Fidhipö 4:8 - NAƆ ‑SË 'SËËDHƐ

⁸ N dheebhang ‑nu, ꞊ya 'go yö ‑zë 'gü, 'wɔn "ʋʋ 'wɔn 'ö tɛanwɔn 'ka, 'ö ꞊bhlëësü, 'ö pö 'aa‑ ‑bha, 'ö "puu, 'wɔn "ʋʋ 'wɔn 'ö‑ "dhia‑ dho 'ma mɛ 'gü, 'ö mɛ ꞊bhlëë 'gü ‑wɔn 'ka, 'ö ‑së, 'ö mɛ 'tɔdhiwɔn 'ka yö ꞊në ‑yö kë ka ‑zʋ ‑gɔn 'ka ‑wɔn 'ka.

Fidhipö 4:8 ပူးပေါင်းရင်းမြစ်များ

Matiö 22:16

'Yö 'wo woo‑ ꞊klangdhiʋ̈ ‑nu 'bha ‑nu waa‑ Edhodö ‑bha mɛ 'bha ‑nu bɔ Yesu "piʋ̈, 'yö 'wo‑ dhɛɛ" kpɔ 'wo‑ pö: «Yi Dëmɛ, yi‑ 'wɔn ‑dɔ ꞊dhɛ i tɛanwɔn ꞊në‑ pö, 'ö 'i mɛ ꞊klang ‑nu ‑kë tɛanwɔn 'ö zian 'ö dho Atanna "piʋ̈ ꞊në‑ ‑zɔn mɛ ‑dhɛ ‑a 'ka, 'bhaa "suʋ̈ mɛ "bhɩɩ‑ ‑nu ‑gɔ, ‑a ‑gɛn ‑mü ꞊dhɛ 'bhaa ‑kpla mɛ 'bha ‑gɔ ‑a ‑bha kë ‑tiandhö ‑sü ‑bha.

Makö 6:20

"kɛɛ 'yö‑ ‑kɔ 'yaa gun, ‑a ‑gɛn ‑mü ꞊dhɛ Edhodö ‑gun "suʋ̈ sië Zan ‑gɔ ‑a ‑bha ‑kë mɛ 'ö ꞊sɔng 'bhaa‑ ‑bha 'ö tɛanwɔn pö, "kɛɛ 'ö Atanna dhɔɔbhaamɛ 'ka ‑sü ‑wɔn 'gü. ‑Yö ‑gun ö "tʋ ‑nu dɔ sië‑ ‑wʋ ‑bha 'ö‑ ‑wʋ "dhia ‑yö ma‑ 'gü, 'ö ꞊ya ö "tʋ 'to‑ ‑wʋ ‑bha ‑kɔ 'ö‑ 'gü 'do 'do, 'ö‑ "gblʋ̈ʋ̈dhɛ ‑yö "muu bho, ‑yö ‑gun Zan ‑maa kë sië yö ꞊në‑ ‑wɔn 'gü Edhodiadö ‑gɔ kö 'ya 'dho‑ zë ö tii' 'ka.

Dhukö 16:15

‑Ya ‑pö ‑nu ‑dhɛ yö ꞊në‑ ‑wɔn 'gü 'ö‑ pö: «Fadhiziɛn ‑nu, ka ‑zë ‑kɔ 'ka dho‑ kë‑ 'ka kö 'ka bhɔ mɛ ‑nu 'gü Atanna dhɔɔbhaawɔn kë ‑mɛ ‑bha ꞊në 'ka‑ ‑dhɛ ꞊mɔɔ, "kɛɛ 'sa kö yö ‑zë ‑yö ‑dhɛ yö ka zuë" "piʋ̈. 'Pë 'ö mɛ "bhɩɩ‑ ‑nu ‑zë ‑a ‑nu 'gü pë ‑së 'ka bha ꞊në yö ‑zë 'gü pë ‑yënngsü 'ka.

Dhukö 2:25

‑A "tʋ̈ng do bha‑ 'gü kö gɔndë do 'bha ‑yö Zedhizadhɛmö ‑pö bha‑ 'gü 'wo‑ ‑dhɛ Simeɔn. 'Mɛ 'ö ꞊sɔng 'bha 'yaa‑ ‑bha, 'ö Atanna ꞊bhlëë ‑ya ꞊dedewo ꞊në gun gɔndënë bha‑ 'ka. 'Sa 'ö gun "dhʋ̈ kö ‑yö ö "yan 'to sië 'mɛ 'ö dho Izraɛdhö ‑mɛ ‑nu dha bha ꞊në‑ ‑gɔ. Atanna ‑bha 'Nii‑ "slʋ̈ʋ̈slʋ̈ ‑yö ‑gun 'gü.

Dhukö 23:50

"Kɛɛ mɛ do 'bha ‑yö ‑gun mü 'wo‑ ‑dhɛ Zosɛfu, 'ö go Zuifö ‑bha 'pö‑ 'wo‑ ‑dhɛ bha‑ 'gü, 'ö gun "klʋsëmɛ 'ö Atanna dɔ ‑a 'ka. ‑Kwɛagbö ‑nu 'wo‑ ‑nu ‑ya "sɛ bha‑ 'gü dhiangzëmɛ 'ka kö ꞊wa ꞊loo 'ko ‑ta bha‑ mɛ do ꞊në gun Zosɛfu bha‑ 'ka.

Naɔ ‑së 'ö ‑gban Yesu Klisi ‑bha 'ö Zan ‑ya pö 7:18

‑A pö 'a‑ wo "dhʋ̈ bha‑ ‑gɛn ‑mü ꞊dhɛ 'mɛ 'ö ö ‑dɩ 'gü ‑dhiang zë, ‑ya ‑mɔɔ kö yö ꞊në 'ö 'tɔ ‑yö bhɔ, "kɛɛ 'mɛ 'kö 'wo‑ bɔ ꞊në wo 'ö‑ mɔɔ‑ sië kö 'mɛ 'ö ö bɔ bha ꞊në‑ 'tɔ ‑yö bhɔ, ‑a ‑mɛ ‑yö tɛanwɔn ꞊në pö, 'sa ꞊ya kë "dhʋ̈ kö ‑a ‑mɛ ‑zë ‑wʋ 'yaa mɛ ‑pö ‑wʋ 'ka.

Këwɔn ‑nu 10:22

'Yö 'wo‑ pö‑ ‑dhɛ: «"Sɔdha ‑gɔmɛ Kɔɔnɛi ꞊në yi bɔ, ‑yö ‑kë 'mɛ 'ö pö 'aa‑ ‑bha, 'ö Atanna ꞊bhlëë ‑ya ꞊dedewo ‑a 'ka, Zuifö ‑nu ꞊gban "pɛpɛ ‑wa 'tɔ ‑së pö. 'Yö Atanna ‑yö ö ‑bha "kië do bɔ‑ ‑dhɛ kö ‑ya pö i ‑dhɛ kö 'i nu 'i dhiang zë‑ ‑dhɛ kö ‑yö ö "tʋ 'to‑ ‑bha.»

Këwɔn ‑nu 22:12

Gɔndënë do ‑yö ‑gun 'pödhɛ bha‑ 'gü 'wo‑ ‑dhɛ Ananiasö 'ö ‑kë Atanna ꞊bhlëëyamɛ 'ka 'ö kwa ‑bha 'tɔng‑ ‑nu kun 'pö, 'ö Zuifö ‑nu 'wo 'pö‑ bha‑ 'gü 'wo‑ ‑dhiang ‑së zë.

Wlɔmö 13:13

‑Ka ‑kwa "ta ‑kɔ ‑së kë ꞊dhɛ mɛ‑ dɔ 'yënng‑ 'gü. ‑Ka ‑kwa kwa ‑dɩ 'kun ‑së kö 'kwa 'dho kë pë ‑bhö ‑sü oo, we mü ‑sü oo, ‑a ‑nu ‑bha ꞊dhuëng 'ka. Kö 'kwa 'dho kë ‑zuazëmɛ 'ka, "ɛɛn kö 'kwa 'wɔn ‑nu kë ‑sü "dhiʋ̈ ziö. Kö 'kwa 'dho "dhinaa 'ma, "ɛɛn ꞊drɔ 'ya 'dho ‑da kwa 'gü kwa 'ko ‑nu ‑bha.

Wlɔmö 13:3

'Sa 'mɛ 'kö 'wɔn ‑së ‑zë ‑kë, ‑a ‑dhɛ 'yaa‑ ‑bha ꞊dhɛ yö ‑zë ‑yö "suʋ̈ mɛ ‑tiandhö ‑nu ‑gɔ. "Fɔn 'wɔnyaakëmɛ. ꞊Ya kë ꞊dhɛ 'yaa 'mɛ 'ö‑ "piʋ̈ ꞊dhɛ 'ö "suʋ̈ ‑gɔmɛ ‑nu ‑gɔ, ‑yö 'wɔn ‑së kë. Yö ꞊në ꞊ya kë "dhʋ̈ 'yö ꞊bhlëë dho kë‑ ‑mɛ ‑bha ‑a ‑nu wëëdhö.

Wlɔmö 14:18

Mɛ "ʋʋ mɛ 'ö Klisi ‑bha yë ‑kë ꞊dhɛ ‑kɔ bha‑ 'dhö, ‑a ‑mɛ "dhia ‑yö ‑ma Atanna 'gü, 'ö ꞊ya 'go mü 'zü 'ö mɛ ꞊gban 'wo‑ ‑dhiang ‑së zë.

Wlɔmö 2:29

"Kɛɛ Zuifö ꞊dede 'ö 'dhö, 'ö Atanna ‑ya ‑dhɛ Zuifö, yö ‑mü 'mɛ 'ö ꞊ya 'go 'gbannë 'gü ö zuë" ꞊në‑ "piʋ̈, 'ö‑ ‑bha 'tɔng‑ ꞊bhlëë ‑ya ꞊në‑ 'ka. 'Mɛ 'ö "dhʋ̈ bha Atanna ‑bha 'Nii‑ ꞊në‑ ‑mɛ ‑gla, 'sa mɛ "ʋʋ mɛ 'ö‑ ‑bha 'nii‑ ꞊yaa‑ "gla ꞊dhɛ ‑kɔ bha‑ 'dhö, mɛ "bhɩɩ‑ ‑nu ‑wo "dhɛ ‑ya ‑ta oo, 'wii‑ ‑ya ‑ta oo, yö ‑zë ‑ya ‑ya ‑ta.

1 Kodhɛngtö 4:5

'Wɔn 'ö‑ ‑wɔn 'gü 'yö 'a‑ pö ka ‑dhɛ ꞊dhɛ 'ka 'dho za dɔ mɛ 'bha ‑bha kö "tʋ̈ng 'ö Atanna ‑ya ‑ya 'yii ꞊loo ꞊kö bha 'yö bha. ‑Ka dɔ kö kwa Dëmɛ ‑yö nu. Yö ꞊në dho ‑dhɛ "pʋ 'wɔn ‑nu 'wo ‑bin ‑sü 'ka ‑dhɛtiidhɛ 'gü ‑a ‑nu ‑ta, 'yö mɛ "bhɩɩ‑ ‑nu zuëpiʋ̈wɔn ‑nu ‑wo "yɛa‑. Yö ꞊në ꞊ya kë "dhʋ̈ 'yö‑ ‑bha yëkëmɛ ‑nu bha‑ 'mɛ 'ö 'dhö ‑a ‑bha "dhɛ ‑ya ‑ta ‑kɔ 'dhö ‑kɔ 'ö‑ 'gü, 'yö‑ ‑ya ‑ta ‑a ‑kɔ ‑bha.

2 Kodhɛngtö 13:7

Yi ‑zë yi ‑bhɛa Atanna ‑dhɛ kö 'ka 'dho 'sɔngyaa ꞊në‑ kë tongtongdhö, kë "dhʋ̈ kö ka ꞊në ka këwɔn ‑yö kë ‑së, 'yii‑ kë "dhʋ̈ yi 'tɔ ‑wo ‑wɔn 'gü. "Kɛɛ kë "dhʋ̈ kö 'kö 'zü ꞊waa‑ pö yi ‑bha ꞊dhɛ "sɩ 'yaa yi ‑dhɛ, kö‑ bhlɔ 'ya 'dho 'to yi 'gü.

2 Kodhɛngtö 6:8

'Kö 'zü 'wo ꞊bhlë ‑ya yi ‑bha oo, 'wo 'yiʋ̈‑ dɔ yi ‑bha oo, 'wo yi ‑dhiang ‑së zë oo, 'wo‑ yaa zë oo, 'kö 'zü 'wo yi ‑ga ꞊suakëmɛ 'ka "kɛɛ kö tɛanwɔn ꞊në 'yi‑ pö sië oo,

2 Kodhɛngtö 8:18

Yi dheebhang do 'ö Atanna ‑bha 'kɔdhigümɛ "pɛpɛ 'wo "sɛ ya‑ 'gü 'wo‑ ‑dhiang ‑së zë ‑a ‑bha Atanna ‑bha naɔ ‑së bha‑ dɔ ‑dhɔ ‑wɔn 'gü bha ꞊në 'yi‑ ꞊nëng‑ ‑bha 'yö 'yi‑ ‑nu bɔ bha.

2 Kodhɛngtö 8:21

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'wɔn "pɛpɛ 'yi‑ kë, ‑yö yi "piʋ̈ ꞊dhɛ ‑a "dhia ‑yö 'ma kwa Dëmɛ 'gü, "kɛɛ kö mɛ ‑nu ‑dɩ 'pö ‑wa dɔ 'wɔn ‑së 'ka.

Gadhatö 5:22

"Kɛɛ Atanna ‑bha 'Nii‑ "slʋ̈ʋ̈slʋ̈ ‑zë ‑yö ‑dhɔ ꞊në‑ ‑da mɛ ‑zʋ ‑bha, 'yö mɛ ꞊nii ‑yö ‑da, 'yö mɛ zuë" ‑yö 'waanu, 'yö mɛ zuë" ‑yö ‑kë 'zü ‑sɛa, 'yö mɛ "klʋ 'dhö ‑dhi, 'yö mɛ 'dhö ꞊gbaɔ mɛ ‑nu ‑gɔ, 'yö mɛ 'yaa ‑wʋ ꞊plɛ pö, 'yö mɛ 'dhö ‑kë dhɔngdhɔngsü mɛ "pɛpɛ ꞊gban ‑dhɛ, 'yö mɛ ‑kɔ ‑yö ꞊mɔɔ mɛ ‑dɩ ꞊sɔng ‑bha.

Efɛzö 4:25

‑A kë "dhʋ̈ ‑sü bha‑ 'gü, ‑ka ka bo ꞊sua kë ‑sü 'ka kö 'ka tɛanwɔn ꞊në‑ pö ka 'ko ‑nu ‑dhɛ. ‑A ‑gɛn ‑mü ꞊dhɛ mɛ ꞊gban kwa ‑gban ‑sü 'ka kwa 'kwëë‑ ꞊dhɛ mɛ daɔ ‑nu 'wo ‑gban mɛ ‑dhü ‑bha ‑kɔ 'ö‑ ‑bha bha ꞊në‑ 'dhö.

Efɛzö 5:9

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ 'mɛ 'kö ‑dhɛpuudhɛ 'gü kö‑ ‑mɛ ‑yö 'wɔn ‑së suu ꞊gban "pɛpɛ 'do 'do ꞊në‑ këmɛ 'ka, kö pö 'yaa‑ ‑bha 'wɔn 'bha ‑wɔn 'bha 'gü, kö ‑yö 'wɔn ꞊gban ‑wɔn ꞊gban kë tɛan‑ ‑ta.

Efɛzö 6:14

‑A ‑kë "dhʋ̈ ‑sü bha‑ 'gü, ‑ka kë dɔ ‑sü 'ka ‑gblü gɔɔn ‑yan 'gü ‑dhɛ ꞊gban ‑dhɛ ꞊gban 'gü, kö tɛanwɔn ꞊në ‑yö kë ka ‑gɔ ꞊dhɛ kwi "pɛn 'ö "sɔdha ‑nu ‑wa ‑ya sɔ ‑ta bha‑ 'dhö, kö "ta ‑kɔ ‑së 'ö pö 'aa kë mɛ ‑bha bha ꞊në ‑yö kë ꞊dhɛ ‑piö "bhɛɛ 'ö ‑gblügɔɔnmɛ ‑nu ‑wa ‑da ꞊sië bha ka ‑bha 'dhö.

Fidhipö 3:1

꞊Ya 'go yö ‑zë 'gü, n dheebhang ‑nu, a‑ ‑pö ka ‑dhɛ ꞊dhɛ 'ka ka "dhia bho ka ‑bha ‑kë kwa Dëmɛ ‑bha zian ‑ta ‑sü ‑wɔn 'gü. 'Ma‑ ‑blɛɛsü pö ka ‑dhɛ 'sëëdhɛ ‑blɛɛsü 'a‑ bɔ ka ‑dhɛ bha‑ 'gü, "kɛɛ n 'gü 'yii 'dho ga ‑a ‑pö ka ‑dhɛ "dhʋ̈ ‑sü 'ka, ‑a ‑gɛn ‑mü ꞊dhɛ yö ꞊në ꞊ya kë "dhʋ̈, 'yö 'kii 'dho ‑da mɛpömɛ ‑nu ‑wʋ "piʋ̈, 'ö 'ka ‑pö.

Kodhɔsö 4:5

‑Ka ‑tosɛa kë ꞊kpaɔdhɛ ‑bha 'mɛ 'waa 'dhang bho Yesu ‑wɔn "dhiʋ̈‑ ‑nu "piʋ̈ (kö ka "klʋ‑ dhi‑ ‑nu ‑bha), kɛng‑ ‑nu 'ka kë ‑dhɛ do 'gü, ‑ka Klisi ‑wɔn ‑dhiang zë‑ ‑nu ‑dhɛ ‑kpɛawo, ‑a ‑gɛn ‑mü ꞊dhɛ "tʋ̈ng ꞊në ziö sië bha.

1 Tesadhonikö 4:12

Kë "dhʋ̈ kö 'ka kë ꞊bhlëësü 'mɛ 'waa 'dhang bho Yesu "dhiʋ̈ ‑a ‑nu 'gü, kö ka ‑kwɛɛ 'gbiin‑ 'ya 'dho mɛ 'bha kë.

1 Timote 2:2

Kö ‑wo bhɛa" Atanna ‑dhɛ ‑gblüdë ‑nu waa‑ mɛ "pɛpɛ 'wo ‑duɛ "gblʋ̈gblʋ̈ 'gü ‑a ‑nu ‑wɔn 'gü, kë "dhʋ̈ kö 'kwa ‑tosɛa kë zuëyagblʋ̈ʋ̈‑ 'ka kwa ‑dɩ 'flëë‑ 'gü, ‑kplü Atanna ‑bha ‑sü 'ö kwa zuë" ꞊gban 'ka, waa‑ "ta ‑kɔ ‑së 'ö dho kwa ‑bha Atanna 'tɔ bhɔ bha‑ 'ka.

1 Timote 3:11

'Mɛ 'wo "dhʋ̈ bha‑ ‑dhɛa ‑bha ꞊dhɛ ‑a ‑nu ‑bha dhebhɔ ‑nu ‑dɩ 'pö ‑wo kë 'mɛ 'wo wo ‑dɩ ꞊bhlëë ‑ya, 'ö 'waa mɛ ‑nu ‑dhiang yaa zë, 'ö 'wo wo zuë" kun wo ‑bha ꞊në‑ 'ka. ‑Wo kë 'mɛ 'wo ꞊mɔɔ‑ ‑bha 'wo 'dhang bho‑ ‑nu "dhiʋ̈ 'wɔn ꞊gban "pɛpɛ suu 'gü ꞊në‑ 'ka.

1 Timote 3:4

‑A ‑dhɛa ‑bha ꞊dhɛ ‑a ‑mɛ ‑yö kë 'mɛ 'ö‑ ‑kɔ ‑yö ꞊mɔɔ ö ‑gɔ 'kɔɔ ‑wɔn ‑bha, 'ö‑ bhang ‑nu 'wo‑ ꞊bhlëë ‑ya ꞊dedewo ꞊në‑ 'ka.

1 Timote 4:12

꞊Ya 'go yö ‑zë 'gü, mɛ 'bha 'ya 'dho‑ pö 'ö "yan ‑ziö 'gü dɔ i ‑bha i ‑bha ‑kë 'në "wlü ‑sü 'ka ‑sü ‑wɔn 'gü. "Kɛɛ ‑bhö i ‑dɩ 'kun ꞊në‑ wo ‑së i "wɩ ‑kɔ ‑nu oo, i "ta ‑kɔ ‑nu oo, Atanna ‑dhɔ ‑bha i kë ‑sü 'ö dho 'ö ‑wɔ 'ka mɛ "bhɩɩ‑ ‑nu ‑bha ‑ta bha waa‑ ‑zʋ ‑yö ‑a ‑dhɛ ‑sü ‑nu, "ɛɛn ‑dɩ ‑kun ‑së ‑sü 'ö 'wɔn yaa kë ‑sü ‑gɔ ‑a ‑nu 'gü kö 'i kë 'wɔn zɔɔn 'ka, kö Atanna ‑bha mɛ ‑nu ‑wa ‑dhɛ yö i ‑gɔ.

1 Timote 5:10

"kɛɛ 'ö mɛ ꞊gban 'wo 'dhang bho‑ "dhiʋ̈ ꞊dhɛ ‑a këwɔn ‑yö ‑së, 'ö ꞊ya "klʋ bho ö ‑bha 'në ‑nu ‑bha ‑së 'ka, 'ö ‑dhɛng ‑wɔn kun, "ɛɛn 'ö Atanna ‑bha mɛ ‑nu ꞊bhlëë ‑ya, 'ö‑ ‑nu ‑wɔn kun, 'ö ꞊ya ‑wëëmɛ ‑nu ‑ta 'kun, 'ö ꞊ya 'wɔn ‑së suu ꞊gban "pɛpɛ 'do 'do kë ꞊në‑ 'ka.

1 Timote 5:2

Kö 'i‑ zë dhebhɔ zizi ‑nu ‑dhɛ ꞊dhɛ mɛ‑ pë zë mɛ dhe ‑nu ‑dhɛ, kö 'i‑ zë dhebhɔ "gbɔnggbɔng ‑nu ‑dhɛ ꞊dhɛ mɛ‑ pë zë mɛ dheebhang ‑nu ‑dhɛ kö i 'dhang bho ‑sü ‑yö i ‑dɩ "dhiʋ̈ 'kpakpadhö.

Titö 1:8

"Kɛɛ ‑a ‑dhɛa ‑bha ꞊dhɛ ‑yö kë 'mɛ 'ö ‑dhɛng bun ‑së, 'ö 'pë 'ö ‑së ꞊në ‑dhɔ ‑ya ‑kë, 'ö ꞊kpaɔsü, 'ö pö 'aa‑ ‑bha, 'ö Atanna ꞊bhlëë ‑ya, "ɛɛn 'ö‑ ‑kɔ ‑yö ꞊mɔɔ ö ‑dɩ ‑bha ꞊në‑ 'ka.

Titö 2:14

Yesu ‑yö ö ‑dɩ ‑nu mɛ "bhɩɩ‑ ‑nu kwa ‑dhɛ kö 'ö kwa dha ꞊në‑ wo 'wɔn yaa suu "pɛpɛ ꞊gban ‑gɔ, kö 'kwa kë "slʋ̈ʋ̈slʋ̈, kö 'kwa kë yöö do ꞊në ö ‑bha 'ka, kö 'wɔn ‑së ꞊në‑ kë ‑pɛng ‑yö dɔ kwa ‑ta.

Titö 2:2

‑Bhö ‑a pö ‑kwɛazë ‑nu ‑dhɛ ‑wo kë ‑kɔ ‑mɔɔ wo ‑dɩ ‑bha ‑mɛ 'ka (we mü ‑sü 'gü), "kɛɛ ‑wo kë 'mɛ 'ö mɛ ‑nu dho‑ ‑nu ꞊bhlëë ‑ya, 'ö 'wɔndɔdhe 'dhö‑ ‑nu ‑gɔ ‑a ‑nu këwɔn ‑nu waa‑ ‑a ‑nu ‑zʋgɔngüwɔn ‑nu 'gü, "kɛɛ 'ö 'wo wo ‑zʋ yö Atanna ‑dhɛ ꞊dedewo, 'ö ‑dhɔ 'dhö‑ ‑nu 'gü ꞊në‑ 'ka, kö‑ ‑nu zuë" ‑yö kë ‑sɛa 'mɛ 'wo 'wɔn yaa ‑kë ‑nu 'ka ‑a ‑nu "piʋ̈.

Titö 2:7

(꞊Dhɛ 'ö ‑kë ꞊dhɛ bhii ‑dɩ 'pö i ‑kë 'nëglɔɔnnë 'ka bha,) ‑bhö ‑gleng ‑dhɛ ‑wɔn kë kö i ‑mɔɔ "kwëë "yɔɔ ‑nu ‑wo ‑tosɛa kë ‑kɔ 'sü i ‑bha ‑bha. ‑Bhö mɛ ‑nu draan‑ tɛanwɔn ‑dɩ ‑slɔɔ ꞊në‑ 'ka, ‑kɔ 'i dho‑ kë‑ 'ka kö mɛ ‑nu ‑wo i ꞊bhlëë ‑ya ꞊në ‑bhö ‑a mɔɔ‑ "tʋ̈ng ꞊gban 'gü.

Titö 3:14

'Wɔn 'ö "dhʋ̈ bha bhii do 'bhii 'dho kë‑ këmɛ 'ka. ‑A ‑gɛn ‑mü ꞊dhɛ kwa ‑bha mɛ ‑nu 'wo mü 'pö bha‑ ‑dhɛa ‑bha kö ‑wo gbaɔ‑ ‑sü draan‑ 'pö kö ‑wo mɛ ‑nu ‑mawɔn 'dhɛ 'ö "vaandhö ‑wɔn 'ka ‑a ꞊yaɔn, kö‑ ‑nu ‑bha ‑tosɛa ‑yö mɛ ‑nu ‑zʋ 'kun 'pö.

Eblö 11:2

‑A yö ꞊në gun 'mɛ 'wo gun "dhiʋ̈ ‑a ‑nu ‑gɔ 'yö Atanna ‑ya ‑nu ‑dhiang ‑së zë.

Eblö 13:18

Ka 'gü 'ya 'dho ga ‑bhɛa yi ‑wɔn 'gü ‑sü 'ka, ‑a ‑gɛn ‑mü ꞊dhɛ 'yaa 'yi "piʋ̈ ꞊dhɛ yi "ta ‑kɔ ‑yö ‑siö tongtongdhö. "Kɛɛ yö ‑zë ꞊gban 'gü, yi zuë" 'yaa za dɔ yi ‑bha, yi 'dhang bho ‑sü ‑yö yi ‑dɩ "dhiʋ̈ yö ‑zë 'gü.

Zakö 1:27

‑A pö 'a‑ wo "dhʋ̈ bha‑ 'klɔɔ‑ ‑mü ꞊dhɛ kwa Dë Atanna ‑dhɔkë ‑kɔ 'dhɛ 'ö ‑dhi ‑dhɛ, 'ö‑ ‑zʋ kun 'ö ‑dhii 'yaa‑ ‑bha ‑a "yan 'gü, yö ‑mü 'mɛ 'wo ꞊gɛandhe ‑nu 'ka "ɛɛn ‑tɩnë ‑nu 'ö "sɩ 'yaa‑ ‑nu ‑dhɛ bha‑ ‑nu ‑ta 'kun ‑sü ꞊në‑ 'ka. ꞊Ya 'go mü 'zü kö‑ ‑mɛ ‑yö ‑zʋ 'to ö ‑dɩ 'gü, kö ‑yö ö kwaa‑ 'wɔn yaa kë ‑sü 'ö "kpʋng ꞊taa yö bha‑ ‑zü.

Zakö 3:17

"Kɛɛ "yaaki 'dhɛ 'kö go Atanna "piʋ̈ dhang‑ 'gü bha yö ‑zë ‑yö ‑kë "slʋ̈ʋ̈slʋ̈ ꞊naa ꞊kö ‑blɛɛsü, 'ö pö 'aa kë‑ ‑bha, ꞊ya 'go mü 'yö ‑dhi 'ko ‑dhɛ ‑sü ꞊mɔɔ mɛ ꞊gban ‑mɛ ꞊gban "dhiʋ̈, 'yö mɛ ‑kë dhɔngdhɔngsü, 'yö mɛ "klʋ 'dhö ‑kë ‑së, 'yö mɛ ‑wëë ‑ga, 'yö mɛ ‑kë 'wɔnsëkëmɛ 'ka, ‑a ‑mɛ ‑yö tɛanwɔn ꞊në‑ pö, 'yaa bɔ mɛ 'ka ꞊flü ‑ta, "ɛɛn 'yaa kë "gblʋ̈ʋ̈dhɛ ꞊gblɛɛn mɛ 'ka.

1 Piɛdhö 1:22

꞊Dhɛ 'ö ‑kë ꞊dhɛ ‑dhii ꞊ya 'go ka ‑bha ‑a wëëdhö ‑a ‑wʋ 'ö tɛanwɔn 'ka bha‑ ꞊bhlëë 'ka‑ ‑ya bha‑ ‑wɔn 'gü, "kɛɛ kë "dhʋ̈ kö 'mɛ 'wo bɔ‑ 'ka ꞊dhɛ ka 'dhö 'ö 'wo ka dheebhang ‑nu 'ka bha‑ ‑nu ‑dhɔ ‑yö ka kë 'kpakpadhö bha‑ ‑wɔn 'gü, ka ‑dhɔ ‑yö ka 'ko kë ꞊dedewo ka zuë" ꞊gban 'ka.

1 Piɛdhö 2:12

Ka "ta ‑kɔ ‑yö kë ‑së 'mɛ 'waa 'dhang bho Yesu "dhiʋ̈ bha‑ ‑nu kpö 'gü, ꞊ya kë "dhʋ̈ 'kö 'zü ꞊wa ka ‑dhiang yaa zë ꞊dhɛ 'wɔnyaakëmɛ ‑mü ka 'ka, "kɛɛ ‑a ‑nu "yan ꞊ya ‑da ka këwɔn ‑së ‑nu bha‑ ‑nu 'gü, ‑wo ‑dho kwa Dëmɛ 'tɔ bhɔ ‑a nu ‑yi 'ka kö‑ "sɩ 'yaa‑ ‑nu ‑dhɛ.

1 Piɛdhö 4:8

"Kɛɛ ‑a 'dhɛ 'ö‑ ‑gɔ 'ka ꞊në ka ‑dhɔ ‑bha ka 'ko kë ‑sü 'ka, ka ‑dhɔ ꞊në ‑yö ka 'ko kë ꞊kö ‑blɛɛsü kö ka ‑kɔ ‑ya 'kun. ‑A ‑gɛn ‑mü ꞊dhɛ ‑dhaɔmɛkë bha ‑yö 'wɔn yaa 'gbɛ ꞊dede ‑ta ‑kpa.

2 Piɛdhö 3:1

N dhɔɔbhaamɛ ‑nu, 'ma 'sëëdhɛ bo ka ꞊dhɛ ‑a ꞊plɛ ‑naa ꞊nɛ. "Kɛɛ 'sëëdhɛ ꞊plɛ 'a‑ bɔ "dhʋ̈ bha‑ 'bha 'klɔɔ‑ 'yaa 'wɔn "wɛɛ 'ka. A‑ ‑kë "dhʋ̈ kö tɛanwɔn 'ö go Atanna "piʋ̈ bha ꞊në 'ya 'dho 'go ka "yaan, "kɛɛ kö 'ka‑ dɔ 'kpakpadhö.

1 Zan 3:18

꞊Dhɛ 'ö "dhʋ̈ n bhang ‑nu, mɛ ‑dhɔ 'ya 'dho kwa kë kwa "dhi "ɛɛn kwa 'nɛɛ‑ "dhiʋ̈ "wɛɛwɛɛ, "kɛɛ ‑ka ‑kwaa ‑zɔn kwa këwɔn ‑nu ‑bha ꞊dhɛ mɛ ‑dhɔ ‑bha kwa kë ‑sü bha tɛan‑ ꞊dede ‑mü.

1 Zan 3:3

Mɛ "ʋʋ mɛ 'ö ö ‑zʋ gɔn ꞊dhɛ ‑kɔ bha‑ 'dhö, ‑yö ö ‑dɩ ‑kë "slʋ̈ʋ̈slʋ̈ ‑zian ꞊në‑ ꞊mɔɔ kë "dhʋ̈ kö 'ö kë ꞊dhɛ ‑a 'dhö.

1 Zan 4:1

N "taɔngdë ‑nu, 'ka 'dho 'to 'ö ka 'dhang bho 'mɛ 'wo dhiang zë Atanna ‑bha 'Nii‑ 'tɔ 'gü bha‑ ꞊gban "dhiʋ̈, "kɛɛ ‑kaa ‑nu 'gü dan kö‑ ‑bha 'Nii‑ 'dhö‑ ‑nu 'gü ꞊dede wo tɛan‑ 'ka 'ka‑ ‑dhɛ yö. ‑A ‑gɛn ‑mü ꞊dhɛ ‑a ‑wʋ "dhiʋ̈ ‑loo ꞊flü 'ka ‑mɛ ‑nu 'gbɛ ꞊dede ꞊wa ‑da "kpʋng ꞊taa dɔ 'kwa‑ wo ya‑ 'gü.