Naɔ ‑së 'ö ‑gban Yesu Klisi ‑bha 'ö Zan ‑ya pö 1:9 - NAƆ ‑SË 'SËËDHƐ

⁹ ‑Dhɛpuudhɛ 'ö "dhʋ̈ bha ꞊në gun ‑dhɛpuudhɛ ꞊dede, 'ö nu "kpʋng ꞊taa kö ‑yö ‑dhɛ "pʋ mɛ "pɛpɛ ꞊gban ‑ta ‑a 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:9 ပူးပေါင်းရင်းမြစ်များ

Matiö 6:23

"Kɛɛ ꞊ya kë ꞊dhɛ i "yanga ‑zë ‑a ‑dhɛ ꞊ya ‑ya ‑bha 'yaa ‑dhɛ yö sië 'zü, kö i kwi ‑dɩ 'pö ꞊ya ‑da ‑dhɛ tii 'gü ꞊naa bha. ꞊Ya kë ꞊dhɛ 'pë 'ö dho i gba ‑dhɛpuudhɛ 'ka, ꞊ya kë ‑dhɛtiidhɛ 'ka, kö ‑dhɛtiidhɛ bha ‑yö ‑dho kë ‑ziisü.»

Dhukö 11:36

꞊Ya kë ꞊dhɛ ‑dhɛ 'dhö "pʋ ‑sü 'ka mɛ ‑dhɛ ꞊gban ‑dhɛ ꞊gban ‑ta, kö i ‑dhɛ 'bha 'yaa ‑dhɛtiidhɛ 'gü 'zü, kö ‑dhɛ ꞊ya "pʋ i ‑ta blongdhö ꞊naa bha. ꞊Ya kë "dhʋ̈ kö 'bha kë ꞊dhɛ 'mɛ 'ö dɔ sië ‑dhangbha 'bhü "dhiʋ̈, 'ö ‑dhɛ ꞊ya "pʋ‑ ‑zü zian ꞊gban 'ka ‑a 'dhö.»

Naɔ ‑së 'ö ‑gban Yesu Klisi ‑bha 'ö Zan ‑ya pö 1:4

Yö ꞊në ‑tosɛa ꞊dede ‑gɔgodhɛ 'ka. Yö 'ö "dhʋ̈ bha 'zü ꞊në ‑dhɛpuudhɛ nu mɛ "bhɩɩ‑ ‑nu ‑dhɛ.

Naɔ ‑së 'ö ‑gban Yesu Klisi ‑bha 'ö Zan ‑ya pö 1:7

Zan bha ꞊në nu kö ‑yö "sɛɛdhɛ kë ‑dhɛpuudhɛ bha‑ ‑bha. Kë "dhʋ̈ kö mɛ "bhɩɩ‑ ‑nu ‑wo 'dhang bho ‑dhɛpuudhɛ bha‑ "dhiʋ̈ dhiang ‑nu 'ö Zan gun‑ zë sië bha‑ ‑wɔn 'gü.

Naɔ ‑së 'ö ‑gban Yesu Klisi ‑bha 'ö Zan ‑ya pö 12:46

Ma ‑zë a ‑nu ꞊dhɛ ‑dhɛpuudhɛ ꞊në 'dhö "kpʋng ꞊taa, kë "dhʋ̈ kö mɛ "ʋʋ mɛ 'ö ꞊ya 'dhang bho n "dhiʋ̈, kö‑ mɛ 'ya 'dho ‑tosɛa kë 'wɔn yaa 'gü ‑kpɛawo.

Naɔ ‑së 'ö ‑gban Yesu Klisi ‑bha 'ö Zan ‑ya pö 14:6

'Yö Yesu ‑ya pö‑ ‑dhɛ: «Toma, ma ꞊në 'a zian 'ö dho Atanna "piʋ̈ ‑a 'ka, ma ꞊në 'wo n ‑dhɛ tɛanwɔn, ꞊waa‑ pö 'zü ꞊sii 'ö 'yaa yën, kö ‑wo ‑wɩ ma ꞊në n 'ka. Mɛ 'bha 'yaa 'dho n Dë ‑dhɛ 'gü kö 'yii zun ma ‑zë n ‑bha.

Naɔ ‑së 'ö ‑gban Yesu Klisi ‑bha 'ö Zan ‑ya pö 15:1

꞊Dhɛ 'ö Yesu ꞊ya ö bo‑ ‑pö ‑nu ‑dhɛ "dhʋ̈ ‑sü 'ka 'yö "gwënng do ‑da ‑nu ‑dhɛ 'ö‑ pö: «Ma ꞊në 'a ꞊dhɛ ‑drɔɔ ‑dhü ꞊dede 'wo‑ ta ‑a 'dhö, 'yö n Dë ‑zë 'ö‑ ta ‑mɛ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 6:32

'Yö Yesu ‑ya ‑yɔ bɔ‑ ‑nu ‑gɔ 'ö‑ pö: «A‑ ‑pö ka ‑dhɛ tɛan‑ ꞊dede 'ka ꞊dhɛ: 'Mɛ 'ö kë ‑bhöpë 'ö go dhang‑ 'gü ‑a ‑nu ka "bhɛma ‑nu ‑dhɛ bha Moizö 'yaa ‑mü, n Dë ‑mü. N Dë do bha ꞊në ‑bhöpë ꞊dede 'ö go dhang‑ 'gü ‑a nu sië 'zü ka ‑dhɛ ya.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:12

Kö ‑wa ‑dhiang zë sië wo "dhi ꞊wlöö mɛ kpö 'gü ‑dhɛ ꞊gban 'gü ‑nu wo 'ö ‑kɔ "pɛan 'bha ꞊ya pö: «'Wɔnsëkëmɛ ‑mü». Kö mɛ 'bha ‑nu ‑wa pö sië 'pö: «‑Abin, "kpënng‑ ‑kë mɛ ‑gɔ ‑mɛ ‑mü.»

1 Zan 1:8

꞊Ya kë ꞊dhɛ 'kwa‑ pö kwa ‑dɩ ‑dhɛ ꞊dhɛ ꞊sɔng 'yaa kwa ‑bha, kö "kpënng‑ ꞊në 'kwa‑ kë sië kwa ‑dɩ ‑gɔ. Kö tɛanwɔn 'yaa kwa "piʋ̈.

1 Zan 2:8

"Kɛɛ 'sa ‑yö ‑tun ‑dhio ‑dee ꞊në‑ 'ka "dhʋ̈ do 'yö 'a‑ ‑bɛn zë sië ka ‑dhɛ bha. ‑A ‑bha ‑kë tɛan‑ 'ka ‑sü bha mɛ ‑ya 'suan‑ ‑bho Klisi ꞊në‑ ‑bha, 'yö mɛ ‑ya 'suan‑ 'bha bho 'pö ka ‑bha. ‑A 'klɔɔ‑ ‑mü ꞊dhɛ mɛ ꞊yaa‑ 'wɔn dɔ ꞊dhɛ gbeng ꞊ya ziö ꞊gban wo, ‑dhɛ 'gü ꞊dede ꞊ya zun "pʋ ‑sü ‑bha.

1 Zan 5:20

Kwa‑ 'wɔn ‑dɔ 'zü ꞊dhɛ Atanna Gbö ꞊ya nu, ꞊dhɛ 'ö nu 'ö‑ wo bha ꞊ya kwa gba "yaaki 'ka, kë "dhʋ̈ kö 'kwa Atanna 'dhɛ 'ö‑ ꞊dede 'ka ‑a dɔ, kö 'kwa‑ ꞊flee ‑sü dɔ. 'Sa ‑a Atanna ꞊dede 'ö "dhʋ̈ bha ꞊në 'kwa‑ ‑bha 'ka ‑a Gbö Yesu Klisi 'saa‑ 'gü. Yö 'ö bha ꞊në Atanna ꞊dede 'ka, yöö do bha 'zü ꞊në ꞊sii 'ö‑ "dhiʋ̈todhɛ 'yaa 'dhö ‑a ‑gɛngodhɛ 'ka.