atanna ‑ta.

1 Zan 4:1

N "taɔngdë ‑nu, 'ka 'dho 'to 'ö ka 'dhang bho 'mɛ 'wo dhiang zë Atanna ‑bha 'Nii‑ 'tɔ 'gü bha‑ ꞊gban "dhiʋ̈, "kɛɛ ‑kaa ‑nu 'gü dan kö‑ ‑bha 'Nii‑ 'dhö‑ ‑nu 'gü ꞊dede wo tɛan‑ 'ka 'ka‑ ‑dhɛ yö. ‑A ‑gɛn ‑mü ꞊dhɛ ‑a ‑wʋ "dhiʋ̈ ‑loo ꞊flü 'ka ‑mɛ ‑nu 'gbɛ ꞊dede ꞊wa ‑da "kpʋng ꞊taa dɔ 'kwa‑ wo ya‑ 'gü.

Eblö 5:4

‑A ‑wɔn 'gü, mɛ 'bha 'yaa ꞊mɔɔ‑ ‑bha kö ‑yö ö ‑dɩ ‑ya "saabhomɛ 'kpii‑ 'ka kö Atanna ‑zë 'yii‑ ‑mɛ ‑ya ꞊dhɛ ‑kɔ 'ö Aadhɔn ‑ya 'ka yi 'bha 'ka ‑a 'dhö.

2 Piɛdhö 2:3

'Mɛ 'wo "dhʋ̈ bha ‑wo ‑dho zë ꞊naɔ ‑wɔn ‑dhɛ 'ö 'wo ꞊suasua ‑nu zun 'ko "dhiʋ̈ kë "dhʋ̈ kö 'wo ka ‑ta ‑bhö. "Kɛɛ ‑a ‑nu ‑bha zadɔmɛ ‑bha ‑ya za ‑dɔ ‑a ‑nu ‑bha ‑dhɔ 'ka ‑yi ꞊ya ꞊gwëë. ‑A ‑nu 'güseemɛ bha 'yaa yi zë.

2 Piɛdhö 2:1

'Ö gun yi 'bha 'ka, Atanna ‑wʋ "dhiʋ̈ ꞊loo ꞊flü 'ka ‑mɛ ‑nu ‑gun Izraɛdhö ‑mɛ ‑nu kpö 'gü, ꞊flümɛ ‑nu 'wo mɛ ‑nu ꞊klang ‑kë ꞊suasua 'ka bha ‑wo ‑dho ‑da ka kpö 'gü 'pö ‑kɔ do bha‑ 'gü ꞊dɛɛ. ‑Wo ‑dho nu Atanna ‑dhɔkë ‑kɔ "wɛɛ 'ö mɛ wë ꞊në‑ bho‑ ‑ta, 'ö mɛ 'gü ꞊në ꞊see bha‑ 'ka ka kpö 'gü 'yö 'wo wo ꞊taa yö‑ ‑nu Dëmɛ 'ö‑ ‑nu dha bha yö ‑zë ‑gɔ, 'yö 'wo 'wɔn 'ö dho wɔ‑ ‑nu ‑ta gbluu" dhö ‑a ‑nu tii' 'ka bha ꞊në‑ ‑gan wo ‑dɩ ‑ta.

1 Piɛdhö 1:10

Dha ‑sü 'ka‑ ꞊slɔɔ ꞊dɛɛ "dhʋ̈ bha, Atanna ‑wʋdhiʋ̈loomɛ ‑nu 'wo gun yi 'bha 'ka bha ‑wo ‑gun yö ꞊në‑ 'gü ma ‑dhɛ mɔɔ‑ sië 'yö 'wo wo "yan ‑ta 'gü, 'yö gbaɔdhe ‑së 'ö Atanna yöö‑ kë ka ‑gɔ bha 'wo‑ ‑dhiang zë.

Wlɔmö 10:15

'Yö ‑wo ‑dho ‑a ‑dhiang zë ‑kɔ kë ꞊dhɛ kö 'wii mɛ 'bha bɔ ꞊dhɛ ‑kɔ 'ö Atanna ‑wʋ 'sëëdhɛ ‑ya pö‑ 'ka ‑a 'dhö ꞊dhɛ: ‹'Wɔn ‑së 'ö go Atanna "piʋ̈, ‑a ‑naɔdɔmɛ ‑nu nu ‑sü "dhia‑ ‑dhö ꞊tɔn ‑kɛɛ!›

Naɔ ‑së 'ö ‑gban Yesu Klisi ‑bha 'ö Zan ‑ya pö 3:3

꞊Dhɛ 'ö ꞊yaa‑ pö "dhʋ̈, 'yö Yesu ‑ya pö‑ ‑dhɛ: «A‑ ‑pö i ‑dhɛ tɛan‑ ꞊dede 'ka ꞊dhɛ: Mɛ "ʋʋ mɛ 'ö 'bhii bhɔ ‑deewo, 'bhii 'dho ‑da Atanna ‑bha ‑gblüdëdhɛkëmɛ ‑nu ‑bhiëë 'gü.»

Titö 1:11

‑Bhö ‑a kë "dhʋ̈ kö 'pë 'wo dho‑ pö 'ya 'dho ꞊slɔɔ‑ ‑nu ‑gɔ, kö ‑wo wo bo mɛ draan‑ ‑kɔ suu bha‑ 'ka, ‑a ‑gɛn ‑mü ꞊dhɛ ꞊wa 'gügblüdhe ‑da 'kɔ ‑nu 'gü 'do 'do 'ka ꞊waa‑ ‑nu ꞊draan ꞊suasua ‑nu bha‑ ‑nu 'ka kö 'wo 'wëë‑ ꞊slɔɔ ‑kɔ 'yiʋ̈‑ ‑sü bha ꞊në‑ kë‑ ‑nu 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 10:7

'Yö‑ 'klɔɔ‑ pö 'zü‑ ‑nu ‑dhɛ ‑deewo 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: Ma ꞊në 'a ꞊dhɛ ‑tuʋ̈ wlɛɛ "dhiʋ̈ "kwɛɛ ‑yaan 'dhö;